Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6205

Click on a sentence to show its analysis
Keep the mouse pointer over a lemma to show its meanings.

gurur uvāca / (1.1) Par.?

na sa veda paraṃ dharmaṃ yo na veda catuṣṭayam / (1.2) Par.?

vyaktāvyakte ca yat tattvaṃ samprāptaṃ paramarṣiṇā // (1.3) Par.?

vyaktaṃ mṛtyumukhaṃ vidyād avyaktam amṛtaṃ padam / (2.1) Par.?

pravṛttilakṣaṇaṃ dharmam ṛṣir nārāyaṇo 'bravīt // (2.2) Par.?

atraivāvasthitaṃ sarvaṃ trailokyaṃ sacarācaram / (3.1) Par.?

nivṛttilakṣaṇaṃ dharmam avyaktaṃ brahma śāśvatam // (3.2) Par.?

pravṛttilakṣaṇaṃ dharmaṃ prajāpatir athābravīt / (4.1) Par.?

pravṛttiḥ punarāvṛttir nivṛttiḥ paramā gatiḥ // (4.2) Par.?

tāṃ gatiṃ paramām eti nivṛttiparamo muniḥ / (5.1) Par.?

jñānatattvaparo nityaṃ śubhāśubhanidarśakaḥ // (5.2) Par.?

tad evam etau vijñeyāvavyaktapuruṣāvubhau / (6.1) Par.?

avyaktapuruṣābhyāṃ tu yat syād anyanmahattaram // (6.2) Par.?

taṃ viśeṣam avekṣeta viśeṣeṇa vicakṣaṇaḥ / (7.1) Par.?

anādyantāvubhāvetāvaliṅgau cāpyubhāvapi // (7.2) Par.?

ubhau nityau sūkṣmatarau mahadbhyaśca mahattarau / (8.1) Par.?

sāmānyam etad ubhayor evaṃ hyanyad viśeṣaṇam // (8.2) Par.?

prakṛtyā sargadharmiṇyā tathā trividhasattvayā / (9.1) Par.?

viparītam ato vidyāt kṣetrajñasya ca lakṣaṇam // (9.2) Par.?

prakṛteśca vikārāṇāṃ draṣṭāram aguṇānvitam / (10.1) Par.?

agrāhyau puruṣāvetāvaliṅgatvād asaṃhitau // (10.2) Par.?

saṃyogalakṣaṇotpattiḥ karmajā gṛhyate yayā / (11.1) Par.?

karaṇaiḥ karmanirvṛttaiḥ kartā yad yad viceṣṭate / (11.2) Par.?

kīrtyate śabdasaṃjñābhiḥ ko 'ham eṣo 'pyasāviti // (11.3) Par.?

uṣṇīṣavān yathā vastraistribhir bhavati saṃvṛtaḥ / (12.1) Par.?

saṃvṛto 'yaṃ tathā dehī sattvarājasatāmasaiḥ // (12.2) Par.?

tasmāccatuṣṭayaṃ vedyam etair hetubhir ācitam / (13.1) Par.?

yathāsaṃjño hyayaṃ samyag antakāle na muhyati // (13.2) Par.?

śriyaṃ divyām abhiprepsur brahma vāṅmanasā śuciḥ / (14.1) Par.?

śārīrair niyamair ugraiścarenniṣkalmaṣaṃ tapaḥ // (14.2) Par.?

trailokyaṃ tapasā vyāptam antarbhūtena bhāsvatā / (15.1) Par.?

sūryaśca candramāścaiva bhāsatastapasā divi // (15.2) Par.?

pratāpastapaso jñānaṃ loke saṃśabditaṃ tapaḥ / (16.1) Par.?

rajastamoghnaṃ yat karma tapasastat svalakṣaṇam // (16.2) Par.?

brahmacaryam ahiṃsā ca śārīraṃ tapa ucyate / (17.1) Par.?

vāṅmanoniyamaḥ sāmyaṃ mānasaṃ tapa ucyate // (17.2) Par.?

vidhijñebhyo dvijātibhyo grāhyam annaṃ viśiṣyate / (18.1) Par.?

āhāraniyamenāsya pāpmā naśyati rājasaḥ // (18.2) Par.?

vaimanasyaṃ ca viṣaye yāntyasya karaṇāni ca / (19.1) Par.?

tasmāt tanmātram ādadyād yāvad atra prayojanam // (19.2) Par.?

antakāle vayotkarṣāc chanaiḥ kuryād anāturaḥ / (20.1) Par.?

evaṃ yuktena manasā jñānaṃ tad upapadyate // (20.2) Par.?

rajasā cāpyayaṃ dehī dehavāñ śabdavaccaret / (21.1) Par.?

kāryair avyāhatamatir vairāgyāt prakṛtau sthitaḥ / (21.2) Par.?

ā dehād apramādācca dehāntād vipramucyate // (21.3) Par.?

hetuyuktaḥ sadotsargo bhūtānāṃ pralayastathā / (22.1) Par.?

parapratyayasarge tu niyataṃ nātivartate // (22.2) Par.?

bhavāntaprabhavaprajñā āsate ye viparyayam / (23.1) Par.?

dhṛtyā dehān dhārayanto buddhisaṃkṣiptamānasāḥ / (23.2) Par.?

sthānebhyo dhvaṃsamānāśca sūkṣmatvāt tān upāsate // (23.3) Par.?

yathāgamaṃ ca tat sarvaṃ buddhyā tannaiva budhyate / (24.1) Par.?

dehāntaṃ kaścid anvāste bhāvitātmā nirāśrayaḥ / (24.2) Par.?

yukto dhāraṇayā kaścit sattāṃ kecid upāsate // (24.3) Par.?

abhyasyanti paraṃ devaṃ vidyutsaṃśabditākṣaram / (25.1) Par.?

antakāle hyupāsannāstapasā dagdhakilbiṣāḥ // (25.2) Par.?

sarva ete mahātmāno gacchanti paramāṃ gatim / (26.1) Par.?

sūkṣmaṃ viśeṣaṇaṃ teṣām avekṣecchāstracakṣuṣā // (26.2) Par.?

dehaṃ tu paramaṃ vidyād vimuktam aparigraham / (27.1) Par.?

antarikṣād anyataraṃ dhāraṇāsaktamānasam // (27.2) Par.?

martyalokād vimucyante vidyāsaṃyuktamānasāḥ / (28.1) Par.?

brahmabhūtā virajasastato yānti parāṃ gatim // (28.2) Par.?

kaṣāyavarjitaṃ jñānaṃ yeṣām utpadyate 'calam / (29.1) Par.?

te yānti paramāṃl lokān viśudhyanto yathābalam // (29.2) Par.?

bhagavantam ajaṃ divyaṃ viṣṇum avyaktasaṃjñitam / (30.1) Par.?

bhāvena yānti śuddhā ye jñānatṛptā nirāśiṣaḥ // (30.2) Par.?

jñātvātmasthaṃ hariṃ caiva nivartante na te 'vyayāḥ / (31.1) Par.?

prāpya tat paramaṃ sthānaṃ modante 'kṣaram avyayam // (31.2) Par.?

etāvad etad vijñānam etad asti ca nāsti ca / (32.1) Par.?

tṛṣṇābaddhaṃ jagat sarvaṃ cakravat parivartate // (32.2) Par.?

bisatantur yathaivāyam antaḥsthaḥ sarvato bise / (33.1) Par.?

tṛṣṇātantur anādyantastathā dehagataḥ sadā // (33.2) Par.?

sūcyā sūtraṃ yathā vastre saṃsārayati vāyakaḥ / (34.1) Par.?

tadvat saṃsārasūtraṃ hi tṛṣṇāsūcyā nibadhyate // (34.2) Par.?

vikāraṃ prakṛtiṃ caiva puruṣaṃ ca sanātanam / (35.1) Par.?

yo yathāvad vijānāti sa vitṛṣṇo vimucyate // (35.2) Par.?

prakāśaṃ bhagavān etad ṛṣir nārāyaṇo 'mṛtam / (36.1) Par.?

bhūtānām anukampārthaṃ jagāda jagato hitam // (36.2) Par.?

Duration=0.12747097015381 secs.