UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4693
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tato gacchenmahīpāla ravitīrthamanuttamam / (1.2)
Par.?
yatra devaḥ sahasrāṃśustapastaptvā divaṃ gataḥ // (1.3)
Par.?
yudhiṣṭhira uvāca / (2.1)
Par.?
kathaṃ devo jagaddhātā sarvadevanamaskṛtaḥ / (2.2)
Par.?
tapastapati deveśastāpaso bhāskaro raviḥ // (2.3)
Par.?
ārādhyaḥ sarvabhūtānāṃ sarvadevaiśca pūjitaḥ / (3.1)
Par.?
pratyakṣo dṛśyate loke sṛṣṭisaṃhārakārakaḥ // (3.2)
Par.?
ādityatvaṃ kathaṃ prāptaḥ kathaṃ bhāskara ucyate / (4.1)
Par.?
sarvametatsamāsena kathayasva mamānagha // (4.2)
Par.?
mārkaṇḍeya uvāca / (5.1)
Par.?
mahāpraśno mahārāja yastvayā paripṛcchitaḥ / (5.2)
Par.?
tatsarvaṃ sampravakṣyāmi namaskṛtya svayambhuvam // (5.3)
Par.?
āsīdidaṃ tamobhūtamaprajñātamalakṣaṇam / (6.1)
Par.?
apratarkyam avijñeyaṃ prasuptam iva sarvataḥ // (6.2)
Par.?
tatas tejaśca divyaṃ ca taptapiṇḍamanuttamam / (7.1)
Par.?
ākāśāttu yathaivolkā sṛṣṭihetor adhomukhī // (7.2)
Par.?
tattejaso 'ntaḥ puruṣaḥ saṃjātaḥ sarvabhūṣitaḥ / (8.1)
Par.?
sa śivo 'pāṇipādaśca yena sarvamidaṃ tatam // (8.2)
Par.?
tasyotpannasya bhūtasya tejo rūpasya bhārata / (9.1)
Par.?
paścātprajāpatirbhūyaḥ kālaḥ kālāntareṇa vai // (9.2)
Par.?
agnirjātaḥ sa bhūtānāṃ manuṣyāsurarakṣasām / (10.1)
Par.?
sarvadevādhidevaśca ādityastena cocyate // (10.2)
Par.?
ādau tasya namaskāro 'nyeṣāṃ ca tadanantaram / (11.1)
Par.?
kriyate daivataiḥ sarvaistena sarvairmaharṣibhiḥ // (11.2)
Par.?
tisraḥ sandhyāstrayo devāḥ
sāṃnidhyāḥ sūryamaṇḍale / (12.1)
Par.?
namaskṛtena sūryeṇa sarve devā namaskṛtāḥ // (12.2)
Par.?
na divā na bhaved rātriḥ ṣaṇmāsā dakṣiṇāyanam / (13.1)
Par.?
ayanaṃ cottaraṃ cāpi bhāskareṇa vinā nṛpa // (13.2)
Par.?
snānaṃ dānaṃ japo homaḥ svādhyāyo devatārcanam / (14.1)
Par.?
na vartate vinā sūryaṃ tena pūjyatamo raviḥ // (14.2)
Par.?
śabdagāḥ śrutimukhyāśca brahmaviṣṇumaheśvarāḥ / (15.1)
Par.?
pratyakṣo bhagavāndevo dṛśyate lokapāvanaḥ // (15.2)
Par.?
utpattiḥ pralayasthānaṃ nidhānaṃ bījamavyayam / (16.1)
Par.?
hetureko jagannātho nānyo vidyeta bhāskarāt // (16.2)
Par.?
evamātmabhavaṃ kṛtvā jagatsthāvarajaṅgamam / (17.1)
Par.?
lokānāṃ tu hitārthāya sthāpayed dharmapaddhatim // (17.2)
Par.?
narmadātaṭamāśritya sthāpayitvātmanas tanum / (18.1)
Par.?
sahasrāṃśuṃ nidhiṃ dhāmnāṃ jagāmākāśamavyayam // (18.2)
Par.?
tatra tīrthe tu yaḥ snātvā pūjayet parameśvaram / (19.1)
Par.?
sahasrakiraṇaṃ devaṃ nāmamantravidhānataḥ // (19.2)
Par.?
tena taptaṃ hutaṃ tena tena sarvamanuṣṭhitam / (20.1)
Par.?
tena samyagvidhānena samprāptaṃ paramaṃ padam // (20.2)
Par.?
te dhanyāste mahātmānasteṣāṃ janma sujīvitam / (21.1)
Par.?
snātvā ye narmadātoye devaṃ paśyanti bhāskaram // (21.2)
Par.?
tathā devasya rājendra ye kurvanti pradakṣiṇam / (22.1)
Par.?
ananyabhaktyā satataṃ trirakṣarasamanvitāḥ // (22.2)
Par.?
tena pūtaśarīrāste mantreṇa gatapātakāḥ / (23.1)
Par.?
yatpuṇyaṃ ca bhavet teṣāṃ tadihaikamanāḥ śṛṇu // (23.2)
Par.?
sasamudraguhā tena saśailavanakānanā / (24.1)
Par.?
pradakṣiṇīkṛtā sarvā pṛthivī nātra saṃśayaḥ // (24.2)
Par.?
mantramūlam idaṃ sarvaṃ trailokyaṃ sacarācaram / (25.1)
Par.?
tena mantravihīnaṃ tu kāryaṃ loke na sidhyati // (25.2)
Par.?
yathā kāṣṭhamayo hastī yathā carmamayo mṛgaḥ / (26.1)
Par.?
kāryārthaṃ naiva sidhyeta tathā karma hyamantrakam // (26.2)
Par.?
bhasmahutaṃ pārtha yathā toyavivarjitam / (27.1)
Par.?
niṣphalaṃ jāyate dānaṃ tathā mantravivarjitam // (27.2)
Par.?
kāṣṭhapāṣāṇaloṣṭeṣu mṛnmayeṣu viśeṣataḥ / (28.1)
Par.?
mantreṇa loke pūjāṃ tu kurvanti na hyamantrataḥ // (28.2)
Par.?
dvādaśābdānnamaskārādbhaktyā yallabhate phalam / (29.1)
Par.?
mantrayuktanamaskārātsakṛttallabhate phalam // (29.2)
Par.?
saṃkrāntau ca vyatīpāte ayane viṣuve tathā / (30.1)
Par.?
narmadāyā jale snātvā yastu pūjayate ravim // (30.2)
Par.?
dvādaśābdena yat pāpam ajñānajñānasaṃcitam / (31.1)
Par.?
tatkṣaṇānnaśyate sarvaṃ vahninā tu tuṣaṃ yathā // (31.2)
Par.?
candrasūryagrahe snātvā sopavāso jitendriyaḥ / (32.1)
Par.?
tatrādityamukhaṃ dṛṣṭvā mucyate sarvakilbiṣaiḥ // (32.2)
Par.?
māghamāse tu samprāpte saptamyāṃ nṛpasattama / (33.1)
Par.?
sopavāso jitakrodha uṣitvā sūryamandire // (33.2)
Par.?
prātaḥ snātvā vidhānena dadātyarghaṃ divākare / (34.1)
Par.?
vidhinā mantrayuktena sa labhet puṇyamuttamam // (34.2)
Par.?
pitṛdevamanuṣyāṇāṃ kṛtvā hyudakatarpaṇam / (35.1)
Par.?
mandire devadevasya tataḥ pūjāṃ samācaret // (35.2)
Par.?
gandhaiḥ puṣpaistathā dhūpairdīpanaivedyaśobhanaiḥ / (36.1)
Par.?
pūjayitvā jagannāthaṃ tato mantramudīrayet // (36.2)
Par.?
viṣṇuḥ śakro yamo dhātā mitro 'tha varuṇastathā / (37.1)
Par.?
vivasvānsavitā pūṣā caṇḍāṃśurbharga eva ca // (37.2)
Par.?
iti dvādaśanāmāni japankṛtvā pradakṣiṇām / (38.1)
Par.?
yatphalaṃ labhate pārtha tadihaikamanāḥ śṛṇu // (38.2)
Par.?
daridro vyādhito mūko badhiro jaḍa eva ca / (39.1)
Par.?
na bhavetsapta janmāni ityevaṃ śaṅkaro 'bravīt // (39.2)
Par.?
evaṃ jñātvā vidhānena japanmantraṃ vicakṣaṇaḥ / (40.1)
Par.?
ārādhayed raviṃ bhaktyā ya icchetpuṇyamuttamam // (40.2)
Par.?
mantrahīnāṃ tu yaḥ kuryād bhaktiṃ devasya bhārata / (41.1)
Par.?
sa viḍambati cātmānaṃ paśukīṭapataṅgavat // (41.2)
Par.?
tatra tīrthe tu yaḥ kaścit tyajate dehamuttamam / (42.1)
Par.?
sa gatastatra devaistu pūjyamāno maharṣibhiḥ // (42.2)
Par.?
svecchayā suciraṃ kālamiha loke nṛpo bhavet // (43.1)
Par.?
putrapautrasamāyukto hastyaśvarathasaṅkulaḥ / (44.1) Par.?
dāsīdāsaśatopeto jāyate vipule kule // (44.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ravitīrthamāhātmyavarṇanaṃ nāma pañcaviṃśatyuttaraśatatamo 'dhyāyaḥ // (45.1)
Par.?
Duration=0.23571681976318 secs.