Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 3067

Click on a sentence to show its analysis
Keep the mouse pointer over a lemma to show its meanings.

vaiśaṃpāyana uvāca / (1.1) Par.?

evam uktastayā rājā tāṃ devīṃ punar abravīt / (1.2) Par.?

dharmavid dharmasaṃyuktam idaṃ vacanam uttamam // (1.3) Par.?

evam etat purā kunti vyuṣitāśvaścakāra ha / (2.1) Par.?

yathā tvayoktaṃ kalyāṇi sa hyāsīd amaropamaḥ // (2.2) Par.?

atha tvimaṃ pravakṣyāmi dharmaṃ tvetaṃ nibodha me / (3.1) Par.?

purāṇam ṛṣibhir dṛṣṭaṃ dharmavidbhir mahātmabhiḥ // (3.2) Par.?

anāvṛtāḥ kila purā striya āsan varānane / (4.1) Par.?

kāmacāravihāriṇyaḥ svatantrāścārulocane // (4.2) Par.?

tāsāṃ vyuccaramāṇānāṃ kaumārāt subhage patīn / (5.1) Par.?

nādharmo 'bhūd varārohe sa hi dharmaḥ purābhavat // (5.2) Par.?

taṃ caiva dharmaṃ paurāṇaṃ tiryagyonigatāḥ prajāḥ / (6.1) Par.?

adyāpyanuvidhīyante kāmadveṣavivarjitāḥ / (6.2) Par.?

purāṇadṛṣṭo dharmo 'yaṃ pūjyate ca maharṣibhiḥ // (6.3) Par.?

uttareṣu ca rambhoru kuruṣvadyāpi vartate / (7.1) Par.?

strīṇām anugrahakaraḥ sa hi dharmaḥ sanātanaḥ / (7.2) Par.?

*nāgnistṛpyati kāṣṭhānāṃ nāpagānāṃ mahodadhiḥ / (7.3) Par.?

*nāntakaḥ sarvabhūtānāṃ na puṃsāṃ vāmalocanāḥ / (7.4) Par.?

*evaṃ tṛṣṇā tu nārīṇāṃ puruṣaṃ puruṣaṃ prati / (7.5) Par.?

*agamyāgamanaṃ strīṇāṃ nāsti nityaṃ śucismite / (7.6) Par.?

*putraṃ vā kila pautraṃ vā kāsāṃcid bhrātaraṃ tathā / (7.7) Par.?

*rahasīha naraṃ dṛṣṭvā yonir utklidyate tataḥ / (7.8) Par.?

*etat svābhāvikaṃ strīṇāṃ na nimittakṛtaṃ śubhe // (7.9) Par.?

asmiṃstu loke nacirān maryādeyaṃ śucismite / (8.1) Par.?

sthāpitā yena yasmācca tan me vistarataḥ śṛṇu // (8.2) Par.?

babhūvoddālako nāma maharṣir iti naḥ śrutam / (9.1) Par.?

śvetaketur iti khyātaḥ putrastasyābhavan muniḥ // (9.2) Par.?

maryādeyaṃ kṛtā tena mānuṣeṣviti naḥ śrutam / (10.1) Par.?

kopāt kamalapatrākṣi yadarthaṃ tan nibodha me / (10.2) Par.?

*uddālakaḥ / (10.3) Par.?

*brāhmaṇaḥ / (10.4) Par.?

*pāṇḍuḥ / (10.5) Par.?

*śvetaketoḥ pitā devi tapa ugraṃ samāsthitaḥ / (10.6) Par.?

*grīṣme pañcatapā bhūtvā varṣāsvākāśago 'bhavat / (10.7) Par.?

*śiśire salilasthāyī saha patnyā mahātapāḥ / (10.8) Par.?

*uddālakaṃ tapasyantaṃ niyamena samāhitam / (10.9) Par.?

*tasya putraḥ śvetaketuḥ paricaryāṃ cakāra ha / (10.10) Par.?

*abhyāgacchad dvijaḥ kaścid valīpalitasaṃtataḥ / (10.11) Par.?

*taṃ dṛṣṭvaiva muniḥ prītaḥ pūjayāmāsa śāstrataḥ / (10.12) Par.?

*svāgatena ca pādyena mṛduvākyaiśca bhārata / (10.13) Par.?

*śākamūlaphalādyaiśca vanyair anyair apūjayat / (10.14) Par.?

*kṣutpipāsāśramair ārtaḥ pūjitastu maharṣiṇā / (10.15) Par.?

*viśrānto munim āsādya paryapṛcchad dvijastadā / (10.16) Par.?

*uddālaka maharṣe tvaṃ satyaṃ me brūhi mānṛtam / (10.17) Par.?

*ṛṣiputraḥ kumāro 'yaṃ darśanīyo viśeṣataḥ / (10.18) Par.?

*tava putram imaṃ manye kṛtakṛtyo 'si tad vada / (10.19) Par.?

*mama patnī mahāprājña kuśikasya sutā matā / (10.20) Par.?

*mām evānugatā patnī mama nityam anuvratā / (10.21) Par.?

*arundhatīva patnīnāṃ tapasā karśitastanī / (10.22) Par.?

*tasyāṃ jātaḥ śvetaketur mama putro mahātapāḥ / (10.23) Par.?

*vedavedāṅgavid vipra macchāsanaparāyaṇaḥ / (10.24) Par.?

*lokajñaḥ sarvalokeṣu viśrutaḥ satyavāg ghṛṇī / (10.25) Par.?

*apūrvī bhāryayā cārthī vṛddho 'haṃ mandacākṣuṣaḥ / (10.26) Par.?

*pitryād ṛṇād anirmuktaḥ pūrvam evākṛtastriyaḥ / (10.27) Par.?

*prajāraṇī tu patnī te kulaśīlasamādhinī / (10.28) Par.?

*sadṛśī mama gotreṇa vahāmyenāṃ kṣamasva vai / (10.29) Par.?

*ityuktvā mṛgaśāvākṣīṃ cīrakṛṣṇājināmbarām / (10.30) Par.?

*yaṣṭyādhāraḥ srastagātro mandacakṣur abuddhimān / (10.31) Par.?

*svavyāpārām akṣamāṃ tām acittām ātmani dvijaḥ // (10.32) Par.?

śvetaketoḥ kila purā samakṣaṃ mātaraṃ pituḥ / (11.1) Par.?

jagrāha brāhmaṇaḥ pāṇau gacchāva iti cābravīt // (11.2) Par.?

ṛṣiputrastataḥ kopaṃ cakārāmarṣitastadā / (12.1) Par.?

mātaraṃ tāṃ tathā dṛṣṭvā nīyamānāṃ balād iva / (12.2) Par.?

*tapasā dīptavīryo hi śvetaketur na cakṣame / (12.3) Par.?

*saṃgṛhya mātaraṃ haste śvetaketur abhāṣata / (12.4) Par.?

*durbrāhmaṇa vimuñca tvaṃ mātaraṃ me pativratām / (12.5) Par.?

*ayaṃ pitā me brahmarṣiḥ kṣamāvān brahmavittamaḥ / (12.6) Par.?

*śāpānugrahayoḥ śaktastūṣṇīṃbhūto mahāvrataḥ / (12.7) Par.?

*tasya patnī damopetā mama mātā viśeṣataḥ / (12.8) Par.?

*pativratāṃ tapovṛddhāṃ sādhvācārair alaṃkṛtām / (12.9) Par.?

*apradānena te brahman mātṛbhūtāṃ vimuñca me / (12.10) Par.?

*evam uktvā tu yācantaṃ vimuñceti muhur muhuḥ / (12.11) Par.?

*pratyavocad dvijo rājann apragalbham idaṃ vacaḥ / (12.12) Par.?

*apatyārthī śvetaketo vṛddho 'haṃ mandacākṣuṣaḥ / (12.13) Par.?

*pitā te ṛṇanirmuktastvayā putreṇa kāśyapa / (12.14) Par.?

*ṛṇād aham anirmukto vṛddho 'haṃ vigataspṛhaḥ / (12.15) Par.?

*mama ko dāsyati sutāṃ kanyāṃ samprāptayauvanām / (12.16) Par.?

*prajāraṇīm imāṃ patnīṃ vimuñca tvaṃ mahātapaḥ / (12.17) Par.?

*ekayā prajayā pitror mātaraṃ te dadāmyaham / (12.18) Par.?

*evam uktaḥ śvetaketur lajjayā krodham eyivān // (12.19) Par.?

kruddhaṃ taṃ tu pitā dṛṣṭvā śvetaketum uvāca ha / (13.1) Par.?

*saṃgṛhya mātaraṃ haste / (13.2) Par.?

mā tāta kopaṃ kārṣīstvam eṣa dharmaḥ sanātanaḥ // (13.3) Par.?

anāvṛtā hi sarveṣāṃ varṇānām aṅganā bhuvi / (14.1) Par.?

yathā gāvaḥ sthitāstāta sve sve varṇe tathā prajāḥ / (14.2) Par.?

*tathaiva ca kuṭumbeṣu na pramādyanti karhicit / (14.3) Par.?

*ṛtukāle tu samprāpte bhartāraṃ na jahustadā // (14.4) Par.?

ṛṣiputro 'tha taṃ dharmaṃ śvetaketur na cakṣame / (15.1) Par.?

cakāra caiva maryādām imāṃ strīpuṃsayor bhuvi // (15.2) Par.?

mānuṣeṣu mahābhāge na tvevānyeṣu jantuṣu / (16.1) Par.?

tadā prabhṛti maryādā sthiteyam iti naḥ śrutam // (16.2) Par.?

vyuccarantyāḥ patiṃ nāryā adya prabhṛti pātakam / (17.1) Par.?

bhrūṇahatyākṛtaṃ pāpaṃ bhaviṣyatyasukhāvaham / (17.2) Par.?

*adyāpyanuvidhīyante kāmadveṣavivarjitāḥ / (17.3) Par.?

*uttareṣu mahābhāge kuruṣvevaṃ yaśasvinī // (17.4) Par.?

bhāryāṃ tathā vyuccarataḥ kaumārīṃ brahmacāriṇīm / (18.1) Par.?

pativratām etad eva bhavitā pātakaṃ bhuvi // (18.2) Par.?

patyā niyuktā yā caiva patnyapatyārtham eva ca / (19.1) Par.?

na kariṣyati tasyāśca bhaviṣyatyetad eva hi // (19.2) Par.?

iti tena purā bhīru maryādā sthāpitā balāt / (20.1) Par.?

uddālakasya putreṇa dharmyā vai śvetaketunā / (20.2) Par.?

*tena bhūyastato dṛṣṭaṃ yasminn arthe nibodha tat / (20.3) Par.?

*niyuktā patinā bhāryā yadyapatyasya kāraṇāt / (20.4) Par.?

*na kuryāt tat tadā bhīru sainaḥ sumahad āpnuyāt // (20.5) Par.?

saudāsena ca rambhoru niyuktāpatyajanmani / (21.1) Par.?

madayantī jagāmarṣiṃ vasiṣṭham iti naḥ śrutam // (21.2) Par.?

tasmāllebhe ca sā putram aśmakaṃ nāma bhāminī / (22.1) Par.?

bhāryā kalmāṣapādasya bhartuḥ priyacikīrṣayā // (22.2) Par.?

asmākam api te janma viditaṃ kamalekṣaṇe / (23.1) Par.?

kṛṣṇadvaipāyanād bhīru kurūṇāṃ vaṃśavṛddhaye // (23.2) Par.?

ata etāni sarvāṇi kāraṇāni samīkṣya vai / (24.1) Par.?

mamaitad vacanaṃ dharmyaṃ kartum arhasyanindite // (24.2) Par.?

ṛtāvṛtau rājaputri striyā bhartā yatavrate / (25.1) Par.?

nātivartavya ityevaṃ dharmaṃ dharmavido viduḥ // (25.2) Par.?

śeṣeṣvanyeṣu kāleṣu svātantryaṃ strī kilārhati / (26.1) Par.?

dharmam etaṃ janāḥ santaḥ purāṇaṃ paricakṣate // (26.2) Par.?

bhartā bhāryāṃ rājaputri dharmyaṃ vādharmyam eva vā / (27.1) Par.?

yad brūyāt tat tathā kāryam iti dharmavido viduḥ // (27.2) Par.?

viśeṣataḥ putragṛddhī hīnaḥ prajananāt svayam / (28.1) Par.?

yathāham anavadyāṅgi putradarśanalālasaḥ // (28.2) Par.?

tathā raktāṅgulitalaḥ padmapatranibhaḥ śubhe / (29.1) Par.?

prasādārthaṃ mayā te 'yaṃ śirasyabhyudyato 'ñjaliḥ // (29.2) Par.?

manniyogāt sukeśānte dvijātestapasādhikāt / (30.1) Par.?

putrān guṇasamāyuktān utpādayitum arhasi / (30.2) Par.?

tvatkṛte 'haṃ pṛthuśroṇi gaccheyaṃ putriṇāṃ gatim / (30.3) Par.?

*tat kuruṣva mahābhāge vacanaṃ dharmasaṃmatam // (30.4) Par.?

evam uktā tataḥ kuntī pāṇḍuṃ parapuraṃjayam / (31.1) Par.?

pratyuvāca varārohā bhartuḥ priyahite ratā / (31.2) Par.?

*adharmaḥ sumahān eṣa strīṇāṃ bharatasattama / (31.3) Par.?

*yat prasādayate bhartā prasādyaḥ kṣatriyarṣabha / (31.4) Par.?

*śṛṇu cedaṃ mahābāho mama prītikaraṃ vacaḥ // (31.5) Par.?

pitṛveśmanyahaṃ bālā niyuktātithipūjane / (32.1) Par.?

ugraṃ paryacaraṃ tatra brāhmaṇaṃ saṃśitavratam // (32.2) Par.?

nigūḍhaniścayaṃ dharme yaṃ taṃ durvāsasaṃ viduḥ / (33.1) Par.?

tam ahaṃ saṃśitātmānaṃ sarvayatnair atoṣayam // (33.2) Par.?

sa me 'bhicārasaṃyuktam ācaṣṭa bhagavān varam / (34.1) Par.?

mantragrāmaṃ ca me prādād abravīccaiva mām idam // (34.2) Par.?

yaṃ yaṃ devaṃ tvam etena mantreṇāvāhayiṣyasi / (35.1) Par.?

akāmo vā sakāmo vā sa te vaśam upaiṣyati / (35.2) Par.?

*tasya tasya prasādāt te rājñi putro bhaviṣyati // (35.3) Par.?

ityuktāhaṃ tadā tena pitṛveśmani bhārata / (36.1) Par.?

brāhmaṇena vacastathyaṃ tasya kālo 'yam āgataḥ // (36.2) Par.?

anujñātā tvayā devam āhvayeyam ahaṃ nṛpa / (37.1) Par.?

tena mantreṇa rājarṣe yathā syān nau prajā vibho / (37.2) Par.?

*kuntī / (37.3) Par.?

*yāṃ me vidyāṃ mahārāja adadāt sa mahāyaśāḥ / (37.4) Par.?

*tayāhūtaḥ suraḥ putraṃ pradāsyati suropamam / (37.5) Par.?

*anapatyakṛtaṃ yaste śokaṃ vīra vineṣyati / (37.6) Par.?

*apatyakāma evaṃ syān mamāpatyaṃ bhaved iti / (37.7) Par.?

*vipraṃ vā guṇasampannaṃ sarvabhūtahite ratam / (37.8) Par.?

*anujānīhi bhadraṃ te daivataṃ hi patiḥ striyaḥ / (37.9) Par.?

*yaṃ tvaṃ vakṣyasi dharmajña devaṃ brāhmaṇam eva ca / (37.10) Par.?

*yathoddiṣṭaṃ tvayā vīra tat kartāsmi mahābhuja / (37.11) Par.?

*devāt putraphalaṃ sadyo viprāt kālāntare bhavet // (37.12) Par.?

āvāhayāmi kaṃ devaṃ brūhi tattvavidāṃ vara / (38.1) Par.?

tvatto 'nujñāpratīkṣāṃ māṃ viddhyasmin karmaṇi sthitām / (38.2) Par.?

*pāṇḍuḥ / (38.3) Par.?

*vaiśaṃpāyanaḥ / (38.4) Par.?

*dhanyo 'smyanugṛhīto 'smi tvaṃ no dhātrī kulasya hi / (38.5) Par.?

*namo maharṣaye tasmai yena datto varastava / (38.6) Par.?

*na cādharmeṇa dharmajñe śakyāḥ pālayituṃ prajāḥ / (38.7) Par.?

*tasmāt tvaṃ putralābhāya saṃtānāya mamaiva ca / (38.8) Par.?

*pravaraṃ sarvadevānāṃ dharmam āvāhayābale / (38.9) Par.?

*pāṇḍunā samanujñātā bhāratena yaśasvinā / (38.10) Par.?

*matiṃ cakre mahārāja dharmasyāvāhane tadā // (38.11) Par.?

pāṇḍur uvāca / (39.1) Par.?

adyaiva tvaṃ varārohe prayatasva yathāvidhi / (39.2) Par.?

dharmam āvāhaya śubhe sa hi deveṣu puṇyabhāk // (39.3) Par.?

adharmeṇa na no dharmaḥ saṃyujyeta kathaṃcana / (40.1) Par.?

*bhīṣma uvāca / (40.2) Par.?

*yathāsau nīyate daṇḍaḥ satataṃ pāpakāriṣu / (40.3) Par.?

*daṇḍasya nayanāt sā hi daṇḍanītir ihocyate / (40.4) Par.?

*bhūyaṃ sa bhagavān dhyātvā ciraṃ śūladharaḥ prabhuḥ / (40.5) Par.?

*asṛjat sarvaśāstrāṇi mahādevo maheśvaraḥ / (40.6) Par.?

*daṇḍanīteḥ prayogārthaṃ pramāṇāni ca sarvaśaḥ / (40.7) Par.?

*vidyāścatasraḥ kūṭasthāstāsāṃ bhedavikalpanā / (40.8) Par.?

*aṅgāni vedāścatvāro mīmāṃsā nyāyavistaraḥ / (40.9) Par.?

*purāṇaṃ dharmaśāstraṃ ca vidyā hyetāścaturdaśa / (40.10) Par.?

*āyurvedo dhanurvedo gāndharvaśceti niścayaḥ / (40.11) Par.?

*arthaśāstraṃ caturthaṃ tu vidyā hyaṣṭādaśaiva tu / (40.12) Par.?

*daśa cāṣṭau ca vikhyātā etā dharmasya saṃhitāḥ / (40.13) Par.?

*etāsām eva vidyānāṃ vyāsam āha maheśvaraḥ / (40.14) Par.?

*śatāni trīṇi śāstrāṇām āha tantrāṇi saptatiḥ / (40.15) Par.?

*vyāsa eva tu vidyānāṃ mahādevena kīrtitaḥ / (40.16) Par.?

*tantraṃ pāśupataṃ nāma pāñcarātraṃ ca viśrutam / (40.17) Par.?

*yogaśāstraṃ ca sāṃkhyaṃ ca tantraṃ lokāyataṃ tathā / (40.18) Par.?

*tantraṃ brahmalulā nāma tarkavidyā divaukasām / (40.19) Par.?

*sukhaduḥkhārthajijñāsākārakaśceti viśrutam / (40.20) Par.?

*tarkavidyāstathā cāṣṭau saśloko nava vistaraḥ / (40.21) Par.?

*daśa cāṣṭau ca vijñeyāḥ paurāṇāṃ yajñasaṃhitāḥ / (40.22) Par.?

*purāṇasya praṇītāśca tāvad eveha saṃhitā / (40.23) Par.?

*dharmaśāstrāṇi tadvācaḥ ekārthā nīti nānyathā / (40.24) Par.?

*ekārthāni purāṇāni vedāścaikārthasaṃhitāḥ / (40.25) Par.?

*nānārthāni ca sarvāṇi tataḥ śāstrāṇi śaṃkaraḥ / (40.26) Par.?

*provāca bhagavān devaḥ kālajñānāni yāni ca / (40.27) Par.?

*catuḥṣaṣṭipramāṇānām āyurvedaṃ ca sottaram / (40.28) Par.?

*aṣṭādaśavikalpāntāṃ daṇḍanītiṃ ca śāśvatīm / (40.29) Par.?

*gāndharvam itihāsaṃ ca nānāvistaram uktavān / (40.30) Par.?

*ityetāḥ śāṃkaraproktā vidyāḥ śabdārthasaṃhitāḥ / (40.31) Par.?

*punar bhedasahasraṃ ca tāsām eva tu vistaraḥ / (40.32) Par.?

*ṛṣibhir devagandharvaiḥ savikalpaḥ savistaraḥ / (40.33) Par.?

*śaśvad abhyasyate loke veda eva ca sarvaśaḥ / (40.34) Par.?

*vidyāścatasraḥ saṃkṣiptāḥ vedavādāśca te smṛtāḥ / (40.35) Par.?

*etāsāṃ pārago yaśca sa cokto vedapāragaḥ / (40.36) Par.?

*vidānāṃ pārago rudro viṣṇur indro bṛhaspatiḥ / (40.37) Par.?

*śakraḥ svāyaṃbhuvaścaiva manuḥ paramadharmavit / (40.38) Par.?

*brahmā ca paramo devaḥ sadā sarvaiḥ surāsuraiḥ / (40.39) Par.?

*sarvasyānugrahaścaiva vyāso vai vedapāragaḥ / (40.40) Par.?

*ahaṃ śāṃtanavo bhīṣmaḥ prasādān mādhavasya ca / (40.41) Par.?

*śaṃkarasya prasādācca brahmaṇaśca kurūdvaha / (40.42) Par.?

*vedapāraga ityukto yājñavalkyaśca sarvaśaḥ / (40.43) Par.?

*kalpe kalpe mahābhāgair ṛṣibhistattvadarśibhiḥ / (40.44) Par.?

*ṛṣiputrair ṛṣigaṇair bhidyate āśramikair api / (40.45) Par.?

*śivena brahmaṇā caiva viṣṇunā ca vikalpitāḥ / (40.46) Par.?

*ādikalpe punaścaiva bhidyante sādhubhiḥ punaḥ / (40.47) Par.?

*idānīm api vidvadbhiḥ bhidyante ca vikalpakaiḥ / (40.48) Par.?

*pūrvajanmānusāreṇa bahudheyaṃ sarasvatī / (40.49) Par.?

lokaścāyaṃ varārohe dharmo 'yam iti maṃsyate // (40.50) Par.?

dhārmikaśca kurūṇāṃ sa bhaviṣyati na saṃśayaḥ / (41.1) Par.?

dattasyāpi ca dharmeṇa nādharme raṃsyate manaḥ / (41.2) Par.?

*dharmādikaṃ hi dharmajñe dharmāntaṃ dharmamadhyamam / (41.3) Par.?

*apatyam iṣṭaṃ lokeṣu yaśaḥkīrtivivardhanam // (41.4) Par.?

tasmād dharmaṃ puraskṛtya niyatā tvaṃ śucismite / (42.1) Par.?

upacārābhicārābhyāṃ dharmam ārādhayasva vai // (42.2) Par.?

vaiśaṃpāyana uvāca / (43.1) Par.?

sā tathoktā tathetyuktvā tena bhartrā varāṅganā / (43.2) Par.?

abhivādyābhyanujñātā pradakṣiṇam avartata // (43.3) Par.?

Duration=0.36399102210999 secs.