UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5005
- Click on a sentence to show its analysis
- Keep the mouse pointer over a lemma to show its meanings.
śrutvā tu bhāṣitaṃ vākyaṃ mama rāma śubhākṣaram / (1.1)
Par.?
prāñjaliḥ pratyuvācedaṃ sa svargī raghunandana // (1.2)
Par.?
śṛṇu brahman yathāvṛttaṃ mamaitat sukhaduḥkhayoḥ / (2.1)
Par.?
duratikramaṇīyaṃ hi yathā pṛcchasi māṃ dvija // (2.2)
Par.?
purā vaidarbhako rājā pitā mama mahāyaśāḥ / (3.1)
Par.?
sudeva iti vikhyātastriṣu lokeṣu vīryavān // (3.2)
Par.?
tasya putradvayaṃ brahman dvābhyāṃ strībhyām ajāyata / (4.1)
Par.?
ahaṃ śveta iti khyāto yavīyān suratho 'bhavat // (4.2)
Par.?
tataḥ pitari svaryāte paurā mām abhyaṣecayan / (5.1)
Par.?
tatrāhaṃ kṛtavān rājyaṃ dharmeṇa susamāhitaḥ // (5.2)
Par.?
evaṃ varṣasahasrāṇi samatītāni suvrata / (6.1)
Par.?
rājyaṃ kārayato brahman prajā dharmeṇa rakṣataḥ // (6.2)
Par.?
so 'haṃ nimitte kasmiṃścid vijñātāyur dvijottama / (7.1)
Par.?
kāladharmaṃ hṛdi nyasya tato vanam upāgamam // (7.2)
Par.?
so 'haṃ vanam idaṃ durgaṃ mṛgapakṣivivarjitam / (8.1)
Par.?
tapaścartuṃ praviṣṭo 'smi samīpe sarasaḥ śubhe // (8.2)
Par.?
bhrātaraṃ surathaṃ rājye abhiṣicya narādhipam / (9.1)
Par.?
idaṃ saraḥ samāsādya tapastaptaṃ mayā ciram // (9.2)
Par.?
so 'haṃ varṣasahasrāṇi tapastrīṇi mahāmune / (10.1)
Par.?
taptvā suduṣkaraṃ prāpto brahmalokam anuttamam // (10.2)
Par.?
tato māṃ svargasaṃsthaṃ vai kṣutpipāse dvijottama / (11.1)
Par.?
bādhete paramodāra tato 'haṃ vyathitendriyaḥ // (11.2)
Par.?
gatvā tribhuvanaśreṣṭhaṃ pitāmaham uvāca ha / (12.1)
Par.?
bhagavan brahmaloko 'yaṃ kṣutpipāsāvivarjitaḥ // (12.2)
Par.?
kasyeyaṃ karmaṇaḥ prāptiḥ kṣutpipāsāvaśo 'smi yat / (13.1)
Par.?
āhāraḥ kaśca me deva tanme brūhi pitāmaha // (13.2)
Par.?
pitāmahastu mām āha tavāhāraḥ sudevaja / (14.1)
Par.?
svādūni svāni māṃsāni tāni bhakṣaya nityaśaḥ // (14.2)
Par.?
svaśarīraṃ tvayā puṣṭaṃ kurvatā tapa uttamam / (15.1)
Par.?
anuptaṃ rohate śveta na kadācinmahāmate // (15.2)
Par.?
dattaṃ na te 'sti sūkṣmo 'pi vane sattvaniṣevite / (16.1)
Par.?
tena svargagato vatsa bādhyase kṣutpipāsayā // (16.2) Par.?
sa tvaṃ supuṣṭam āhāraiḥ svaśarīram anuttamam / (17.1)
Par.?
bhakṣayasvāmṛtarasaṃ sā te tṛptir bhaviṣyati // (17.2)
Par.?
yadā tu tad vanaṃ śveta agastyaḥ sumahān ṛṣiḥ / (18.1)
Par.?
ākramiṣyati durdharṣastadā kṛcchrād vimokṣyase // (18.2)
Par.?
sa hi tārayituṃ saumya śaktaḥ suragaṇān api / (19.1)
Par.?
kiṃ punastvāṃ mahābāho kṣutpipāsāvaśaṃ gatam // (19.2)
Par.?
so 'haṃ bhagavataḥ śrutvā devadevasya niścayam / (20.1)
Par.?
āhāraṃ garhitaṃ kurmi svaśarīraṃ dvijottama // (20.2)
Par.?
bahūn varṣagaṇān brahman bhujyamānam idaṃ mayā / (21.1)
Par.?
kṣayaṃ nābhyeti brahmarṣe tṛptiścāpi mamottamā // (21.2)
Par.?
tasya me kṛcchrabhūtasya kṛcchrād asmād vimokṣaya / (22.1)
Par.?
anyeṣām agatir hyatra kumbhayonim ṛte dvijam // (22.2)
Par.?
idam ābharaṇaṃ saumya tāraṇārthaṃ dvijottama / (23.1)
Par.?
pratigṛhṇīṣva brahmarṣe prasādaṃ kartum arhasi // (23.2)
Par.?
tasyāhaṃ svargiṇo vākyaṃ śrutvā duḥkhasamanvitam / (24.1)
Par.?
tāraṇāyopajagrāha tad ābharaṇam uttamam // (24.2)
Par.?
mayā pratigṛhīte tu tasminn ābharaṇe śubhe / (25.1)
Par.?
mānuṣaḥ pūrvako deho rājarṣeḥ sa nanāśa ha // (25.2)
Par.?
pranaṣṭe tu śarīre 'sau rājarṣiḥ parayā mudā / (26.1)
Par.?
tṛptaḥ pramudito rājā jagāma tridivaṃ punaḥ // (26.2)
Par.?
tenedaṃ śakratulyena divyam ābharaṇaṃ mama / (27.1)
Par.?
tasminnimitte kākutstha dattam adbhutadarśanam // (27.2)
Par.?
Duration=0.24539995193481 secs.