UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2458
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
vanaṃ praviṣṭeṣvatha pāṇḍaveṣu prajñācakṣus tapyamāno 'mbikeyaḥ / (1.2)
Par.?
dharmātmānaṃ viduram agādhabuddhiṃ sukhāsīno vākyam uvāca rājā // (1.3)
Par.?
prajñā ca te bhārgavasyeva śuddhā dharmaṃ ca tvaṃ paramaṃ vettha sūkṣmam / (2.1)
Par.?
samaś ca tvaṃ saṃmataḥ kauravāṇāṃ pathyaṃ caiṣāṃ mama caiva bravīhi // (2.2)
Par.?
evaṃ gate vidura yad adya kāryaṃ paurāś ceme katham asmān bhajeran / (3.1)
Par.?
te cāpy asmān noddhareyuḥ samūlān na kāmaye tāṃś ca vinaśyamānān // (3.2)
Par.?
vidura uvāca / (4.1)
Par.?
trivargo 'yaṃ dharmamūlo narendra rājyaṃ cedaṃ dharmamūlaṃ vadanti / (4.2)
Par.?
dharme rājan vartamānaḥ svaśaktyā putrān sarvān pāhi kuntīsutāṃś ca // (4.3)
Par.?
sa vai dharmo vipraluptaḥ sabhāyāṃ pāpātmabhiḥ saubaleyapradhānaiḥ / (5.1)
Par.?
āhūya kuntīsutam akṣavatyāṃ parājaiṣīt satyasaṃdhaṃ sutas te // (5.2)
Par.?
etasya te duṣpraṇītasya rājañ śeṣasyāhaṃ paripaśyāmy upāyam / (6.1)
Par.?
yathā putras tava kauravya pāpān mukto loke pratitiṣṭheta sādhu // (6.2)
Par.?
tad vai sarvaṃ pāṇḍuputrā labhantāṃ yat tad rājann atisṛṣṭaṃ tvayāsīt / (7.1)
Par.?
eṣa dharmaḥ paramo yat svakena rājā tuṣyen na parasveṣu gṛdhyet // (7.2)
Par.?
etat kāryaṃ tava sarvapradhānaṃ teṣāṃ tuṣṭiḥ śakuneś cāvamānaḥ / (8.1)
Par.?
evaṃ śeṣaṃ yadi putreṣu te syād etad rājaṃs tvaramāṇaḥ kuruṣva // (8.2)
Par.?
athaitad evaṃ na karoṣi rājan dhruvaṃ kurūṇāṃ bhavitā vināśaḥ / (9.1)
Par.?
na hi kruddho bhīmaseno 'rjuno vā śeṣaṃ kuryācchātravāṇām anīke // (9.2)
Par.?
yeṣāṃ yoddhā savyasācī kṛtāstro dhanur yeṣāṃ gāṇḍivaṃ lokasāram / (10.1)
Par.?
yeṣāṃ bhīmo bāhuśālī ca yoddhā teṣāṃ loke kiṃ nu na prāpyam asti // (10.2)
Par.?
uktaṃ pūrvaṃ jātamātre sute te mayā yat te hitam āsīt tadānīm / (11.1)
Par.?
putraṃ tyajemam ahitaṃ kulasyetyetad rājan na ca tat tvaṃ cakartha / (11.2)
Par.?
idānīṃ te hitam uktaṃ na cet tvaṃ kartāsi rājan paritaptāsi paścāt // (11.3)
Par.?
yady etad evam anumantā sutas te saṃprīyamāṇaḥ pāṇḍavair ekarājyam / (12.1)
Par.?
tāpo na te vai bhavitā prītiyogāt tvaṃ cen na gṛhṇāsi sutaṃ sahāyaiḥ / (12.2)
Par.?
athāparo bhavati hi taṃ nigṛhya pāṇḍoḥ putraṃ prakuruṣvādhipatye // (12.3)
Par.?
ajātaśatrur hi vimuktarāgo dharmeṇemāṃ pṛthivīṃ śāstu rājan / (13.1)
Par.?
tato rājan pārthivāḥ sarva eva vaiśyā ivāsmān upatiṣṭhantu sadyaḥ // (13.2)
Par.?
duryodhanaḥ śakuniḥ sūtaputraḥ prītyā rājan pāṇḍuputrān bhajantām / (14.1)
Par.?
duḥśāsano yācatu bhīmasenaṃ sabhāmadhye drupadasyātmajāṃ ca // (14.2)
Par.?
yudhiṣṭhiraṃ tvaṃ parisāntvayasva rājye cainaṃ sthāpayasvābhipūjya / (15.1) Par.?
tvayā pṛṣṭaḥ kim aham anyad vadeyam etat kṛtvā kṛtakṛtyo 'si rājan // (15.2)
Par.?
dhṛtarāṣṭra uvāca / (16.1)
Par.?
etad vākyaṃ vidura yat te sabhāyām iha proktaṃ pāṇḍavān prāpya māṃ ca / (16.2)
Par.?
hitaṃ teṣām ahitaṃ māmakānām etat sarvaṃ mama nopaiti cetaḥ // (16.3)
Par.?
idaṃ tvidānīṃ kuta eva niścitaṃ teṣām arthe pāṇḍavānāṃ yad āttha / (17.1)
Par.?
tenādya manye nāsi hito mameti kathaṃ hi putraṃ pāṇḍavārthe tyajeyam // (17.2)
Par.?
asaṃśayaṃ te 'pi mamaiva putrā duryodhanas tu mama dehāt prasūtaḥ / (18.1)
Par.?
svaṃ vai dehaṃ parahetos tyajeti ko nu brūyāt samatām anvavekṣan // (18.2)
Par.?
sa mā jihmaṃ vidura sarvaṃ bravīṣi mānaṃ ca te 'ham adhikaṃ dhārayāmi / (19.1)
Par.?
yathecchakaṃ gaccha vā tiṣṭha vā tvaṃ susāntvyamānāpyasatī strī jahāti // (19.2)
Par.?
vaiśampāyana uvāca / (20.1)
Par.?
etāvad uktvā dhṛtarāṣṭro 'nvapadyad antarveśma sahasotthāya rājan / (20.2)
Par.?
nedam astīty atha viduro bhāṣamāṇaḥ samprādravad yatra pārthā babhūvuḥ // (20.3)
Par.?
Duration=0.09424090385437 secs.