Texts

mano nv āhvāmahe nārāśaṃsena stomena / (1.1) Par.?

pitṝṇāṃ ca manmabhiḥ / (1.2) Par.?

ā na etu manaḥ punaḥ kratve dakṣāya jīvase / (1.3) Par.?

jyok ca sūryaṃ dṛśe / (1.4) Par.?

punar naḥ pitaro mano dadātu daivyo janaḥ / (1.5) Par.?

jīvaṃ vrātaṃ sacemahi / (1.6) Par.?

vayaṃ soma vrate tava manas tanūṣu bibhrataḥ prajāvantaḥ sacemahi / (1.7) Par.?

ye sajātāḥ sumanaso jīvā jīveṣu māmakāḥ / (1.8) Par.?

teṣāṃ śrīr mayi kalpatām asmin goṣṭhe śataṃ samā iti // (1.9) Par.?

yaccarusthālyām odanāvaśiṣṭaṃ bhavati tasyoṣmabhakṣaṃ bhakṣayitvā brāhmaṇāya dadyāt // (2.1) Par.?

yadi brāhmaṇo na labhyetāpsv abhyavaharet // (3.1) Par.?

nijāya dāsāyety eke // (4.1) Par.?

madhyamapiṇḍaṃ patnyai putrakāmāyai prayacchati // (5.1) Par.?

ā dhatta pitaro garbhaṃ kumāraṃ puṣkarasrajam / (6.1) Par.?

yatheha puruṣo 'sat / (6.2) Par.?

ā tvārukṣad vṛṣabhaḥ pṛśnir agriyo medhāvinaṃ pitaro garbham ā dadhuḥ / (6.3) Par.?

ā tvāyaṃ puruṣo gamet puruṣaḥ puruṣād adhi / (6.4) Par.?

sa te śraiṣṭhyāya jāyatāṃ sa some sāma gāyatv iti // (6.5) Par.?

yadyanyā dvitīyā bhavatyaparaṃ tasyai // (7.1) Par.?

prāgratamaṃ śrotriyāya // (8.1) Par.?

atha yasya bhāryā dāsī vā pradrāviṇī bhavati ye 'mī taṇḍulāḥ prasavyaṃ parikīrṇā bhavanti tāṃs tasyai prayacchati // (9.1) Par.?

arvācy upasaṃkrame mā parācy upa vastathā / (10.1) Par.?

annaṃ prāṇasya bandhanaṃ tena badhnāmi tvā mayīti // (10.2) Par.?

paryukṣaṇīṃ samidhaś cādāya mā pra gāmety āvrajyorjaṃ bibhrad iti gṛhān upatiṣṭhate // (11.1) Par.?

ramadhvaṃ mā bibhītanāsmin goṣṭhe karīṣiṇaḥ / (12.1) Par.?

ūrjaṃ duhānāḥ śucayaḥ śucivratā gṛhā jīvanta upa vaḥ sadema / (12.2) Par.?

ūrjaṃ me devā adadur ūrjaṃ manuṣyā uta / (12.3) Par.?

ūrjaṃ pitṛbhya āhārṣam ūrjasvanto gṛhā mama / (12.4) Par.?

payo me devā adaduḥ payo manuṣyā uta / (12.5) Par.?

payaḥ pitṛbhya āhārṣaṃ payasvanto gṛhā mama / (12.6) Par.?

vīryaṃ me devā adaduḥ vīryaṃ manuṣyā uta / (12.7) Par.?

vīryaṃ pitṛbhya āhārṣaṃ vīravanto gṛhā mameti // (12.8) Par.?

antarupātītya samidho 'bhyādadhāti / (13.1) Par.?

ayaṃ no agnir adhyakṣo 'yaṃ no vasuvittamaḥ / (13.2) Par.?

asyopasadye mā riṣāmāyaṃ rakṣatu naḥ prajām / (13.3) Par.?

asmin sahasraṃ puṣyāsmaidhamānāḥ sve gṛhe / (13.4) Par.?

imaṃ sam indhiṣīmahy āyuṣmantaḥ suvarcasaḥ / (13.5) Par.?

tvam agna īḍita ā tvāgna indhīmahīti // (13.6) Par.?

abhūd dūta ity agniṃ pratyānayati // (14.1) Par.?

yadi sarvaḥ praṇītaḥ syād dakṣiṇāgnau tv etad āhitāgneḥ // (15.1) Par.?

gṛhyeṣv apy anāhitāgneḥ // (16.1) Par.?

idaṃ cin me kṛtam astīdaṃ cicchaknavāni / (17.1) Par.?

pitaraś cin mā vedann iti // (17.2) Par.?

yo ha yajate taṃ devā vidur yo dadāti taṃ manuṣyā yaḥ śrāddhāni kurute taṃ pitaras taṃ pitaraḥ // (18.1) Par.?