Texts

anabhisaṃdhikṛte prāyaścittam aparādhe // (1.1) Par.?

abhisaṃdhikṛte 'py eke // (2.1) Par.?

gurur ātmavatāṃ śāstā śāstā rājā durātmanām / (3.1) Par.?

atha pracchannapāpānāṃ śāstā vaivasvato yama iti // (3.2) Par.?

tatra ca sūryābhyuditaḥ sann ahas tiṣṭhet sāvitrīṃ ca japet // (4.1) Par.?

evaṃ sūryābhinirmukto rātrāvāsīta // (5.1) Par.?

kunakhī śyāvadantas tu kṛcchraṃ dvādaśarātraṃ caret // (6.1) Par.?

parivittiḥ kṛcchraṃ dvādaśarātraṃ caritvā niviśeta tāṃ caivopayacchet // (7.1) Par.?

atha parivividānaḥ kṛcchrātikṛcchrau caritvā tasmai dattvā punar niviśeta tāṃ caivopayacchet // (8.1) Par.?

agredidhiṣūpatiḥ kṛcchraṃ dvādaśarātraṃ caritvā niviśeta tāṃ copayacchet // (9.1) Par.?

didhiṣūpatiḥ kṛcchrātikṛcchrau caritvā tasmai dattvā punar niviśet // (10.1) Par.?

vīrahaṇaṃ parastād vakṣyāmaḥ // (11.1) Par.?

brahmojjhaḥ kṛcchraṃ dvādaśarātraṃ caritvā punar upayuñjīta vedam ācāryāt // (12.1) Par.?

gurutalpagaḥ savṛṣaṇaṃ śiśnam uddhṛtyāñjalāv ādhāya dakṣiṇāmukho gacched yatraiva pratihanyāt tatra tiṣṭhed ā pralayam // (13.1) Par.?

niṣkālako vā ghṛtābhyaktas taptāṃ sūrmīṃ pariṣvajen maraṇāt pūto bhavatīti vijñāyate // (14.1) Par.?

ācāryaputraśiṣyabhāryāsu caivam // (15.1) Par.?

yoniṣu gurvīṃ sakhīṃ gurusakhīm apapātrāṃ patitāṃ ca gatvā kṛcchrābdapādaṃ caret // (16.1) Par.?

etad eva cāṇḍālapatitānnabhojaneṣu tataḥ punarupanayanaṃ vapanādīnāṃ tu nivṛttiḥ // (17.1) Par.?

mānavaṃ cātra ślokam udāharanti / (18.1) Par.?

vapanaṃ mekhalā daṇḍo bhaikṣacaryā vratāni ca / (18.2) Par.?

etāni tu nivartante punaḥsaṃskārakarmaṇīti // (18.3) Par.?

matyā madyapāne tv asurāyāḥ surāyāś cājñāne kṛcchrātikṛcchrau ghṛtaṃ prāśya punaḥsaṃskāraś ca // (19.1) Par.?

mūtraśakṛcchukrābhyavahāreṣu caivam // (20.1) Par.?

madyabhāṇḍe sthitā āpo yadi kaścid dvijaḥ pibet padmodumbarabilvapalāśānām udakaṃ pītvā trirātreṇaiva śudhyati // (21.1) Par.?

abhyāse tu surāyā agnivarṇāṃ tāṃ dvijaḥ piben maraṇāt pūto bhavatīti // (22.1) Par.?

bhrūṇahanaṃ vakṣyāmo brāhmaṇaṃ hatvā bhrūṇahā bhavaty avijñātaṃ ca garbham // (23.1) Par.?

avijñātā hi garbhāḥ pumāṃso bhavanti tasmāt puṃskṛtyā juhvatīti // (24.1) Par.?

bhrūṇahāgnim upasamādhāya juhuyād etāḥ // (25.1) Par.?

lomāni mṛtyor juhomi lomabhir mṛtyuṃ vāsaya iti prathamām / (26.1) Par.?

tvacaṃ mṛtyor juhomi tvacā mṛtyuṃ vāsaya iti dvitīyām / (26.2) Par.?

lohitaṃ mṛtyor juhomi lohitena mṛtyuṃ vāsaya iti tṛtīyām / (26.3) Par.?

māṃsaṃ mṛtyor juhomi māṃsena mṛtyuṃ vāsaya iti caturthīm / (26.4) Par.?

snāvāni mṛtyor juhomi snāvabhir mṛtyuṃ vāsaya iti pañcamīm / (26.5) Par.?

medo mṛtyor juhomi medasā mṛtyuṃ vāsaya iti ṣaṣṭhīm / (26.6) Par.?

asthīni mṛtyor juhomy asthibhir mṛtyuṃ vāsaya iti saptamīm / (26.7) Par.?

majjānaṃ mṛtyor juhomi majjābhir mṛtyuṃ vāsaya ity aṣṭamīm iti // (26.8) Par.?

rājārthe brāhmaṇārthe vā saṃgrāme 'bhimukham ātmānaṃ ghātayet // (27.1) Par.?

trir ajito vāparāddhaḥ pūto bhavatīti vijñāyate hi // (28.1) Par.?

niruktaṃ hy enaḥ kanīyo bhavatīti // (29.1) Par.?

tathāpy udāharanti / (30.1) Par.?

patitaṃ patitety uktvā coraṃ coreti vā punaḥ / (30.2) Par.?

vacanāt tulyadoṣaḥ syān mithyā dvir doṣatāṃ vrajed iti // (30.3) Par.?

evaṃ rājanyaṃ hatvāṣṭau varṣāṇi caret // (31.1) Par.?

ṣaḍ vaiśyam // (32.1) Par.?

trīṇi śūdram // (33.1) Par.?

brāhmaṇīṃ cātreyīṃ hatvā savanagatau ca rājanyavaiśyau // (34.1) Par.?

ātreyīṃ vakṣyāmo rajasvalām ṛtusnātām ātreyīm āhuḥ // (35.1) Par.?

atra hy eṣyadampatyaṃ bhavatīti // (36.1) Par.?

anātreyīṃ rājanyahiṃsāyām // (37.1) Par.?

rājanyāṃ vaiśyahiṃsāyām // (38.1) Par.?

vaiśyāṃ śūdrahiṃsāyām // (39.1) Par.?

śūdrāṃ hatvā saṃvatsaram // (40.1) Par.?

brāhmaṇasuvarṇaharaṇe prakīrya keśān rājānam abhidhāvet steno 'smi bho śāstu māṃ bhavān iti tasmai rājaudumbaraṃ śastraṃ dadyāt tenātmānaṃ pramāpayen maraṇāt pūto bhavatīti vijñāyate // (41.1) Par.?

niṣkālako vā ghṛtākto gomayāgninā pādaprabhṛty ātmānam abhidāhayen maraṇāt pūto bhavatīti vijñāyate // (42.1) Par.?

athāpy udāharanti / (43.1) Par.?

purā kālāt pramītānāṃ pāpād vividhakarmaṇām / (43.2) Par.?

punar āpannadehānām aṅgaṃ bhavati tacchṛṇu // (43.3) Par.?

stenaḥ kunakhī bhavati śvitrī bhavati brahmahā / (44.1) Par.?

surāpaḥ śyāvadantas tu duścarmā gurutalpaga iti // (44.2) Par.?

patitasaṃprayoge ca brāhmeṇa vā yaunena vā yās tebhyaḥ sakāśān mātrā upalabdhās tāsāṃ parityāgas taiś ca na saṃvaset // (45.1) Par.?

udīcīṃ diśaṃ gatvānaśnan saṃhitādhyayanam adhīyānaḥ pūto bhavatīti vijñāyate // (46.1) Par.?

tathāpy udāharanti / (47.1) Par.?

śarīraparitāpena tapasādhyayanena ca / (47.2) Par.?

mucyate pāpakṛt pāpād dānāccāpi pramucyate // (47.3) Par.?

iti vijñāyate vijñāyata iti // (48.1) Par.?