Texts

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 287

Click on a sentence to show its analysis
Keep the mouse pointer over a lemma to show its meanings.

dharmajñaiḥ śivavatsalair nirjarair bhūpair mahāsādhakaiḥ samyagdivyarasāyanena satataṃ kalpāntasīmāvadhi / (1.1) Par.?

rakṣyaṃ gātram anantapuṇyanicaye muktiś ca yasmād bhavet tad vakṣye paramādbhutaṃ sukhakaraṃ sāmrājyadaṃ dhīmatām // (1.2) Par.?

abhrakaṃ bhakṣayed ādau māritaṃ cāmṛtīkṛtam / (2.1) Par.?

māsaikaṃ niṣkaniṣkaṃ vai kṣetrīkaraṇahetave // (2.2) Par.?

yasmād abhraṃ rasakṣetraṃ tataḥ kuryād rasāyanam / (3.1) Par.?

akṣetrīkaraṇe sūto hy amṛto viṣatāṃ vrajet // (3.2) Par.?

phalasiddhiḥ kutas tasya subījasyoṣare yathā / (4.1) Par.?

vajrapāradayor bhasma samabhāgaṃ prakalpayet // (4.2) Par.?

sūtapādaṃ mṛtaṃ svarṇaṃ sarvaṃ mardyaṃ dināvadhi / (5.1) Par.?

haṃsapādyā dravair eva tadgolaṃ cāndhitaṃ puṭet // (5.2) Par.?

arkakṣīraiḥ punar mardyaṃ tadvad gajapuṭe pacet / (6.1) Par.?

bhakṣayet sarṣapavṛddhaṃ yāvan māṣaṃ vivardhayet // (6.2) Par.?

śaraṇyaḥ sādhakānāṃ tu raso 'yaṃ vajrapañjaraḥ / (7.1) Par.?

citrakārdrakasindhūtthamṛtatīkṣṇasuvarcalam // (7.2) Par.?

samaṃ sarvaṃ sadā cānu bhakṣyaṃ syāt krāmaṇe hitam / (8.1) Par.?

māsaṣaṭkaprayogeṇa jīved ācandratārakam // (8.2) Par.?

valīpalitanirmukto divyakāyo mahābalaḥ / (9.1) Par.?

mṛtasūtād dvādaśāṃśaṃ mṛtaṃ vajraṃ prakalpayet // (9.2) Par.?

dvābhyāṃ tulyaṃ mṛtaṃ kāntaṃ kāntatulyaṃ mṛtābhrakam / (10.1) Par.?

tat sarvaṃ bhṛṅgajair drāvair marditaṃ bhāvayet tryaham // (10.2) Par.?

tryahaṃ gokṣurakadrāvaiḥ kṣaudrair māṣaṃ tato lihet / (11.1) Par.?

raso vajreśvaro nāma vajrakāyakaro nṛṇām // (11.2) Par.?

caturmāsair jarāṃ hanti jīved brahmadinaṃ kila / (12.1) Par.?

bhṛṅgarājasya pañcāṅgaṃ cūrṇayet triphalāsamam // (12.2) Par.?

palaikaṃ madhunā lehyaṃ krāmakaṃ paramaṃ rase / (13.1) Par.?

vajrasūtābhrahemnāṃ tu bhasma śuddhaṃ tu mākṣikam // (13.2) Par.?

tulyaṃ saptadinaṃ mardyaṃ divyauṣadhirasair dṛḍham / (14.1) Par.?

ruddhvā taṃ tridinaṃ pacyād vālukāyantragaṃ punaḥ // (14.2) Par.?

uddhṛtya tridinaṃ bhāvyaṃ bhṛṅgasarpākṣijair dravaiḥ / (15.1) Par.?

māṣaikaṃ madhusarpirbhyāṃ vajradhārārasaṃ lihet // (15.2) Par.?

māsaṣaṭkaprayogeṇa rudratulyo bhaven naraḥ / (16.1) Par.?

valīpalitanirmukto vāyuvego mahābalaḥ // (16.2) Par.?

punarnavābhṛṅgatilavājigandhāḥ samāṃśakāḥ / (17.1) Par.?

sarvatulyā sitā yojyā cūrṇitaṃ bhakṣayet palam // (17.2) Par.?

suvarṇaṃ pāradaṃ kāntaṃ mṛtaṃ sarvaṃ samaṃ bhavet / (18.1) Par.?

śatāvaryāḥ śiphādrāvair bhāvayed divasatrayam // (18.2) Par.?

tridinaṃ triphalākvāthair bhṛṅgadrāvair dinatrayam / (19.1) Par.?

bhāvitaṃ madhusarpirbhyāṃ bhakṣayed bhairavaṃ rasam // (19.2) Par.?

māṣaikaikaṃ varṣamātraṃ jīvec candrārkatārakam / (20.1) Par.?

mūlacūrṇaṃ śatāvaryāḥ kṛṣṇājapayasā yutam // (20.2) Par.?

palaikaikaṃ pibec cānu krāmakaṃ paramaṃ hitam / (21.1) Par.?

rasabhasma samaṃ gandhaṃ śilājatvamlavetasam // (21.2) Par.?

yāmaikaṃ mardayet sarvaṃ madhusarpiryutaṃ lihet / (22.1) Par.?

niṣkaikaikaṃ varṣamātraṃ śilāvīro mahārasaḥ // (22.2) Par.?

jarākālaṃ nihanty āśu jīved varṣaśatatrayam / (23.1) Par.?

palārdhaṃ musalīcūrṇaṃ bhṛṅgarājarasaiḥ pibet // (23.2) Par.?

dhātrīphalarasair vātha krāmakaṃ hy anupānakam / (24.1) Par.?

meghanādadravair mardyaṃ śuddhasūtaṃ dinatrayam // (24.2) Par.?

viḍaṅgaṃ dviniśaṃ vyoṣaṃ samaṃ cūrṇaṃ prakalpayet / (25.1) Par.?

āragvadhasya mūlaṃ tu cūrṇasya dviguṇaṃ bhavet // (25.2) Par.?

cūrṇasya dviguṇaṃ cājyaṃ kṣaudraṃ caiva caturguṇam / (26.1) Par.?

sarvaṃ pūrvarase kṣiptvā mṛdvagnau cālayat pacet // (26.2) Par.?

tatpiṇḍaṃ karṣam ekaikaṃ bhakṣayed amṛtārṇavaḥ / (27.1) Par.?

varṣamātrāñ jarāṃ hanti jīved varṣaśatatrayam // (27.2) Par.?

vākucīcūrṇakarṣaikaṃ dhātrīphalarasaiḥ pibet / (28.1) Par.?

pāradād dviguṇaṃ gandhaṃ śuddhaṃ sarvaṃ vimardayet // (28.2) Par.?

muṇḍyārdrakarasaiḥ khalve trisaptāhaṃ punaḥ punaḥ / (29.1) Par.?

etat tulyaṃ śuddhatāmraṃ sampuṭe tan nirodhayet // (29.2) Par.?

veṣṭayed vastrakhaṇḍena vajramṛttikayā bahiḥ / (30.1) Par.?

liptvā viśoṣayet taṃ vai samyag gajapuṭe pacet // (30.2) Par.?

uddhṛtya sampuṭaṃ cūrṇyaṃ devadālyā dravais tryaham / (31.1) Par.?

bhaṅgīpunarnavādrāvaiḥ pṛthagbhāvyaṃ tryahaṃ tryaham // (31.2) Par.?

tattulyaṃ nāgarāc cūrṇaṃ kṣiptvā madhvājyasaṃyutam / (32.1) Par.?

lihen māṣadvayaṃ nityaṃ yāvat saṃvatsarāvadhi // (32.2) Par.?

raso 'yam udayādityo jarāmṛtyuharaḥ paraḥ / (33.1) Par.?

punarnavādevadālībhṛṅgacūrṇaṃ samaṃ samam // (33.2) Par.?

madhvājyābhyāṃ lihet karṣam anu syāt krāmaṇaṃ param / (34.1) Par.?

pārado gaganaṃ kāntaṃ tīkṣṇaṃ ca māritaṃ samam // (34.2) Par.?

bhṛṅgadhātrīphaladrāvaiś chāyāyāṃ bhāvayet tryaham / (35.1) Par.?

sitāmadhvājyakais tulyaṃ sarvaṃ bhāṇḍe nirodhayet // (35.2) Par.?

dhānyarāśau sthitaṃ māsaṃ tato niṣkatrayaṃ samam / (36.1) Par.?

bhakṣayec ca pibet kṣīraṃ karṣaikaṃ triphalām anu // (36.2) Par.?

rātrau śuṇṭhīṃ kaṇāṃ khāded varṣaikād amaro bhavet / (37.1) Par.?

jīved brahmadinaṃ vīraḥ syād raso gaganeśvaraḥ // (37.2) Par.?

vaṭakṣīrais tryahaṃ mardyaṃ gandhaṃ śuddharasaṃ samam / (38.1) Par.?

vaṭakāṣṭhāgninā pacyān mṛtpātre yāmapañcakam // (38.2) Par.?

kṣipan kṣipan vaṭakṣīraṃ tatkāṣṭhenaiva cālayet / (39.1) Par.?

samuddhṛtya tryahaṃ bhāvyaṃ devadālīdaladravaiḥ // (39.2) Par.?

uṣṇakāle tu guñjaikaṃ tāmbūlapatrasaṃyutam / (40.1) Par.?

candravṛddhyā sadā bhakṣyaṃ yāvat ṣoḍaśaguñjakam // (40.2) Par.?

cūrṇam uttaravāruṇyā vākucyā devadālijam / (41.1) Par.?

madhvājyābhyāṃ lihet karṣaṃ krāmakaṃ hy anupānakam // (41.2) Par.?

varṣamātrāj jarāṃ hanti jīved varṣaśatatrayam / (42.1) Par.?

raso vaṭeśvaro nāma vajrakāyakaro nṛṇām // (42.2) Par.?

mṛtaṃ sūtaṃ śuddhagandhaṃ triphalāṃ gugguluṃ samam / (43.1) Par.?

sarvaṃ vātāritailena miśraṃ karṣaṃ lihet sadā // (43.2) Par.?

ṣaṇmāsena jarāṃ hanti jīved brahmadinatrayam / (44.1) Par.?

tasya mūtrapurīṣeṇa śulbaṃ bhavati kāñcanam // (44.2) Par.?

ajasya vṛṣaṇaṃ pācyaṃ gavāṃ kṣīreṇa taṃ niśi / (45.1) Par.?

sitāyuktaṃ pibec cānu raso 'yam acaleśvaraḥ // (45.2) Par.?

rasaṃ vajraṃ svarṇakānte muṇḍaṃ ca māritaṃ samam / (46.1) Par.?

mākṣikaṃ gandhakaṃ śuddhaṃ sarvaṃ jambīrajair dravaiḥ // (46.2) Par.?

saptāhaṃ mardayet khalve tadgolaṃ cāndhitaṃ puṭet / (47.1) Par.?

bhūdhare dinam ekaṃ tu khyātaḥ siddharasaḥ paraḥ // (47.2) Par.?

māṣaikaṃ madhunā lehyaṃ varṣān mṛtyujarāpaham / (48.1) Par.?

divyakāyo naraḥ siddho bhaved viṣṇuparākramaḥ // (48.2) Par.?

śvetapaunarnavaṃ mūlaṃ kṣīrapiṣṭaṃ sadā pibet / (49.1) Par.?

bhakṣayed vā sitā sārdhaṃ krāmakaṃ parame rase // (49.2) Par.?

mṛtasūtasya dviguṇaṃ śuddhaṃ gandhaṃ vimiśrayet / (50.1) Par.?

dinaikaṃ kanyakādrāvair mardayitvā nirodhayet // (50.2) Par.?

dinaikaṃ madhunā pacyān niṣkaikaṃ madhunā lihet / (51.1) Par.?

gandhāmṛto raso nāma vatsarān mṛtyujid bhavet // (51.2) Par.?

samūlaṃ bhṛṅgarājaṃ tu chāyāśuṣkaṃ vicūrṇayet / (52.1) Par.?

tatsamaṃ triphalācūrṇaṃ sarvatulyā sitā bhavet // (52.2) Par.?

ekīkṛtya palaikaikaṃ bhakṣayed anupānakam / (53.1) Par.?

pāradābhraṃ mṛtaṃ tulyaṃ dvābhyāṃ tulyaṃ tu gandhakam // (53.2) Par.?

tat sarvaṃ bhṛṅgajair drāvair mardayed dinasaptakam / (54.1) Par.?

ṣaḍvāraṃ cāṅkulītailair bhāvayitvātha bhakṣayet // (54.2) Par.?

māṣamātraṃ tu varṣaikaṃ raso 'yaṃ kālakaṇṭakaḥ / (55.1) Par.?

piṣṭvā karañjapatrāṇi gavāṃ kṣīraiḥ pibed anu // (55.2) Par.?

jarāmṛtyuvinirmukto jīved brahmadinaṃ naraḥ / (56.1) Par.?

mṛtasūtābhrakaṃ kāntaṃ viṣaṃ tāpyaṃ śilājatu // (56.2) Par.?

tulyāṃśaṃ madhusarpirbhyāṃ lihed guñjātrayaṃ sadā / (57.1) Par.?

ṣaṇmāsena jarāṃ hanti jīved brahmadinaṃ naraḥ // (57.2) Par.?

aśvagandhāmūlacūrṇaṃ saptabhāgaghṛtaiḥ samam / (58.1) Par.?

bhāgāṣṭakaṃ guḍaṃ tasmin kṣiped bhāgaṃ ca pippalīm // (58.2) Par.?

mṛdvagninā ca tat sarvaṃ piṇḍitaṃ bhakṣayet palam / (59.1) Par.?

krāmakaṃ hy amṛteśasya rasarājasya siddhaye // (59.2) Par.?

triguṇaṃ śuddhasūtasya yojayec chuddhagandhakam / (60.1) Par.?

lohaparpaṭikācūrṇaṃ sūtatulyaṃ vinikṣipet // (60.2) Par.?

snuhyarkapayasā mardyaṃ tat sarvaṃ divasatrayam / (61.1) Par.?

tac chuṣkaṃ cāndhitaṃ pacyāt karīṣāgnau divāniśam // (61.2) Par.?

tataś ca ṭaṅkaṇaṃ kācaṃ dattvā ruddhvā dhamed dṛḍham / (62.1) Par.?

guñjaikaṃ madhunā khāded rasavīro mahārasaḥ // (62.2) Par.?

abdaikena jarāṃ hanti jīved ācandratārakam / (63.1) Par.?

musalīmūlacūrṇaṃ tu guñjāpatradravaiḥ pibet // (63.2) Par.?

chāgīmūtreṇa vā taṃ vai karṣaikaṃ krāmakaṃ param / (64.1) Par.?

mṛtasūtasamaṃ gandhaṃ kākamācyā dravair dinam // (64.2) Par.?

marditaṃ cāndhitaṃ pacyāt karīṣāgnau divāniśam / (65.1) Par.?

divyauṣadhadaladrāvair dinaṃ mardyaṃ tam andhayet // (65.2) Par.?

dhmātaṃ tasmāt samuddhṛtya tattulyaṃ hāṭakaṃ mṛtam / (66.1) Par.?

ekīkṛtya ghṛtair lehyaṃ māṣaikaṃ vatsarāvadhi // (66.2) Par.?

jarāṃ mṛtyuṃ nihanty āśu satyaṃ kāñcāyano rasaḥ / (67.1) Par.?

kākamācīdravair bhāvyaṃ cūrṇaṃ dhātrīphalodbhavam // (67.2) Par.?

madhunā bhakṣayet karṣam anu syāt krāmakaṃ param / (68.1) Par.?

mṛtasūtābhrakaṃ gandhaṃ tulyaṃ saptadināvadhi // (68.2) Par.?

śigrumūladravair mardyaṃ tadgolaṃ bhāṇḍamadhyagam / (69.1) Par.?

ruddhvā pacyāl laghutvena śākakāṣṭhair dināvadhi // (69.2) Par.?

parānando raso nāma ghṛtair niṣkaṃ sadā lihet / (70.1) Par.?

dinaikaṃ triphalākvāthaiḥ kuṣṭhaṃ samyag vipācayet // (70.2) Par.?

tac chuṣkaṃ cūrṇitaṃ karṣaṃ madhvājyābhyāṃ lihed anu / (71.1) Par.?

saṃvatsaraprayogeṇa jīved ācandratārakam // (71.2) Par.?

mṛtasūtābhrakaṃ tulyaṃ mṛtalohaṃ tayoḥ samam / (72.1) Par.?

lohāṃśaṃ śodhitaṃ gandhaṃ bhāvayed dinasaptakam // (72.2) Par.?

tat sarvaṃ triphalākvāthair bhṛṅgaśigrukacitrakaiḥ / (73.1) Par.?

dravaiḥ pṛthak pṛthag bhāvyaṃ saptadhā saptadhā kramāt // (73.2) Par.?

saptadhā kaṭukīkvāthair bhāvitaṃ cūrṇayet punaḥ / (74.1) Par.?

cūrṇatulyaṃ kaṇācūrṇaṃ purātanaguḍaiḥ samaiḥ // (74.2) Par.?

sarvamekīkṛtaṃ khāden niṣkaikaṃ vatsarāvadhi / (75.1) Par.?

mahākālo raso nāma jarākālabhayaṃkaraḥ // (75.2) Par.?

tilakoraṇṭapattrāṇi guḍena bhakṣayedanu / (76.1) Par.?

mṛtapāradasaṃtulyaṃ lohaparpaṭakaṃ bhavet // (76.2) Par.?

triguṇaṃ gandhakaṃ sūtātsarvaṃ divyauṣadhadravaiḥ / (77.1) Par.?

marditaṃ taddinaṃ ruddhvā dhmāto baddho bhavedrasaḥ // (77.2) Par.?

tasmin pādaṃ mṛtaṃ svarṇaṃ kṣiptvā vahnyārdrakadravaiḥ / (78.1) Par.?

mardyaṃ yāmaṃ vicūrṇyātha vyoṣajīrakasaindhavaiḥ // (78.2) Par.?

tulyaṃ pūrvarasaṃ tulyaṃ niṣkaikaikaṃ ca bhakṣayet / (79.1) Par.?

jarāmṛtyuṃ nihantyāśu hemaparpaṭako rasaḥ // (79.2) Par.?

aśvagandhāsamāṃ yaṣṭiṃ dhātrīphalarasairdinam / (80.1) Par.?

bhāvitāṃ lehayetkṣaudraiḥ palaikāṃ krāmakaṃ param // (80.2) Par.?

svarṇatārārkakāntaṃ ca tīkṣṇaṃ vā māritaṃ samam / (81.1) Par.?

kṛṣṇābhrasattvamākṣīkaṃ pratyekaṃ svarṇatulyakam // (81.2) Par.?

tatsarvaṃ cāndhitaṃ dhāmyaṃ tatkhoṭaṃ mṛtapāradam / (82.1) Par.?

samaṃ sūtānmṛtaṃ vajraṃ pādāṃśaṃ tatra yojayet // (82.2) Par.?

sarvaṃ jambīrajairdrāvaistaptakhalve vimardayet / (83.1) Par.?

dinaikaṃ taṃ nirudhyātha bhūdhare pāvayed dinam // (83.2) Par.?

uddhṛtya gandhakaṃ tulyaṃ dattvā ruddhvā dhamed drutam / (84.1) Par.?

taccūrṇaṃ madhunājyena māṣamātraṃ lihetsadā // (84.2) Par.?

rasaḥ śrīkaṇṭhanāmāyaṃ khecaratvaṃ prayacchati / (85.1) Par.?

saṃvatsaraprayogena jīvetkalpāntameva ca // (85.2) Par.?

tasya mūtrapurīṣābhyāṃ sarvalohāni kāñcanam / (86.1) Par.?

palaikaṃ gandhakaṃ kṣīraiḥ krāmakaṃ cānu pāyayet // (86.2) Par.?

śuddhatāmrasya bhāgaikaṃ dviṣaṭ śuddharasasya ca / (87.1) Par.?

trayaṃ bhūnāgasattvasya bhāgamekatra vārayet // (87.2) Par.?

sarvaṃ mardyaṃ taptakhalve jambīrāṇāṃ dravairdinam / (88.1) Par.?

tatsarvaṃ kacchape yantre kṣiptvā tatraiva gandhakam // (88.2) Par.?

kāsamardarasaiḥ piṣṭaṃ tulyaṃ dattvā nirudhya ca / (89.1) Par.?

yāvaj jīrṇaṃ puṭe pacyād evaṃ ṣaḍguṇagandhakam // (89.2) Par.?

jārayetkramayogena samuddhṛtyātha mardayet / (90.1) Par.?

yāmaṃ jambīrajairdrāvaistato niścandramabhrakam // (90.2) Par.?

amlavetasasaṃtulyaṃ marditaṃ dāpayedrase / (91.1) Par.?

ṣoḍaśāṃśaṃ taptakhalve caṇakāmlaṃ ca tālakam // (91.2) Par.?

kāsīsaṃ ca daśāṃśena dattvā mardyaṃ dināvadhi / (92.1) Par.?

tatsarvaṃ pakvamūṣāyāṃ kṣiptvā vastreṇa bandhayet // (92.2) Par.?

dolāyantre sāranāle tryahaṃ laghvagninā pacet / (93.1) Par.?

uddhṛtya kṣālayeduṣṇaiḥ kāñjikairjīryate yadi // (93.2) Par.?

ajīrṇaṃ cetpacedyantre kacchapākhye viḍānvitam / (94.1) Par.?

eva punaḥ punarjāryaṃ gaganaṃ sūtatulyakam // (94.2) Par.?

śikhipittapraliptāni svarṇapattrāṇi tasya vai / (95.1) Par.?

catuḥṣaṣṭyaṃśayogena dattvā khalve vimardayet // (95.2) Par.?

svedayetpūrvavadyantre jīrṇe svarṇaṃ ca dāpayet / (96.1) Par.?

ityevaṃ ṣoḍaśāṃśaṃ tu svarṇaṃ jāryaṃ rasasya vai // (96.2) Par.?

tato jāryaṃ mṛtaṃ vajraṃ ṣoḍaśāṃśaṃ ca hemavat / (97.1) Par.?

tālakāsīsajambīrayuktaṃ mardyaṃ ca tatparam // (97.2) Par.?

tato divyauṣadhadrāvaistaṃ sūtaṃ mardayet tryaham / (98.1) Par.?

vajramūṣāndhitaṃ dhāmyaṃ baddhaṃ syāc cūrṇayetpunaḥ // (98.2) Par.?

madhuśarkarayā sārdhaṃ guñjāmātraṃ ca bhakṣayet / (99.1) Par.?

rasaḥ khecarabaddho'yaṃ ṣaṇmāsān mṛtyujid bhavet // (99.2) Par.?

valīpalitanirmukto mahābalaparākramaḥ / (100.1) Par.?

saptāhaṃ bhṛṅgajairdrāvair nīlamuṇḍīphalatrayam // (100.2) Par.?

bhāvayenmadhusarpirbhyāṃ karṣamātraṃ lihedanu / (101.1) Par.?

śuddhasūtaṃ dvidhā gandhaṃ kuryātkhalvena kañjalam // (101.2) Par.?

tayostulyaṃ kāntacūrṇaṃ tīkṣṇaṃ vā muṇḍameva vā / (102.1) Par.?

sarvamekīkṛtaṃ khalve mardayetkanyakādravaiḥ // (102.2) Par.?

dinaikaṃ golakaṃ kṛtvā tāmrapātre niveśayet / (103.1) Par.?

ācchādyairaṇḍapattraistu yāmārdhe'tyuṣṇatāṃ vrajet // (103.2) Par.?

dhānyarāśau nyasettaṃ tu dvidinānte samuddharet / (104.1) Par.?

kanyābhṛṅgīkākamācīmuṇḍīnirguṇḍīcitrakam // (104.2) Par.?

koraṇṭavākucībrāhmīsahadevīpunarnavāḥ / (105.1) Par.?

śālmalīvijayādhūrtā dravaireṣāṃ pṛthakpṛthak // (105.2) Par.?

saptadhā saptadhā bhāvyaṃ saptadhā triphalodbhavaiḥ / (106.1) Par.?

kaṣāyairbhāvitaṃ cūrṇyaṃ jātīphalalavaṃgakam // (106.2) Par.?

trikaṭu triphalā cailā cūrṇayen navakaṃ samam / (107.1) Par.?

taccūrṇaṃ pūrvacūrṇaṃ ca samaṃ kṣaudreṇa karṣakam // (107.2) Par.?

varṣaikaṃ lehayen nityaṃ jarākālapraśāntaye / (108.1) Par.?

svayamagniraso nāma siddhānāṃ sumukhāgataḥ // (108.2) Par.?

tilāśvagandhayoścūrṇaṃ palārdhaṃ madhunā lihet / (109.1) Par.?

nirguṇḍī nīlikā vajrī brahmadaṇḍī tridaṇḍikā // (109.2) Par.?

śatapuṣpā mudgaparṇī śvetārko vānarī jayā / (110.1) Par.?

peṭārīkṛṣṇadhattūravijayākṣīrakandakam // (110.2) Par.?

etaiḥ samastairvyastairvā dravyairmardyaṃ dinatrayam / (111.1) Par.?

śuddhasūtaṃ taptakhalve tatkalkaṃ kṣīrakandake // (111.2) Par.?

vajrakande'thavā ruddhvā tanmajjābhirmṛdā punaḥ / (112.1) Par.?

taṃ kandaṃ vajramūṣāyāṃ ruddhvā laghupuṭe pacet // (112.2) Par.?

punarmardyaṃ punaḥ pācyamityevaṃ saptadhā kramāt / (113.1) Par.?

rasaḥ kakṣapuṭo nāma guñjaikaṃ madhunā lihet // (113.2) Par.?

jīvedbrahmadinaikaṃ tu valīpalitavarjitaḥ / (114.1) Par.?

varṣaikena na saṃdeho rasakāyo bhaven naraḥ // (114.2) Par.?

bhallātabījacūrṇaṃ ca hayagandhāmṛtāghṛtaiḥ / (115.1) Par.?

palaikaṃ bhakṣayec cānu krāmakaṃ paramaṃ hitam // (115.2) Par.?

mṛtasūtābhrakaṃ vajraṃ kāntatārārkahāṭakam / (116.1) Par.?

tīkṣṇaṃ ca tulyatulyāṃśaṃ sarveṣāṃ gandhakaṃ samam // (116.2) Par.?

sarvaṃ pālāśatailena mardayed dinasaptakam / (117.1) Par.?

mahāśaktiraso nāma kṣaudrairmāṣaṃ lihetsadā // (117.2) Par.?

ṣaṇmāsena jarāṃ hanti jīvedbrahmadinatrayam / (118.1) Par.?

vatsarāt saptakalpāni jīvatyeva na saṃśayaḥ // (118.2) Par.?

icchāvegī mahāsiddhaḥ parāśaktisamo bhavet / (119.1) Par.?

tasya mūtrapurīṣābhyāṃ tāmraṃ bhavati kāñcanam // (119.2) Par.?

pālāśabījajaṃ tailaṃ kṣaudrairlehyaṃ palāṣṭakam / (120.1) Par.?

krāmakaṃ hy anupānaṃ syāt samyakchaktyā prakāśitam // (120.2) Par.?

lohitaṃ vātha vā kṛṣṇaṃ vaikrāntaṃ māritaṃ palam / (121.1) Par.?

svarṇacūrṇapalaikaṃ ca dvipalaṃ śuddhapāradam // (121.2) Par.?

bālaraṇḍājamūtrābhyāṃ tatsarvaṃ mardayed dinam / (122.1) Par.?

śarapuṅkhā meṣaśṛṅgī sarpākṣīkaṭutumbikā // (122.2) Par.?

indravāruṇikā caiṣāṃ dravairmardyaṃ dinatrayam / (123.1) Par.?

tadgolaṃ garbhayantre tu ruddhvā pacyād dinatrayam // (123.2) Par.?

tuṣāgninā laghutvena samuddhṛtya vicūrṇayet / (124.1) Par.?

saptadhā bhṛṅgajairdrāvairbhāvitaṃ cūrṇayetpunaḥ // (124.2) Par.?

triphalātryūṣamadhvājyaiḥ samaṃ cūrṇaṃ vimiśrayet / (125.1) Par.?

māṣaikaikaṃ sadā khādedraso'yaṃ nāṭakeśvaraḥ // (125.2) Par.?

sarvarogajarāmṛtyūn vatsarānnāśayatyalam / (126.1) Par.?

divyatejā mahākāyo jīvedācandratārakam // (126.2) Par.?

mūlatvacaṃ brahmavṛkṣācchāyāśuṣkāṃ vicūrṇitām / (127.1) Par.?

piben niṣkadvayāṃ takraiḥ krāmakaṃ paramaṃ śubham // (127.2) Par.?

suśuddhaṃ śvetavaikrāntaṃ saptāhaṃ bhāvyamātape / (128.1) Par.?

amlavetasasampiṣṭaṃ tenaiva drutimāpnuyāt // (128.2) Par.?

etaddrutiṃ śuddhasūtaṃ samaṃ kṣaudrairdinatrayam / (129.1) Par.?

marditaṃ lehayenmāṣaṃ māsādbālo bhaven naraḥ // (129.2) Par.?

vatsarādbrahmatulyaḥ syādraso'yaṃ bālasundaraḥ / (130.1) Par.?

vākucībījakarṣaikaṃ madhvājyābhyāṃ lihedanu // (130.2) Par.?

catuḥpalaṃ śuddhasūtaṃ palaikaṃ mṛtahāṭakam / (131.1) Par.?

palāśakuḍmaladrāvaistattailaiśca dinatrayam // (131.2) Par.?

mardayettaptakhalve tu svarṇatulyaṃ ca gandhakam / (132.1) Par.?

śodhitaṃ nikṣipettasmin pūrvoktairmardayed dinam // (132.2) Par.?

māṣamātrāṃ vaṭīṃ khādedvatsarān mṛtyujidbhavet / (133.1) Par.?

jīvedbrahmadinaṃ vīro raso'yaṃ brahmapañjaraḥ // (133.2) Par.?

vānarīkākatuṇḍyutthabījacūrṇaṃ samaṃ samam / (134.1) Par.?

śālmalītvagdaladrāvair bhāvayed divasatrayam // (134.2) Par.?

tryahaṃ ca bhṛṅgajairdrāvairbhāvitaṃ cūrṇayettataḥ / (135.1) Par.?

purātanaguḍaistulyaṃ karṣaikamanu bhakṣayet // (135.2) Par.?

raktabhūmau tu bhūnāgān grāhayitvā parīkṣayet / (136.1) Par.?

chede niryāti raktaṃ cet tān svīkuryāt prayatnataḥ // (136.2) Par.?

kṛṣṇavarṇāgavājyena samena saha tān pacet / (137.1) Par.?

lohaje cālayan pātre yāvat sindūravarṇakam // (137.2) Par.?

tatsarvaṃ jāyate bhasma tattulyaṃ mṛtapāradam / (138.1) Par.?

madhunāloḍitaṃ sarvaṃ guñjārdhārdhaṃ vivardhayan // (138.2) Par.?

paścādguñjāṃ sadā khādedyāvatsaṃvatsarāvadhi / (139.1) Par.?

śivāmṛto raso nāma jarāmṛtyuharo nṛṇām / (139.2) Par.?

āyur brahmadinaṃ datte śivāmbu pāyayedanu // (139.3) Par.?

evaṃ divyarasāyanaiḥ samucitaiḥ sārātisāraiḥ śubhaiḥ siddhaṃ dehamanekasādhanabalād yeṣāṃ tu dṛṣṭaṃ mayā / (140.1) Par.?

tānārādhya ca teṣu sāramakhilaṃ saṃgṛhya śāstrādapi bhūpānāṃ viduṣāṃ mahāmatimatāṃ proktaṃ hitārthāya vai // (140.2) Par.?

Duration=0.46526098251343 secs.