UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5584
- Click on a sentence to show its analysis
- Keep the mouse pointer over a lemma to show its meanings.
śailādiruvāca / (1.1)
Par.?
athavā devamīśānaṃ liṅge sampūjayecchivam / (1.2)
Par.?
brāhmaṇaḥ śivabhaktaśca śivadhyānaparāyaṇaḥ // (1.3)
Par.?
agnirityādinā bhasma gṛhītvā hyagnihotrajam / (2.1)
Par.?
uddhūlayeddhi sarvāṅgamāpādatalamastakam // (2.2)
Par.?
ācāmedbrahmatīrthena brahmasūtrī hyudaṅmukhaḥ / (3.1)
Par.?
athauṃ namaḥ śivāyeti tanuṃ kṛtvātmanaḥ punaḥ // (3.2)
Par.?
devaṃ ca tena mantreṇa pūjayetpraṇavena ca / (4.1)
Par.?
sarvasmādadhikā pūjā aghoreśasya śūlinaḥ // (4.2)
Par.?
sāmānyaṃ yajanaṃ sarvamagnikāryaṃ ca suvrata / (5.1)
Par.?
mantrabhedaḥ prabhostasya aghoradhyānameva ca // (5.2)
Par.?
aghorebhyo 'tha ghorebhyo ghoraghoratarebhyaḥ śarvebhyaḥ sarvaśarvebhyo namaste astu rudrarūpebhyaḥ // (6.2)
Par.?
aghorebhyaḥ praśāntahṛdayāya namaḥ / (7.1)
Par.?
atha ghorebhyaḥ sarvātmabrahmaśirase svāhā / (7.2)
Par.?
ghoraghoratarebhyaḥ jvālāmālinī śikhāyai vaṣaṭ / (7.3)
Par.?
sarvebhyaḥ sarvaśarvebhyaḥ piṅgalakavacāya hum / (7.4)
Par.?
namaste astu rudrarūpebhyaḥ netratrayāya vaṣaṭ / (7.5)
Par.?
sahasrākṣāya durbhedāya pāśupatāstrāya huṃ phaṭ / (7.6)
Par.?
snātvācāmya tanuṃ kṛtvā samabhyukṣyāghamarṣaṇam / (7.7)
Par.?
tarpaṇaṃ vidhinā cārghyaṃ bhānave bhānupūjanam // (7.8)
Par.?
samaṃ cāghorapūjāyāṃ mantramātreṇa bheditam / (8.1)
Par.?
mārgaśuddhistathā dvāri pūjāṃ vāstvadhipasya ca // (8.2)
Par.?
kṛtvā karaṃ viśodhyāgre sa śubhāsanamāsthitaḥ / (9.1)
Par.?
nāsāgrakamale sthāpya dagdhākṣaḥ kṣubhikāgninā // (9.2)
Par.?
vāyunā prerya tadbhasma viśodhya ca śubhāṃbhasā / (10.1)
Par.?
śaktyāmṛtamaye brahmakalāṃ tatra prakalpayet // (10.2)
Par.?
aghoraṃ pañcadhā kṛtvā pañcāṅgasahitaṃ punaḥ / (11.1)
Par.?
itthaṃ jñānakriyāmevaṃ vinyasya ca vidhānataḥ // (11.2)
Par.?
nyāsas trinetrasahito hṛdi dhyātvā varāsane / (12.1)
Par.?
nābhau vahnigataṃ smṛtvā bhrūmadhye dīpavatprabhum // (12.2)
Par.?
śāntyā bījāṅkurānantadharmādyairapi saṃyute / (13.1)
Par.?
somasūryāgnisampanne mūrtitrayasamanvite // (13.2)
Par.?
vāmādibhiśca sahite manonmanyāpyadhiṣṭhite / (14.1)
Par.?
śivāsanetmamūrtistham akṣayākārarūpiṇam // (14.2)
Par.?
aṣṭatriṃśatkalādehaṃ tritattvasahitaṃ śivam / (15.1)
Par.?
aṣṭādaśabhujaṃ devaṃ gajacarmottarīyakam // (15.2)
Par.?
siṃhājināṃbaradharamaghoraṃ parameśvaram / (16.1)
Par.?
dvātriṃśākṣararūpeṇa dvātriṃśacchaktibhirvṛtam // (16.2)
Par.?
sarvābharaṇasaṃyuktaṃ sarvadevanamaskṛtam / (17.1)
Par.?
kapālamālābharaṇaṃ sarvavṛścikabhūṣaṇam // (17.2)
Par.?
pūrṇenduvadanaṃ saumyaṃ candrakoṭisamaprabham / (18.1)
Par.?
candrarekhādharaṃ śaktyā sahitaṃ nīlarūpiṇam // (18.2) Par.?
haste khaḍgaṃ kheṭakaṃ pāśam eke ratnaiścitraṃ cāṅkuśaṃ nāgakakṣām / (19.1)
Par.?
śarāsanaṃ pāśupataṃ tathāstraṃ daṇḍaṃ ca khaṭvāṅgamathāpare ca // (19.2)
Par.?
tantrīṃ ca ghaṇṭāṃ vipulaṃ ca śūlaṃ tathāpare ḍāmarukaṃ ca divyam / (20.1)
Par.?
vajraṃ gadāṃ ṭaṅkamekaṃ ca dīptaṃ samudgaraṃ hastamathāsya śaṃbhoḥ // (20.2)
Par.?
varadābhayahastaṃ ca vareṇyaṃ parameśvaram / (21.1)
Par.?
bhāvayetpūjayeccāpi vahnau homaṃ ca kārayet // (21.2)
Par.?
homaśca pūrvavatsarvo mantrabhedaśca kīrtitaḥ / (22.1)
Par.?
aṣṭapuṣpādi gandhādi pūjāstutinivedanam // (22.2)
Par.?
antarbaliṃ ca kuṇḍasya vāhneyena vidhānataḥ / (23.1)
Par.?
maṇḍalaṃ vidhinā kṛtvā mantrairetairyathākramam // (23.2)
Par.?
rudrebhyo mātṛgaṇebhyo yakṣebhyo 'surebhyo grahebhyo rākṣasebhyo nāgebhyo nakṣatrebhyo viśvagaṇebhyaḥ kṣetrapālebhyaḥ atha vāyuvaruṇadigbhāge kṣetrapālabaliṃ kṣipet / (24.1)
Par.?
arghyaṃ gandhaṃ ca puṣpaṃ ca dhūpaṃ dīpaṃ ca suvratāḥ / (24.2)
Par.?
naivedyaṃ mukhavāsādi nivedyaṃ vai yathāvidhi // (24.3)
Par.?
vijñāpyaivaṃ visṛjyātha aṣṭapuṣpaiśca pūjanam / (25.1)
Par.?
sarvasāmānyametaddhi pūjāyāṃ munipuṅgavāḥ // (25.2)
Par.?
evaṃ saṃkṣepataḥ proktamaghorārcādi suvrata / (26.1)
Par.?
aghorārcāvidhānaṃ ca liṅge vā sthaṇḍile 'pi vā // (26.2)
Par.?
sthaṇḍilātkoṭiguṇitaṃ liṅgārcanamanuttamam / (27.1)
Par.?
liṅgārcanarato vipro mahāpātakasaṃbhavaiḥ // (27.2)
Par.?
pāpairapi na lipyeta padmapatramivāṃbhasā / (28.1)
Par.?
liṅgasya darśanaṃ puṇyaṃ darśanātsparśanaṃ varam // (28.2)
Par.?
arcanādadhikaṃ nāsti brahmaputra na saṃśayaḥ / (29.1)
Par.?
evaṃ saṃkṣepataḥ proktamaghorārcanamuttamam // (29.2)
Par.?
varṣakoṭiśatenāpi vistareṇa na śakyate // (30.1)
Par.?
iti śrīliṅgamahāpurāṇe uttarabhāge ṣaḍviṃśatitamo 'dhyāyaḥ // (31.1)
Par.?
Duration=0.25333714485168 secs.