Texts

Help

Select a text:
Bibliography
Select a chapter:
 (no revisions)
Associated topic(s): Kālanemi, war and rivalry of Devas and Asuras

Show parallels  Show headlines
Use dependency labeler
Chapter id: 17276
  • Click on a sentence to show its analysis
  • Keep the mouse pointer over a lemma to show its meanings.
dānavānāṃ tu piprīṣuḥ kālanemiḥ sa dānavaḥ / (1.1) Par.?
vyavardhata mahātejās tapānte jalado yathā // (1.2) Par.?
taṃ trailokyāntaragataṃ dṛṣṭvā te dānaveśvarāḥ / (2.1) Par.?
uttasthur apariśrāntāḥ prāpyevāmṛtam uttamam // (2.2) Par.?
te vītabhayasaṃtrāsā mayatārapurogamāḥ / (3.1) Par.?
rejur āyodhanagatā dānavā yuddhakāṅkṣiṇaḥ // (3.2) Par.?
mantram abhyasyatāṃ teṣāṃ vyūhaṃ ca paridhāvatām / (4.1) Par.?
prekṣatāṃ cābhavat prītir dānavaṃ kālaneminam // (4.2) Par.?
ye tu tatra mayasyāsan mukhyā yuddhapuraḥsarāḥ / (5.1) Par.?
te'pi sarve bhayaṃ tyaktvā hṛṣṭā yoddhum upasthitāḥ // (5.2) Par.?
mayas tāro varāhaś ca hayagrīvaś ca vīryavān / (6.1) Par.?
vipracittisutaḥ śvetaḥ kharalambāv ubhāv api // (6.2) Par.?
ariṣṭo baliputraś ca kiśorauṣṭrau tathaiva ca / (7.1) Par.?
svarbhānuś cāmaraprakhyo vaktrayodhī mahāsuraḥ // (7.2) Par.?
ete 'straviduṣaḥ sarve sarve tapasi saṃsthitāḥ / (8.1) Par.?
dānavāḥ kṛtino jagmuḥ kālaneminam uttamam // (8.2) Par.?
te gadābhiś ca gurvībhiś cakraiś ca saparaśvadhaiḥ / (9.1) Par.?
kālakalpaiś ca musalaiḥ kṣepaṇīyaiś ca mudgaraiḥ // (9.2) Par.?
aśmabhiś cāṭṭasadṛśair gaṇḍaśailaiś ca daṃśitaiḥ / (10.1) Par.?
paṭṭisair bhiṇḍipālaiś ca parighaiś cottamāyasaiḥ // (10.2) Par.?
ghātanībhiś ca gurvībhiḥ śataghnībhis tathaiva ca / (11.1) Par.?
yugair yantraiś ca nirmuktair argalaiś cāgratāḍitaiḥ // (11.2) Par.?
dorbhiś cāyatapīnābhiḥ prāsaiḥ pāśaiś ca mudgaraiḥ / (12.1) Par.?
sarpair lelihyamānaiś ca visarpadbhiś ca sāyakaiḥ // (12.2) Par.?
vajraiḥ praharaṇīyaiś ca dīpyadbhiś cāpi tomaraiḥ / (13.1) Par.?
vikośaiś cāsibhis tīkṣṇaiḥ śūlaiś ca śitanirmalaiḥ // (13.2) Par.?
te vai saṃdīptamanasaḥ pragṛhītottamāyudhāḥ / (14.1) Par.?
kālanemiṃ puraskṛtya tasthuḥ saṃgrāmamūrdhani // (14.2) Par.?
sā dīptaśastrapravarā daityānāṃ śuśubhe camūḥ / (15.1) Par.?
dyaur nimīlitanakṣatrā ghananīlāmbudāgame // (15.2) Par.?
devatānām api camūr mumude śakrapālitā / (16.1) Par.?
dīptā śītoṣṇatejobhyāṃ candrabhāskaratejasā // (16.2) Par.?
vāyuvegavatī saumyā tārāgaṇapatākinī / (17.1) Par.?
toyadāviddhavasanā grahanakṣatrahāsinī // (17.2) Par.?
yamendravaruṇair guptā dhanadena ca dhīmatā / (18.1) Par.?
saṃpradīptāgnipavanā nārāyaṇaparāyaṇā // (18.2) Par.?
sā samudraughasadṛśī divyā devamahācamūḥ / (19.1) Par.?
rarājāstravatī bhīmā yakṣagandharvaśālinī // (19.2) Par.?
tayoś camvos tadānīṃ tu babhūva sa samāgamaḥ / (20.1) Par.?
dyāvāpṛthivyoḥ saṃyogo yathā syād yugaparyaye // (20.2) Par.?
tadyuddham abhavad ghoraṃ devadānavasaṃkulam / (21.1) Par.?
kṣamāparākramamayaṃ darpasya vinayasya ca // (21.2) Par.?
niścakramur balābhyāṃ tu tābhyāṃ bhīmāḥ surāsurāḥ / (22.1) Par.?
pūrvāparābhyāṃ saṃrabdhāḥ sāgarābhyām ivāmbudāḥ // (22.2) Par.?
tābhyāṃ balābhyāṃ saṃhṛṣṭāś cerus te devadānavāḥ / (23.1) Par.?
vanābhyāṃ pārvatīyābhyāṃ puṣpitābhyāṃ yathā gajāḥ // (23.2) Par.?
samājaghnus tato bherīḥ śaṅkhān dadhmuś ca naikaśaḥ / (24.1) Par.?
sa dyāṃ divaṃ bhuvaṃ caiva diśaś ca samapūrayat // (24.2) Par.?
jyāghātatalanirghoṣo dhanuṣāṃ kūjitāni ca / (25.1) Par.?
dundubhīnāṃ ca ninadā daityam antardadhuḥ svanam // (25.2) Par.?
te 'nyonyam abhisaṃpetuḥ pātayantaḥ parasparam / (26.1) Par.?
babhañjur bāhubhir bāhūn dvaṃdvam anye yuyutsavaḥ // (26.2) Par.?
devatās tv aśanīr ghorāḥ parighāṃś cottamāyasān / (27.1) Par.?
sasarjur ājau nistriṃśān gadā gurvīś ca dānavāḥ // (27.2) Par.?
gadānipātair bhagnāṅgā bāṇaiś ca śakalīkṛtāḥ / (28.1) Par.?
paripetur bhṛśaṃ kecin nyubjāḥ kecic ca jajñire // (28.2) Par.?
tato rathaiḥ saturagair vimānaiś cāśugāmibhiḥ / (29.1) Par.?
samīyus te susaṃrabdhā roṣād anyonyam āhave // (29.2) Par.?
saṃvartamānāḥ samare vivartantas tathāpare / (30.1) Par.?
rathā rathair nirudhyante padātāś ca padātibhiḥ // (30.2) Par.?
teṣāṃ rathānāṃ tumulaḥ sa śabdaḥ śabdavāhinām / (31.1) Par.?
nabhaḥ sasvāna hi yathā nabhasye jaladasvanaiḥ // (31.2) Par.?
babhañjire rathān kecit kecit saṃmṛditā rathaiḥ / (32.1) Par.?
saṃbādham eke samprāpya na śekuś calituṃ rathāḥ // (32.2) Par.?
anyonyam anye samare dorbhyām utkṣipya darpitāḥ / (33.1) Par.?
saṃhrādamānābharaṇā jaghnus tatrāsicarmiṇaḥ // (33.2) Par.?
astrair anye vinirbhinnā raktaṃ vemur hatā yudhi / (34.1) Par.?
kṣarajjalānāṃ sadṛśā jaladānāṃ samāgame // (34.2) Par.?
tadastraśastragrathitaṃ kṣiptotkṣiptagadāvilam / (35.1) Par.?
devadānavasaṃkṣubdhaṃ saṃkulaṃ yuddham ābabhau // (35.2) Par.?
taddānavamahāmeghaṃ devāyudhavirājitam / (36.1) Par.?
anyonyabāṇavarṣaṃ tad yuddhadurdinam ābabhau // (36.2) Par.?
etasminn antare kruddhaḥ kālanemiḥ sa dānavaḥ / (37.1) Par.?
vyavardhata samudraughaiḥ pūryamāṇa ivāmbudaḥ // (37.2) Par.?
tasya vidyuccalāpīḍāḥ pradīptāśanivarṣiṇaḥ / (38.1) Par.?
gātrān nāgaśiraḥprakhyā viniṣpetur balāhakāḥ // (38.2) Par.?
krodhān niḥśvasatas tasya bhrūbhedasvedavarṣiṇaḥ / (39.1) Par.?
sāgniniṣpeṣapavanā mukhān niścerur arciṣaḥ // (39.2) Par.?
tiryag ūrdhvaṃ ca gagane vavṛdhus tasya bāhavaḥ / (40.1) Par.?
pañcāsyāḥ kṛṣṇavapuṣo lelihanta ivoragāḥ // (40.2) Par.?
so 'strajālair bahuvidhair dhanurbhiḥ parighair api / (41.1) Par.?
divyam ākāśam āvavre parvatair ucchritair iva // (41.2) Par.?
so 'niloddhūtavasanas tasthau saṃgrāmamūrdhani / (42.1) Par.?
saṃdhyātapagrastaśikhaḥ sākṣān merur ivācalaḥ // (42.2) Par.?
ūruvegapratikṣiptaiḥ śailaśṛṅgāgrapādapaiḥ / (43.1) Par.?
apātayad devagaṇān vajreṇeva mahāgirīn // (43.2) Par.?
bahubhiḥ śastranistriṃśaiś chinnabhinnaśirorasaḥ / (44.1) Par.?
na śekuś calituṃ devāḥ kālanemihatā yudhi // (44.2) Par.?
muṣṭibhir nihatāḥ kecit keciddhi vidalīkṛtāḥ / (45.1) Par.?
yakṣagandharvapatagāḥ petuḥ saha mahoragaiḥ // (45.2) Par.?
tena vitrāsitā devāḥ samare kālaneminā / (46.1) Par.?
na śekur yatnavanto 'pi yatnaṃ kartuṃ vicetasaḥ // (46.2) Par.?
tena śakraḥ sahasrākṣaḥ saṃditaḥ śarabandhanaiḥ / (47.1) Par.?
airāvatagataḥ saṃkhye calituṃ na śaśāka ha // (47.2) Par.?
nirjalāmbhodasadṛśo nirjalārṇavasaprabhaḥ / (48.1) Par.?
nirvyāpāraḥ kṛtas tena vipāśo varuṇo mṛdhe // (48.2) Par.?
raṇe vaiśravaṇas tena parighaiḥ kāmarūpibhiḥ / (49.1) Par.?
vilapaṃl lokapāleśas tyājito dhanadakriyām // (49.2) Par.?
yamaḥ sarvaharas tena mṛtyupraharaṇo raṇe / (50.1) Par.?
yāmyām avasthām amaro nītaḥ svāṃ diśam āviśat // (50.2) Par.?
sa lokapālān utsādya hṛtvā teṣāṃ ca karma tat / (51.1) Par.?
dikṣu sarvāsu dehaṃ svaṃ caturdhā vidadhe tadā // (51.2) Par.?
sa nakṣatrapathaṃ gatvā divyaṃ svarbhānudarśitam / (52.1) Par.?
jahāra lakṣmīṃ somasya taṃ cāsya viṣayaṃ mahat // (52.2) Par.?
cālayāmāsa dīptāṃśuṃ svargadvārāt sa bhāskaram / (53.1) Par.?
sāyanaṃ cāsya viṣayaṃ jahāra dinakarma ca // (53.2) Par.?
so 'gniṃ devamukhe dṛṣṭvā cakārātmamukheśayam / (54.1) Par.?
vāyuṃ ca tarasā jitvā cakārātmavaśānugam // (54.2) Par.?
sa samudrān samānīya sarvāś ca sarito balāt / (55.1) Par.?
cakārātmavaśe vīryād dehabhūtāś ca sindhavaḥ // (55.2) Par.?
āpaḥ sa vaśagāḥ kṛtvā divijātāś ca bhūmijāḥ / (56.1) Par.?
sthāpayāmāsa jagatīṃ suguptāṃ dharaṇīdharaiḥ // (56.2) Par.?
sa svayaṃbhūr ivābhāti mahābhūtapatir mahān / (57.1) Par.?
sarvalokamayo daityaḥ sarvalokabhayāvahaḥ // (57.2) Par.?
sa lokapālaikavapuś candrasūryagrahātmavān / (58.1) Par.?
pāvakānilasaṃghāto rarāja yudhi dānavaḥ // (58.2) Par.?
pārameṣṭhye sthitaḥ sthāne lokānāṃ prabhavāpyaye / (59.1) Par.?
taṃ tuṣṭuvur daityagaṇā devā iva pitāmaham // (59.2) Par.?
Duration=0.34491014480591 secs.