UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3202
- Click on a sentence to show its analysis
- Keep the mouse pointer over a lemma to show its meanings.
śrībhairavagaṇādhipatilakṣmīsarasvatībhyo namo'stu yeṣāṃ prasādād guṭikāñjanāni pāradāśca sidhyanti // (1)
Par.?
tatracaturaśītiḥ 84 guṭikāś caturaśītiḥ 84 aṃjanāni caturaśītiḥ 84 pāradakarmāṇi // (2)
Par.?
evaṃ sarvasaṃkhyayā trayāṇāṃ dvipañcāśadadhikaṃ śatadvayam 252 bhavanti // (3)
Par.?
eteṣāṃ dvipañcāśadadhikaśatadvayasya madhyādekasya kasyacid guṭikauṣadhasyāñjanasya vā pāradasya vā prārambhe ādau tathāphalaprānte'khaṇḍaṃ tapo vidheyam // (4)
Par.?
tatra prārambhe māsaikādarvāk niṣpattisamaye'pi phalādarvāṅ māsamekaṃ brahmacaryapālanīyaṃ haviṣyānnaṃ paramānnaṃ ca ghṛtādimiśraṃ dugdhaṃ vā bhojanīyam // (5)
Par.?
tapovidhāneṣu kriyāḥ sidhyanti // (6)
Par.?
yatastapaḥsādhyā rasādayaḥ prayogā ye punaḥ tapohīnāḥ sādhakāste'ntataḥ daivasya karmaṇo doṣam antarāyaṃ vadanti // (7)
Par.?
tena tapasvināṃ mukhyena śrīkaṅkālayayoginā vārttoktā dhātuvaṭṭijñaproktā guṭikā vartate // (8)
Par.?
tāsāṃ madhyājjñānaphalāṃ jñānakāraṇaṃ guṭikāṃ vakṣyāmi dvipañcāśadvallamātrauṣadhaniṣpannām // (9)
Par.?
tatra catvāro vallā abhrakasatvasya catvāro vallāḥ svarṇamākṣīkasya catvāro vallāḥ śuddharūpyasyaiko vallo hemarājeḥ 7 tathāṣṭādaśasaṃskārairyaḥ pūrvoktaśuddhapāradastasya vallā ekonacatvāriṃśad evaṃ militāḥ sarve dvipañcāśat 52 vallāḥ // (10)
Par.?
kharale kṣipya saptadināni mardayet // (11)
Par.?
tato varuṇavṛkṣasya mūlaṃ śrīkhaṇḍaṃ ghṛṣṭvā // (12)
Par.?
sarvamauṣadhaṃ vastre baddhvā dolāyantre sthālikāyāṃ tena śrīṣaṇḍena komalavahninā dinadvayaṃ svedayitvottārya guṭikāṃ kṛtvā paścāt krameṇa pañcāmṛtena svedayet // (13)
Par.?
tatra madhu ghṛtaṃ dadhi dugdhaṃ śarkarā veti pañcāmṛtam // (14)
Par.?
tatra svedane cāyaṃ vidhiḥ // (15)
Par.?
prathamaṃ guṭikāṃ madhunā saha kāṃsyalohapātre vālukāpūrṇasthālikāmadhye kṣepyaḥ 12 sā sthālī culhikāyāṃ caṭāyyādho'ṣṭau praharān vahnirjvālanīyaḥ // (16)
Par.?
upari madhu nikṣipet // (17)
Par.?
tadanu naṣṭe naṣṭe punaḥ punarmadhu kṣepyam evaṃ praharāṣṭakena madhunā svedayitvottārya tato ghṛtena saha kāntalohapātre guṭīṃ prakṣipyāṣṭapraharānsvedayedvālukāyaṃtre // (18)
Par.?
tata evaṃ praharāṣṭakaṃ dadhinā tataḥ praharān 8 dugdhena tataḥ praharān 8 śarkarājalamiti // (19)
Par.?
eva pañcāmṛtena pañcavāraṃ guṭikāṃ svedayitvā / (20.1)
Par.?
tapaḥ kurvato brahmacaryapālayatā hastābhyāṃ pracālya dvipañcāśavallamātrā guṭikā kāryā / (20.2)
Par.?
tato yasyā mātṛpakṣapitṛpakṣau nirmalau // (20.3)
Par.?
yā ca brāhmaṇī vā kṣatriyā vā vaiśyī cottamakulaprasūtā // (21)
Par.?
tasyāḥ śūdrīṃ varjayitvā yadā prathamo garbho bhavati tadā māsaikād anantaraṃ sā guṭikā samarpaṇīyā // (22)
Par.?
tayā ca bhojanamauṣadhatāmbūlāsvādapānīyapānavelāṃ varjayitvaikaṃ māsaṃ nirantaraṃ mukhe dhāraṇīyā // (23)
Par.?
tato māse gate sati guṭikāyāḥ prabhāvāt pṛṣṭā satī sā strī atītānāgatavartamānaṃ sadyaḥ pratyayakārakaṃ trikālaviṣayajñānaṃ vadati // (24)
Par.?
asyā guṭikāyāḥ prabhāvo'tīvāścaryakārakaḥ // (25)
Par.?
yato yathā jñānī yadbhāṣate tatsarvaṃ satyaṃ bhavati // (26)
Par.?
tathā mukhe guṭikākṣepamāhātmyād brāhmaṇī kṣatriyā vaiśyī yāvadvadati tattathaiva bhavati // (27)
Par.?
yato rasasya pāradasya guṭikānāṃ tathā pātālāñjanādīnām añjanānāṃ prabhāvātiśayo mahān gururityarthaḥ // (28)
Par.?
eṣā kila vādinīti guṭikā procyate // (29)
Par.?
yadyapyasyāḥ samyagāmnāyaḥ sāṃprataṃ nopalabhyate tathāpi kiṃcidakṣarārthaṃ yuktyā kiṃcidguṭikāntarānubhavena kiṃcit tathāvidhaśrutayuktyanusāreṇa vyākhyā // (30) Par.?
tathā caturaśītiguṭikā 84 caturaśītyaṃjanāni 84 caturaśītirasabhedān 84 parijñāya pūrvaśrīkaṅkālayayoginā nijaśiṣyaparijñānārthaṃ yogakṣemanirvāhārthaṃ sarveṣāmupakārārthaṃ ca kiṃcidrasatattvam upadiṣṭam // (31)
Par.?
tatastacchiṣyeṇa svasya visṛtyarthaṃ paraṃ parayāvyavacchedārthaṃ pareṣām upadeśārthaṃ cāyaṃ rasādhyāyo viracitaḥ // (32)
Par.?
granthe'sminnekaviṃśatyadhikārāḥ // (33)
Par.?
tadyathā prathamam 1 aṣṭādaśasaṃskārasaṃskṛtaḥ śṛṅkhalārasaḥ // (34)
Par.?
tataḥ hemarājiḥ ghoṣarājiḥ // (35)
Par.?
mākṣikarājiḥ // (36)
Par.?
2 tataḥ khāparasattvapātanavidhiḥ // (38)
Par.?
tataḥ manaḥśilāsattvapātanavidhiḥ // (39)
Par.?
tataḥ ṣaḍlohamāraṇavidhiḥ // (40)
Par.?
tatas tridhā ṣaḍlohadrutikaraṇam // (41)
Par.?
tataḥ tridhā annapathahīrakakaraṇam // (42)
Par.?
tataḥ pañcadhā hīrakabhasmīkaraṇam // (43)
Par.?
tataḥ gandhakaśodhanaṃ dvidhā // (44)
Par.?
tataḥ dvidhā gandhakapīṭhī tasyāḥ karma ca // (45)
Par.?
tataḥ gandhakatailam // (46)
Par.?
tataḥ gandhakatailena tridhā hemakarma // (47)
Par.?
tataḥ gandhakatailenaiva sahasravedharasavidhiḥ // (48)
Par.?
tataḥ gandhakadrutipīṭhī // (49)
Par.?
tataḥ gandhakadrutipīṭhīkarma // (50)
Par.?
tataḥ tālakaśodhanam // (51)
Par.?
tataḥ tālakakarma // (52)
Par.?
tataḥ tridhābhrakadrutiḥ // (53)
Par.?
tataḥ tasyāḥ karmāṇi // (54)
Par.?
tataḥ hemavajrabhasmabhūnāgasatvaniṣpannaṣoṭakarmāṇi // (55)
Par.?
tataḥ kila bālavādanī guṭikā // (56)
Par.?
ityekaviṃśatiradhikārā nibaddhāḥ santi // (57)
Par.?
te ca yadyapi kiṃcic cānumānasambhavena kiṃcit tathāvidhavārttikendrasaṃsargajātasaṃskāreṇa kiṃcidakṣarārthayuktyā vivṛtya vyākhyātāḥ tathāpi yadi kvāpi kimapyalīkaṃ vyākhyānaṃ bhavet tadā prasadya śrīvārttikendraiḥ śrīrasādhyāyena tadadhiṣṭhātṛdevatābhiśca sarvaṃ kṣantavyam // (58)
Par.?
Duration=0.11275410652161 secs.