UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 969
- Click on a sentence to show its analysis
- Keep the mouse pointer over a lemma to show its meanings.
devahūtir uvāca / (1.1)
Par.?
lakṣaṇaṃ mahadādīnāṃ prakṛteḥ puruṣasya ca / (1.2)
Par.?
svarūpaṃ lakṣyate 'mīṣāṃ yena tatpāramārthikam // (1.3)
Par.?
yathā sāṃkhyeṣu kathitaṃ yanmūlaṃ tat pracakṣate / (2.1)
Par.?
bhaktiyogasya me mārgaṃ brūhi vistaraśaḥ prabho // (2.2)
Par.?
virāgo yena puruṣo bhagavan sarvato bhavet / (3.1)
Par.?
ācakṣva jīvalokasya vividhā mama saṃsṛtīḥ // (3.2)
Par.?
kālasyeśvararūpasya pareṣāṃ ca parasya te / (4.1)
Par.?
svarūpaṃ bata kurvanti yaddhetoḥ kuśalaṃ janāḥ // (4.2)
Par.?
lokasya mithyābhimater acakṣuṣaś ciraṃ prasuptasya tamasy anāśraye / (5.1)
Par.?
śrāntasya karmasv anuviddhayā dhiyā tvam āvirāsīḥ kila yogabhāskaraḥ // (5.2)
Par.?
maitreya uvāca / (6.1)
Par.?
iti mātur vacaḥ ślakṣṇaṃ pratinandya mahāmuniḥ / (6.2)
Par.?
ābabhāṣe kuruśreṣṭha prītas tāṃ karuṇārditaḥ // (6.3)
Par.?
śrībhagavān uvāca / (7.1)
Par.?
bhaktiyogo bahuvidho mārgair bhāmini bhāvyate / (7.2)
Par.?
svabhāvaguṇamārgeṇa puṃsāṃ bhāvo vibhidyate // (7.3)
Par.?
abhisaṃdhāya yo hiṃsāṃ dambhaṃ mātsaryam eva vā / (8.1)
Par.?
saṃrambhī bhinnadṛg bhāvaṃ mayi kuryāt sa tāmasaḥ // (8.2)
Par.?
viṣayān abhisaṃdhāya yaśa aiśvaryam eva vā / (9.1)
Par.?
arcādāv arcayed yo māṃ pṛthagbhāvaḥ sa rājasaḥ // (9.2)
Par.?
karmanirhāram uddiśya parasmin vā tadarpaṇam / (10.1)
Par.?
yajed yaṣṭavyam iti vā pṛthagbhāvaḥ sa sāttvikaḥ // (10.2)
Par.?
madguṇaśrutimātreṇa mayi sarvaguhāśaye / (11.1)
Par.?
manogatir avicchinnā yathā gaṅgāmbhaso 'mbudhau // (11.2)
Par.?
lakṣaṇaṃ bhaktiyogasya nirguṇasya hy udāhṛtam / (12.1)
Par.?
ahaituky avyavahitā yā bhaktiḥ puruṣottame // (12.2)
Par.?
sālokyasārṣṭisāmīpyasārūpyaikatvam apy uta / (13.1)
Par.?
dīyamānaṃ na gṛhṇanti vinā matsevanaṃ janāḥ // (13.2)
Par.?
sa eva bhaktiyogākhya ātyantika udāhṛtaḥ / (14.1)
Par.?
yenātivrajya triguṇaṃ madbhāvāyopapadyate // (14.2)
Par.?
niṣevitenānimittena svadharmeṇa mahīyasā / (15.1)
Par.?
kriyāyogena śastena nātihiṃsreṇa nityaśaḥ // (15.2)
Par.?
maddhiṣṇyadarśanasparśapūjāstutyabhivandanaiḥ / (16.1)
Par.?
bhūteṣu madbhāvanayā sattvenāsaṃgamena ca // (16.2)
Par.?
mahatāṃ bahumānena dīnānām anukampayā / (17.1)
Par.?
maitryā caivātmatulyeṣu yamena niyamena ca // (17.2)
Par.?
ādhyātmikānuśravaṇān nāmasaṃkīrtanāc ca me / (18.1)
Par.?
ārjavenāryasaṅgena nirahaṃkriyayā tathā // (18.2)
Par.?
maddharmaṇo guṇair etaiḥ parisaṃśuddha āśayaḥ / (19.1)
Par.?
puruṣasyāñjasābhyeti śrutamātraguṇaṃ hi mām // (19.2)
Par.?
yathā vātaratho ghrāṇam āvṛṅkte gandha āśayāt / (20.1)
Par.?
evaṃ yogarataṃ ceta ātmānam avikāri yat // (20.2)
Par.?
ahaṃ sarveṣu bhūteṣu bhūtātmāvasthitaḥ sadā / (21.1)
Par.?
tam avajñāya māṃ martyaḥ kurute 'rcāviḍambanam // (21.2)
Par.?
yo māṃ sarveṣu bhūteṣu santam ātmānam īśvaram / (22.1)
Par.?
hitvārcāṃ bhajate mauḍhyād bhasmany eva juhoti saḥ // (22.2)
Par.?
dviṣataḥ parakāye māṃ mānino bhinnadarśinaḥ / (23.1)
Par.?
bhūteṣu baddhavairasya na manaḥ śāntim ṛcchati // (23.2)
Par.?
aham uccāvacair dravyaiḥ kriyayotpannayānaghe / (24.1)
Par.?
naiva tuṣye 'rcito 'rcāyāṃ bhūtagrāmāvamāninaḥ // (24.2) Par.?
arcādāv arcayet tāvad īśvaraṃ māṃ svakarmakṛt / (25.1)
Par.?
yāvan na veda svahṛdi sarvabhūteṣv avasthitam // (25.2)
Par.?
ātmanaś ca parasyāpi yaḥ karoty antarodaram / (26.1)
Par.?
tasya bhinnadṛśo mṛtyur vidadhe bhayam ulbaṇam // (26.2)
Par.?
atha māṃ sarvabhūteṣu bhūtātmānaṃ kṛtālayam / (27.1)
Par.?
arhayed dānamānābhyāṃ maitryābhinnena cakṣuṣā // (27.2)
Par.?
jīvāḥ śreṣṭhā hy ajīvānāṃ tataḥ prāṇabhṛtaḥ śubhe / (28.1)
Par.?
tataḥ sacittāḥ pravarās tataś cendriyavṛttayaḥ // (28.2)
Par.?
tatrāpi sparśavedibhyaḥ pravarā rasavedinaḥ / (29.1)
Par.?
tebhyo gandhavidaḥ śreṣṭhās tataḥ śabdavido varāḥ // (29.2)
Par.?
rūpabhedavidas tatra tataś cobhayatodataḥ / (30.1)
Par.?
teṣāṃ bahupadāḥ śreṣṭhāś catuṣpādas tato dvipāt // (30.2)
Par.?
tato varṇāś ca catvāras teṣāṃ brāhmaṇa uttamaḥ / (31.1)
Par.?
brāhmaṇeṣv api vedajño hy arthajño 'bhyadhikas tataḥ // (31.2)
Par.?
arthajñāt saṃśayacchettā tataḥ śreyān svakarmakṛt / (32.1)
Par.?
muktasaṅgas tato bhūyān adogdhā dharmam ātmanaḥ // (32.2)
Par.?
tasmān mayy arpitāśeṣakriyārthātmā nirantaraḥ / (33.1)
Par.?
mayy arpitātmanaḥ puṃso mayi saṃnyastakarmaṇaḥ / (33.2)
Par.?
na paśyāmi paraṃ bhūtam akartuḥ samadarśanāt // (33.3)
Par.?
manasaitāni bhūtāni praṇamed bahumānayan / (34.1)
Par.?
īśvaro jīvakalayā praviṣṭo bhagavān iti // (34.2)
Par.?
bhaktiyogaś ca yogaś ca mayā mānavy udīritaḥ / (35.1)
Par.?
yayor ekatareṇaiva puruṣaḥ puruṣaṃ vrajet // (35.2)
Par.?
etad bhagavato rūpaṃ brahmaṇaḥ paramātmanaḥ / (36.1)
Par.?
paraṃ pradhānaṃ puruṣaṃ daivaṃ karmaviceṣṭitam // (36.2)
Par.?
rūpabhedāspadaṃ divyaṃ kāla ity abhidhīyate / (37.1)
Par.?
bhūtānāṃ mahadādīnāṃ yato bhinnadṛśāṃ bhayam // (37.2)
Par.?
yo 'ntaḥ praviśya bhūtāni bhūtair atty akhilāśrayaḥ / (38.1)
Par.?
sa viṣṇvākhyo 'dhiyajño 'sau kālaḥ kalayatāṃ prabhuḥ // (38.2)
Par.?
na cāsya kaścid dayito na dveṣyo na ca bāndhavaḥ / (39.1)
Par.?
āviśaty apramatto 'sau pramattaṃ janam antakṛt // (39.2)
Par.?
yadbhayād vāti vāto 'yaṃ sūryas tapati yadbhayāt / (40.1)
Par.?
yadbhayād varṣate devo bhagaṇo bhāti yadbhayāt // (40.2)
Par.?
yad vanaspatayo bhītā latāś cauṣadhibhiḥ saha / (41.1)
Par.?
sve sve kāle 'bhigṛhṇanti puṣpāṇi ca phalāni ca // (41.2)
Par.?
sravanti sarito bhītā notsarpaty udadhir yataḥ / (42.1)
Par.?
agnir indhe sagiribhir bhūr na majjati yadbhayāt // (42.2)
Par.?
nabho dadāti śvasatāṃ padaṃ yanniyamād adaḥ / (43.1)
Par.?
lokaṃ svadehaṃ tanute mahān saptabhir āvṛtam // (43.2)
Par.?
guṇābhimānino devāḥ sargādiṣv asya yadbhayāt / (44.1)
Par.?
vartante 'nuyugaṃ yeṣāṃ vaśa etac carācaram // (44.2)
Par.?
so 'nanto 'ntakaraḥ kālo 'nādir ādikṛd avyayaḥ / (45.1)
Par.?
janaṃ janena janayan mārayan mṛtyunāntakam // (45.2)
Par.?
Duration=0.43976998329163 secs.