Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9179

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

tasyāṃ rātryāṃ vyatītāyāṃ dhṛṣṭadyumnasya sārathiḥ / (1.2) Par.?

śaśaṃsa dharmarājāya sauptike kadanaṃ kṛtam // (1.3) Par.?

draupadeyā mahārāja drupadasyātmajaiḥ saha / (2.1) Par.?

pramattā niśi viśvastāḥ svapantaḥ śibire svake // (2.2) Par.?

kṛtavarmaṇā nṛśaṃsena gautamena kṛpeṇa ca / (3.1) Par.?

aśvatthāmnā ca pāpena hataṃ vaḥ śibiraṃ niśi // (3.2) Par.?

etair naragajāśvānāṃ prāsaśaktiparaśvadhaiḥ / (4.1) Par.?

sahasrāṇi nikṛntadbhir niḥśeṣaṃ te balaṃ kṛtam // (4.2) Par.?

chidyamānasya mahato vanasyeva paraśvadhaiḥ / (5.1) Par.?

śuśruve sumahāñ śabdo balasya tava bhārata // (5.2) Par.?

aham eko 'vaśiṣṭastu tasmāt sainyānmahīpate / (6.1) Par.?

muktaḥ kathaṃcid dharmātman vyagrasya kṛtavarmaṇaḥ // (6.2) Par.?

tacchrutvā vākyam aśivaṃ kuntīputro yudhiṣṭhiraḥ / (7.1) Par.?

papāta mahyāṃ durdharṣaḥ putraśokasamanvitaḥ // (7.2) Par.?

taṃ patantam abhikramya parijagrāha sātyakiḥ / (8.1) Par.?

bhīmaseno 'rjunaścaiva mādrīputrau ca pāṇḍavau // (8.2) Par.?

labdhacetāstu kaunteyaḥ śokavihvalayā girā / (9.1) Par.?

jitvā śatrūñ jitaḥ paścāt paryadevayad āturaḥ // (9.2) Par.?

durvidā gatir arthānām api ye divyacakṣuṣaḥ / (10.1) Par.?

jīyamānā jayantyanye jayamānā vayaṃ jitāḥ // (10.2) Par.?

hatvā bhrātṝn vayasyāṃśca pitṝn putrān suhṛdgaṇān / (11.1) Par.?

bandhūn amātyān pautrāṃśca jitvā sarvāñ jitā vayam // (11.2) Par.?

anartho hyarthasaṃkāśastathārtho 'narthadarśanaḥ / (12.1) Par.?

jayo 'yam ajayākāro jayastasmāt parājayaḥ // (12.2) Par.?

yaṃ jitvā tapyate paścād āpanna iva durmatiḥ / (13.1) Par.?

kathaṃ manyeta vijayaṃ tato jitataraḥ paraiḥ // (13.2) Par.?

yeṣām arthāya pāpasya dhig jayasya suhṛdvadhe / (14.1) Par.?

nirjitair apramattair hi vijitā jitakāśinaḥ // (14.2) Par.?

karṇinālīkadaṃṣṭrasya khaḍgajihvasya saṃyuge / (15.1) Par.?

cāpavyāttasya raudrasya jyātalasvananādinaḥ // (15.2) Par.?

kruddhasya narasiṃhasya saṃgrāmeṣvapalāyinaḥ / (16.1) Par.?

ye vyamucyanta karṇasya pramādāt ta ime hatāḥ // (16.2) Par.?

rathahradaṃ śaravarṣormimantaṃ ratnācitaṃ vāhanarājiyuktam / (17.1) Par.?

śaktyṛṣṭimīnadhvajanāganakraṃ śarāsanāvartamaheṣuphenam // (17.2) Par.?

saṃgrāmacandrodayavegavelaṃ droṇārṇavaṃ jyātalanemighoṣam / (18.1) Par.?

ye terur uccāvacaśastranaubhis te rājaputrā nihatāḥ pramādāt // (18.2) Par.?

na hi pramādāt paramo 'sti kaścid vadho narāṇām iha jīvaloke / (19.1) Par.?

pramattam arthā hi naraṃ samantāt tyajantyanarthāśca samāviśanti // (19.2) Par.?

dhvajottamāgrocchritadhūmaketuṃ śarārciṣaṃ kopamahāsamīram / (20.1) Par.?

mahādhanurjyātalanemighoṣaṃ tanutranānāvidhaśastrahomam // (20.2) Par.?

mahācamūkakṣavarābhipannaṃ mahāhave bhīṣmamahādavāgnim / (21.1) Par.?

ye sehur āttāyataśastravegaṃ te rājaputrā nihatāḥ pramādāt // (21.2) Par.?

na hi pramattena nareṇa labhyā vidyā tapaḥ śrīr vipulaṃ yaśo vā / (22.1) Par.?

paśyāpramādena nihatya śatrūn sarvānmahendraṃ sukham edhamānam // (22.2) Par.?

indropamān pārthivaputrapautrān paśyāviśeṣeṇa hatān pramādāt / (23.1) Par.?

tīrtvā samudraṃ vaṇijaḥ samṛddhāḥ sannāḥ kunadyām iva helamānāḥ / (23.2) Par.?

amarṣitair ye nihatāḥ śayānā niḥsaṃśayaṃ te tridivaṃ prapannāḥ // (23.3) Par.?

kṛṣṇāṃ nu śocāmi kathaṃ na sādhvīṃ śokārṇave sādya vinaṅkṣyatīti / (24.1) Par.?

bhrātṝṃśca putrāṃśca hatānniśamya pāñcālarājaṃ pitaraṃ ca vṛddham / (24.2) Par.?

dhruvaṃ visaṃjñā patitā pṛthivyāṃ sā śeṣyate śokakṛśāṅgayaṣṭiḥ // (24.3) Par.?

tacchokajaṃ duḥkham apārayantī kathaṃ bhaviṣyatyucitā sukhānām / (25.1) Par.?

putrakṣayabhrātṛvadhapraṇunnā pradahyamāneva hutāśanena // (25.2) Par.?

ityevam ārtaḥ paridevayan sa rājā kurūṇāṃ nakulaṃ babhāṣe / (26.1) Par.?

gacchānayainām iha mandabhāgyāṃ samātṛpakṣām iti rājaputrīm // (26.2) Par.?

mādrīsutastat parigṛhya vākyaṃ dharmeṇa dharmapratimasya rājñaḥ / (27.1) Par.?

yayau rathenālayam āśu devyāḥ pāñcālarājasya ca yatra dārāḥ // (27.2) Par.?

prasthāpya mādrīsutam ājamīḍhaḥ śokārditastaiḥ sahitaḥ suhṛdbhiḥ / (28.1) Par.?

rorūyamāṇaḥ prayayau sutānām āyodhanaṃ bhūtagaṇānukīrṇam // (28.2) Par.?

sa tat praviśyāśivam ugrarūpaṃ dadarśa putrān suhṛdaḥ sakhīṃśca / (29.1) Par.?

bhūmau śayānān rudhirārdragātrān vibhinnabhagnāpahṛtottamāṅgān // (29.2) Par.?

sa tāṃstu dṛṣṭvā bhṛśam ārtarūpo yudhiṣṭhiro dharmabhṛtāṃ variṣṭhaḥ / (30.1) Par.?

uccaiḥ pracukrośa ca kauravāgryaḥ papāta corvyāṃ sagaṇo visaṃjñaḥ // (30.2) Par.?

Duration=0.12069392204285 secs.