Texts

hariruvāca / (1.1) Par.?

nirlakṣaṇā śubhā syācca cakrāṅkitaśilārcanāt / (1.2) Par.?

ādau sudarśano mūrtirlakṣmīnārāyaṇaḥ paraḥ // (1.3) Par.?

tricakro 'sāvacyutaḥ syāccatuścakraś caturbhujaḥ / (2.1) Par.?

vāsudevaśca pradyumnastataḥ saṅkarṣaṇaḥ smṛtaḥ // (2.2) Par.?

puruṣottamaścāṣṭamaḥ syānna vyūho daśātmakaḥ / (3.1) Par.?

ekādaśo 'niruddhaḥ syāddvādaśo dvādaśātmakaḥ // (3.2) Par.?

ata ūrdhvamanantaḥ syācchakre rekādikaiḥ kramāt / (4.1) Par.?

sudarśanā lakṣitāśca pūjitāḥ sarvakāmadāḥ // (4.2) Par.?

śālagrāmaśilā yatra devo dvāravatībhavaḥ / (5.1) Par.?

ubhayoḥ saṃgamo yatra tatra muktirna saṃśayaḥ // (5.2) Par.?

śālagrāmo dvārakā ca naimiṣaṃ puṣkaraṃ gayā / (6.1) Par.?

vārāṇasī prayāgaśca kurukṣetraṃ ca sūkaram // (6.2) Par.?

gaṅgā ca narmadā caiva candrabhāgā sarasvatī / (7.1) Par.?

puruṣottamo mahākālastīrthānyetāni śaṅkara // (7.2) Par.?

sarvapāpaharāṇyeva bhuktamuktipradāni vai / (8.1) Par.?

prabhavo vibhavaḥ śuklaḥ pramodo 'tha prajāpatiḥ // (8.2) Par.?

aṅgirāḥ śrīmukho bhāvaḥ yuvā dhātā tathaiva ca / (9.1) Par.?

īśvaro bahudhānyaśca pramāthī vikramo viṣuḥ // (9.2) Par.?

citrabhānuḥ svarbhānuśca tāraṇaḥ pārthivo vyayaḥ / (10.1) Par.?

sarvajitsarvadhārī ca virodhī vikṛtiḥ kharaḥ // (10.2) Par.?

nandano vijayaścaiva jayo manmathadurmukhau / (11.1) Par.?

hemalambo vilambaśca vikāraḥ śarvarī plavaḥ // (11.2) Par.?

śubhakṛcchobhanaḥ krodhī viśvāvasuparābhavau / (12.1) Par.?

plavaṅgaḥ kīlakaḥ saumyaḥ sādhāraṇavirodhakṛt // (12.2) Par.?

paridhāvī pramādī ca ānando rākṣaso nalaḥ / (13.1) Par.?

piṅgalaḥ kālasiddhārthau raudrirvai durmatistathā // (13.2) Par.?

dundubhī rudhirodgārī raktākṣaḥ krodhano 'kṣayaḥ / (14.1) Par.?

aśobhanāḥ śobhanāśca nāmnaivaite hi vatsarāḥ // (14.2) Par.?

kālaṃ vakṣyāmi saṃsiddhyai rudra pañcasvarodayāt / (15.1) Par.?

rājā sājā udāsā ca pīḍā mṛtyustathaiva ca // (15.2) Par.?

ā ī ū ai au svarāṃśca likhetpañcāgnikoṣṭhake / (16.1) Par.?

ūrdhvatiryaggatai rekhaiḥ ṣaḍvahnikramamāgataiḥ // (16.2) Par.?

tithī ekāgnikoṣṭheṣu trayo rājātha sājayāḥ / (17.1) Par.?

udāsāmṛtyupīḍāśca kujaḥ somasutaḥ kramāt // (17.2) Par.?

guruśukrau ca mandaśca ravicandrau yathoditam / (18.1) Par.?

revatyādimṛgāntāśca ṛkṣāṇi prathamā kalā // (18.2) Par.?

pañcapañcānyatra bhāni caitrādya udayastathā / (19.1) Par.?

dvādaśāhair dvayor māsanāmnor ādyakṣaraṃ tathā // (19.2) Par.?

kalāliṅgā ca yā tiṣṭhetpañcamastasya vai mṛtiḥ / (20.1) Par.?

kalā tithistathā vāro nakṣatraṃ māsameva ca // (20.2) Par.?

nāmodayasya pūrvaṃ ca tathā bhavati nānyathā / (21.1) Par.?

oṃ kṣaiṃ śivāya namaḥ // (21.2) Par.?

kṣāmādyaṅgaśivāmīkṣā viṣagrahamatirhara / (22.1) Par.?

trailokyamohanaṃ bījaṃ nṛsiṃhasya tu padmagam // (22.2) Par.?

mṛtyuñjayo gaṇo lakṣmī rocanādyaistu lekhitaḥ / (23.1) Par.?

bhūrje tu dhāritāḥ kaṇṭhe bāhau ceti jayādidāḥ // (23.2) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe jyotiḥśāstre śālagrāmaṣaṣṭyūbdasvarodayānāṃ nirūpaṇaṃ nāma ṣaṭṣaṣṭitamo 'dhyāyaḥ // (24.1) Par.?