UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7599
- Click on a sentence to show its analysis
- Keep the mouse pointer over a lemma to show its meanings.
īśvara uvāca / (1.1)
Par.?
avyaktādabhavat kālaḥ pradhānaṃ puruṣaḥ paraḥ / (1.2)
Par.?
tebhyaḥ sarvamidaṃ jātaṃ tasmād brahmamayaṃ jagat // (1.3)
Par.?
sarvataḥ pāṇipādaṃ tat sarvato 'kṣiśiromukham / (2.1)
Par.?
sarvataḥ śrutimalloke sarvamāvṛtya tiṣṭhati // (2.2)
Par.?
sarvendriyaguṇābhāsaṃ sarvendriyavivarjitam / (3.1)
Par.?
sarvādhāraṃ sadānandamavyaktaṃ dvaitavarjitam // (3.2)
Par.?
sarvopamānarahitaṃ pramāṇātītagocaram / (4.1)
Par.?
nirvikalpaṃ nirābhāsaṃ sarvāvāsaṃ parāmṛtam // (4.2)
Par.?
abhinnaṃ bhinnasaṃsthānaṃ śāśvataṃ dhruvam avyayam / (5.1)
Par.?
nirguṇaṃ paramaṃ vyoma tajjñānaṃ sūrayo viduḥ // (5.2)
Par.?
sa ātmā sarvabhūtānāṃ sa bāhyābhyantaraḥ paraḥ / (6.1)
Par.?
so 'haṃ sarvatragaḥ śānto jñānātmā parameśvaraḥ // (6.2)
Par.?
mayā tatamidaṃ viśvaṃ jagadavyaktamūrtinā / (7.1)
Par.?
matsthāni sarvabhūtāni yastaṃ veda sa vedavit // (7.2)
Par.?
pradhānaṃ puruṣaṃ caiva tattvadvayamudāhṛtam / (8.1)
Par.?
tayoranādiruddiṣṭaḥ kālaḥ saṃyojakaḥ paraḥ // (8.2)
Par.?
trayametadanādyantamavyakte samavasthitam / (9.1)
Par.?
tadātmakaṃ tadanyat syāt tadrūpaṃ māmakaṃ viduḥ // (9.2)
Par.?
mahadādyaṃ viśeṣāntaṃ samprasūte 'khilaṃ jagat / (10.1)
Par.?
yā sā prakṛtiruddiṣṭā mohinī sarvadehinām // (10.2)
Par.?
puruṣaḥ prakṛtistho hi bhuṅkte yaḥ prākṛtān guṇān / (11.1)
Par.?
ahaṅkāravimuktatvāt procyate pañcaviṃśakaḥ // (11.2)
Par.?
ādyo vikāraḥ prakṛtermahānātmeti kathyate / (12.1)
Par.?
vijñānaśaktirvijñātā hyahaṅkārastadutthitaḥ // (12.2)
Par.?
eka eva mahānātmā so 'haṅkāro 'bhidhīyate / (13.1)
Par.?
sa jīvaḥ so 'ntarātmeti gīyate tattvacintakaiḥ // (13.2)
Par.?
tena vedayate sarvaṃ sukhaṃ duḥkhaṃ ca janmasu / (14.1)
Par.?
sa vijñānātmakastasya manaḥ syādupakārakam // (14.2)
Par.?
tenāvivekatastasmāt saṃsāraḥ puruṣasya tu / (15.1)
Par.?
sa cāvivekaḥ prakṛtau saṅgāt kālena so 'bhavat // (15.2)
Par.?
kālaḥ sṛjati bhūtāni kālaḥ saṃharati prajāḥ / (16.1)
Par.?
sarve kālasya vaśagā na kālaḥ kasyacid vaśe // (16.2)
Par.?
so 'ntarā sarvamevedaṃ niyacchati sanātanaḥ / (17.1)
Par.?
procyate bhagavān prāṇaḥ sarvajñaḥ puruṣottamaḥ // (17.2)
Par.?
sarvendriyebhyaḥ paramaṃ mana āhurmanīṣiṇaḥ / (18.1)
Par.?
manasaścāpyahaṅkāramahaṅkārānmahān paraḥ // (18.2)
Par.?
mahataḥ param
avyaktavyaktāt puruṣaḥ paraḥ / (19.1)
Par.?
puruṣād bhagavān prāṇastasya sarvamidaṃ jagat // (19.2)
Par.?
prāṇāt parataraṃ vyoma vyomātīto 'gnirīśvaraḥ / (20.1)
Par.?
so 'haṃ sarvatragaḥ śānto jñānātmā parameśvaraḥ / (20.2)
Par.?
nāsti mattaḥ paraṃ bhūtaṃ māṃ vijñāya vimucyate // (20.3)
Par.?
nityaṃ hi nāsti jagati bhūtaṃ sthāvarajaṅgamam / (21.1) Par.?
ṛte māmekamavyaktaṃ vyomarūpaṃ maheśvaram // (21.2)
Par.?
so 'haṃ sṛjāmi sakalaṃ saṃharāmi sadā jagat / (22.1)
Par.?
māyī māyāmayo devaḥ kālena saha saṃgataḥ // (22.2)
Par.?
matsannidhāveṣa kālaḥ karoti sakalaṃ jagat / (23.1)
Par.?
niyojayatyanantātmā hyetad vedānuśāsanam // (23.2)
Par.?
iti śrīkūrmapurāṇe ṣaṭsāhasryāṃ saṃhitāyāmuparivibhāge īśvaragītāsu tṛtīyo 'dhyāyaḥ // (24.1)
Par.?
Duration=0.20507907867432 secs.