UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2157
- Click on a sentence to show its analysis
- Keep the mouse pointer over a lemma to show its meanings.
pracaṇḍatāṇḍavāṭope prakṣiptā yena diggajāḥ / (1.1)
Par.?
bhavantu vighnabhaṅgāya bhavasya caraṇāmbujāḥ // (1.2)
Par.?
pātālādutpatiṣṇor makaravasatayo yasya pucchābhighātād ūrdhvaṃ brahmāṇḍakhaṇḍavyatikaravihitavyatyayenāpatanti / (2.1)
Par.?
viṣṇormatsyāvatāre sakalavasumatīmaṇḍalaṃ vyaśnuvānās tasyāsyodīritānāṃ dhvanir apaharatād aśriyaṃ vaḥ śrutīnām / (2.2)
Par.?
nārāyaṇaṃ namaskṛtya naraṃ caiva narottamam / (2.3)
Par.?
devīṃ sarasvatīṃ caiva tato jayam udīrayet // (2.4)
Par.?
ajo'pi yaḥ kriyāyogānnārāyaṇa iti smṛtaḥ / (3.1)
Par.?
triguṇāya trivedāya namas tasmai svayambhave // (3.2)
Par.?
sūtamekāgramāsīnaṃ naimiṣāraṇyavāsinaḥ / (4.1)
Par.?
munayo dīrghasattrānte papracchur dīrghasaṃhitām // (4.2)
Par.?
pravṛttāsu purāṇīṣu dharmyāsu lalitāsu ca / (5.1)
Par.?
kathāsu śaunakādyās tu abhinandya muhurmuhuḥ // (5.2)
Par.?
kathitāni purāṇāni yānyasmākaṃ tvayānagha / (6.1)
Par.?
tānyevāmṛtakalpāni śrotum icchāmahe punaḥ // (6.2)
Par.?
kathaṃ sasarja bhagavaṃl lokanāthaścarācaram / (7.1)
Par.?
kasmācca bhagavān viṣṇur matsyarūpatvam āśritaḥ // (7.2)
Par.?
bhairavatvaṃ bhavasyāpi purāritvaṃ ca kena hi / (8.1)
Par.?
kasya hetoḥ kapālitvaṃ jagāma vṛṣabhadhvajaḥ // (8.2)
Par.?
sarvam etat samācakṣva sūta vistaraśaḥ kramāt / (9.1)
Par.?
tvadvākyenāmṛtasyeva na tṛptiriha jāyate // (9.2)
Par.?
sūta uvāca / (10.1)
Par.?
puṇyaṃ pavitram āyuṣyam idānīṃ śṛṇuta dvijāḥ / (10.2)
Par.?
mātsyaṃ purāṇamakhilaṃ yajjagāda gadādharaḥ // (10.3)
Par.?
purā rājā manur nāma cīrṇavān vipulaṃ tapaḥ / (11.1)
Par.?
putre rājyaṃ samāropya kṣamāvān ravinandanaḥ // (11.2)
Par.?
malayasyaikadeśe tu sarvātmaguṇasaṃyutaḥ / (12.1)
Par.?
samaduḥkhasukho vīraḥ prāptavān yogam uttamam // (12.2)
Par.?
babhūva varadaś cāsya varṣāyutaśate gate / (13.1)
Par.?
varaṃ vṛṇīṣva provāca prītaḥ sa kamalāsanaḥ // (13.2)
Par.?
evamukto 'bravīd rājā praṇamya sa pitāmaham / (14.1)
Par.?
ekam evāham icchāmi tvatto varamanuttamam // (14.2)
Par.?
bhūtagrāmasya sarvasya sthāvarasya carasya ca / (15.1)
Par.?
bhaveyaṃ rakṣaṇāyālaṃ pralaye samupasthite // (15.2)
Par.?
evamastviti viśvātmā tatraivāntaradhīyata / (16.1)
Par.?
puṣpavṛṣṭiḥ sumahatī khātpapāta surārpitā // (16.2)
Par.?
kadācidāśrame tasya kurvataḥ pitṛtarpaṇam / (17.1)
Par.?
papāta pāṇyor upari śapharī jalasaṃyutā // (17.2)
Par.?
dṛṣṭvā tacchapharīrūpaṃ sa dayālurmahīpatiḥ / (18.1)
Par.?
rakṣaṇāyākarodyatnaṃ sa tasminkarakodare // (18.2)
Par.?
ahorātreṇa caikena ṣoḍaśāṅgulavistṛtaḥ / (19.1)
Par.?
so 'bhavanmatsyarūpeṇa pāhi pāhīti cābravīt // (19.2)
Par.?
sa tamādāya maṇike prākṣipajjalacāriṇam / (20.1)
Par.?
tatrāpi caikarātreṇa hastatrayam avardhata // (20.2)
Par.?
punaḥ prāhārtanādena sahasrakiraṇātmajam / (21.1)
Par.?
sa matsyaḥ pāhi pāhīti tvāmahaṃ śaraṇaṃ gataḥ // (21.2)
Par.?
tataḥ sa kūpe taṃ matsyaṃ prāhiṇod ravinandanaḥ / (22.1)
Par.?
yadā na māti tatrāpi kūpe matsyaḥ sarovare // (22.2)
Par.?
kṣipto 'sau pṛthutāmāgātpunar yojanasaṃmitām / (23.1)
Par.?
tatrāpyāha punar dīnaḥ pāhi pāhi nṛpottama // (23.2) Par.?
tataḥ sa manunā kṣipto gaṅgāyāmapyavardhata / (24.1)
Par.?
yadā tadā samudre taṃ prākṣipanmedinīpatiḥ // (24.2)
Par.?
yadā samudramakhilaṃ vyāpyāsau samupasthitaḥ / (25.1)
Par.?
tadā prāha manurbhītaḥ ko 'pi tvamasureśvaraḥ // (25.2)
Par.?
athavā vāsudevastvamanya īdṛkkathaṃ bhavet / (26.1)
Par.?
yojanāyutaviṃśatyā kasya tulyaṃ bhavedvapuḥ // (26.2)
Par.?
jñātastvaṃ matsyarūpeṇa māṃ khedayasi keśava / (27.1)
Par.?
hṛṣīkeśa jagannātha jagaddhāma namo'stu te // (27.2)
Par.?
evamuktaḥ sa bhagavānmatsyarūpī janārdanaḥ / (28.1)
Par.?
sādhu sādhviti covāca samyagjñātas tvayānagha // (28.2)
Par.?
acireṇaiva kālena medinī medinīpate / (29.1)
Par.?
bhaviṣyati jale magnā saśailavanakānanā // (29.2)
Par.?
naur iyaṃ sarvadevānāṃ nikāyena vinirmitā / (30.1)
Par.?
mahājīvanikāyasya rakṣaṇārthaṃ mahīpate // (30.2)
Par.?
svedāṇḍajodbhido ye vai ye ca jīvā jarāyujāḥ / (31.1)
Par.?
asyāṃ nidhāya sarvāṃs tān anāthān pāhi suvrata // (31.2)
Par.?
yugāntavātābhihatā yadā bhavati naur nṛpa / (32.1)
Par.?
śṛṅge 'sminmama rājendra tademāṃ saṃyamiṣyasi // (32.2)
Par.?
tato layānte sarvasya sthāvarasya carasya ca / (33.1)
Par.?
prajāpatistvaṃ bhavitā jagataḥ pṛthivīpate // (33.2)
Par.?
evaṃ kṛtayugasyādau sarvajño dhṛtimānnṛpaḥ / (34.1)
Par.?
manvantarādhipaścāpi devapūjyo bhaviṣyasi // (34.2)
Par.?
Duration=0.10997319221497 secs.