Texts

Help

Select a text:
Bibliography

Select a chapter:
(no revisions)

Associated topic(s): Marutta

Show parallels Show headlines
Use dependency labeler

Chapter id: 8644

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

kathaṃvīryaḥ samabhavat sa rājā vadatāṃ varaḥ / (1.2) Par.?

kathaṃ ca jātarūpeṇa samayujyata sa dvija // (1.3) Par.?

kva ca tat sāṃprataṃ dravyaṃ bhagavann avatiṣṭhate / (2.1) Par.?

kathaṃ ca śakyam asmābhistad avāptuṃ tapodhana // (2.2) Par.?

vyāsa uvāca / (3.1) Par.?

asurāścaiva devāśca dakṣasyāsan prajāpateḥ / (3.2) Par.?

apatyaṃ bahulaṃ tāta te 'spardhanta parasparam // (3.3) Par.?

tathaivāṅgirasaḥ putrau vratatulyau babhūvatuḥ / (4.1) Par.?

bṛhaspatir bṛhattejāḥ saṃvartaśca tapodhanaḥ // (4.2) Par.?

tāvapi spardhinau rājan pṛthag āstāṃ parasparam / (5.1) Par.?

bṛhaspatiśca saṃvartaṃ bādhate sma punaḥ punaḥ // (5.2) Par.?

sa bādhyamānaḥ satataṃ bhrātrā jyeṣṭhena bhārata / (6.1) Par.?

arthān utsṛjya digvāsā vanavāsam arocayat // (6.2) Par.?

vāsavo 'pyasurān sarvānnirjitya ca nihatya ca / (7.1) Par.?

indratvaṃ prāpya lokeṣu tato vavre purohitam / (7.2) Par.?

putram aṅgiraso jyeṣṭhaṃ vipraśreṣṭhaṃ bṛhaspatim // (7.3) Par.?

yājyastvaṅgirasaḥ pūrvam āsīd rājā karaṃdhamaḥ / (8.1) Par.?

vīryeṇāpratimo loke vṛttena ca balena ca / (8.2) Par.?

śatakratur ivaujasvī dharmātmā saṃśitavrataḥ // (8.3) Par.?

vāhanaṃ yasya yodhāśca dravyāṇi vividhāni ca / (9.1) Par.?

dhyānād evābhavad rājanmukhavātena sarvaśaḥ // (9.2) Par.?

sa guṇaiḥ pārthivān sarvān vaśe cakre narādhipaḥ / (10.1) Par.?

saṃjīvya kālam iṣṭaṃ ca saśarīro divaṃ gataḥ // (10.2) Par.?

babhūva tasya putrastu yayātir iva dharmavit / (11.1) Par.?

avikṣinnāma śatrukṣit sa vaśe kṛtavānmahīm / (11.2) Par.?

vikrameṇa guṇaiścaiva pitevāsīt sa pārthivaḥ // (11.3) Par.?

tasya vāsavatulyo 'bhūnmarutto nāma vīryavān / (12.1) Par.?

putrastam anuraktābhūt pṛthivī sāgarāmbarā // (12.2) Par.?

spardhate satataṃ sa sma devarājena pārthivaḥ / (13.1) Par.?

vāsavo 'pi maruttena spardhate pāṇḍunandana // (13.2) Par.?

śuciḥ sa guṇavān āsīnmaruttaḥ pṛthivīpatiḥ / (14.1) Par.?

yatamāno 'pi yaṃ śakro na viśeṣayati sma ha // (14.2) Par.?

so 'śaknuvan viśeṣāya samāhūya bṛhaspatim / (15.1) Par.?

uvācedaṃ vaco devaiḥ sahito harivāhanaḥ // (15.2) Par.?

bṛhaspate maruttasya mā sma kārṣīḥ kathaṃcana / (16.1) Par.?

daivaṃ karmāthavā pitryaṃ kartāsi mama cet priyam // (16.2) Par.?

ahaṃ hi triṣu lokeṣu surāṇāṃ ca bṛhaspate / (17.1) Par.?

indratvaṃ prāptavān eko maruttastu mahīpatiḥ // (17.2) Par.?

kathaṃ hyamartyaṃ brahmaṃstvaṃ yājayitvā surādhipam / (18.1) Par.?

yājayer mṛtyusaṃyuktaṃ maruttam aviśaṅkayā // (18.2) Par.?

māṃ vā vṛṇīṣva bhadraṃ te maruttaṃ vā mahīpatim / (19.1) Par.?

parityajya maruttaṃ vā yathājoṣaṃ bhajasva mām // (19.2) Par.?

evam uktaḥ sa kauravya devarājñā bṛhaspatiḥ / (20.1) Par.?

muhūrtam iva saṃcintya devarājānam abravīt // (20.2) Par.?

tvaṃ bhūtānām adhipatistvayi lokāḥ pratiṣṭhitāḥ / (21.1) Par.?

namucer viśvarūpasya nihantā tvaṃ balasya ca // (21.2) Par.?

tvam ājahartha devānām eko vīra śriyaṃ parām / (22.1) Par.?

tvaṃ bibharṣi bhuvaṃ dyāṃ ca sadaiva balasūdana // (22.2) Par.?

paurohityaṃ kathaṃ kṛtvā tava devagaṇeśvara / (23.1) Par.?

yājayeyam ahaṃ martyaṃ maruttaṃ pākaśāsana // (23.2) Par.?

samāśvasihi deveśa nāhaṃ martyāya karhicit / (24.1) Par.?

grahīṣyāmi sruvaṃ yajñe śṛṇu cedaṃ vaco mama // (24.2) Par.?

hiraṇyaretaso 'mbhaḥ syāt parivarteta medinī / (25.1) Par.?

bhāsaṃ ca na raviḥ kuryānmatsatyaṃ vicaled yadi // (25.2) Par.?

bṛhaspativacaḥ śrutvā śakro vigatamatsaraḥ / (26.1) Par.?

praśasyainaṃ viveśātha svam eva bhavanaṃ tadā // (26.2) Par.?

Duration=0.13206791877747 secs.