Texts

Select a text:
Bibliography

Select a chapter:
(no revisions)

Associated topic(s): upanayana, initiation

Show parallels Show headlines
Use dependency labeler

Chapter id: 14655

Click on a sentence to show its analysis
Keep the mouse pointer over a lemma to show its meanings.

atha pariṣiñcaty adite 'numanyasveti dakṣiṇato 'numate 'numanyasveti paścāt sarasvate 'numanyasvety uttarato deva savitaḥ prasuveti samantam // (1) Par.?

evaṃ hutvā pariṣiñcati // (2) Par.?

kṛtavanmantrān namati // (3) Par.?

idhmaṃ tredhābhyajya sakṛd evādadhāty ayaṃ ta idhma ātmā jātavedas tena vardhasva cenddhi vardhaya cāsmān prajayā paśubhir brahmavarcasenānnādyena samedhaya svāheti // (4) Par.?

uttaraṃ paridhisaṃdhimanvavahṛtya darvīṃ dakṣiṇāprāñcam āsīnaḥ saṃtatam ṛjum āghāram āghārayati prajāpatiṃ manasā dhyāyan // (5) Par.?

na ca svāhākaroti // (6) Par.?

dakṣiṇaṃ paridhisaṃdhim anvavahṛtyendrāya svāheti prāñcam udañcaṃ saṃtatam ṛjum āghāram āghāryājyabhāgau juhoty agnaye medhapataye svāhety uttarārdhapūrvārdhe somāya medhapataye svāheti dakṣiṇārdhapūrvārdhe // (7) Par.?

tāv antareṇetarā āhutīr juhoti // (8) Par.?

sarvadarvihomāṇām eṣa kalpaḥ // (9) Par.?

mantrānte nityaḥ svāhākāraḥ // (10) Par.?

amantrāsv amuṣmai svāheti yathādevatam ādiṣṭadevate // (11) Par.?

athānādiṣṭadevate 'gnaye svāhā somāya svāhā prajāpataye svāhā viśvebhyo devebhyaḥ svāhāgnaye sviṣṭakṛte svāheti // (12) Par.?

vyāhṛtībhir juhotyekaikaśaḥ samastābhiśca // (13) Par.?

Duration=0.092455148696899 secs.