Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 2472
  • Click on a sentence to show its analysis
  • Keep the mouse pointer over a lemma to show its meanings.
vāsudeva uvāca / (1.1) Par.?
śālvabāṇārdite tasmin pradyumne balināṃ vare / (1.2) Par.?
vṛṣṇayo bhagnasaṃkalpā vivyathuḥ pṛtanāgatāḥ // (1.3) Par.?
hāhākṛtam abhūt sarvaṃ vṛṣṇyandhakabalaṃ tadā / (2.1) Par.?
pradyumne patite rājan pare ca muditābhavan // (2.2) Par.?
taṃ tathā mohitaṃ dṛṣṭvā sārathir javanair hayaiḥ / (3.1) Par.?
raṇād apāharat tūrṇaṃ śikṣito dārukis tataḥ // (3.2) Par.?
nātidūrāpayāte tu rathe rathavarapraṇut / (4.1) Par.?
dhanur gṛhītvā yantāraṃ labdhasaṃjño 'bravīd idam // (4.2) Par.?
saute kiṃ te vyavasitaṃ kasmād yāsi parāṅmukhaḥ / (5.1) Par.?
naiṣa vṛṣṇipravīrāṇām āhave dharma ucyate // (5.2) Par.?
kaccit saute na te mohaḥ śālvaṃ dṛṣṭvā mahāhave / (6.1) Par.?
viṣādo vā raṇaṃ dṛṣṭvā brūhi me tvaṃ yathātatham // (6.2) Par.?
sūta uvāca / (7.1) Par.?
jānārdane na me moho nāpi me bhayam āviśat / (7.2) Par.?
atibhāraṃ tu te manye śālvaṃ keśavanandana // (7.3) Par.?
so 'payāmi śanair vīra balavān eṣa pāpakṛt / (8.1) Par.?
mohitaś ca raṇe śūro rakṣyaḥ sārathinā rathī // (8.2) Par.?
āyuṣmaṃs tvaṃ mayā nityaṃ rakṣitavyas tvayāpyaham / (9.1) Par.?
rakṣitavyo rathī nityam iti kṛtvāpayāmy aham // (9.2) Par.?
ekaś cāsi mahābāho bahavaś cāpi dānavāḥ / (10.1) Par.?
nasamaṃ raukmiṇeyāhaṃ raṇaṃ matvāpayāmy aham // (10.2) Par.?
vāsudeva uvāca / (11.1) Par.?
evaṃ bruvati sūte tu tadā makaraketumān / (11.2) Par.?
uvāca sūtaṃ kauravya nivartaya rathaṃ punaḥ // (11.3) Par.?
dārukātmaja maivaṃ tvaṃ punaḥ kārṣīḥ kathaṃcana / (12.1) Par.?
vyapayānaṃ raṇāt saute jīvato mama karhicit // (12.2) Par.?
na sa vṛṣṇikule jāto yo vai tyajati saṃgaram / (13.1) Par.?
yo vā nipatitaṃ hanti tavāsmīti ca vādinam // (13.2) Par.?
tathā striyaṃ vai yo hanti vṛddhaṃ bālaṃ tathaiva ca / (14.1) Par.?
virathaṃ viprakīrṇaṃ ca bhagnaśastrāyudhaṃ tathā // (14.2) Par.?
tvaṃ ca sūtakule jāto vinītaḥ sūtakarmaṇi / (15.1) Par.?
dharmajñaś cāsi vṛṣṇīnām āhaveṣvapi dāruke // (15.2) Par.?
sa jānaṃś caritaṃ kṛtsnaṃ vṛṣṇīnāṃ pṛtanāmukhe / (16.1) Par.?
apayānaṃ punaḥ saute maivaṃ kārṣīḥ kathaṃcana // (16.2) Par.?
apayātaṃ hataṃ pṛṣṭhe bhītaṃ raṇapalāyinam / (17.1) Par.?
gadāgrajo durādharṣaḥ kiṃ māṃ vakṣyati mādhavaḥ // (17.2) Par.?
keśavasyāgrajo vāpi nīlavāsā madotkaṭaḥ / (18.1) Par.?
kiṃ vakṣyati mahābāhur baladevaḥ samāgataḥ // (18.2) Par.?
kiṃ vakṣyati śiner naptā narasiṃho mahādhanuḥ / (19.1) Par.?
apayātaṃ raṇāt saute sāmbaś ca samitiṃjayaḥ // (19.2) Par.?
cārudeṣṇaś ca durdharṣas tathaiva gadasāraṇau / (20.1) Par.?
akrūraś ca mahābāhuḥ kiṃ māṃ vakṣyati sārathe // (20.2) Par.?
śūraṃ saṃbhāvitaṃ santaṃ nityaṃ puruṣamāninam / (21.1) Par.?
striyaś ca vṛṣṇīvīrāṇāṃ kiṃ māṃ vakṣyanti saṃgatāḥ // (21.2) Par.?
pradyumno 'yam upāyāti bhītas tyaktvā mahāhavam / (22.1) Par.?
dhig enam iti vakṣyanti na tu vakṣyanti sādhviti // (22.2) Par.?
dhig vācā parihāso 'pi mama vā madvidhasya vā / (23.1) Par.?
mṛtyunābhyadhikaḥ saute sa tvaṃ mā vyapayāḥ punaḥ // (23.2) Par.?
bhāraṃ hi mayi saṃnyasya yāto madhunihā hariḥ / (24.1) Par.?
yajñaṃ bharatasiṃhasya pārthasyāmitatejasaḥ // (24.2) Par.?
kṛtavarmā mayā vīro niryāsyann eva vāritaḥ / (25.1) Par.?
śālvaṃ nivārayiṣye 'haṃ tiṣṭha tvam iti sūtaja // (25.2) Par.?
sa ca saṃbhāvayan māṃ vai nivṛtto hṛdikātmajaḥ / (26.1) Par.?
taṃ sametya raṇaṃ tyaktvā kiṃ vakṣyāmi mahāratham // (26.2) Par.?
upayātaṃ durādharṣaṃ śaṅkhacakragadādharam / (27.1) Par.?
puruṣaṃ puṇḍarīkākṣaṃ kiṃ vakṣyāmi mahābhujam // (27.2) Par.?
sātyakiṃ baladevaṃ ca ye cānye 'ndhakavṛṣṇayaḥ / (28.1) Par.?
mayā spardhanti satataṃ kiṃ nu vakṣyāmi tān aham // (28.2) Par.?
tyaktvā raṇam imaṃ saute pṛṣṭhato 'bhyāhataḥ śaraiḥ / (29.1) Par.?
tvayāpanīto vivaśo na jīveyaṃ kathaṃcana // (29.2) Par.?
sa nivarta rathenāśu punar dārukanandana / (30.1) Par.?
na caitad evaṃ kartavyam athāpatsu kathaṃcana // (30.2) Par.?
na jīvitam ahaṃ saute bahu manye kadācana / (31.1) Par.?
apayāto raṇād bhītaḥ pṛṣṭhato 'bhyāhataḥ śaraiḥ // (31.2) Par.?
kadā vā sūtaputra tvaṃ jānīṣe māṃ bhayārditam / (32.1) Par.?
apayātaṃ raṇaṃ hitvā yathā kāpuruṣaṃ tathā // (32.2) Par.?
na yuktaṃ bhavatā tyaktuṃ saṃgrāmaṃ dārukātmaja / (33.1) Par.?
mayi yuddhārthini bhṛśaṃ sa tvaṃ yāhi yato raṇam // (33.2) Par.?
Duration=0.13255715370178 secs.