Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2784

Click on a sentence to show its analysis
Keep the mouse pointer over a lemma to show its meanings.

mārkaṇḍeya uvāca / (1.1) Par.?

upaviṣṭaṃ tataḥ skandaṃ hiraṇyakavacasrajam / (1.2) Par.?

hiraṇyacūḍamukuṭaṃ hiraṇyākṣaṃ mahāprabham // (1.3) Par.?

lohitāmbarasaṃvītaṃ tīkṣṇadaṃṣṭraṃ manoramam / (2.1) Par.?

sarvalakṣaṇasampannaṃ trailokyasyāpi supriyam // (2.2) Par.?

tatas taṃ varadaṃ śūraṃ yuvānaṃ mṛṣṭakuṇḍalam / (3.1) Par.?

abhajat padmarūpā śrīḥ svayam eva śarīriṇī // (3.2) Par.?

śriyā juṣṭaḥ pṛthuyaśāḥ sa kumāravaras tadā / (4.1) Par.?

niṣaṇṇo dṛśyate bhūtaiḥ paurṇamāsyāṃ yathā śaśī // (4.2) Par.?

apūjayan mahātmāno brāhmaṇās taṃ mahābalam / (5.1) Par.?

idam āhus tadā caiva skandaṃ tatra maharṣayaḥ // (5.2) Par.?

hiraṇyavarṇa bhadraṃ te lokānāṃ śaṃkaro bhava / (6.1) Par.?

tvayā ṣaḍrātrajātena sarve lokā vaśīkṛtāḥ // (6.2) Par.?

abhayaṃ ca punar dattaṃ tvayaivaiṣāṃ surottama / (7.1) Par.?

tasmād indro bhavān astu trailokyasyābhayaṃkaraḥ // (7.2) Par.?

skanda uvāca / (8.1) Par.?

kim indraḥ sarvalokānāṃ karotīha tapodhanāḥ / (8.2) Par.?

kathaṃ devagaṇāṃścaiva pāti nityaṃ sureśvaraḥ // (8.3) Par.?

ṛṣaya ūcuḥ / (9.1) Par.?

indro diśati bhūtānāṃ balaṃ tejaḥ prajāḥ sukham / (9.2) Par.?

tuṣṭaḥ prayacchati tathā sarvān dāyān sureśvaraḥ // (9.3) Par.?

durvṛttānāṃ saṃharati vṛttasthānāṃ prayacchati / (10.1) Par.?

anuśāsti ca bhūtāni kāryeṣu balasūdanaḥ // (10.2) Par.?

asūrye ca bhavet sūryas tathācandre ca candramāḥ / (11.1) Par.?

bhavatyagniś ca vāyuś ca pṛthivyāpaś ca kāraṇaiḥ // (11.2) Par.?

etad indreṇa kartavyam indre hi vipulaṃ balam / (12.1) Par.?

tvaṃ ca vīra balaśreṣṭhas tasmād indro bhavasva naḥ // (12.2) Par.?

śakra uvāca / (13.1) Par.?

bhavasvendro mahābāho sarveṣāṃ naḥ sukhāvahaḥ / (13.2) Par.?

abhiṣicyasva caivādya prāptarūpo 'si sattama // (13.3) Par.?

skanda uvāca / (14.1) Par.?

śādhi tvam eva trailokyam avyagro vijaye rataḥ / (14.2) Par.?

ahaṃ te kiṃkaraḥ śakra na mamendratvam īpsitam // (14.3) Par.?

śakra uvāca / (15.1) Par.?

balaṃ tavādbhutaṃ vīra tvaṃ devānām arīñjahi / (15.2) Par.?

avajñāsyanti māṃ lokā vīryeṇa tava vismitāḥ // (15.3) Par.?

indratve 'pi sthitaṃ vīra balahīnaṃ parājitam / (16.1) Par.?

āvayoś ca mitho bhede prayatiṣyantyatandritāḥ // (16.2) Par.?

bhedite ca tvayi vibho loko dvaidham upeṣyati / (17.1) Par.?

dvidhābhūteṣu lokeṣu niściteṣvāvayos tathā / (17.2) Par.?

vigrahaḥ sampravarteta bhūtabhedān mahābala // (17.3) Par.?

tatra tvaṃ māṃ raṇe tāta yathāśraddhaṃ vijeṣyasi / (18.1) Par.?

tasmād indro bhavān adya bhavitā mā vicāraya // (18.2) Par.?

skanda uvāca / (19.1) Par.?

tvam eva rājā bhadraṃ te trailokyasya mamaiva ca / (19.2) Par.?

karomi kiṃ ca te śakra śāsanaṃ tad bravīhi me // (19.3) Par.?

śakra uvāca / (20.1) Par.?

yadi satyam idaṃ vākyaṃ niścayād bhāṣitaṃ tvayā / (20.2) Par.?

yadi vā śāsanaṃ skanda kartum icchasi me śṛṇu // (20.3) Par.?

abhiṣicyasva devānāṃ senāpatye mahābala / (21.1) Par.?

aham indro bhaviṣyāmi tava vākyān mahābala // (21.2) Par.?

skanda uvāca / (22.1) Par.?

dānavānāṃ vināśāya devānām arthasiddhaye / (22.2) Par.?

gobrāhmaṇasya trāṇārthaṃ senāpatye 'bhiṣiñca mām // (22.3) Par.?

mārkaṇḍeya uvāca / (23.1) Par.?

so 'bhiṣikto maghavatā sarvair devagaṇaiḥ saha / (23.2) Par.?

atīva śuśubhe tatra pūjyamāno maharṣibhiḥ // (23.3) Par.?

tasya tat kāñcanaṃ chattraṃ dhriyamāṇaṃ vyarocata / (24.1) Par.?

yathaiva susamiddhasya pāvakasyātmamaṇḍalam // (24.2) Par.?

viśvakarmakṛtā cāsya divyā mālā hiraṇmayī / (25.1) Par.?

ābaddhā tripuraghnena svayam eva yaśasvinā // (25.2) Par.?

āgamya manujavyāghra saha devyā paraṃtapa / (26.1) Par.?

arcayāmāsa suprīto bhagavān govṛṣadhvajaḥ // (26.2) Par.?

rudram agniṃ dvijāḥ prāhū rudrasūnus tatas tu saḥ / (27.1) Par.?

rudreṇa śukram utsṛṣṭaṃ tacchvetaḥ parvato 'bhavat / (27.2) Par.?

pāvakasyendriyaṃ śvete kṛttikābhiḥ kṛtaṃ nage // (27.3) Par.?

pūjyamānaṃ tu rudreṇa dṛṣṭvā sarve divaukasaḥ / (28.1) Par.?

rudrasūnuṃ tataḥ prāhur guhaṃ guṇavatāṃ varam // (28.2) Par.?

anupraviśya rudreṇa vahniṃ jāto hyayaṃ śiśuḥ / (29.1) Par.?

tatra jātas tataḥ skando rudrasūnus tato 'bhavat // (29.2) Par.?

rudrasya vahneḥ svāhāyāḥ ṣaṇṇāṃ strīṇāṃ ca tejasā / (30.1) Par.?

jātaḥ skandaḥ suraśreṣṭho rudrasūnus tato 'bhavat // (30.2) Par.?

araje vāsasī rakte vasānaḥ pāvakātmajaḥ / (31.1) Par.?

bhāti dīptavapuḥ śrīmān raktābhrābhyām ivāṃśumān // (31.2) Par.?

kukkuṭaś cāgninā dattas tasya ketur alaṃkṛtaḥ / (32.1) Par.?

rathe samucchrito bhāti kālāgnir iva lohitaḥ // (32.2) Par.?

viveśa kavacaṃ cāsya śarīraṃ sahajaṃ tataḥ / (33.1) Par.?

yudhyamānasya devasya prādurbhavati tat sadā // (33.2) Par.?

śaktir varma balaṃ tejaḥ kāntatvaṃ satyam akṣatiḥ / (34.1) Par.?

brahmaṇyatvam asaṃmoho bhaktānāṃ parirakṣaṇam // (34.2) Par.?

nikṛntanaṃ ca śatrūṇāṃ lokānāṃ cābhirakṣaṇam / (35.1) Par.?

skandena saha jātāni sarvāṇyeva janādhipa // (35.2) Par.?

evaṃ devagaṇaiḥ sarvaiḥ so 'bhiṣiktaḥ svalaṃkṛtaḥ / (36.1) Par.?

babhau pratītaḥ sumanāḥ paripūrṇendudarśanaḥ // (36.2) Par.?

iṣṭaiḥ svādhyāyaghoṣaiś ca devatūryaravair api / (37.1) Par.?

devagandharvagītaiś ca sarvair apsarasāṃ gaṇaiḥ // (37.2) Par.?

etaiś cānyaiś ca vividhair hṛṣṭatuṣṭair alaṃkṛtaiḥ / (38.1) Par.?

krīḍann iva tadā devair abhiṣiktaḥ sa pāvakiḥ // (38.2) Par.?

abhiṣiktaṃ mahāsenam apaśyanta divaukasaḥ / (39.1) Par.?

vinihatya tamaḥ sūryaṃ yathehābhyuditaṃ tathā // (39.2) Par.?

athainam abhyayuḥ sarvā devasenāḥ sahasraśaḥ / (40.1) Par.?

asmākaṃ tvaṃ patir iti bruvāṇāḥ sarvatodiśam // (40.2) Par.?

tāḥ samāsādya bhagavān sarvabhūtagaṇair vṛtaḥ / (41.1) Par.?

arcitaś ca stutaś caiva sāntvayāmāsa tā api // (41.2) Par.?

śatakratuś cābhiṣicya skandaṃ senāpatiṃ tadā / (42.1) Par.?

sasmāra tāṃ devasenāṃ yā sā tena vimokṣitā // (42.2) Par.?

ayaṃ tasyāḥ patir nūnaṃ vihito brahmaṇā svayam / (43.1) Par.?

iti cintyānayāmāsa devasenāṃ svalaṃkṛtām // (43.2) Par.?

skandaṃ covāca balabhid iyaṃ kanyā surottama / (44.1) Par.?

ajāte tvayi nirdiṣṭā tava patnī svayambhuvā // (44.2) Par.?

tasmāt tvam asyā vidhivat pāṇiṃ mantrapuraskṛtam / (45.1) Par.?

gṛhāṇa dakṣiṇaṃ devyāḥ pāṇinā padmavarcasam // (45.2) Par.?

evam uktaḥ sa jagrāha tasyāḥ pāṇiṃ yathāvidhi / (46.1) Par.?

bṛhaspatir mantravidhiṃ jajāpa ca juhāva ca // (46.2) Par.?

evaṃ skandasya mahiṣīṃ devasenāṃ vidur budhāḥ / (47.1) Par.?

ṣaṣṭhīṃ yāṃ brāhmaṇāḥ prāhur lakṣmīm āśāṃ sukhapradām / (47.2) Par.?

sinīvālīṃ kuhūṃ caiva sadvṛttim aparājitām // (47.3) Par.?

yadā skandaḥ patir labdhaḥ śāśvato devasenayā / (48.1) Par.?

tadā tam āśrayallakṣmīḥ svayaṃ devī śarīriṇī // (48.2) Par.?

śrījuṣṭaḥ pañcamīṃ skandas tasmācchrīpañcamī smṛtā / (49.1) Par.?

ṣaṣṭhyāṃ kṛtārtho 'bhūd yasmāt tasmāt ṣaṣṭhī mahātithiḥ // (49.2) Par.?

Duration=0.25722599029541 secs.