UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3867
- Click on a sentence to show its analysis
- Keep the mouse pointer over a lemma to show its meanings.
athāta unmādapratiṣedhamadhyāyaṃ vyākhyāsyāmaḥ // (1.1)
Par.?
yathovāca bhagavān dhanvantariḥ // (2.1)
Par.?
madayantyuddhatā doṣā yasmādunmārgamāśritāḥ / (3.1)
Par.?
mānaso 'yamato vyādhirunmāda iti kīrtitaḥ // (3.2)
Par.?
ekaikaśaḥ samastaiśca doṣair atyarthamūrchitaiḥ / (4.1)
Par.?
mānasena ca duḥkhena sa pañcavidha ucyate // (4.2)
Par.?
viṣādbhavati ṣaṣṭhaśca yathāsvaṃ tatra bheṣajam / (5.1)
Par.?
sa cāpravṛddhastaruṇo madasaṃjñāṃ bibharti ca // (5.2)
Par.?
mohodvegau svanaḥ śrotre gātrāṇāmapakarṣaṇam / (6.1)
Par.?
atyutsāho 'ruciścānne svapne kaluṣabhojanam // (6.2)
Par.?
vāyunonmathanaṃ cāpi bhramaścakragatasya vā / (7.1)
Par.?
yasya syādacireṇaiva unmādaṃ so 'dhigacchati // (7.2)
Par.?
rūkṣacchaviḥ paruṣavāgdhamanītato vā śītāturaḥ kṛśatanuḥ sphuritāṅgasandhiḥ / (8.1)
Par.?
āsphoṭayatyaṭati gāyati nṛtyaśīlo vikrośati bhramati cāpyanilaprakopāt // (8.2)
Par.?
tṛṭsvedadāhabahulo bahubhug vinidraś chāyāhimānilajalāntavihārasevī / (9.1)
Par.?
tīkṣṇo himāmbuni caye 'pi sa vahniśaṅkī pittāddivā nabhasi paśyati tārakāśca // (9.2)
Par.?
chardyagnisādasadanārucikāsayukto yoṣidviviktaratiralpamatipracāraḥ / (10.1)
Par.?
nidrāparo 'lpakathano 'lpabhuguṣṇasevī rātrau bhṛśaṃ bhavati cāpi kaphaprakopāt // (10.2)
Par.?
sarvātmake pavanapittakaphā yathāsvaṃ saṃharṣitā iva ca liṅgamudīrayanti // (11.1)
Par.?
caurair narendrapuruṣairaribhistathānyair vitrāsitasya dhanabāndhavasaṃkṣayādvā / (12.1)
Par.?
gāḍhaṃ kṣate manasi ca priyayā riraṃsor jāyeta cotkaṭataro manaso vikāraḥ // (12.2)
Par.?
citraṃ sa jalpati mano'nugataṃ visaṃjño gāyatyatho hasati roditi mūḍhasaṃjñaḥ / (13.1)
Par.?
raktekṣaṇo hatabalendriyabhāḥ sudīnaḥ śyāvānano viṣakṛto 'tha bhavet parāsuḥ // (13.2)
Par.?
snigdhaṃ svinnaṃ tu manujamunmādārtaṃ viśodhayet / (14.1)
Par.?
tīkṣṇairubhayatobhāgaiḥ śirasaśca virecanaiḥ // (14.2)
Par.?
vividhairavapīḍaiśca sarṣapasnehasaṃyutaiḥ / (15.1)
Par.?
yojayitvā tu taccūrṇaṃ ghrāṇe tasya prayojayet // (15.2)
Par.?
satataṃ dhūpayeccainaṃ śvagomāṃsaiḥ supūtibhiḥ / (16.1)
Par.?
sarṣapānāṃ ca tailena nasyābhyaṅgau hitau sadā // (16.2)
Par.?
darśayedadbhutānyasya vadennāśaṃ priyasya vā / (17.1)
Par.?
bhīmākārair narair nāgair dāntair vyālaiśca nirviṣaiḥ // (17.2)
Par.?
bhīṣayet saṃyataṃ pāśaiḥ kaśābhir vātha tāḍayet / (18.1)
Par.?
yantrayitvā suguptaṃ vā trāsayettaṃ tṛṇāgninā // (18.2)
Par.?
jalena tarjayedvāpi rajjughātair vibhāvayet / (19.1)
Par.?
balavāṃścāpi saṃrakṣet jale 'ntaḥ parivāsayet / (19.2)
Par.?
pratudedārayā cainaṃ marmāghātaṃ vivarjayet / (19.3)
Par.?
veśmano 'ntaḥ praviśyainaṃ rakṣaṃstadveśma dīpayet // (19.4)
Par.?
sāpidhāne jaratkūpe satataṃ vā nivāsayet / (20.1)
Par.?
tryahāt tryahād yavāgūśca tarpaṇān vā pradāpayet // (20.2)
Par.?
kevalānambuyuktān vā kulmāṣān vā bahuśrutaḥ / (21.1)
Par.?
hṛdyaṃ yaddīpanīyaṃ ca tatpathyaṃ tasya bhojayet // (21.2)
Par.?
viḍaṅgatriphalāmustamañjiṣṭhādāḍimotpalaiḥ / (22.1)
Par.?
śyāmailavālukailābhiś candanāmaradārubhiḥ // (22.2) Par.?
barhiṣṭharajanīkuṣṭhaparṇinīsārivādvayaiḥ / (23.1)
Par.?
hareṇukātrivṛddantīvacātālīsakeśaraiḥ // (23.2)
Par.?
dvikṣīraṃ sādhitaṃ sarpirmālatīkusumaiḥ saha / (24.1)
Par.?
gulmakāsajvaraśvāsakṣayonmādanivāraṇam // (24.2)
Par.?
etadeva hi saṃpakvaṃ jīvanīyopasaṃbhṛtam / (25.1)
Par.?
caturguṇena dugdhena mahākalyāṇam ucyate // (25.2)
Par.?
apasmāraṃ grahaṃ śoṣaṃ klaibyaṃ kārśyamabījatām / (26.1)
Par.?
ghṛtametannihantyāśu ye cādau gaditā gadāḥ // (26.2)
Par.?
barhiṣṭhakuṣṭhamañjiṣṭhākaṭukailāniśāhvayaiḥ / (27.1)
Par.?
tagaratriphalāhiṅguvājigandhāmaradrumaiḥ // (27.2)
Par.?
vacājamodākākolīmedāmadhukapadmakaiḥ / (28.1)
Par.?
saśarkaraṃ hitaṃ sarpiḥ pakvaṃ kṣīracaturguṇam // (28.2)
Par.?
bālānāṃ grahajuṣṭānāṃ puṃsāṃ duṣṭālparetasām / (29.1)
Par.?
khyātaṃ phalaghṛtaṃ strīṇāṃ vandhyānāṃ cāśu garbhadam // (29.2)
Par.?
brahmīmaindrīṃ viḍaṅgāni vyoṣaṃ hiṅgu surāṃ jaṭām / (30.1)
Par.?
viṣaghnīṃ laśunaṃ rāsnāṃ viśalyāṃ surasāṃ vacām // (30.2)
Par.?
jyotiṣmatīṃ nāgaraṃ ca anantāmabhayāṃ tathā / (31.1)
Par.?
saurāṣṭrīṃ ca samāṃśāni gajamūtreṇa peṣayet // (31.2)
Par.?
chāyāviśuṣkās tadvartīr yojayed vidhikovidaḥ / (32.1)
Par.?
avapīḍe 'ñjane 'bhyaṅge nasye dhūme pralepane // (32.2)
Par.?
uro'pāṅgalalāṭeṣu sirāścāsya vimokṣayet / (33.1)
Par.?
apasmārakriyāṃ cāpi grahoddiṣṭāṃ ca kārayet // (33.2)
Par.?
śāntadoṣaṃ viśuddhaṃ ca snehabastibhirācaret / (34.1)
Par.?
unmādeṣu ca sarveṣu kuryāccittaprasādanam / (34.2)
Par.?
mṛdupūrvāṃ made 'pyevaṃ kriyāṃ mṛdvīṃ prayojayet // (34.3)
Par.?
śokaśalyaṃ vyapanayedunmāde pañcame bhiṣak / (35.1)
Par.?
viṣaje mṛdupūrvāṃ ca viṣaghnīṃ kārayet kriyām // (35.2)
Par.?
Duration=0.17613005638123 secs.