Texts

asvatantrā strī puruṣapradhānā // (1.1) Par.?

anagnikānudakyā vāmṛtam iti vijñāyate // (2.1) Par.?

athāpy udāharanti / (3.1) Par.?

pitā rakṣati kaumāre bhartā rakṣati yauvane / (3.2) Par.?

putraś ca sthavire bhāve na strī svātantryam arhatīti // (3.3) Par.?

tasyā bhartur abhicāra uktaṃ prāyaścittaṃ rahasyeṣu // (4.1) Par.?

māsi māsi rajo hy āsāṃ duṣkṛtāny apakarṣati // (5.1) Par.?

trirātraṃ rajasvalāśucir bhavati // (6.1) Par.?

sā nāñjyān nābhyañjyān nāpsu snāyād adhaḥ śayīta na divā svapyān nāgniṃ spṛśen na rajjuṃ sṛjen na dantān dhāvayen na māṃsam aśnīyān na grahān nirīkṣeta na hasen na kiṃcid ācaren na dhāved akharveṇa pātreṇa pibed añjalinā vā pibellohitāyasena vā // (7.1) Par.?

vijñāyate hi / (8.1) Par.?

indras triśīrṣāṇaṃ tvāṣṭraṃ hatvā pāpmagṛhīto mahattamādharmasambaddho 'ham ity evam ātmānam amanyata / (8.2) Par.?

taṃ sarvāṇi bhūtāny abhyakrośan bhrūṇahan bhrūṇahann iti / (8.3) Par.?

sa striya upādhāvad asyai me bhrūṇahatyāyai tṛtīyaṃ bhāgaṃ pratigṛhṇīteti / (8.4) Par.?

tā abravan kiṃ no bhūyād iti / (8.5) Par.?

so 'bravīd varaṃ vṛṇīdhvam iti / (8.6) Par.?

tā abruvann ṛtau prajāṃ vindāmaha iti kāmam ā vijanitoḥ saṃbhavāmeti / (8.7) Par.?

tatheti tāḥ pratijagṛhuḥ saiṣā bhrūṇahatyā māsi māsy āvirbhavati tasmād rajasvalāyā annaṃ nāśnīyād bhrūṇahatyāyā evaiṣā rūpaṃ pratimucyāste // (8.8) Par.?

tad āhuḥ / (9.1) Par.?

añjanābhyañjanam evāsyā na pratigrāhyaṃ taddhi striyā annam iti / (9.2) Par.?

tasmāt tasyai ca tatra ca bībhatsante meyam upāgād iti // (9.3) Par.?

udakyās tv āsate yeṣāṃ ye ca kecid anagnayaḥ / (10.1) Par.?

kulaṃ cāśrotriyam yeṣāṃ sarve te śūdradharmiṇa iti // (10.2) Par.?

sarve te śūdradharmiṇa iti // (11.1) Par.?