Texts

saṃjaya uvāca / (1.1) Par.?

vākśalyaistava putreṇa so 'tividdhaḥ pitāmahaḥ / (1.2) Par.?

duḥkhena mahatāviṣṭo novācāpriyam aṇvapi // (1.3) Par.?

sa dhyātvā suciraṃ kālaṃ duḥkharoṣasamanvitaḥ / (2.1) Par.?

śvasamāno yathā nāgaḥ praṇunno vai śalākayā // (2.2) Par.?

udvṛtya cakṣuṣī kopānnirdahann iva bhārata / (3.1) Par.?

sadevāsuragandharvaṃ lokaṃ lokavidāṃ varaḥ / (3.2) Par.?

abravīt tava putraṃ tu sāmapūrvam idaṃ vacaḥ // (3.3) Par.?

kiṃ nu duryodhanaivaṃ māṃ vākśalyair upavidhyasi / (4.1) Par.?

ghaṭamānaṃ yathāśakti kurvāṇaṃ ca tava priyam / (4.2) Par.?

juhvānaṃ samare prāṇāṃstavaiva hitakāmyayā // (4.3) Par.?

yadā tu pāṇḍavaḥ śūraḥ khāṇḍave 'gnim atarpayat / (5.1) Par.?

parājitya raṇe śakraṃ paryāptaṃ tannidarśanam // (5.2) Par.?

yadā ca tvāṃ mahābāho gandharvair hṛtam ojasā / (6.1) Par.?

amocayat pāṇḍusutaḥ paryāptaṃ tannidarśanam // (6.2) Par.?

dravamāṇeṣu śūreṣu sodareṣu tathābhibho / (7.1) Par.?

sūtaputre ca rādheye paryāptaṃ tannidarśanam // (7.2) Par.?

yacca naḥ sahitān sarvān virāṭanagare tadā / (8.1) Par.?

eka eva samudyātaḥ paryāptaṃ tannidarśanam // (8.2) Par.?

droṇaṃ ca yudhi saṃrabdhaṃ māṃ ca nirjitya saṃyuge / (9.1) Par.?

karṇaṃ ca tvāṃ ca drauṇiṃ ca kṛpaṃ ca sumahāratham / (9.2) Par.?

vāsāṃsi sa samādatta paryāptaṃ tannidarśanam // (9.3) Par.?

nivātakavacān yuddhe vāsavenāpi durjayān / (10.1) Par.?

jitavān samare pārthaḥ paryāptaṃ tannidarśanam // (10.2) Par.?

ko hi śakto raṇe jetuṃ pāṇḍavaṃ rabhasaṃ raṇe / (11.1) Par.?

tvaṃ tu mohānna jānīṣe vācyāvācyaṃ suyodhana // (11.2) Par.?

mumūrṣur hi naraḥ sarvān vṛkṣān paśyati kāñcanān / (12.1) Par.?

tathā tvam api gāndhāre viparītāni paśyasi // (12.2) Par.?

svayaṃ vairaṃ mahat kṛtvā pāṇḍavaiḥ sahasṛñjayaiḥ / (13.1) Par.?

yudhyasva tān adya raṇe paśyāmaḥ puruṣo bhava // (13.2) Par.?

ahaṃ tu somakān sarvān sapāñcālān samāgatān / (14.1) Par.?

nihaniṣye naravyāghra varjayitvā śikhaṇḍinam // (14.2) Par.?

tair vāhaṃ nihataḥ saṃkhye gamiṣye yamasādanam / (15.1) Par.?

tān vā nihatya saṃgrāme prītiṃ dāsyāmi vai tava // (15.2) Par.?

pūrvaṃ hi strī samutpannā śikhaṇḍī rājaveśmani / (16.1) Par.?

varadānāt pumāñ jātaḥ saiṣā vai strī śikhaṇḍinī // (16.2) Par.?

tām ahaṃ na haniṣyāmi prāṇatyāge 'pi bhārata / (17.1) Par.?

yāsau prāṅ nirmitā dhātrā saiṣā vai strī śikhaṇḍinī // (17.2) Par.?

sukhaṃ svapihi gāndhāre śvo 'smi kartā mahāraṇam / (18.1) Par.?

yajjanāḥ kathayiṣyanti yāvat sthāsyati medinī // (18.2) Par.?

evam uktastava suto nirjagāma janeśvara / (19.1) Par.?

abhivādya guruṃ mūrdhnā prayayau svaṃ niveśanam // (19.2) Par.?

āgamya tu tato rājā visṛjya ca mahājanam / (20.1) Par.?

praviveśa tatastūrṇaṃ kṣayaṃ śatrukṣayaṃkaraḥ / (20.2) Par.?

praviṣṭaḥ sa niśāṃ tāṃ ca gamayāmāsa pārthivaḥ // (20.3) Par.?