Texts

parāśara uvāca / (1.1) Par.?

kaḥ kasya copakurute kaśca kasmai prayacchati / (1.2) Par.?

prāṇī karotyayaṃ karma sarvam ātmārtham ātmanā // (1.3) Par.?

gauraveṇa parityaktaṃ niḥsnehaṃ parivarjayet / (2.1) Par.?

sodaryaṃ bhrātaram api kim utānyaṃ pṛthagjanam // (2.2) Par.?

viśiṣṭasya viśiṣṭācca tulyau dānapratigrahau / (3.1) Par.?

tayoḥ puṇyataraṃ dānaṃ tad dvijasya prayacchataḥ // (3.2) Par.?

nyāyāgataṃ dhanaṃ varṇair nyāyenaiva vivardhitam / (4.1) Par.?

saṃrakṣyaṃ yatnam āsthāya dharmārtham iti niścayaḥ // (4.2) Par.?

na dharmārthī nṛśaṃsena karmaṇā dhanam arjayet / (5.1) Par.?

śaktitaḥ sarvakāryāṇi kuryānnarddhim anusmaret // (5.2) Par.?

apo hi prayataḥ śītāstāpitā jvalanena vā / (6.1) Par.?

śaktito 'tithaye dattvā kṣudhārtāyāśnute phalam // (6.2) Par.?

rantidevena lokeṣṭā siddhiḥ prāptā mahātmanā / (7.1) Par.?

phalapatrair atho mūlair munīn arcitavān asau // (7.2) Par.?

tair eva phalapatraiśca sa māṭharam atoṣayat / (8.1) Par.?

tasmāl lebhe paraṃ sthānaṃ śaibyo 'pi pṛthivīpatiḥ // (8.2) Par.?

devatātithibhṛtyebhyaḥ pitṛbhyo 'thātmanastathā / (9.1) Par.?

ṛṇavāñ jāyate martyastasmād anṛṇatāṃ vrajet // (9.2) Par.?

svādhyāyena maharṣibhyo devebhyo yajñakarmaṇā / (10.1) Par.?

pitṛbhyaḥ śrāddhadānena nṛṇām abhyarcanena ca // (10.2) Par.?

vācaḥ śeṣāvahāryeṇa pālanenātmano 'pi ca / (11.1) Par.?

yathāvad bhṛtyavargasya cikīrṣed dharmam āditaḥ // (11.2) Par.?

prayatnena ca saṃsiddhā dhanair api vivarjitāḥ / (12.1) Par.?

samyagghutvā hutavahaṃ munayaḥ siddhim āgatāḥ // (12.2) Par.?

viśvāmitrasya putratvam ṛcīkatanayo 'gamat / (13.1) Par.?

ṛgbhiḥ stutvā mahābhāgo devān vai yajñabhāginaḥ // (13.2) Par.?

gataḥ śukratvam uśanā devadevaprasādanāt / (14.1) Par.?

devīṃ stutvā tu gagane modate tejasā vṛtaḥ // (14.2) Par.?

asito devalaścaiva tathā nāradaparvatau / (15.1) Par.?

kakṣīvāñ jāmadagnyaśca rāmastāṇḍyastathāṃśumān // (15.2) Par.?

vasiṣṭho jamadagniśca viśvāmitro 'trir eva ca / (16.1) Par.?

bharadvājo hariśmaśruḥ kuṇḍadhāraḥ śrutaśravāḥ // (16.2) Par.?

ete maharṣayaḥ stutvā viṣṇum ṛgbhiḥ samāhitāḥ / (17.1) Par.?

lebhire tapasā siddhiṃ prasādāt tasya dhīmataḥ // (17.2) Par.?

anarhāścārhatāṃ prāptāḥ santaḥ stutvā tam eva ha / (18.1) Par.?

na tu vṛddhim ihānvicchet karma kṛtvā jugupsitam // (18.2) Par.?

ye 'rthā dharmeṇa te satyā ye 'dharmeṇa dhig astu tān / (19.1) Par.?

dharmaṃ vai śāśvataṃ loke na jahyād dhanakāṅkṣayā // (19.2) Par.?

āhitāgnir hi dharmātmā yaḥ sa puṇyakṛd uttamaḥ / (20.1) Par.?

vedā hi sarve rājendra sthitāstriṣvagniṣu prabho // (20.2) Par.?

sa cāpyagnyāhito vipraḥ kriyā yasya na hīyate / (21.1) Par.?

śreyo hyanāhitāgnitvam agnihotraṃ na niṣkriyam // (21.2) Par.?

agnir ātmā ca mātā ca pitā janayitā tathā / (22.1) Par.?

guruśca naraśārdūla paricaryā yathātatham // (22.2) Par.?

mānaṃ tyaktvā yo naro vṛddhasevī vidvān klībaḥ paśyati prītiyogāt / (23.1) Par.?

dākṣyeṇāhīno dharmayukto nadānto loke 'smin vai pūjyate sadbhir āryaḥ // (23.2) Par.?