UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9452
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataḥ prāsādaharmyeṣu vasudhāyāṃ ca pārthiva / (1.2)
Par.?
strīṇāṃ ca puruṣāṇāṃ ca sumahānnisvano 'bhavat // (1.3)
Par.?
sa rājā rājamārgeṇa nṛnārīsaṃkulena ca / (2.1)
Par.?
kathaṃcinniryayau dhīmān vepamānaḥ kṛtāñjaliḥ // (2.2)
Par.?
sa vardhamānadvāreṇa niryayau gajasāhvayāt / (3.1)
Par.?
visarjayāmāsa ca taṃ janaughaṃ sa muhur muhuḥ // (3.2)
Par.?
vanaṃ gantuṃ ca viduro rājñā saha kṛtakṣaṇaḥ / (4.1)
Par.?
saṃjayaśca mahāmātraḥ sūto gāvalgaṇistathā // (4.2)
Par.?
kṛpaṃ nivartayāmāsa yuyutsuṃ ca mahāratham / (5.1)
Par.?
dhṛtarāṣṭro mahīpālaḥ paridāya yudhiṣṭhire // (5.2) Par.?
nivṛtte pauravarge tu rājā sāntaḥpurastadā / (6.1)
Par.?
dhṛtarāṣṭrābhyanujñāto nivartitum iyeṣa saḥ // (6.2)
Par.?
so 'bravīnmātaraṃ kuntīm upetya bharatarṣabha / (7.1)
Par.?
ahaṃ rājānam anviṣye bhavatī vinivartatām // (7.2)
Par.?
vadhūparivṛtā rājñi nagaraṃ gantum arhasi / (8.1)
Par.?
rājā yātveṣa dharmātmā tapase dhṛtaniścayaḥ // (8.2)
Par.?
ityuktā dharmarājena bāṣpavyākulalocanā / (9.1)
Par.?
jagādaivaṃ tadā kuntī gāndhārīṃ parigṛhya ha // (9.2)
Par.?
sahadeve mahārāja mā pramādaṃ kṛthāḥ kvacit / (10.1)
Par.?
eṣa mām anurakto hi rājaṃstvāṃ caiva nityadā // (10.2)
Par.?
karṇaṃ smarethāḥ satataṃ saṃgrāmeṣvapalāyinam / (11.1)
Par.?
avakīrṇo hi sa mayā vīro duṣprajñayā tadā // (11.2)
Par.?
āyasaṃ hṛdayaṃ nūnaṃ mandāyā mama putraka / (12.1)
Par.?
yat sūryajam apaśyantyāḥ śatadhā na vidīryate // (12.2)
Par.?
evaṃgate tu kiṃ śakyaṃ mayā kartum ariṃdama / (13.1)
Par.?
mama doṣo 'yam atyarthaṃ khyāpito yanna sūryajaḥ / (13.2)
Par.?
tannimittaṃ mahābāho dānaṃ dadyāstvam uttamam // (13.3)
Par.?
sadaiva bhrātṛbhiḥ sārdham agrajasyārimardana / (14.1)
Par.?
draupadyāśca priye nityaṃ sthātavyam arikarśana // (14.2)
Par.?
bhīmasenārjunau caiva nakulaśca kurūdvaha / (15.1)
Par.?
samādheyāstvayā vīra tvayyadya kuladhūr gatā // (15.2)
Par.?
śvaśrūśvaśurayoḥ pādāñśuśrūṣantī vane tvaham / (16.1)
Par.?
gāndhārīsahitā vatsye tāpasī malapaṅkinī // (16.2)
Par.?
evam uktaḥ sa dharmātmā bhrātṛbhiḥ sahito vaśī / (17.1)
Par.?
viṣādam agamat tīvraṃ na ca kiṃcid uvāca ha // (17.2)
Par.?
sa muhūrtam iva dhyātvā dharmaputro yudhiṣṭhiraḥ / (18.1)
Par.?
uvāca mātaraṃ dīnaścintāśokaparāyaṇaḥ // (18.2)
Par.?
kim idaṃ te vyavasitaṃ naivaṃ tvaṃ vaktum arhasi / (19.1)
Par.?
na tvām abhyanujānāmi prasādaṃ kartum arhasi // (19.2)
Par.?
vyarocayaḥ purā hyasmān utsāhya priyadarśane / (20.1)
Par.?
vidurāyā vacobhistvam asmānna tyaktum arhasi // (20.2)
Par.?
nihatya pṛthivīpālān rājyaṃ prāptam idaṃ mayā / (21.1)
Par.?
tava prajñām upaśrutya vāsudevānnararṣabhāt // (21.2)
Par.?
kva sā buddhir iyaṃ cādya bhavatyā yā śrutā mayā / (22.1)
Par.?
kṣatradharme sthitiṃ hyuktvā tasyāścalitum icchasi // (22.2)
Par.?
asmān utsṛjya rājyaṃ ca snuṣāṃ cemāṃ yaśasvinīm / (23.1)
Par.?
kathaṃ vatsyasi śūnyeṣu vaneṣv amba prasīda me // (23.2)
Par.?
iti bāṣpakalāṃ vācaṃ kuntī putrasya śṛṇvatī / (24.1)
Par.?
jagāmaivāśrupūrṇākṣī bhīmastām idam abravīt // (24.2)
Par.?
yadā rājyam idaṃ kunti bhoktavyaṃ putranirjitam / (25.1)
Par.?
prāptavyā rājadharmāśca tadeyaṃ te kuto matiḥ // (25.2)
Par.?
kiṃ vayaṃ kāritāḥ pūrvaṃ bhavatyā pṛthivīkṣayam / (26.1)
Par.?
kasya hetoḥ parityajya vanaṃ gantum abhīpsasi // (26.2)
Par.?
vanāccāpi kim ānītā bhavatyā bālakā vayam / (27.1)
Par.?
duḥkhaśokasamāviṣṭau mādrīputrāvimau tathā // (27.2)
Par.?
prasīda mātar mā gāstvaṃ vanam adya yaśasvini / (28.1)
Par.?
śriyaṃ yaudhiṣṭhirīṃ tāvad bhuṅkṣva pārthabalārjitām // (28.2)
Par.?
iti sā niścitaivātha vanavāsakṛtakṣaṇā / (29.1)
Par.?
lālapyatāṃ bahuvidhaṃ putrāṇāṃ nākarod vacaḥ // (29.2)
Par.?
draupadī cānvayācchvaśrūṃ viṣaṇṇavadanā tadā / (30.1)
Par.?
vanavāsāya gacchantīṃ rudatī bhadrayā saha // (30.2)
Par.?
sā putrān rudataḥ sarvānmuhur muhur avekṣatī / (31.1)
Par.?
jagāmaiva mahāprājñā vanāya kṛtaniścayā // (31.2)
Par.?
anvayuḥ pāṇḍavāstāṃ tu sabhṛtyāntaḥpurāstadā / (32.1)
Par.?
tataḥ pramṛjya sāśrūṇi putrān vacanam abravīt // (32.2)
Par.?
Duration=0.10120105743408 secs.