Texts

granthijanyaṃ kalākālavidyārāganṛmātaraḥ / (1.1) Par.?

guṇadhīgarvacittākṣamātrābhūtānyanukramāt // (1.2) Par.?

vidhatte dehasiddhyarthaṃ yat sākṣād yat padāntarāt / (2.1) Par.?

yathā yunakti yaddhetos tādṛk tad adhunocyate // (2.2) Par.?

kartṛśaktir aṇor nityā vibhvī ceśvaraśaktivat / (3.1) Par.?

tamaśchannatayārtheṣu nābhāti niranugrahā // (3.2) Par.?

tadanugrāhakaṃ tattvaṃ kalākhyaṃ taijasaṃ haraḥ / (4.1) Par.?

māyāṃ vikṣobhya kurute pravṛttyaṅgaṃ paraṃ hi tat // (4.2) Par.?

tena pradīpakalpena tadāsvacchaciter aṇoḥ / (5.1) Par.?

prakāśayatyekadeśaṃ vidārya timiraṃ ghanam // (5.2) Par.?

kala ityeṣa yo dhātuḥ saṃkhyāne preraṇe ca saḥ / (6.1) Par.?

protsāraṇaṃ preraṇaṃ sā kurvatī tamasaḥ kalā // (6.2) Par.?

ityetad ubhayaṃ vipra sambhūyānanyavat sthitam / (7.1) Par.?

bhogakriyāvidhau jantor nijaguḥ kartṛkārakam // (7.2) Par.?

evaṃ vyaktakriyāśaktir didṛkṣur gocaraṃ dṛśaḥ / (8.1) Par.?

bhajatyanugrahāpekṣāṃ svayaṃ draṣṭum aśaknuvan // (8.2) Par.?

tadarthaṃ kṣobhayitveśaḥ kalām eva janikṣamām / (9.1) Par.?

tattvaṃ vidyākhyam asṛjat karaṇaṃ paramātmanaḥ // (9.2) Par.?

tena prakāśarūpeṇa jñānaśaktiprarocinā / (10.1) Par.?

sarvakārakaniṣpādyam avaiti viṣayaṃ param // (10.2) Par.?

tadabhivyaktacicchaktidṛṣṭārtho 'pyapipāsitaḥ / (11.1) Par.?

naiti taṃ janakaṃ rāgaṃ tasmādevāsṛjatprabhuḥ // (11.2) Par.?

sa tena rañjito bhogyaṃ malīmasamapi spṛhan / (12.1) Par.?

ādatte naca bhuñjāno virāgam adhigacchati // (12.2) Par.?

iti pravṛttaḥ karaṇaiḥ kāryarūḍhaiḥ sabhauvanaiḥ / (13.1) Par.?

bhogabhūmiṣu nā bhuṅkte bhogān kālānuvartinaḥ // (13.2) Par.?

truṭyādipratyayasyārthaḥ kālo māyāsamudbhavaḥ / (14.1) Par.?

kalayann ā samutthānānniyatyā niyataṃ paśum // (14.2) Par.?

sasādhanasya bhogasya karmatantratayā jaguḥ / (15.1) Par.?

kecin niyāmakaṃ karma yadanyadatiricyate // (15.2) Par.?

bhogo 'rthaḥ sarvatattvānāṃ so 'pi karmanibandhanaḥ / (16.1) Par.?

karmaivāstu śarīrādi tataḥ sarvamapārthakam // (16.2) Par.?

atha dehādisāpekṣaṃ tatpumarthaprasādhakam / (17.1) Par.?

tato niyatisāpekṣam astu karma niyāmakam // (17.2) Par.?

puṃstattvaṃ tata evābhūt puṃspratyayanibandhanam / (18.1) Par.?

āpūrakaṃ pradhānāder bhauvane rudrasaṃśrayam // (18.2) Par.?

tataḥ prādhānikaṃ tattvaṃ kalātattvādajījanat / (19.1) Par.?

saptagranthinidānasya yattadgauṇasya kāraṇam // (19.2) Par.?

tato buddhyādyupādānaṃ gauṇaṃ sattvaṃ rajastamaḥ / (20.1) Par.?

tadvṛttayaḥ prakāśādyāḥ prasiddhā eva bhūyasā // (20.2) Par.?

trayo guṇās tathāpyekaṃ tattvaṃ tadaviyogataḥ / (21.1) Par.?

ekaikaśrutir eteṣāṃ vṛttyādhikyanibandhanā // (21.2) Par.?

na tadasti jagatyasmin vastu kiṃcidacetanam / (22.1) Par.?

yanna vyāptaṃ guṇair yasminneko vāmiśrako guṇaḥ // (22.2) Par.?

buddhitattvaṃ tato nānābhāvapratyayalakṣaṇam / (23.1) Par.?

paraṃ tadātmano bhogyaṃ vakṣyamāṇārthasaṃskṛtam // (23.2) Par.?

bhāvā buddhiguṇā dharmajñānavairāgyabhūtayaḥ / (24.1) Par.?

sāttvikā vyatyayenaite rāgamutsṛjya tāmasāḥ // (24.2) Par.?

pratyayāstadupādānāste 'ṣṭau nava caturguṇāḥ / (25.1) Par.?

sapta pañca ca vikhyātāḥ siddhyādyā vargaśo mune // (25.2) Par.?

bhāvāḥ sapratyayāsteṣāṃ leśāllakṣaṇamucyate / (26.1) Par.?

sāṃsiddhikā vainayikāḥ prākṛtāśca bhavantyaṇoḥ // (26.2) Par.?

viśiṣṭadharmasaṃskārasamuddīpitacetasām / (27.1) Par.?

guṇaḥ sāṃsiddhiko bhāti dehābhāve'pi pūrvavat // (27.2) Par.?

lokadhīguruśāstrebhyo bhāti vainayiko guṇaḥ / (28.1) Par.?

samarjito vainayiko manovāktanuceṣṭayā // (28.2) Par.?

prākṛto dehasaṃyoge vyaktaḥ svapnādibodhavat / (29.1) Par.?

svargo muktiḥ prakṛtitvāvighātau yonikrāntirnirayāvāptibandhau / (29.2) Par.?

rūpeṣvarthā vinayaprākṛteṣu sampadyante savighātāḥ krameṇa // (29.3) Par.?

vaśyākrāntis tatparijñānayogo bhogānicchā vighnasaṃghavyapāyaḥ / (30.1) Par.?

bhogāsaktir nyakkṛtir dehalabdhir vighnaś cārthāsteṣu sāṃsiddhikeṣu // (30.2) Par.?