Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6009

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

avyāharati kaunteye dharmarāje yudhiṣṭhire / (1.2) Par.?

bhrātṝṇāṃ bruvatāṃ tāṃstān vividhān vedaniścayān // (1.3) Par.?

mahābhijanasampannā śrīmatyāyatalocanā / (2.1) Par.?

abhyabhāṣata rājendraṃ draupadī yoṣitāṃ varā // (2.2) Par.?

āsīnam ṛṣabhaṃ rājñāṃ bhrātṛbhiḥ parivāritam / (3.1) Par.?

siṃhaśārdūlasadṛśair vāraṇair iva yūthapam // (3.2) Par.?

abhimānavatī nityaṃ viśeṣeṇa yudhiṣṭhire / (4.1) Par.?

lālitā satataṃ rājñā dharmajñā dharmadarśinī // (4.2) Par.?

āmantrya vipulaśroṇī sāmnā paramavalgunā / (5.1) Par.?

bhartāram abhisamprekṣya tato vacanam abravīt // (5.2) Par.?

ime te bhrātaraḥ pārtha śuṣyanta stokakā iva / (6.1) Par.?

vāvāśyamānās tiṣṭhanti na cainān abhinandase // (6.2) Par.?

nandayaitānmahārāja mattān iva mahādvipān / (7.1) Par.?

upapannena vākyena satataṃ duḥkhabhāginaḥ // (7.2) Par.?

kathaṃ dvaitavane rājan pūrvam uktvā tathā vacaḥ / (8.1) Par.?

bhrātṝn etān sma sahitāñ śītavātātapārditān // (8.2) Par.?

vayaṃ duryodhanaṃ hatvā mṛdhe bhokṣyāma medinīm / (9.1) Par.?

sampūrṇāṃ sarvakāmānām āhave vijayaiṣiṇaḥ // (9.2) Par.?

virathāṃśca rathān kṛtvā nihatya ca mahāgajān / (10.1) Par.?

saṃstīrya ca rathair bhūmiṃ sasādibhir ariṃdamāḥ // (10.2) Par.?

yajatāṃ vividhair yajñaiḥ samṛddhair āptadakṣiṇaiḥ / (11.1) Par.?

vanavāsakṛtaṃ duḥkhaṃ bhaviṣyati sukhāya naḥ // (11.2) Par.?

ityetān evam uktvā tvaṃ svayaṃ dharmabhṛtāṃ vara / (12.1) Par.?

katham adya punar vīra vinihaṃsi manāṃsyuta // (12.2) Par.?

na klībo vasudhāṃ bhuṅkte na klībo dhanam aśnute / (13.1) Par.?

na klībasya gṛhe putrā matsyāḥ paṅka ivāsate // (13.2) Par.?

nādaṇḍaḥ kṣatriyo bhāti nādaṇḍo bhūtim aśnute / (14.1) Par.?

nādaṇḍasya prajā rājñaḥ sukham edhanti bhārata // (14.2) Par.?

mitratā sarvabhūteṣu dānam adhyayanaṃ tapaḥ / (15.1) Par.?

brāhmaṇasyaiṣa dharmaḥ syānna rājño rājasattama // (15.2) Par.?

asatāṃ pratiṣedhaśca satāṃ ca paripālanam / (16.1) Par.?

eṣa rājñāṃ paro dharmaḥ samare cāpalāyanam // (16.2) Par.?

yasmin kṣamā ca krodhaśca dānādāne bhayābhaye / (17.1) Par.?

nigrahānugrahau cobhau sa vai dharmavid ucyate // (17.2) Par.?

na śrutena na dānena na sāntvena na cejyayā / (18.1) Par.?

tvayeyaṃ pṛthivī labdhā notkocena tathāpyuta // (18.2) Par.?

yat tad balam amitrāṇāṃ tathā vīrasamudyatam / (19.1) Par.?

hastyaśvarathasampannaṃ tribhir aṅgair mahattaram // (19.2) Par.?

rakṣitaṃ droṇakarṇābhyām aśvatthāmnā kṛpeṇa ca / (20.1) Par.?

tat tvayā nihataṃ vīra tasmād bhuṅkṣva vasuṃdharām // (20.2) Par.?

jambūdvīpo mahārāja nānājanapadāyutaḥ / (21.1) Par.?

tvayā puruṣaśārdūla daṇḍena mṛditaḥ prabho // (21.2) Par.?

jambūdvīpena sadṛśaḥ krauñcadvīpo narādhipa / (22.1) Par.?

apareṇa mahāmeror daṇḍena mṛditastvayā // (22.2) Par.?

krauñcadvīpena sadṛśaḥ śākadvīpo narādhipa / (23.1) Par.?

pūrveṇa tu mahāmeror daṇḍena mṛditastvayā // (23.2) Par.?

uttareṇa mahāmeroḥ śākadvīpena saṃmitaḥ / (24.1) Par.?

bhadrāśvaḥ puruṣavyāghra daṇḍena mṛditastvayā // (24.2) Par.?

dvīpāśca sāntaradvīpā nānājanapadālayāḥ / (25.1) Par.?

vigāhya sāgaraṃ vīra daṇḍena mṛditāstvayā // (25.2) Par.?

etānyapratimāni tvaṃ kṛtvā karmāṇi bhārata / (26.1) Par.?

na prīyase mahārāja pūjyamāno dvijātibhiḥ // (26.2) Par.?

sa tvaṃ bhrātṝn imān dṛṣṭvā pratinandasva bhārata / (27.1) Par.?

ṛṣabhān iva saṃmattān gajendrān ūrjitān iva // (27.2) Par.?

amarapratimāḥ sarve śatrusāhāḥ paraṃtapāḥ / (28.1) Par.?

eko 'pi hi sukhāyaiṣāṃ kṣamaḥ syād iti me matiḥ // (28.2) Par.?

kiṃ punaḥ puruṣavyāghrāḥ patayo me nararṣabhāḥ / (29.1) Par.?

samastānīndriyāṇīva śarīrasya viceṣṭane // (29.2) Par.?

anṛtaṃ mābravīcchvaśrūḥ sarvajñā sarvadarśinī / (30.1) Par.?

yudhiṣṭhirastvāṃ pāñcāli sukhe dhāsyatyanuttame // (30.2) Par.?

hatvā rājasahasrāṇi bahūnyāśuparākramaḥ / (31.1) Par.?

tad vyarthaṃ samprapaśyāmi mohāt tava janādhipa // (31.2) Par.?

yeṣām unmattako jyeṣṭhaḥ sarve tasyopacāriṇaḥ / (32.1) Par.?

tavonmādena rājendra sonmādāḥ sarvapāṇḍavāḥ // (32.2) Par.?

yadi hi syur anunmattā bhrātaraste janādhipa / (33.1) Par.?

baddhvā tvāṃ nāstikaiḥ sārdhaṃ praśāseyur vasuṃdharām // (33.2) Par.?

kurute mūḍham evaṃ hi yaḥ śreyo nādhigacchati / (34.1) Par.?

dhūpair añjanayogaiśca nasyakarmabhir eva ca / (34.2) Par.?

bheṣajaiḥ sa cikitsyaḥ syād ya unmārgeṇa gacchati // (34.3) Par.?

sāhaṃ sarvādhamā loke strīṇāṃ bharatasattama / (35.1) Par.?

tathā vinikṛtāmitrair yāham icchāmi jīvitum // (35.2) Par.?

eteṣāṃ yatamānānām utpadyante tu saṃpadaḥ / (36.1) Par.?

tvaṃ tu sarvāṃ mahīṃ labdhvā kuruṣe svayam āpadam // (36.2) Par.?

yathāstāṃ saṃmatau rājñāṃ pṛthivyāṃ rājasattamau / (37.1) Par.?

māndhātā cāmbarīṣaśca tathā rājan virājase // (37.2) Par.?

praśādhi pṛthivīṃ devīṃ prajā dharmeṇa pālayan / (38.1) Par.?

saparvatavanadvīpāṃ mā rājan vimanā bhava // (38.2) Par.?

yajasva vividhair yajñair juhvann agnīn prayaccha ca / (39.1) Par.?

purāṇi bhogān vāsāṃsi dvijātibhyo nṛpottama // (39.2) Par.?

Duration=0.35367298126221 secs.