UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3883
- Click on a sentence to show its analysis
- Keep the mouse pointer over a lemma to show its meanings.
yudhiṣṭhira uvāca / (1.1)
Par.?
saptakalpakṣayā ghorāstvayā dṛṣṭā mahāmune / (1.2)
Par.?
na cāpīhāsti bhagavandīrghāyuriha kaścana // (1.3)
Par.?
tvayā hyekārṇave suptaḥ padmanābhaḥ surārihā / (2.1)
Par.?
dṛṣṭaḥ sahasracaraṇaḥ sahasranayanodaraḥ // (2.2)
Par.?
tvaṃ kilānugrahāt tasya dahyamāne carācare / (3.1)
Par.?
na kṣayaṃ samanuprāpto varadānānmahātmanaḥ // (3.2)
Par.?
kiṃ tvayāścaryabhūtaṃ hi dṛṣṭaṃ ca bhramatānagha / (4.1)
Par.?
etadācakṣva bhagavanparaṃ kautūhalaṃ hi me // (4.2)
Par.?
samprāpte ca mahāghore yugasyānte mahākṣaye / (5.1)
Par.?
anāvṛṣṭihate loke purā varṣaśatādhike // (5.2)
Par.?
auṣadhīnāṃ kṣaye ghore devadānavavarjite / (6.1)
Par.?
nirvīrye nirvaṣaṭkāre kalinā dūṣite bhṛśam // (6.2)
Par.?
saritsarastaḍāgeṣu palvalopavaneṣu ca / (7.1)
Par.?
saṃśuṣkeṣu tadā brahmannirākāre yugakṣaye // (7.2)
Par.?
janaṃ prāpte maharloke brahmakṣatraviśādayaḥ / (8.1)
Par.?
ṛṣayaśca mahātmāno divyatejaḥsamanvitāḥ // (8.2)
Par.?
sthitāni kāni bhūtāni gatānyeva mahāmune / (9.1)
Par.?
etatsarvaṃ mahābhāga kathayasva pṛthakpṛthak // (9.2)
Par.?
bhūtāni kāni viprendra kathaṃ siddhim avāpnuyāt / (10.1)
Par.?
brahmaviṣṇvindrarudrāṇāṃ kāle prāpte sudāruṇe // (10.2)
Par.?
evamuktas tataḥ so 'tha dharmarājena dhīmatā / (11.1)
Par.?
mārkaṇḍaḥ pratyuvācedamṛṣisaṃghaiḥ samāvṛtaḥ // (11.2)
Par.?
śrīmārkaṇḍeya uvāca / (12.1)
Par.?
śṛṇvantu ṛṣayaḥ sarve tvayā saha nareśvara / (12.2)
Par.?
mahatpurāṇaṃ pūrvoktaṃ śaṃbhunā vāyudaivate // (12.3)
Par.?
vāyoḥ sakāśātskandena śrutametatpurātanam / (13.1)
Par.?
vasiṣṭhaḥ śrutavāṃstasmāt parāśarastataḥ param // (13.2)
Par.?
tasmācca jātūkarṇyena tasmāccaiva maharṣibhiḥ / (14.1)
Par.?
evaṃ paramparāproktaṃ śatasaṃkhyair dvijottamaiḥ // (14.2)
Par.?
saṃhitā śatasāhasrī puroktā śaṃbhunā kila / (15.1)
Par.?
āloḍya sarvaśāstrāṇi vadārthaṃ tattvataḥ purā // (15.2)
Par.?
yugarūpeṇa sā paścāc caturdhā viniyojitā / (16.1)
Par.?
madaprajñānusāreṇa narāṇāṃ tu maharṣibhiḥ // (16.2)
Par.?
ārādhya paśubhartāraṃ mayā pūrvaṃ maheśvaram / (17.1)
Par.?
purāṇaṃ śrutametaddhi tatte vakṣyāmyaśeṣataḥ // (17.2)
Par.?
yacchrutvā mucyate jantuḥ sarvapāpairnareśvara / (18.1)
Par.?
mānasaiḥ karmajaiścaiva saptajanmasu saṃcitaiḥ // (18.2)
Par.?
saptakalpakṣayā ghorā mayā dṛṣṭāḥ punaḥpunaḥ / (19.1)
Par.?
prasādāddevadevasya viṣṇośca parameṣṭhinaḥ // (19.2)
Par.?
dvādaśādityanirdagdhe jagatyekārṇavīkṛte / (20.1)
Par.?
śrānto 'haṃ vibhramaṃs tatra taranbāhubhir arṇavam // (20.2)
Par.?
athāhaṃ salile rājannādityasamarūpiṇam / (21.1) Par.?
purā puruṣamadrākṣamanādinidhanaṃ prabhum // (21.2)
Par.?
śṛṅgaṃ caivādrirājasya bhāsayantaṃ diśo daśa / (22.1)
Par.?
dvitīyo 'nyo manurdṛṣṭaḥ putrapautrasamanvitaḥ // (22.2)
Par.?
agādhe bhramate so 'pi tamobhūte mahārṇave / (23.1)
Par.?
aviśramanmuhūrtaṃ tu cakrārūḍha iva bhraman // (23.2)
Par.?
athāhaṃ bhayādudvignastaranbāhubhir arṇavam / (24.1)
Par.?
tatrastho'haṃ mahāmatsyam apaśyaṃ madasaṃyutam // (24.2)
Par.?
tato 'bravītsa māṃ dṛṣṭvā ehyehīti ca bhārata / (25.1)
Par.?
paraṃ pradhānaḥ sarveṣāṃ matsyarūpo maheśvaraḥ // (25.2)
Par.?
tato 'haṃ tvarayā gatvā tanmukhe manujeśvara / (26.1)
Par.?
suśrānto vigatajñānaḥ paraṃ nirvedamāgataḥ // (26.2)
Par.?
tato 'drākṣaṃ samudrānte mahadāvartasaṃkulām / (27.1)
Par.?
udyattaraṃgasalilāṃ phenapuñjāṭṭahāsinīm // (27.2)
Par.?
nadīṃ kāmagamāṃ puṇyāṃ jhaṣamīnasamākulām / (28.1)
Par.?
nadyāstasyāstu madhyasthā pramadā kāmarūpiṇī // (28.2)
Par.?
nīlotpaladalaśyāmā mahatprakṣobhavāhinī / (29.1)
Par.?
divyahāṭakacitrāṅgī kanakojjvalaśobhitā // (29.2)
Par.?
dvābhyāṃ saṃgṛhya jānubhyāṃ mahatpotaṃ vyavasthitā / (30.1)
Par.?
tāṃ manuḥ pratyuvācedaṃ kā tvaṃ divyavarāṅgane // (30.2)
Par.?
tiṣṭhase kena kāryeṇa tvamatra surasundari / (31.1)
Par.?
surāsuragaṇe naṣṭe bhramase līlayārṇave // (31.2)
Par.?
saritaḥ sāgarāḥ śailāḥ kṣayaṃ prāptā hyanekaśaḥ / (32.1)
Par.?
tvamekā tu kathaṃ sādhvi tiṣṭhase kāraṇaṃ mahat / (32.2)
Par.?
śrotumicchāmyahaṃ devi kathayasva hyaśeṣataḥ // (32.3)
Par.?
īśvarāṅgasamudbhūtā hyamṛtānāma viśrutā / (33.2)
Par.?
saritpāpaharā puṇyā māmāśritya bhayaṃ kutaḥ // (33.3)
Par.?
sāhaṃ potamimaṃ tubhyaṃ gṛhītvā hyāgatā dvija / (34.1)
Par.?
na hyasya potasya kṣayo yatra tiṣṭhati śaṃkaraḥ // (34.2)
Par.?
tasyās tad vacanaṃ śrutvā vismayotphullalocanaḥ / (35.1)
Par.?
manunā saha rājendra potārūḍho hyahaṃ tadā // (35.2)
Par.?
kṛtāñjalipuṭo bhūtvā praṇamya śirasā vibhum / (36.1)
Par.?
vyāpinaṃ parameśānamastauṣamabhayapradam // (36.2)
Par.?
sadyojātāya devāya vāmadevāya vai namaḥ / (37.1)
Par.?
bhave bhave namastubhyaṃ bhaktigamyāya te namaḥ // (37.2)
Par.?
bhūrbhuvāya namastubhyaṃ rāmajyeṣṭhāya vai namaḥ / (38.1)
Par.?
namaste bhadrakālāya kalirūpāya vai namaḥ // (38.2)
Par.?
acintyāvyaktarūpāya mahādevāya dhāmane / (39.1)
Par.?
vidmahe devadevāya tanno rudra namonamaḥ // (39.2)
Par.?
jagatsṛṣṭivināśānāṃ kāraṇāya namonamaḥ / (40.1)
Par.?
evaṃ stuto mahādevaḥ pūrvaṃ sṛṣṭayā mayānagha // (40.2)
Par.?
prasanno māvadat paścādvaraṃ varaya suvrata // (41.1)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe narmadāmāhātmye mārkaṇḍeyadharmarājasaṃvāde kalpakṣaye mārkaṇḍeyakṛtapotārdhārohaṇavṛttāntavarṇanaṃnāma tṛtīyo 'dhyāyaḥ // (42.1)
Par.?
Duration=0.22016501426697 secs.