Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 2817

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

vane nivasatāṃ teṣāṃ pāṇḍavānāṃ mahātmanām / (1.2) Par.?

varṣāṇyekādaśātīyuḥ kṛcchreṇa bharatarṣabha // (1.3) Par.?

phalamūlāśanās te hi sukhārhā duḥkham uttamam / (2.1) Par.?

prāptakālam anudhyāntaḥ sehur uttamapūruṣāḥ // (2.2) Par.?

yudhiṣṭhiras tu rājarṣir ātmakarmāparādhajam / (3.1) Par.?

cintayan sa mahābāhur bhrātṝṇāṃ duḥkham uttamam // (3.2) Par.?

na suṣvāpa sukhaṃ rājā hṛdi śalyair ivārpitaiḥ / (4.1) Par.?

daurātmyam anupaśyaṃstat kāle dyūtodbhavasya hi // (4.2) Par.?

saṃsmaran paruṣā vācaḥ sūtaputrasya pāṇḍavaḥ / (5.1) Par.?

niḥśvāsaparamo dīno bibhrat kopaviṣaṃ mahat // (5.2) Par.?

arjuno yamajau cobhau draupadī ca yaśasvinī / (6.1) Par.?

sa ca bhīmo mahātejāḥ sarveṣām uttamo balī / (6.2) Par.?

yudhiṣṭhiram udīkṣantaḥ sehur duḥkham anuttamam // (6.3) Par.?

avaśiṣṭam alpakālaṃ manvānāḥ puruṣarṣabhāḥ / (7.1) Par.?

vapur anyad ivākārṣur utsāhāmarṣaceṣṭitaiḥ // (7.2) Par.?

kasyacit tvatha kālasya vyāsaḥ satyavatīsutaḥ / (8.1) Par.?

ājagāma mahāyogī pāṇḍavān avalokakaḥ // (8.2) Par.?

tam āgatam abhiprekṣya kuntīputro yudhiṣṭhiraḥ / (9.1) Par.?

pratyudgamya mahātmānaṃ pratyagṛhṇād yathāvidhi // (9.2) Par.?

tam āsīnam upāsīnaḥ śuśrūṣur niyatendriyaḥ / (10.1) Par.?

toṣayan praṇipātena vyāsaṃ pāṇḍavanandanaḥ // (10.2) Par.?

tān avekṣya kṛśān pautrān vane vanyena jīvataḥ / (11.1) Par.?

maharṣir anukampārtham abravīd bāṣpagadgadam // (11.2) Par.?

yudhiṣṭhira mahābāho śṛṇu dharmabhṛtāṃ vara / (12.1) Par.?

nātaptatapasaḥ putra prāpnuvanti mahat sukham // (12.2) Par.?

sukhaduḥkhe hi puruṣaḥ paryāyeṇopasevate / (13.1) Par.?

nātyantam asukhaṃ kaścit prāpnoti puruṣarṣabha // (13.2) Par.?

prajñāvāṃstveva puruṣaḥ saṃyuktaḥ parayā dhiyā / (14.1) Par.?

udayāstamayajño hi na śocati na hṛṣyati // (14.2) Par.?

sukham āpatitaṃ seved duḥkham āpatitaṃ sahet / (15.1) Par.?

kālaprāptam upāsīta sasyānām iva karṣakaḥ // (15.2) Par.?

tapaso hi paraṃ nāsti tapasā vindate mahat / (16.1) Par.?

nāsādhyaṃ tapasaḥ kiṃcid iti budhyasva bhārata // (16.2) Par.?

satyam ārjavam akrodhaḥ saṃvibhāgo damaḥ śamaḥ / (17.1) Par.?

anasūyāvihiṃsā ca śaucam indriyasaṃyamaḥ / (17.2) Par.?

sādhanāni mahārāja narāṇāṃ puṇyakarmaṇām // (17.3) Par.?

adharmarucayo mūḍhās tiryaggatiparāyaṇāḥ / (18.1) Par.?

kṛcchrāṃ yonim anuprāpya na sukhaṃ vindate janāḥ // (18.2) Par.?

iha yat kriyate karma tat paratropabhujyate / (19.1) Par.?

tasmāccharīraṃ yuñjīta tapasā niyamena ca // (19.2) Par.?

yathāśakti prayacchecca sampūjyābhipraṇamya ca / (20.1) Par.?

kāle pātre ca hṛṣṭātmā rājan vigatamatsaraḥ // (20.2) Par.?

satyavādī labhetāyur anāyāsam athārjavī / (21.1) Par.?

akrodhano 'nasūyaśca nirvṛtiṃ labhate parām // (21.2) Par.?

dāntaḥ śamaparaḥ śaśvat parikleśaṃ na vindati / (22.1) Par.?

na ca tapyati dāntātmā dṛṣṭvā paragatāṃ śriyam // (22.2) Par.?

saṃvibhaktā ca dātā ca bhogavān sukhavān naraḥ / (23.1) Par.?

bhavatyahiṃsakaścaiva paramārogyam aśnute // (23.2) Par.?

mānyān mānayitā janma kule mahati vindati / (24.1) Par.?

vyasanair na tu saṃyogaṃ prāpnoti vijitendriyaḥ // (24.2) Par.?

śubhānuśayabuddhir hi saṃyuktaḥ kāladharmaṇā / (25.1) Par.?

prādurbhavati tadyogāt kalyāṇamatir eva saḥ // (25.2) Par.?

yudhiṣṭhira uvāca / (26.1) Par.?

bhagavan dānadharmāṇāṃ tapaso vā mahāmune / (26.2) Par.?

kiṃ svid bahuguṇaṃ pretya kiṃ vā duṣkaram ucyate // (26.3) Par.?

vyāsa uvāca / (27.1) Par.?

dānānna duṣkarataraṃ pṛthivyām asti kiṃcana / (27.2) Par.?

arthe hi mahatī tṛṣṇā sa ca duḥkhena labhyate // (27.3) Par.?

parityajya priyān prāṇān dhanārthaṃ hi mahāhavam / (28.1) Par.?

praviśanti narā vīrāḥ samudram aṭavīṃ tathā // (28.2) Par.?

kṛṣigorakṣyam ityeke pratipadyanti mānavāḥ / (29.1) Par.?

puruṣāḥ preṣyatām eke nirgacchanti dhanārthinaḥ // (29.2) Par.?

tasya duḥkhārjitasyaivaṃ parityāgaḥ suduṣkaraḥ / (30.1) Par.?

na duṣkarataraṃ dānāt tasmād dānaṃ mataṃ mama // (30.2) Par.?

viśeṣastvatra vijñeyo nyāyenopārjitaṃ dhanam / (31.1) Par.?

pātre deśe ca kāle ca sādhubhyaḥ pratipādayet // (31.2) Par.?

anyāyasamupāttena dānadharmo dhanena yaḥ / (32.1) Par.?

kriyate na sa kartāraṃ trāyate mahato bhayāt // (32.2) Par.?

pātre dānaṃ svalpam api kāle dattaṃ yudhiṣṭhira / (33.1) Par.?

manasā suviśuddhena pretyānantaphalaṃ smṛtam // (33.2) Par.?

atrāpyudāharantīmam itihāsaṃ purātanam / (34.1) Par.?

vrīhidroṇaparityāgād yat phalaṃ prāpa mudgalaḥ // (34.2) Par.?

Duration=0.4139199256897 secs.