Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Shivaism, Śiva, Sāṃkhya
Show parallels Show headlines
Use dependency labeler
Chapter id: 5962
- Click on a sentence to show its analysis
- Keep the mouse pointer over a lemma to show its meanings.
ya eko 'varṇo bahudhā śaktiyogād varṇān anekān nihitārtho dadhāti / (1.1) Par.?
vi caiti cānte viśvam ādau sa devaḥ sa no buddhyā śubhayā saṃyunaktu // (1.2) Par.?
tad evāgnis tad ādityas tad vāyus tad u candramāḥ / (2.1) Par.?
tad eva śukraṃ tad brahma tad āpas tat prajāpatiḥ // (2.2) Par.?
tvaṃ strī tvaṃ pumān asi tvaṃ kumāra uta vā kumārī / (3.1) Par.?
tvaṃ jīrṇo daṇḍena vañcasi tvaṃ jāto bhavasi viśvatomukhaḥ // (3.2) Par.?
nīlaḥ pataṅgo harito lohitākṣas taḍidgarbha ṛtavaḥ samudrāḥ / (4.1) Par.?
anādimāṃs tvaṃ vibhutvena vartase yato jātāni bhuvanāni viśvā // (4.2) Par.?
ajām ekāṃ lohitaśuklakṛṣṇāṃ bahvīḥ prajāḥ sṛjamānāṃ sarūpāḥ / (5.1) Par.?
ajo hy eko juṣamāṇo 'nuśete jahāty enāṃ bhuktabhogām ajo 'nyaḥ // (5.2) Par.?
dvā suparṇā sayujā sakhāyā samānaṃ vṛkṣaṃ pariṣasvajāte / (6.1) Par.?
tayor anyaḥ pippalaṃ svādv atty anaśnann anyo 'bhicākaśīti // (6.2) Par.?
samāne vṛkṣe puruṣo nimagno 'nīśayā śocati muhyamānaḥ / (7.1) Par.?
juṣṭaṃ yadā paśyaty anyam īśaṃ asya mahimānam iti vītaśokaḥ // (7.2) Par.?
ṛco 'kṣare parame vyoman yasmin devā adhi viśve niṣeduḥ / (8.1) Par.?
yas tan na veda kim ṛcā kariṣyati ya it tad vidus ta ime samāsate // (8.2) Par.?
chandāṃsi yajñāḥ kratavo vratāni bhūtaṃ bhavyaṃ yac ca vedā vadanti / (9.1) Par.?
asmān māyī sṛjate viśvam etat tasmiṃścānyo māyayā saṃniruddhaḥ // (9.2) Par.?
māyāṃ tu prakṛtiṃ vidyān māyinaṃ tu maheśvaraṃ / (10.1) Par.?
tasyāvayavabhūtais tu vyāptaṃ sarvaṃ idaṃ jagat // (10.2) Par.?
yo yoniṃyonim adhitiṣṭhaty eko yasminn idaṃ saṃ ca vi caiti sarvam / (11.1) Par.?
tam īśānaṃ varadaṃ devam īḍyaṃ nicāyyemāṃ śāntim atyantam eti // (11.2) Par.?
yo devānāṃ prabhavaś codbhavaśca viśvādhiko rudro maharṣiḥ / (12.1) Par.?
hiraṇyagarbhaṃ paśyata jāyamānaṃ sa no buddhyā śubhayā saṃyunaktu // (12.2) Par.?
yo devānām adhipo yasmiṃllokā adhiśritāḥ / (13.1) Par.?
ya īśe asya dvipadaś catuṣpadaḥ kasmai devāya haviṣā vidhema // (13.2) Par.?
sūkṣmātisūkṣmaṃ kalilasya madhye viśvasya sraṣṭāram anekarūpaṃ / (14.1) Par.?
viśvasyaikaṃ pariveṣṭitāraṃ jñātvā śivaṃ śāntim atyantam eti // (14.2) Par.?
sa eva kāle bhuvanasya goptā viśvādhipaḥ sarvabhūteṣu gūḍhaḥ / (15.1) Par.?
yasmin yuktā brahmarṣayo devatāś ca tam evaṃ jñātvā mṛtyupāśāṃś chinatti // (15.2) Par.?
ghṛtāt paraṃ maṇḍam ivātisūkṣmaṃ jñātvā śivaṃ sarvabhūteṣu gūḍhaṃ / (16.1) Par.?
viśvasyaikaṃ pariveṣṭitāraṃ jñātvā devaṃ mucyate sarvapāśaiḥ // (16.2) Par.?
eṣa devo viśvakarmā mahātmā sadā janānāṃ hṛdaye saṃniviṣṭaḥ / (17.1) Par.?
hṛdā manīṣā manasābhikﾱpto ya etad vidur amṛtās te bhavanti // (17.2) Par.?
yadā tamas tan na divā na rātrir na san na cāsacchiva eva kevalaḥ / (18.1) Par.?
tad akṣaraṃ tat savitur vareṇyaṃ prajñā ca tasmāt prasṛtā purāṇī // (18.2) Par.?
nainam ūrdhvaṃ na tiryañcaṃ na madhye parijagrabhat / (19.1) Par.?
na tasya pratimā asti yasya nāma mahad yaśaḥ // (19.2) Par.?
na saṃdṛśe tiṣṭhati rūpam asya na cakṣuṣā paśyati kaścanainaṃ / (20.1) Par.?
hṛdā hṛdisthaṃ manasā ya enam evaṃ vidur amṛtās te bhavanti // (20.2) Par.?
ajāta ity evaṃ kaścid bhīruḥ prapadyate / (21.1) Par.?
rudra yat dakṣiṇaṃ mukham tena māṃ pāhi nityam // (21.2) Par.?
mā nas toke tanaye mā na āyuṣi mā no goṣu mā no aśveṣu rīriṣaḥ / (22.1) Par.?
vīrān mā no rudra bhāmito vadhīr haviṣmantaḥ sadam it tvā havāmahe // (22.2) Par.?
Duration=0.38934993743896 secs.