Texts

Help

Select a text:
Bibliography
Select a chapter:
 (no revisions)
Associated topic(s): caula, nāmakaraṇa, saṃskāras

Show parallels  Show headlines
Use dependency labeler
Chapter id: 12448
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
jananājjyautsne tṛtīye tṛtīyāyāṃ prātaḥ snāpya kumāramastamite śāntāsu dikṣu pitā candramasamupatiṣṭhet prāñjaliḥ // (1.0) Par.?
śucinācchādya mātā prayacched udakchirasam // (2.0) Par.?
anupṛṣṭhaṃ gatvottaratastiṣṭhet // (3.0) Par.?
yatte susīma iti tisṛbhirupasthāyodañcaṃ mātre pradāya yadada ity apām añjalimavasiñcet // (4.0) Par.?
dvistūṣṇīm // (5.0) Par.?
jananādūrdhvaṃ daśarātrāc chatarātrāt saṃvatsarādvā nāma kuryāt // (6.0) Par.?
snāpya kumāraṃ kariṣyata upaviṣṭasya śucinācchādya mātā prayacched udakchirasam // (7.0) Par.?
anupṛṣṭhaṃ gatvottarata upaviśet // (8.0) Par.?
hutvā ko 'sīti tasya mukhyān prāṇānabhimṛśet // (9.0) Par.?
asāviti nāma kuryāttadeva mantrānte // (10.0) Par.?
mātre // (11.0) Par.?
prathamamākhyāya // (12.0) Par.?
viproṣyāṅgād aṅgād iti putrasya mūrdhānaṃ parigṛhṇīyāt // (13.0) Par.?
paśūnāṃ tvetyabhijighret // (14.0) Par.?
tūṣṇīṃ striyāḥ // (15.0) Par.?
tṛtīye varṣe caulam // (16.0) Par.?
tatra nāpita uṣṇodakamādarśaḥ kṣuro vaudumbaraḥ piñjūlya iti dakṣiṇataḥ // (17.0) Par.?
ānaḍuho gomayaḥ kṛsaraḥ sthālīpāko vṛthāpakva ityuttarataḥ // (18.0) Par.?
mātā ca kumāramādāya // (19.0) Par.?
hutvāyamāgāditi nāpitaṃ prekṣet savitāraṃ dhyāyan // (20.0) Par.?
uṣṇenetyuṣṇodakaṃ prekṣedvāyuṃ dhyāyan // (21.0) Par.?
āpa ityundet // (22.0) Par.?
viṣṇorityādarśaṃ prekṣedaudumbaraṃ vā // (23.0) Par.?
oṣadha iti darbhapiñjūlīḥ saptordhvāgrā abhinidhāya // (24.0) Par.?
svadhita ityādarśena kṣureṇaudumbareṇa vā // (25.0) Par.?
yena pūṣeti dakṣiṇatastriḥ prāñcaṃ prohet // (26.0) Par.?
sakṛdāyasena pracchidyānaḍuhe gomaye keśān kuryāt // (27.0) Par.?
undanaprabhṛtyevaṃ paścāduttarataśca // (28.0) Par.?
tryāyuṣamiti putrasya mūrdhānaṃ parigṛhya japet // (29.0) Par.?
udaṅṅutsṛpya kuśalī kārayed yathāgotrakulakalpam // (30.0) Par.?
araṇye keśānnikhaneyuḥ // (31.0) Par.?
stambe nidadhatyeke // (32.0) Par.?
gaurdakṣiṇā // (33.0) Par.?
Duration=0.063852071762085 secs.