UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5402
- Click on a sentence to show its analysis
- Keep the mouse pointer over a lemma to show its meanings.
śailādiruvāca / (1.1)
Par.?
smaraṇādeva rudrasya samprāptāś ca gaṇeśvarāḥ / (1.2)
Par.?
sarve sahasrahastāś ca sahasrāyudhapāṇayaḥ // (1.3)
Par.?
trinetrāś ca mahātmānastridaśairapi vanditāḥ / (2.1)
Par.?
koṭikālāgnisaṃkāśā jaṭāmukuṭadhāriṇaḥ // (2.2)
Par.?
daṃṣṭrākarālavadanā nityā buddhāś ca nirmalāḥ / (3.1)
Par.?
koṭikoṭigaṇaistulyairātmanā ca gaṇeśvarāḥ / (3.2)
Par.?
asaṃkhyātā mahātmānastatrājagmurmudā yutāḥ // (3.3)
Par.?
gāyantaś ca dravantaś ca nṛtyantaś ca mahābalāḥ / (4.1)
Par.?
mukhāḍambaravādyāni vādayantastathaiva ca // (4.2)
Par.?
rathairnāgairhayaiścaiva siṃhamarkaṭavāhanāḥ / (5.1)
Par.?
vimāneṣu tathārūḍhā hemacitreṣu vai gaṇāḥ // (5.2)
Par.?
bherīmṛdaṅgakādyaiś ca paṇavānakagomukhaiḥ / (6.1)
Par.?
vāditrairvividhaiścānyaiḥ paṭahairekapuṣkaraiḥ // (6.2)
Par.?
bherīmurajasaṃnādair āḍambarakaḍiṇḍimaiḥ / (7.1)
Par.?
mardalairveṇuvīṇābhir vividhaistālaniḥsvanaiḥ // (7.2)
Par.?
darduraistalaghātaiś ca kacchapaiḥ paṇavairapi / (8.1)
Par.?
vādyamānairmahāyogā ājagmurdevasaṃsadam // (8.2)
Par.?
te gaṇeśā mahāsattvāḥ sarvadeveśvareśvarāḥ / (9.1)
Par.?
praṇamya devaṃ devīṃ ca idaṃ vacanam abruvan // (9.2) Par.?
bhagavandevadeveśa triyaṃbaka vṛṣadhvaja / (10.1)
Par.?
kimarthaṃ ca smṛtā deva ājñāpaya mahādyute // (10.2)
Par.?
kiṃ sāgarāñśoṣayāmo yamaṃ vā saha kiṅkaraiḥ / (11.1)
Par.?
hanmo mṛtyusutāṃ mṛtyuṃ paśuvaddhanma padmajam // (11.2)
Par.?
baddhvendraṃ saha devaiś ca saha viṣṇuṃ ca vāyunā / (12.1)
Par.?
ānayāmaḥ susaṃkruddhā daityānvā saha dānavaiḥ // (12.2)
Par.?
kasyādya vyasanaṃ ghoraṃ kariṣyāmastavājñayā / (13.1)
Par.?
kasya vādyotsavo deva sarvakāmasamṛddhaye // (13.2)
Par.?
tāṃstathāvādinaḥ sarvān gaṇeśān sarvasaṃmatān / (14.1)
Par.?
uvāca devaḥ sampūjya koṭikoṭiśatānprabhuḥ // (14.2)
Par.?
śṛṇudhvaṃ yatkṛte yūyamihāhūtā jagaddhitāḥ / (15.1)
Par.?
śrutvā ca prayatātmānaḥ kurudhvaṃ tadaśaṅkitāḥ // (15.2)
Par.?
nandīśvaro 'yaṃ putro naḥ sarveṣāmīśvareśvaraḥ / (16.1)
Par.?
vipro'yaṃ nāyakaścaiva senānīr vaḥ samṛddhimān // (16.2)
Par.?
tamimaṃ mama saṃdeśādyūyaṃ sarve'pi saṃmatāḥ / (17.1)
Par.?
senānyam abhiṣiñcadhvaṃ mahāyogapatiṃ patim // (17.2)
Par.?
evamuktā bhagavatā gaṇapāḥ sarva eva te / (18.1)
Par.?
evamastviti saṃmantrya saṃbhārānāharaṃstataḥ // (18.2)
Par.?
tasya sarvāśrayaṃ divyaṃ jāṃbūnadamayaṃ śubham / (19.1)
Par.?
āsanaṃ merusaṃkāśaṃ manoharam upāharan // (19.2)
Par.?
naikastaṃbhamayaṃ cāpi cāmīkaravaraprabham / (20.1)
Par.?
muktādāmāvalambaṃ ca maṇiratnāvabhāsitam // (20.2)
Par.?
staṃbhaiś ca vaiḍūryamayaiḥ kiṅkiṇījālasaṃvṛtam / (21.1)
Par.?
cāruratnakasaṃyuktaṃ maṇḍapaṃ viśvatomukham // (21.2)
Par.?
kṛtvā vinyasya tanmadhye tadāsanavaraṃ śubham / (22.1)
Par.?
tasyāgrataḥ pādapīṭhaṃ nīlavajrāvabhāsitam // (22.2)
Par.?
cakruḥ pādapratiṣṭhārthaṃ kalaśau cāsya pārśvagau / (23.1)
Par.?
sampūrṇau paramāmbhobhir aravindāvṛtānanau // (23.2)
Par.?
kalaśānāṃ sahasraṃ tu sauvarṇaṃ rājataṃ tathā / (24.1)
Par.?
tāmrajaṃ mṛnmayaṃ caiva sarvatīrthāmbupūritam // (24.2)
Par.?
vāsoyugaṃ tathā divyaṃ gandhaṃ divyaṃ tathaiva ca / (25.1)
Par.?
keyūre kuṇḍale caiva mukuṭaṃ hārameva ca // (25.2)
Par.?
chatraṃ śataśalākaṃ ca vālavyajanameva ca / (26.1)
Par.?
dattaṃ mahātmanā tena brahmaṇā parameṣṭhinā // (26.2)
Par.?
śaṅkhahārāṅgagaureṇa pṛṣṭhenāpi virājitam / (27.1)
Par.?
vyajanaṃ candraśubhraṃ ca hemadaṇḍaṃ sucāmaram // (27.2)
Par.?
airāvataḥ supratīko gajāvetau supūjitau / (28.1)
Par.?
mukuṭaṃ kāñcanaṃ caiva nirmitaṃ viśvakarmaṇā // (28.2)
Par.?
kuṇḍale cāmale divye vajraṃ caiva varāyudham / (29.1)
Par.?
jāṃbūnadamayaṃ sūtraṃ keyūradvayameva ca // (29.2)
Par.?
sambhārāṇi tathānyāni vividhāni bahūnyapi / (30.1)
Par.?
samantān ninyur avyagrā gaṇapā devasaṃmatāḥ // (30.2)
Par.?
tato devāś ca sendrāś ca nārāyaṇamukhās tathā / (31.1)
Par.?
munayo bhagavānbrahmā navabrahmāṇa eva ca // (31.2)
Par.?
devaiś ca lokāḥ sarve te tato jagmurmudā yutāḥ / (32.1)
Par.?
teṣvāgateṣu sarveṣu bhagavānparameśvaraḥ // (32.2)
Par.?
sarvakāryavidhiṃ kartumādideśa pitāmaham / (33.1)
Par.?
pitāmaho'pi bhagavān niyogādeva tasya tu // (33.2)
Par.?
cakāra sarvaṃ bhagavānabhiṣekaṃ samāhitaḥ / (34.1)
Par.?
arcayitvā tato brahmā svayamevābhyaṣecayat // (34.2)
Par.?
tato viṣṇustataḥ śakro lokapālāstathaiva ca / (35.1)
Par.?
abhyaṣiñcanta vidhivadgaṇendraṃ śivaśāsanāt // (35.2)
Par.?
ṛṣayastuṣṭuvuścaiva pitā mahapurogamāḥ / (36.1)
Par.?
stutavatsu tatasteṣu viṣṇuḥ sarvajagatpatiḥ // (36.2)
Par.?
śirasyañjalimādāya tuṣṭāva ca samāhitaḥ / (37.1)
Par.?
prāñjaliḥ praṇato bhūtvā jayaśabdaṃ cakāra ca // (37.2)
Par.?
tato gaṇādhipāḥ sarve tato devāstato 'surāḥ / (38.1)
Par.?
evaṃ stutaścābhiṣikto devaiḥ sabrahmakaistadā // (38.2)
Par.?
udvāhaś ca kṛtastatra niyogātparameṣṭhinaḥ / (39.1)
Par.?
marutāṃ ca sutā devī suyaśākhyā babhūva yā // (39.2)
Par.?
labdhaṃ śaśiprabhaṃ chatraṃ tayā tatra vibhūṣitam / (40.1)
Par.?
cāmare cāmarāsaktahastāgraiḥ strīgaṇairyutā // (40.2)
Par.?
siṃhāsanaṃ ca paramaṃ tayā cādhiṣṭhitaṃ mayā / (41.1)
Par.?
alaṃkṛtā mahālakṣmyā mukuṭādyaiḥ subhūṣaṇaiḥ // (41.2)
Par.?
labdho hāraś ca paramo devyāḥ kaṇṭhagatas tathā / (42.1)
Par.?
vṛṣendraś ca sito nāgaḥ siṃhaḥ siṃhadhvajas tathā // (42.2)
Par.?
rathaś ca hemacchatraṃ ca candrabiṃbasamaprabham / (43.1)
Par.?
adyāpi sadṛśaḥ kaścinmayā nāsti vibhuḥ kvacit // (43.2)
Par.?
sānvayaṃ ca gṛhītveśas tathā saṃbandhibāndhavaiḥ / (44.1)
Par.?
āruhya vṛṣamīśāno mayā devyā gataḥ śivaḥ // (44.2)
Par.?
tadā devīṃ bhavaṃ dṛṣṭvā mayā ca prārthayan gaṇaiḥ / (45.1)
Par.?
munidevarṣayaḥ siddhā ājñāṃ pāśupatīṃ dvijāḥ // (45.2)
Par.?
athājñāṃ pradadau teṣāmarhāṇām ājñayā vibhoḥ / (46.1)
Par.?
nandiko nagajābhartus teṣāṃ pāśupatīṃ śubhām // (46.2)
Par.?
tasmāddhi munayo labdhvā tadājñāṃ munipuṅgavāt / (47.1)
Par.?
bhavabhaktāstadā cāsaṃstasmādevaṃ samarcayet // (47.2)
Par.?
namaskāravihīnastu nāma udgirayedbhave / (48.1)
Par.?
brahmaghnadaśasaṃtulyaṃ tasya pāpaṃ garīyasam // (48.2)
Par.?
tasmātsarvaprakāreṇa namaskārādimuccaret / (49.1)
Par.?
ādau kuryānnamaskāraṃ tadante śivatāṃ vrajet // (49.2)
Par.?
iti śrīliṅgamahāpurāṇe pūrvabhāge nandikeśvarābhiṣeko nāma catuścatvāriṃśo 'dhyāyaḥ // (50.1)
Par.?
Duration=0.16403603553772 secs.