Texts

amāvāsyāyām aparāhṇe piṇḍapitṛyajñāya prāgdakṣiṇaikolmukaṃ praṇayet / (1.1) Par.?

apeto yantv asurāḥ pitṛrūpā ye rūpāṇi pratimucyācaranti / (1.2) Par.?

parāpuro nipuro ye bharanty agniṣ ṭān lokāt praṇudātv asmāt / (1.3) Par.?

iti // (1.4) Par.?

uttarataḥ praṇītasya vedim uddhanti sphyena sakṛt parācīnam apeto yantv asurā ye pitṛṣada iti // (2.1) Par.?

prāgdakṣiṇāgrair dakṣiṇāgniṃ paristīrya dakṣiṇato 'gner ekaikaṃ pātrāṇi prayunakti caruṃ mekṣaṇaṃ piṇḍanidhānam ulūkhalamusalaṃ kṛṣṇājinaṃ śūrpam // (3.1) Par.?

sakṛd ācchinnasya barhiṣa ekapavitraṃ kṛtvā tūṣṇīṃ prokṣaṇīṃ saṃskṛtya pātrāṇi sakṛt prokṣati // (4.1) Par.?

ekapavitram antardhāyāgniṣṭhād adhi caruṇā vrīhīn nirvapati pūrayitvā nimṛjya kṛṣṇājine 'dhyavahanti prāgdakṣiṇamukhā parāpāvam // (5.1) Par.?

sakṛt phalīkṛtān dakṣiṇāgnau śrapayati prasavyam udāyāvaṃ jīvataṇḍulam // (6.1) Par.?

śṛtaṃ pratinayati // (7.1) Par.?

ghṛtenānutpūtena navanītena votpūtena śṛtam abhighārya dakṣiṇata udvāsyaikasphyāyām āsicya sakṛd ācchinnaṃ prokṣati // (8.1) Par.?

ekasphyām āstīrya caruṃ mekṣaṇaṃ piṇḍanidhānam ity ekaikaṃ barhiṣy āsādayati // (9.1) Par.?

pariśrayaty ādityasakāśāt // (10.1) Par.?

kaśipuṃ sopadhānaṃ paścād agner āstīrya pitṝn āvāhayati eta pitara iti // (11.1) Par.?

yajñopavītī mekṣaṇena tisra āhutīr juhoti / (12.1) Par.?

somāya pitṛmate svadhā namaḥ / (12.2) Par.?

yamāyāṅgirasvate svadhā namaḥ / (12.3) Par.?

agnaye kavyavāhanāya svadhā nama iti dakṣiṇāṃ dakṣiṇām // (12.4) Par.?

udakalepaṃ mekṣaṇam agnāv anupraharati // (13.1) Par.?

yajamāno 'ta ūrdhvaṃ paretana pitara iti trir apaḥ pariṣiñcati triḥ pātraṃ pratipariharati // (14.1) Par.?

trīn udakāñjalīn ninayati ācāmantu pitara iti // (15.1) Par.?

barhiṣi trīn piṇḍān nidadhāti dakṣiṇaṃ dakṣiṇam etat te mama pitar asāv iti pitur nāma gṛhītvaitat te mama pitāmahāsāv iti pitāmahasyaitat te prapitāmahāsāv iti prapitāmahasya // (16.1) Par.?

ye cātra tvām anu tebhyaḥ svadhety anuṣajet // (17.1) Par.?

etat te 'muṣya pitar etat te 'muṣya pitāmahaitat te 'muṣya prapitāmaheti pravasati yajamāne 'dhvaryuḥ // (18.1) Par.?

yadi nāmāni na jānīyāt svadhā pitṛbhyaḥ pṛthivīṣadbhyaḥ svadhā pitṛbhyo 'ntarikṣasadbhyaḥ svadhā pitṛbhyo diviṣadbhya iti nidadhyāt // (19.1) Par.?

lupyeta jīvatpituḥ piṇḍanidhānam // (20.1) Par.?

na jīvantam atidadyāt // (21.1) Par.?

jīvatpitāmahaś cet pitur ekaḥ piṇḍaḥ // (22.1) Par.?

lepaḥ pitre // (23.1) Par.?

tathodakam āñjanābhyañjane ca // (24.1) Par.?

barhiṣi lepaṃ nimārṣṭi yātra pitaraḥ svadhā tayā yūyaṃ yathābhāgaṃ mādayadhvam iti // (25.1) Par.?

atra pitaro mādayadhvam ity udaṅṅ āvṛtyā tamitor āsitvā yeha pitara ūrk tasyai vayaṃ jyog jīvanto bhūyāsmety amīmadanta pitara iti pariśritaṃ prapadyāñjanāktāḥ śalākāḥ pratipiṇḍaṃ nidadhāti āṅkṣvāsāv ity āñjanenābhyaṅkṣvāsāv ity abhyañjanena ca // (26.1) Par.?

eṣā yuṣmākaṃ pitara ity ūrṇāṃ daśāṃ vā nyasyati / (27.1) Par.?

imā asmākam ity avaśiṣṭā avekṣate // (27.2) Par.?

lomottaravayasi nyasyed ato naḥ pitaro 'nyan mā yoṣṭeti // (28.1) Par.?

tena dharmeṇa pariṣicya mārjayantāṃ pitaro mārjayantāṃ pitāmahā mārjayantāṃ prapitāmahā iti barhiṣi trīn udakāñjalīn ninīya nihnute 'ñjaliṃ kṛtvā namo vaḥ pitaro manyave / (29.1) Par.?

namo vaḥ pitara iṣe / (29.2) Par.?

namo vaḥ pitara ūrje / (29.3) Par.?

namo vaḥ pitaraḥ śuṣmāya / (29.4) Par.?

namo vaḥ pitaro rasāya / (29.5) Par.?

namo vaḥ pitaro balāya / (29.6) Par.?

namo vaḥ pitaro yajjīvaṃ tasmai / (29.7) Par.?

namo vaḥ pitaro yad ghoraṃ tasmai / (29.8) Par.?

svadhā vaḥ pitaro namo namo vaḥ pitaraḥ / (29.9) Par.?

ye 'tra pitaraḥ pretā yuṣmāṃs te 'nu ya iha pitaro jīvā asmāṃs te 'nu / (29.10) Par.?

ye 'tra pitaraḥ pretā yūyaṃ teṣāṃ vasiṣṭhā bhūyāstha ya iha pitaro jīvā ahaṃ teṣāṃ vasiṣṭho bhūyāsam iti // (29.11) Par.?

śeṣam avajighret / (30.1) Par.?

āmayāvy annādyakāmo vā prāśnīyāt // (30.2) Par.?

prajāpate na tvad ity uttiṣṭhati // (31.1) Par.?

paretaneti yajamānaḥ pravāhaṇīṃ japati // (32.1) Par.?

ubhau manasvatīr mano nvāhuvāmaha iti tisraḥ // (33.1) Par.?

vayaṃ soma vrate tava manas tanūṣu bibhrataḥ / (34.1) Par.?

prajāvantaḥ sacemahi / (34.2) Par.?

iti ca / (34.3) Par.?

akṣann amīmadanteti ca // (34.4) Par.?

prāpyā te agna idhīmahīti gārhapatyam upatiṣṭhate // (35.1) Par.?

madhyamaṃ piṇḍaṃ patnī prāśnīyāt / (36.1) Par.?

ādhatta pitaro garbhaṃ kumāraṃ puṣkarasrajam / (36.2) Par.?

yathāyaṃ pumān syāt / (36.3) Par.?

iti / (36.4) Par.?

itarāv agnāv anuprahared brāhmaṇo vāśnīyād apo vā gamayet // (36.5) Par.?

dve dve abhyukṣya pātrāṇi pratyāharati // (37.1) Par.?

aupāsanaṃ gārhapatyadakṣiṇāgnisthānīyaṃ kṛtvāpyanāhitāgniḥ piṇḍapitṛyajñaṃ kurvīta // (38.1) Par.?