Texts

Help

Select a text:
Bibliography
Select a chapter:
 (no revisions)
Associated topic(s): Kṛṣṇa and the Gopīs, aṃśāvatāra

Show parallels  Show headlines
Use dependency labeler
Chapter id: 17320
  • Click on a sentence to show its analysis
  • Keep the mouse pointer over a lemma to show its meanings.
vaiśampāyana uvāca / (1.1) Par.?
nāradasya vacaḥ śrutvā sasmitaṃ madhusūdanaḥ / (1.2) Par.?
pratyuvāca śubhaṃ vākyaṃ vareṇyaḥ prabhur īśvaraḥ // (1.3) Par.?
trailokyasya hitārthāya yan mā vadasi nārada / (2.1) Par.?
tasya samyakpravṛttasya śrūyatām uttaraṃ vacaḥ // (2.2) Par.?
viditā dehino jātā mayaite bhuvi dānavāḥ / (3.1) Par.?
yāṃ yāṃ tanuṃ samāsthāya daityaḥ puṣyati vigraham // (3.2) Par.?
jānāmi kaṃsaṃ sambhūtam ugrasenasutaṃ bhuvi / (4.1) Par.?
keśinaṃ cāpi jānāmi daityaṃ turagavigraham // (4.2) Par.?
hastinaṃ cotpalāpīḍaṃ mallau cāṇūramuṣṭikau / (5.1) Par.?
ariṣṭaṃ caiva jānāmi daityaṃ vṛṣabharūpiṇam // (5.2) Par.?
vidito me kharaś caiva pralambaś ca mahāsuraḥ / (6.1) Par.?
sā ca me viditā vipra pūtanā duhitā baleḥ // (6.2) Par.?
kāliyaṃ cāpi jānāmi yamunāhradagocaram / (7.1) Par.?
vainateyabhayād vipra sarpam ajñātarūpiṇam // (7.2) Par.?
vidito me jarāsaṃdhaḥ sthito mūrdhni mahīkṣitām / (8.1) Par.?
prāgjyotiṣapure cāpi narakaṃ sādhu tarkaye // (8.2) Par.?
mayy āsaktāṃ ca jānāmi bhāratīṃ mahatīṃ dhuram / (9.1) Par.?
tac ca sarvaṃ vijānāmi yathā sthāsyanti te nṛpāḥ // (9.2) Par.?
kṣayo bhuvi mayā dṛṣṭaḥ śakraloke ca satkriyā / (10.1) Par.?
teṣāṃ puruṣadehānām aparāvṛttivartinām // (10.2) Par.?
sampravekṣyāmy ahaṃ yogam ātmanaś ca parasya ca / (11.1) Par.?
samprāpya pārthivaṃ lokaṃ mānuṣatvam upāgataḥ // (11.2) Par.?
kaṃsādīṃś cāpi tān sarvān vadhiṣyāmi mahāsurān / (12.1) Par.?
tena tena vidhānena yena yaḥ śāntim eṣyati // (12.2) Par.?
anupraviśya yogena tās tā hi gatayo mama / (13.1) Par.?
amīṣām amarendrāṇāṃ hantavyā ripavo yudhi // (13.2) Par.?
jagatyarthe kṛto yo 'yam aṃśotsargo mahātmabhiḥ / (14.1) Par.?
suradevarṣigandharvair etac cānumataṃ mama // (14.2) Par.?
viniścayo hi prāg eva nāradāyaṃ kṛto mayā / (15.1) Par.?
nivāsaṃ tu na me brahmā vidadhāti pitāmahaḥ // (15.2) Par.?
yatra deśe yathā jāto yena veṣeṇa vā vasan / (16.1) Par.?
tān ahaṃ samare hanyāṃ tan me brūhi pitāmaha // (16.2) Par.?
brahmovāca / (17.1) Par.?
nārāyaṇemaṃ siddhārtham upāyaṃ śṛṇu me vibho / (17.2) Par.?
bhuvi yas te janayitā jananī ca bhaviṣyati // (17.3) Par.?
yatra vai tvaṃ mahābāho jātaḥ kulakaro bhuvi / (18.1) Par.?
yādavānāṃ mahadvaṃśam akhilaṃ dhārayiṣyasi // (18.2) Par.?
tāṃś cāsurān samutsādya vaṃśaṃ kṛtvātmano mahat / (19.1) Par.?
sthāpayiṣyasi maryādāṃ nṛṇāṃ tan me niśāmaya // (19.2) Par.?
purā hi kaśyapo viṣṇo varuṇasya mahātmanaḥ / (20.1) Par.?
jahāra yajñiyā gāvaḥ payodāś ca mahāmakhe // (20.2) Par.?
aditiḥ surabhiś cobhe dve bhārye kaśyapasya tu / (21.1) Par.?
pradīyamānā gās tās tu naicchatāṃ varuṇasya vai // (21.2) Par.?
tato māṃ varuṇo 'bhyetya praṇamya śirasānataḥ / (22.1) Par.?
uvāca bhagavan gāvo guruṇā me hṛtā iti // (22.2) Par.?
kṛtakāryo hi gās tās tu nānujānāti me guruḥ / (23.1) Par.?
anvavartata bhārye dve aditiṃ surabhiṃ tathā // (23.2) Par.?
mama tā hy akṣayā gāvo divyāḥ kāmadughā vibho / (24.1) Par.?
caranti sagārān sarvān rakṣitāḥ svena tejasā // (24.2) Par.?
kas tā dharṣayituṃ śakto mama gāḥ kaśyapād ṛte / (25.1) Par.?
akṣayaṃ yāḥ kṣaranty agraṃ payo devāmṛtopamam // (25.2) Par.?
prabhur vā vyutthito brahman gurur vā yadi vetaraḥ / (26.1) Par.?
tvayā niyamyāḥ sarve vai tvaṃ hi naḥ paramā gatiḥ // (26.2) Par.?
yadi prabhavatāṃ daṇḍo loke kāryam ajānatām / (27.1) Par.?
na vidyate lokaguro na syur vai lokasetavaḥ // (27.2) Par.?
yathā vāstu tathā vāstu kartavye bhagavān prabhuḥ / (28.1) Par.?
mama gāvaḥ pratīyantāṃ tato gantāsmi sāgaram // (28.2) Par.?
yas ta ātmā devatā gāvo yā gāvaḥ sa tvam avyayam / (29.1) Par.?
lokānāṃ tvatpravṛttānām ekaṃ gobrāhmaṇaṃ smṛtam // (29.2) Par.?
trātavyāḥ prathamaṃ gāvas trātās trāyanti tā dvijān / (30.1) Par.?
gobrāhmaṇaparitrāṇāt paritrātaṃ jagad bhavet // (30.2) Par.?
ity ambupatinā prokto varuṇenāham acyuta / (31.1) Par.?
gavāṃ kāraṇatattvajñaḥ kaśyape śāpam utsṛjam // (31.2) Par.?
yenāṃśena hṛtā gāvaḥ kaśyapena mahātmanā / (32.1) Par.?
sa tenāṃśena jagatīṃ gatvā gopatvam eṣyati // (32.2) Par.?
yā ca sā surabhir nāma yāditiś ca surāraṇiḥ / (33.1) Par.?
te 'py ubhe tasya vai bhārye saha tenaiva yāsyataḥ // (33.2) Par.?
tad asya kaśyapasyāṃśas tejasā kaśyapopamaḥ / (34.1) Par.?
vasudeva iti khyāto goṣu tiṣṭhati bhūtale // (34.2) Par.?
girir govardhano nāma mathurāyās tv adūrataḥ / (35.1) Par.?
tatrāsau goṣu nirataḥ kaṃsasya karadāyakaḥ // (35.2) Par.?
tasya bhāryādvayaṃ caiva aditiḥ surabhis tathā / (36.1) Par.?
devakī rohiṇī caiva vasudevasya dhīmataḥ // (36.2) Par.?
tatrāvatara lokānāṃ bhavāya madhusūdana / (37.1) Par.?
jayāśīrvacanais tv ete vardhayanti divaukasaḥ // (37.2) Par.?
ātmānam ātmanā hi tvam avatārya mahītalam / (38.1) Par.?
devakīṃ rohiṇīṃ caiva garbhābhyāṃ paritoṣaya // (38.2) Par.?
tatra tvaṃ śiśur evādau gopālakṛtalakṣaṇaḥ / (39.1) Par.?
vardhayasva mahābāho purā traivikrame yathā // (39.2) Par.?
chādayitvātmanātmānaṃ māyayā yogarūpayā / (40.1) Par.?
gopakanyāsahasrāṇi ramayaṃś cara medinīm // (40.2) Par.?
gāś ca te rakṣato viṣṇo vanāni paridhāvataḥ / (41.1) Par.?
vanamālāparikṣiptaṃ dhanyā drakṣyanti te vapuḥ // (41.2) Par.?
viṣṇo padmapalāśākṣa gopālavasatiṃ gate / (42.1) Par.?
bāle tvayi mahābāho loko bālatvam eṣyati // (42.2) Par.?
tvadbhaktāḥ puṇḍarīkākṣa tava cittavaśānugāḥ / (43.1) Par.?
vane cārayato gās tu goṣṭhāṃś ca paridhāvataḥ / (43.2) Par.?
majjato yamunāyāṃ ca ratim āpsyanti te tvayi // (43.3) Par.?
jīvitaṃ vasudevasya bhaviṣyati sujīvitam / (44.1) Par.?
yas tvayā tāta ity uktaḥ putra ity eva vakṣyati // (44.2) Par.?
atha vā kasya putratvaṃ gaccheran yatra kaśyapāt / (45.1) Par.?
kā ca dhārayituṃ śaktā viṣṇo tvām aditiṃ vinā // (45.2) Par.?
yogenātmasamutthena tvaṃ gaccha vijayāya vai / (46.1) Par.?
vayam apy ālayaṃ svaṃ gacchāmo madhusūdana // (46.2) Par.?
sa devān abhyanujñāya vivikte tridivālaye / (47.1) Par.?
jagāma viṣṇuḥ svaṃ deśaṃ kṣīrodasyottarāṃ diśam // (47.2) Par.?
tatraiva pārvatī nāma guhā meroḥ sudurgamā / (48.1) Par.?
tribhis tasyaiva vikrāntair nityaṃ parvasu pūjitā // (48.2) Par.?
purāṇaṃ tatra vinyasya dehaṃ harir udāradhīḥ / (49.1) Par.?
ātmānaṃ yojayāmāsa vasudevagṛhe prabhuḥ // (49.2) Par.?
Duration=0.28380990028381 secs.