Texts

athānyadā prabhāvatī śukaṃ pṛcchati / (1.1) Par.?

śukaḥ māṃ kṛtāvajñaṃ kṛtvā mā gaccha / (1.2) Par.?

yato bālakādapi hitaṃ vākyaṃ grāhyam / (1.3) Par.?

kṛtāvajñaḥ purā devi vṛddhavākyaparāṅmukhaḥ / (1.4) Par.?

patito brāhmaṇo 'narthe viṣakanyāvivāhane // (1.5) Par.?

prabhāvatī pṛcchati kathametat / (2.1) Par.?

śukaḥ asti somaprabhaṃ nāma dvijasthānam / (2.2) Par.?

tatra vidvāndhārmikaḥ somaśarmā nāma vipraḥ / (2.3) Par.?

tatputrī rūpaudāryaguṇopetā viṣakanyeti vijñātābhūt / (2.4) Par.?

tena tāṃ bhayena ko'pi na vivāhayati / (2.5) Par.?

tataḥ somaśarmā varārthaṃ bhuvaṃ paryaṭan samprāpto dvijasthānaṃ janasthānaṃ nāma / (2.6) Par.?

tatra govindanāmā brāhmaṇo jaḍo nirdhanaśca / (2.7) Par.?

tasmai kanyā pradattā / (2.8) Par.?

tena suhṛdāṃ nivārayatāmapi kṛtāvajñenoḍhā sarvarūpalāvaṇyaguṇopetā mohinī viṣakanyā / (2.9) Par.?

sā vidagdhā govindastu mūrkhaḥ laghuvayāśca / (2.10) Par.?

tataśca sā ātmano rūpalāvaṇyayauvanaṃ śuśoca / (2.11) Par.?

avidagdhaḥ patiḥ strīṇāṃ prauḍhānāṃ nāyako 'guṇī / (2.12) Par.?

guṇināṃ tyāgināṃ stoko vibhavaśceti duḥkhakṛt // (2.13) Par.?

pāusasamaapavāso jovvaṇadiahe tahā a dāliddaṃ / (3.1) Par.?

paḍhamasiṇehavioo tiṇi vi garuāidukkhāiṃ // (3.2) Par.?

appatthāve paḍhiaṃ kaṇṭhavihūṇaṃ ca gāiaṃ gīaṃ / (4.1) Par.?

mā mā bhaṇanti suraaṃ tiṇi vi garuāi dukkhāiṃ // (4.2) Par.?

sānyadā govindaṃ patimityabravīt mama piturgehātsamāgatāyā bahūni dināni saṃjātāni / (5.1) Par.?

tato 'haṃ tvayaiva saha gamiṣye nānyathā / (5.2) Par.?

tataḥ śakaṭaṃ mārgayitvā sabhāryakaḥ sa calitaḥ / (5.3) Par.?

yāvatprayāti tāvatpathi eko yuvā vāgmī surūpaḥ śūraśca viṣṇunāmā brāhmaṇo militaḥ / (5.4) Par.?

tasya brāhmaṇasya tasyāś cānyonyamanurāgaḥ saṃjātaḥ / (5.5) Par.?

uktaṃ ca prītiḥ syāddarśanādyaiḥ prathamamatha manaḥsaṅgasaṅkalpabhāvo nidrāchedastanutvaṃ vapuṣi kaluṣatā cendriyāṇāṃ nivṛttiḥ / (5.6) Par.?

hrīnāśonmādamūrcchāmaraṇamiti jagadyātyavasthā deśaitāḥ lagnairyatpuṣpabāṇaiḥ sa jayati madanaḥ saṃnirastānyadhanvī // (5.7) Par.?

sa pathiko dampatyoḥ pūgapatroccayaṃ dadāti / (6.1) Par.?

ityevaṃ grāmyabrāhmaṇorohaviṣṇor viśvastaḥ ātmano nirodhasaṅgabhayāduttīrya taṃ gantrīvāhamārohayati / (6.2) Par.?

viṣṇunā ca patyau vṛkṣāntaragate sā mohinī bhuktā ātmavaśīkṛtā / (6.3) Par.?

tayā cātmīyaṃ nāma gotraṃ kulakramaṃ cājñāpitaḥ / (6.4) Par.?

patyuśca samāgatasya tvaṃ coro 'sīti gantryārohaṇaṃ kuvato niṣedhaḥ kṛtaḥ / (6.5) Par.?

viṣṇurapi tāṃ gṛhītvā govindaṃ dharṣitavān / (6.6) Par.?

tatastayoḥ keśākeśi saṃvṛttam / (6.7) Par.?

govindastu viṣṇunā viṣakanyāprabhāveṇa nirjitaḥ / (6.8) Par.?

tatastāṃ gṛhītvā viṣṇuḥ svagṛhaṃ praticalitaḥ / (6.9) Par.?

govindaḥ pṛṣṭhastho mārgāsanne grāme gatvā phūtkṛtavān yadanena caureṇa mama bhāryā gṛhītā / (6.10) Par.?

trāyatāṃ tām / (6.11) Par.?

mama śaraṇaṃ bho janāḥ / (6.12) Par.?

atha grāmādhipena viṣṇurmohinīyuto dhṛtaḥ / (6.13) Par.?

pṛṣṭenottaraṃ dattaṃ viṣṇunā yatheyaṃ mayā pariṇītā / (6.14) Par.?

madīyāṃ ca bhāryāmeṣa pathiko mārge dṛṣṭvā grahilo babhūva / (6.15) Par.?

govindenāpi pṛṣṭena idamevottaritam / (6.16) Par.?

tato mantrī tayorekamevottaraṃ śrutvā jātyādikaṃ pṛṣṭavān / (6.17) Par.?

trayamapi tu saṃvadati tataḥ kathaṃ niścayaḥ / (6.18) Par.?

iti śukapraśnaḥ / (6.19) Par.?

tatastayā pṛṣṭaḥ śuka āha mantriṇoktam kiyanti dināni saṅgamasya yuṣmākaṃ prayāṇe / (6.20) Par.?

tairuktam kalye bhojanāntaraṃ saṃvṛttaḥ samāgamaḥ / (6.21) Par.?

tato mantriṇā brāhmaṇau pṛthakpṛthakpṛṣṭau kimanayā kalye bhojanavelāyāṃ bhuktam / (6.22) Par.?

yacca tayā bhuktaṃ tadgovindo jānāti itarastu na / (6.23) Par.?

tataḥ sa viḍambitaḥ sacivena / (6.24) Par.?

govindaḥ śikṣitaḥ / (6.25) Par.?

dhigimāṃ brāhmaṇīṃ paratreha ca duḥkhadāṃ muñca śīghram / (6.26) Par.?

uktaṃ ca / (6.27) Par.?

vaidyaṃ pānarataṃ naṭaṃ kupaṭhitaṃ mūrkhaṃ parivrājakaṃ yodhaṃ kāpuruṣaṃ viṭaṃ vivayasaṃ svādhyāyahīnaṃ dvijam / (6.28) Par.?

rājyaṃ bālanarendramantrirahitaṃ mitraṃ chalānveṣi ca bhāryāṃ yauvanagarvitāṃ pararatāṃ muñcanti ye paṇḍitāḥ // (6.29) Par.?

tathāpi kāminīlubdho dhikkṛtaḥ sādhubhistadā / (7.1) Par.?

tāmevādāya calitastatkṛte nihataḥ pathi // (7.2) Par.?

taddevi yaḥ karotyevamavajñāṃ vṛddhaśikṣitaḥ / (8.1) Par.?

sa parābhavamāpnoti govindo brāhmaṇo yathā // (8.2) Par.?

iti kathāṃ śrutvā prabhāvatī suptā // (9.1) Par.?