UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6005
- Click on a sentence to show its analysis
- Keep the mouse pointer over a lemma to show its meanings.
bhīma uvāca / (1.1)
Par.?
śrotriyasyeva te rājan mandakasyāvipaścitaḥ / (1.2)
Par.?
anuvākahatābuddhir naiṣā tattvārthadarśinī // (1.3)
Par.?
ālasye kṛtacittasya rājadharmānasūyataḥ / (2.1)
Par.?
vināśe dhārtarāṣṭrāṇāṃ kiṃ phalaṃ bharatarṣabha // (2.2)
Par.?
kṣamānukampā kāruṇyam ānṛśaṃsyaṃ na vidyate / (3.1)
Par.?
kṣātram ācarato mārgam api bandhostvadantare // (3.2)
Par.?
yadīmāṃ bhavato buddhiṃ vidyāma vayam īdṛśīm / (4.1)
Par.?
śastraṃ naiva grahīṣyāmo na vadhiṣyāma kaṃcana // (4.2)
Par.?
bhaikṣyam evācariṣyāma śarīrasya ā vimokṣaṇāt / (5.1)
Par.?
na cedaṃ dāruṇaṃ yuddham abhaviṣyanmahīkṣitām // (5.2)
Par.?
prāṇasyānnam idaṃ sarvam iti vai kavayo viduḥ / (6.1)
Par.?
sthāvaraṃ jaṅgamaṃ caiva sarvaṃ prāṇasya bhojanam // (6.2)
Par.?
ādadānasya ced rājyaṃ ye kecit paripanthinaḥ / (7.1)
Par.?
hantavyāsta iti prājñāḥ kṣatradharmavido viduḥ // (7.2)
Par.?
te sadoṣā hatāsmābhī rājyasya paripanthinaḥ / (8.1)
Par.?
tān hatvā bhuṅkṣva dharmeṇa yudhiṣṭhira mahīm imām // (8.2)
Par.?
yathā hi puruṣaḥ khātvā kūpam aprāpya codakam / (9.1)
Par.?
paṅkadigdho nivarteta karmedaṃ nastathopamam // (9.2)
Par.?
yathāruhya mahāvṛkṣam apahṛtya tato madhu / (10.1)
Par.?
aprāśya nidhanaṃ gacchet karmedaṃ nastathopamam // (10.2)
Par.?
yathā mahāntam adhvānam āśayā puruṣaḥ patan / (11.1)
Par.?
sa nirāśo nivarteta karmedaṃ nastathopamam // (11.2)
Par.?
yathā śatrūn ghātayitvā puruṣaḥ kurusattama / (12.1) Par.?
ātmānaṃ ghātayet paścāt karmedaṃ nastathāvidham // (12.2)
Par.?
yathānnaṃ kṣudhito labdhvā na bhuñjīta yadṛcchayā / (13.1)
Par.?
kāmī ca kāminīṃ labdhvā karmedaṃ nastathāvidham // (13.2)
Par.?
vayam evātra garhyā hi ye vayaṃ mandacetasaḥ / (14.1)
Par.?
tvāṃ rājann anugacchāmo jyeṣṭho 'yam iti bhārata // (14.2)
Par.?
vayaṃ hi bāhubalinaḥ kṛtavidyā manasvinaḥ / (15.1)
Par.?
klībasya vākye tiṣṭhāmo yathaivāśaktayastathā // (15.2)
Par.?
agatīn
kāgatīn asmānnaṣṭārthān arthasiddhaye / (16.1)
Par.?
kathaṃ vai nānupaśyeyur janāḥ paśyanti yādṛśam // (16.2)
Par.?
āpatkāle hi saṃnyāsaḥ kartavya iti śiṣyate / (17.1)
Par.?
jarayābhiparītena śatrubhir
vyaṃsitena ca // (17.2)
Par.?
tasmād iha kṛtaprajñāstyāgaṃ na paricakṣate / (18.1)
Par.?
dharmavyatikramaṃ cedaṃ manyante sūkṣmadarśinaḥ // (18.2)
Par.?
kathaṃ tasmāt samutpannastanniṣṭhas tadupāśrayaḥ / (19.1)
Par.?
tad eva nindann āsīta śraddhā vānyatra gṛhyate // (19.2)
Par.?
śriyā vihīnair adhanair nāstikaiḥ sampravartitam / (20.1)
Par.?
vedavādasya vijñānaṃ satyābhāsam ivānṛtam // (20.2)
Par.?
śakyaṃ tu mauṇḍyam āsthāya bibhratātmānam ātmanā / (21.1)
Par.?
dharmacchadma samāsthāya āsituṃ na tu jīvitum // (21.2)
Par.?
śakyaṃ punar araṇyeṣu sukham ekena jīvitum / (22.1)
Par.?
abibhratā putrapautrān devarṣīn atithīn pitṝn // (22.2)
Par.?
neme mṛgāḥ svargajito na varāhā na pakṣiṇaḥ / (23.1)
Par.?
athaitena prakāreṇa puṇyam āhur na tāñ janāḥ // (23.2)
Par.?
yadi saṃnyāsataḥ siddhiṃ rājan kaścid avāpnuyāt / (24.1)
Par.?
parvatāśca drumāścaiva kṣipraṃ siddhim avāpnuyuḥ // (24.2)
Par.?
ete hi nityasaṃnyāsā dṛśyante nirupadravāḥ / (25.1)
Par.?
aparigrahavantaśca satataṃ cātmacāriṇaḥ // (25.2)
Par.?
atha ced ātmabhāgyeṣu nānyeṣāṃ siddhim aśnute / (26.1)
Par.?
tasmāt karmaiva kartavyaṃ nāsti siddhir akarmaṇaḥ // (26.2)
Par.?
audakāḥ sṛṣṭayaścaiva jantavaḥ siddhim āpnuyuḥ / (27.1)
Par.?
yeṣām ātmaiva bhartavyo nānyaḥ kaścana vidyate // (27.2)
Par.?
avekṣasva yathā svaiḥ svaiḥ karmabhir vyāpṛtaṃ jagat / (28.1)
Par.?
tasmāt karmaiva kartavyaṃ nāsti siddhir akarmaṇaḥ // (28.2)
Par.?
Duration=0.084225177764893 secs.