Texts

lomaśa uvāca / (1.1) Par.?

caṅkramyamāṇaḥ sa tadā yavakrīr akutobhayaḥ / (1.2) Par.?

jagāma mādhave māsi raibhyāśramapadaṃ prati // (1.3) Par.?

sa dadarśāśrame puṇye puṣpitadrumabhūṣite / (2.1) Par.?

vicarantīṃ snuṣāṃ tasya kiṃnarīm iva bhārata // (2.2) Par.?

yavakrīs tām uvācedam upatiṣṭhasva mām iti / (3.1) Par.?

nirlajjo lajjayā yuktāṃ kāmena hṛtacetanaḥ // (3.2) Par.?

sā tasya śīlam ājñāya tasmācchāpācca bibhyatī / (4.1) Par.?

tejasvitāṃ ca raibhyasya tathetyuktvā jagāma sā // (4.2) Par.?

tata ekāntam unnīya majjayāmāsa bhārata / (5.1) Par.?

ājagāma tadā raibhyaḥ svam āśramam ariṃdama // (5.2) Par.?

rudantīṃ ca snuṣāṃ dṛṣṭvā bhāryām ārtāṃ parāvasoḥ / (6.1) Par.?

sāntvayañślakṣṇayā vācā paryapṛcchad yudhiṣṭhira // (6.2) Par.?

sā tasmai sarvam ācaṣṭa yavakrībhāṣitaṃ śubhā / (7.1) Par.?

pratyuktaṃ ca yavakrītaṃ prekṣāpūrvaṃ tadātmanā // (7.2) Par.?

śṛṇvānasyaiva raibhyasya yavakrītaviceṣṭitam / (8.1) Par.?

dahann iva tadā cetaḥ krodhaḥ samabhavan mahān // (8.2) Par.?

sa tadā manyunāviṣṭas tapasvī bhṛśakopanaḥ / (9.1) Par.?

avalupya jaṭām ekāṃ juhāvāgnau susaṃskṛte // (9.2) Par.?

tataḥ samabhavannārī tasyā rūpeṇa saṃmitā / (10.1) Par.?

avalupyāparāṃ cātha juhāvāgnau jaṭāṃ punaḥ // (10.2) Par.?

tataḥ samabhavad rakṣo ghorākṣaṃ bhīmadarśanam / (11.1) Par.?

abrūtāṃ tau tadā raibhyaṃ kiṃ kāryaṃ karavāmahe // (11.2) Par.?

tāv abravīd ṛṣiḥ kruddho yavakrīr vadhyatām iti / (12.1) Par.?

jagmatus tau tathetyuktvā yavakrītajighāṃsayā // (12.2) Par.?

tatas taṃ samupāsthāya kṛtyā sṛṣṭā mahātmanā / (13.1) Par.?

kamaṇḍaluṃ jahārāsya mohayitvā tu bhārata // (13.2) Par.?

ucchiṣṭaṃ tu yavakrītam apakṛṣṭakamaṇḍalum / (14.1) Par.?

tata udyataśūlaḥ sa rākṣasaḥ samupādravat // (14.2) Par.?

tam āpatantaṃ samprekṣya śūlahastaṃ jighāṃsayā / (15.1) Par.?

yavakrīḥ sahasotthāya prādravad yena vai saraḥ // (15.2) Par.?

jalahīnaṃ saro dṛṣṭvā yavakrīs tvaritaḥ punaḥ / (16.1) Par.?

jagāma saritaḥ sarvās tāścāpyāsan viśoṣitāḥ // (16.2) Par.?

sa kālyamāno ghoreṇa śūlahastena rakṣasā / (17.1) Par.?

agnihotraṃ pitur bhītaḥ sahasā samupādravat // (17.2) Par.?

sa vai praviśamānas tu śūdreṇāndhena rakṣiṇā / (18.1) Par.?

nigṛhīto balād dvāri so 'vātiṣṭhata pārthiva // (18.2) Par.?

nigṛhītaṃ tu śūdreṇa yavakrītaṃ sa rākṣasaḥ / (19.1) Par.?

tāḍayāmāsa śūlena sa bhinnahṛdayo 'patat // (19.2) Par.?

yavakrītaṃ sa hatvā tu rākṣaso raibhyam āgamat / (20.1) Par.?

anujñātas tu raibhyeṇa tayā nāryā sahācarat // (20.2) Par.?