Texts

athātaś cāndrāyaṇasya kalpaṃ vyākhyāsyāmaḥ // (1.1) Par.?

śuklacaturdaśīm upavaset // (2.1) Par.?

keśaśmaśrulomanakhāni vāpayitvāpi vā śmaśrūṇy evāhataṃ vāso vasānaḥ satyaṃ bruvann āvasatham abhyupeyāt // (3.1) Par.?

tasminn asya sakṛtpraṇīto 'gnir araṇyor nirmanthyo vā // (4.1) Par.?

brahmacārī suhṛt praiṣāyopakalpī syāt // (5.1) Par.?

haviṣyaṃ ca vratopāyanīyam // (6.1) Par.?

agnim upasamādhāya saṃparistīryāgnimukhāt kṛtvā pakvāj juhoti // (7.1) Par.?

agnaye yā tithiḥ syān nakṣatrāya sadaivatāya / (8.1) Par.?

atrāha gor amanvateti cāndramasīṃ pañcamīṃ dyāvāpṛthivībhyāṃ ṣaṣṭhīm ahorātrābhyāṃ saptamīṃ raudrīm aṣṭamīṃ saurīṃ navamīṃ vāruṇīṃ daśamīm aindrīmekādaśīṃ vaiśvadevīṃ dvādaśīm iti // (8.2) Par.?

athāparāḥ samāmananti digbhyaś ca sadaivatābhya uror antarikṣāya sadaivatāya // (9.1) Par.?

navo navo bhavati jāyamāna iti sauviṣṭakṛtīṃ hutvāthaitaddhavirucchiṣṭaṃ kaṃse vā camase vā vyuddhṛtya haviṣyair vyañjanair upasicya pañcadaśa piṇḍān prakṛtisthān prāśnāti // (10.1) Par.?

prāṇāya tveti prathamam / (11.1) Par.?

apānāya tveti dvitīyam / (11.2) Par.?

vyānāya tveti tṛtīyam / (11.3) Par.?

udānāya tveti caturtham / (11.4) Par.?

samānāya tveti pañcamam / (11.5) Par.?

yadā catvāro dvābhyāṃ pūrvam / (11.6) Par.?

yadā trayo dvābhyāṃ dvābhyāṃ pūrvau / (11.7) Par.?

yadā dvau dvābhyāṃ pūrvaṃ tribhir uttaram / (11.8) Par.?

ekaṃ sarvaiḥ // (11.9) Par.?

nigrābhyā stheti / (12.1) Par.?

apaḥ pītvāthājyāhutīr upajuhoti / (12.2) Par.?

prāṇāpānavyānodānasamānā me śudhyantāṃ jyotir ahaṃ virajā vipāpmā bhūyāsaṃ svāhā / (12.3) Par.?

vāṅmanaḥ śiraḥpāṇi tvakcarmamāṃsaṃ pṛthivyaptejo annamayaprāṇamayamanomayavijñānamayānandamayā me śudhyantāṃ jyotir ahaṃ virajā vipāpmā bhūyāsaṃ svāheti saptabhir anuvākaiḥ // (12.4) Par.?

jayaprabhṛti siddham ā dhenuvarapradānāt // (13.1) Par.?

saurībhir ādityam upatiṣṭhate cāndramasībhiś candramasam // (14.1) Par.?

agne tvaṃ su jāgṛhīti saṃviśañ japati // (15.1) Par.?

tvam agne vratapā asīti prabuddhaḥ // (16.1) Par.?

strīśūdrair nābhibhāṣeta mūtrapurīṣe nāvekṣeta // (17.1) Par.?

amedhyaṃ dṛṣṭvā japati / (18.1) Par.?

abaddhaṃ mano daridraṃ cakṣuḥ sūryo jyotiṣāṃ śreṣṭho dīkṣe mā mā hāsīr iti // (18.2) Par.?

prathamāyām aparapakṣasya caturdaśa grāsān // (19.1) Par.?

evam ekāpacayenāmāvāsyāyāḥ // (20.1) Par.?

amāvāsyāyāṃ grāso na vidyate // (21.1) Par.?

atha prathamāyāṃ pūrvapakṣasyaikaḥ / (22.1) Par.?

dvau dvitīyāyām // (22.2) Par.?

evam ekopacayenā paurṇamāsyāḥ // (23.1) Par.?

paurṇamāsyāṃ sthālīpākasya juhoty agnaye yā tithiḥ syān nakṣatrebhyaś ca sadaivatebhyaḥ // (24.1) Par.?

purastācchroṇāyā abhijitaḥ sadaivatasya hutvā gāṃ brāhmaṇebhyo dadyāt // (25.1) Par.?

tad etac cāndrāyaṇaṃ pipīlikāmadhyam / (26.1) Par.?

viparītaṃ yavamadhyam // (26.2) Par.?

ato 'nyatarac caritvā sarvebhyaḥ pātakebhyaḥ pāpakṛcchuddho bhavati // (27.1) Par.?

kāmāya kāmāyaitad āhāryam ity ācakṣate // (28.1) Par.?

yaṃ kāmaṃ kāmayate tam etenāpnoti // (29.1) Par.?

etena vā ṛṣaya ātmānaṃ śodhayitvā purā karmāṇy asādhayan / (30.1) Par.?

tad etad dhanyaṃ puṇyaṃ putryaṃ pautryaṃ paśavyam āyuṣyaṃ svargyaṃ yaśasyaṃ sārvakāmikam // (30.2) Par.?

nakṣatrāṇāṃ dyutiṃ sūryācandramasor eva sāyujyaṃ salokatām āpnoti ya u cainad adhīte / (31.1) Par.?

ya u cainad adhīte // (31.2) Par.?