Texts

śrīmārkaṇḍeya uvāca / (1.1) Par.?

tato gacchettu rājendra maṅgaleśvaramuttamam / (1.2) Par.?

sthāpitaṃ bhūmiputreṇa lokānāṃ hitakāmyayā // (1.3) Par.?

toṣitaḥ parayā bhaktyā śaṅkaraḥ śaśiśekharaḥ / (2.1) Par.?

caturdaśyāṃ gururdevaḥ pratyakṣo maṅgaleśvaraḥ // (2.2) Par.?

brūhi putra varaṃ śubhraṃ taṃ te dāsyāmi maṅgala // (3.1) Par.?

maṅgala uvāca / (4.1) Par.?

prasādaṃ kuru me śambho pratijanmani śaṅkara / (4.2) Par.?

tvadaṅgasvedasambhūto grahamadhye vasāmyaham // (4.3) Par.?

tvatprasādena īśāna pūjyo 'haṃ sarvadaivataiḥ / (5.1) Par.?

kṛtārtho hyadya saṃjātastava darśanabhāṣaṇāt // (5.2) Par.?

sthāne 'smin devadeveśa mama nāmnā maheśvaraḥ / (6.1) Par.?

evaṃ bhavatu te putretyuktvā cāntaradhīyata // (6.2) Par.?

maṅgalo 'pi mahātmā vai sthāpayitvā maheśvaram / (7.1) Par.?

ātmayogabalenaiva śūlināpūjayattataḥ // (7.2) Par.?

sarvaduḥkhaharaṃ liṅgaṃ nāmnā vai maṅgaleśvaram / (8.1) Par.?

tatra tīrthe tu vai rājanbrāhmaṇānprīṇayetsudhīḥ // (8.2) Par.?

sapatnīkān nṛpaśreṣṭha caturthyaṅgārake vrate / (9.1) Par.?

patnībhartārasaṃyuktaṃ vidvāṃsaṃ śrotriyaṃ dvijam // (9.2) Par.?

vratānte caiva gaurdhuryaiḥ śivamuddiśya dīyate / (10.1) Par.?

prīyatāṃ me mahādevaḥ sapatnīko vṛṣadhvajaḥ // (10.2) Par.?

vastrayugmaṃ pradātavyaṃ lohitaṃ pāṇḍunandana / (11.1) Par.?

dhūrvahau raktavarṇau ca śubhraṃ kṛṣṇaṃ tathaiva ca // (11.2) Par.?

chatraṃ śayyāṃ śubhāṃ caiva raktamālyānulepanam / (12.1) Par.?

dātavyaṃ pāṇḍavaśreṣṭha viśuddhenāntarātmanā // (12.2) Par.?

caturthyāṃ tu tathāṣṭamyāṃ pakṣayoḥ śuklakṛṣṇayoḥ / (13.1) Par.?

śrāddhaṃ tatraiva kartavyaṃ vittaśāṭhyena varjitaḥ // (13.2) Par.?

pretā bhavanti suprītā yugamekaṃ mahīpate / (14.1) Par.?

saputro jāyate martyaḥ pratijanma nṛpottama // (14.2) Par.?

tasya tīrthasya bhāvena sarvāṅgaruciro nṛpa / (15.1) Par.?

maṅgalaṃ bhavate vaṃśo nāśubhaṃ vidyate kvacit // (15.2) Par.?

bhaktyā yaḥ kīrtayen nityaṃ tasya pāpaṃ vyapohati // (16.1) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe maṅgaleśvaratīrthamāhātmyavarṇanaṃ nāmaikonasaptatitamo 'dhyāyaḥ // (17.1) Par.?