Texts

Help

Select a text:
Bibliography

Select a chapter:
(no revisions)

Associated topic(s): war

Show parallels Show headlines
Use dependency labeler

Chapter id: 7981

Click on a sentence to show its analysis
Keep the mouse pointer over a lemma to show its meanings.

saṃjaya uvāca / (1.1) Par.?

nakulaṃ rabhasaṃ yuddhe nighnantaṃ vāhinīṃ tava / (1.2) Par.?

abhyayāt saubalaḥ kruddhastiṣṭha tiṣṭheti cābravīt // (1.3) Par.?

kṛtavairau tu tau vīrāvanyonyavadhakāṅkṣiṇau / (2.1) Par.?

śaraiḥ pūrṇāyatotsṛṣṭair anyonyam abhijaghnatuḥ // (2.2) Par.?

yathaiva saubalaḥ kṣipraṃ śaravarṣāṇi muñcati / (3.1) Par.?

tathaiva nakulo rājañ śikṣāṃ saṃdarśayan yudhi // (3.2) Par.?

tāvubhau samare śūrau śarakaṇṭakinau tadā / (4.1) Par.?

vyarājetāṃ mahārāja kaṇṭakair iva śālmalī // (4.2) Par.?

sujihmaṃ prekṣamāṇau ca rājan vivṛtalocanau / (5.1) Par.?

krodhasaṃraktanayanau nirdahantau parasparam // (5.2) Par.?

syālastu tava saṃkruddho mādrīputraṃ hasann iva / (6.1) Par.?

karṇinaikena vivyādha hṛdaye niśitena ha // (6.2) Par.?

nakulastu bhṛśaṃ viddhaḥ syālena tava dhanvinā / (7.1) Par.?

niṣasāda rathopasthe kaśmalaṃ cainam āviśat // (7.2) Par.?

atyantavairiṇaṃ dṛptaṃ dṛṣṭvā śatruṃ tathāgatam / (8.1) Par.?

nanāda śakunī rājaṃstapānte jalado yathā // (8.2) Par.?

pratilabhya tataḥ saṃjñāṃ nakulaḥ pāṇḍunandanaḥ / (9.1) Par.?

abhyayāt saubalaṃ bhūyo vyāttānana ivāntakaḥ // (9.2) Par.?

saṃkruddhaḥ śakuniṃ ṣaṣṭyā vivyādha bharatarṣabha / (10.1) Par.?

punaścaiva śatenaiva nārācānāṃ stanāntare // (10.2) Par.?

tato 'sya saśaraṃ cāpaṃ muṣṭideśe sa cicchide / (11.1) Par.?

dhvajaṃ ca tvaritaṃ chittvā rathād bhūmāvapātayat // (11.2) Par.?

so 'tividdho mahārāja rathopastha upāviśat / (12.1) Par.?

taṃ visaṃjñaṃ nipatitaṃ dṛṣṭvā syālaṃ tavānagha / (12.2) Par.?

apovāha rathenāśu sārathir dhvajinīmukhāt // (12.3) Par.?

tataḥ saṃcukruśuḥ pārthā ye ca teṣāṃ padānugāḥ / (13.1) Par.?

nirjitya ca raṇe śatrūnnakulaḥ śatrutāpanaḥ / (13.2) Par.?

abravīt sārathiṃ kruddho droṇānīkāya māṃ vaha // (13.3) Par.?

tasya tad vacanaṃ śrutvā mādrīputrasya dhīmataḥ / (14.1) Par.?

prāyāt tena raṇe rājan yena droṇo 'nvayudhyata // (14.2) Par.?

śikhaṇḍinaṃ tu samare droṇaprepsuṃ viśāṃ pate / (15.1) Par.?

kṛpaḥ śāradvato yattaḥ pratyudgacchat suvegitaḥ // (15.2) Par.?

gautamaṃ drutam āyāntaṃ droṇāntikam ariṃdamam / (16.1) Par.?

vivyādha navabhir bhallaiḥ śikhaṇḍī prahasann iva // (16.2) Par.?

tam ācāryo mahārāja viddhvā pañcabhir āśugaiḥ / (17.1) Par.?

punar vivyādha viṃśatyā putrāṇāṃ priyakṛt tava // (17.2) Par.?

mahad yuddhaṃ tayor āsīd ghorarūpaṃ viśāṃ pate / (18.1) Par.?

yathā devāsure yuddhe śambarāmararājayoḥ // (18.2) Par.?

śarajālāvṛtaṃ vyoma cakratustau mahārathau / (19.1) Par.?

prakṛtyā ghorarūpaṃ tad āsīd ghorataraṃ punaḥ // (19.2) Par.?

rātriśca bharataśreṣṭha yodhānāṃ yuddhaśālinām / (20.1) Par.?

kālarātrinibhā hyāsīd ghorarūpā bhayāvahā // (20.2) Par.?

śikhaṇḍī tu mahārāja gautamasya mahad dhanuḥ / (21.1) Par.?

ardhacandreṇa cicheda sajyaṃ saviśikhaṃ tadā // (21.2) Par.?

tasya kruddhaḥ kṛpo rājañ śaktiṃ cikṣepa dāruṇām / (22.1) Par.?

svarṇadaṇḍām akuṇṭhāgrāṃ karmāraparimārjitām // (22.2) Par.?

tām āpatantīṃ cicheda śikhaṇḍī bahubhiḥ śaraiḥ / (23.1) Par.?

sāpatanmedinīṃ dīptā bhāsayantī mahāprabhā // (23.2) Par.?

athānyad dhanur ādāya gautamo rathināṃ varaḥ / (24.1) Par.?

prācchādayacchitair bāṇair mahārāja śikhaṇḍinam // (24.2) Par.?

sa chādyamānaḥ samare gautamena yaśasvinā / (25.1) Par.?

vyaṣīdata rathopasthe śikhaṇḍī rathināṃ varaḥ // (25.2) Par.?

sīdantaṃ cainam ālokya kṛpaḥ śāradvato yudhi / (26.1) Par.?

ājaghne bahubhir bāṇair jighāṃsann iva bhārata // (26.2) Par.?

vimukhaṃ taṃ raṇe dṛṣṭvā yājñaseniṃ mahāratham / (27.1) Par.?

pāñcālāḥ somakāścaiva parivavruḥ samantataḥ // (27.2) Par.?

tathaiva tava putrāśca parivavrur dvijottamam / (28.1) Par.?

mahatyā senayā sārdhaṃ tato yuddham abhūt punaḥ // (28.2) Par.?

rathānāṃ ca raṇe rājann anyonyam abhidhāvatām / (29.1) Par.?

babhūva tumulaḥ śabdo meghānāṃ nadatām iva // (29.2) Par.?

dravatāṃ sādināṃ caiva gajānāṃ ca viśāṃ pate / (30.1) Par.?

anyonyam abhito rājan krūram āyodhanaṃ babhau // (30.2) Par.?

pattīnāṃ dravatāṃ caiva padaśabdena medinī / (31.1) Par.?

akampata mahārāja bhayatrasteva cāṅganā // (31.2) Par.?

rathā rathān samāsādya pradrutā vegavattaram / (32.1) Par.?

nyagṛhṇan bahavo rājañ śalabhān vāyasā iva // (32.2) Par.?

tathā gajān prabhinnāṃśca suprabhinnā mahāgajāḥ / (33.1) Par.?

tasmin eva pade yattā nigṛhṇanti sma bhārata // (33.2) Par.?

sādī sādinam āsādya padātī ca padātinam / (34.1) Par.?

samāsādya raṇe 'nyonyaṃ saṃrabdhā nāticakramuḥ // (34.2) Par.?

dhāvatāṃ dravatāṃ caiva punar āvartatām api / (35.1) Par.?

babhūva tatra sainyānāṃ śabdaḥ sutumulo niśi // (35.2) Par.?

dīpyamānāḥ pradīpāśca rathavāraṇavājiṣu / (36.1) Par.?

adṛśyanta mahārāja maholkā iva khāccyutāḥ // (36.2) Par.?

sā niśā bharataśreṣṭha pradīpair avabhāsitā / (37.1) Par.?

divasapratimā rājan babhūva raṇamūrdhani // (37.2) Par.?

ādityena yathā vyāptaṃ tamo loke praṇaśyati / (38.1) Par.?

tathā naṣṭaṃ tamo ghoraṃ dīpair dīptair alaṃkṛtam // (38.2) Par.?

śastrāṇāṃ kavacānāṃ ca maṇīnāṃ ca mahātmanām / (39.1) Par.?

antardadhuḥ prabhāḥ sarvā dīpaistair avabhāsitāḥ // (39.2) Par.?

tasmin kolāhale yuddhe vartamāne niśāmukhe / (40.1) Par.?

avadhīt samare putraṃ pitā bharatasattama // (40.2) Par.?

putraśca pitaraṃ mohāt sakhāyaṃ ca sakhā tathā / (41.1) Par.?

saṃbandhinaṃ ca saṃbandhī svasrīyaṃ cāpi mātulaḥ // (41.2) Par.?

sve svān pare parāṃścāpi nijaghnur itaretaram / (42.1) Par.?

nirmaryādam abhūd yuddhaṃ rātrau ghoraṃ bhayāvaham // (42.2) Par.?

Duration=0.17011404037476 secs.