Texts

yudhiṣṭhira uvāca / (1.1) Par.?

kiṃ svid dattaṃ pitṛbhyo vai bhavatyakṣayam īśvara / (1.2) Par.?

kiṃ haviścirarātrāya kim ānantyāya kalpate // (1.3) Par.?

bhīṣma uvāca / (2.1) Par.?

havīṃṣi śrāddhakalpe tu yāni śrāddhavido viduḥ / (2.2) Par.?

tāni me śṛṇu kāmyāni phalaṃ caiṣāṃ yudhiṣṭhira // (2.3) Par.?

tilair vrīhiyavair māṣair adbhir mūlaphalaistathā / (3.1) Par.?

dattena māsaṃ prīyante śrāddhena pitaro nṛpa // (3.2) Par.?

vardhamānatilaṃ śrāddham akṣayaṃ manur abravīt / (4.1) Par.?

sarveṣveva tu bhojyeṣu tilāḥ prādhānyataḥ smṛtāḥ // (4.2) Par.?

dvau māsau tu bhavet tṛptir matsyaiḥ pitṛgaṇasya ha / (5.1) Par.?

trīnmāsān āvikenāhuścāturmāsyaṃ śaśena tu // (5.2) Par.?

ājena māsān prīyante pañcaiva pitaro nṛpa / (6.1) Par.?

vārāheṇa tu ṣaṇmāsān sapta vai śākunena tu // (6.2) Par.?

māsān aṣṭau pārṣatena rauraveṇa navaiva tu / (7.1) Par.?

gavayasya tu māṃsena tṛptiḥ syād daśamāsikī // (7.2) Par.?

māsān ekādaśa prītiḥ pitṝṇāṃ māhiṣeṇa tu / (8.1) Par.?

gavyena datte śrāddhe tu saṃvatsaram ihocyate // (8.2) Par.?

yathā gavyaṃ tathā yuktaṃ pāyasaṃ sarpiṣā saha / (9.1) Par.?

vādhrīṇasasya māṃsena tṛptir dvādaśavārṣikī // (9.2) Par.?

ānantyāya bhaved dattaṃ khaḍgamāṃsaṃ pitṛkṣaye / (10.1) Par.?

kālaśākaṃ ca lauhaṃ cāpyānantyaṃ chāga ucyate // (10.2) Par.?

gāthāścāpyatra gāyanti pitṛgītā yudhiṣṭhira / (11.1) Par.?

sanatkumāro bhagavān purā mayyabhyabhāṣata // (11.2) Par.?

api naḥ sa kule jāyād yo no dadyāt trayodaśīm / (12.1) Par.?

maghāsu sarpiṣā yuktaṃ pāyasaṃ dakṣiṇāyane // (12.2) Par.?

ājena vāpi lauhena maghāsveva yatavrataḥ / (13.1) Par.?

hasticchāyāsu vidhivat karṇavyajanavījitam // (13.2) Par.?

eṣṭavyā bahavaḥ putrā yadyeko 'pi gayāṃ vrajet / (14.1) Par.?

yatrāsau prathito lokeṣvakṣayyakaraṇo vaṭaḥ // (14.2) Par.?

āpo mūlaṃ phalaṃ māṃsam annaṃ vāpi pitṛkṣaye / (15.1) Par.?

yat kiṃcinmadhusaṃmiśraṃ tad ānantyāya kalpate // (15.2) Par.?