UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1185
- Click on a sentence to show its analysis
- Keep the mouse pointer over a lemma to show its meanings.
iti bruvati rāme tu lakṣmaṇo 'dhaḥśirā muhuḥ / (1.1)
Par.?
śrutvā madhyaṃ jagāmeva manasā duḥkhaharṣayoḥ // (1.2)
Par.?
tadā tu baddhvā bhrukuṭīṃ bhruvor madhye nararṣabhaḥ / (2.1)
Par.?
niśaśvāsa mahāsarpo bilastha iva roṣitaḥ // (2.2)
Par.?
tasya duṣprativīkṣyaṃ tad bhrukuṭīsahitaṃ tadā / (3.1)
Par.?
babhau kruddhasya siṃhasya mukhasya sadṛśaṃ mukham // (3.2)
Par.?
agrahas taṃ vidhunvaṃs tu hastī hastam ivātmanaḥ / (4.1)
Par.?
tiryag ūrdhvaṃ śarīre ca pātayitvā śirodharām // (4.2)
Par.?
agrākṣṇā vīkṣamāṇas tu tiryag bhrātaram abravīt / (5.1)
Par.?
asthāne sambhramo yasya jāto vai sumahān ayam // (5.2)
Par.?
dharmadoṣaprasaṅgena lokasyānatiśaṅkayā / (6.1)
Par.?
kathaṃ hy etad asambhrāntas tvadvidho vaktum arhati // (6.2)
Par.?
yathā daivam aśauṇḍīraṃ śauṇḍīraḥ kṣatriyarṣabhaḥ / (7.1)
Par.?
kiṃ nāma kṛpaṇaṃ daivam aśaktam abhiśaṃsasi // (7.2)
Par.?
pāpayos tu kathaṃ nāma tayoḥ śaṅkā na vidyate / (8.1)
Par.?
santi dharmopadhāḥ ślakṣṇā dharmātman kiṃ na budhyase // (8.2)
Par.?
lokavidviṣṭam ārabdhaṃ tvadanyasyābhiṣecanam / (9.1) Par.?
yeneyam āgatā dvaidhaṃ tava buddhir mahīpate / (9.2)
Par.?
sa hi dharmo mama dveṣyaḥ prasaṅgād yasya muhyasi // (9.3)
Par.?
yady api pratipattis te daivī cāpi tayor matam / (10.1)
Par.?
tathāpy upekṣaṇīyaṃ te na me tad api rocate // (10.2)
Par.?
viklavo vīryahīno yaḥ sa daivam anuvartate / (11.1)
Par.?
vīrāḥ saṃbhāvitātmāno na daivaṃ paryupāsate // (11.2)
Par.?
daivaṃ puruṣakāreṇa yaḥ samarthaḥ prabādhitum / (12.1)
Par.?
na daivena vipannārthaḥ puruṣaḥ so 'vasīdati // (12.2)
Par.?
drakṣyanti tv adya daivasya pauruṣaṃ puruṣasya ca / (13.1)
Par.?
daivamānuṣayor adya vyaktā vyaktir bhaviṣyati // (13.2)
Par.?
adya matpauruṣahataṃ daivaṃ drakṣyanti vai janāḥ / (14.1)
Par.?
yad daivād āhataṃ te 'dya dṛṣṭaṃ rājyābhiṣecanam // (14.2)
Par.?
atyaṅkuśam ivoddāmaṃ gajaṃ madabaloddhatam / (15.1)
Par.?
pradhāvitam ahaṃ daivaṃ pauruṣeṇa nivartaye // (15.2)
Par.?
lokapālāḥ samastās te nādya rāmābhiṣecanam / (16.1)
Par.?
na ca kṛtsnās trayo lokā vihanyuḥ kiṃ punaḥ pitā // (16.2)
Par.?
yair vivāsas tavāraṇye mitho rājan samarthitaḥ / (17.1)
Par.?
araṇye te vivatsyanti caturdaśa samās tathā // (17.2)
Par.?
ahaṃ tadāśāṃ chetsyāmi pitus tasyāś ca yā tava / (18.1)
Par.?
abhiṣekavighātena putrarājyāya vartate // (18.2)
Par.?
madbalena viruddhāya na syād daivabalaṃ tathā / (19.1)
Par.?
prabhaviṣyati duḥkhāya yathograṃ pauruṣaṃ mama // (19.2)
Par.?
ūrdhvaṃ varṣasahasrānte prajāpālyam anantaram / (20.1)
Par.?
āryaputrāḥ kariṣyanti vanavāsaṃ gate tvayi // (20.2)
Par.?
pūrvarājarṣivṛttyā hi vanavāso vidhīyate / (21.1)
Par.?
prajā nikṣipya putreṣu putravat paripālane // (21.2)
Par.?
sa ced rājany anekāgre rājyavibhramaśaṅkayā / (22.1)
Par.?
naivam icchasi dharmātman rājyaṃ rāma tvam ātmani // (22.2)
Par.?
pratijāne ca te vīra mā bhūvaṃ vīralokabhāk / (23.1)
Par.?
rājyaṃ ca tava rakṣeyam ahaṃ veleva sāgaram // (23.2)
Par.?
maṅgalair abhiṣiñcasva tatra tvaṃ vyāpṛto bhava / (24.1)
Par.?
aham eko mahīpālān alaṃ vārayituṃ balāt // (24.2)
Par.?
na śobhārthāv imau bāhū na dhanur bhūṣaṇāya me / (25.1)
Par.?
nāsirābandhanārthāya na śarāḥ stambhahetavaḥ // (25.2)
Par.?
amitradamanārthaṃ me sarvam etac catuṣṭayam / (26.1)
Par.?
na cāhaṃ kāmaye 'tyarthaṃ yaḥ syāc chatrur mato mama // (26.2)
Par.?
asinā tīkṣṇadhāreṇa vidyuccalitavarcasā / (27.1)
Par.?
pragṛhītena vai śatruṃ vajriṇaṃ vā na kalpaye // (27.2)
Par.?
khaḍganiṣpeṣaniṣpiṣṭair gahanā duścarā ca me / (28.1)
Par.?
hastyaśvanarahastoruśirobhir bhavitā mahī // (28.2)
Par.?
khaḍgadhārā hatā me 'dya dīpyamānā ivādrayaḥ / (29.1)
Par.?
patiṣyanti dvipā bhūmau meghā iva savidyutaḥ // (29.2)
Par.?
baddhagodhāṅgulitrāṇe pragṛhītaśarāsane / (30.1)
Par.?
kathaṃ puruṣamānī syāt puruṣāṇāṃ mayi sthite // (30.2)
Par.?
bahubhiś caikam atyasyann ekena ca bahūñ janān / (31.1)
Par.?
viniyokṣyāmy ahaṃ bāṇān nṛvājigajamarmasu // (31.2)
Par.?
adya me 'straprabhāvasya prabhāvaḥ prabhaviṣyati / (32.1)
Par.?
rājñaś cāprabhutāṃ kartuṃ prabhutvaṃ ca tava prabho // (32.2)
Par.?
adya candanasārasya keyūrāmokṣaṇasya ca / (33.1)
Par.?
vasūnāṃ ca vimokṣasya suhṛdāṃ pālanasya ca // (33.2)
Par.?
anurūpāv imau bāhū rāma karma kariṣyataḥ / (34.1)
Par.?
abhiṣecanavighnasya kartṝṇāṃ te nivāraṇe // (34.2)
Par.?
bravīhi ko 'dyaiva mayā viyujyatāṃ tavāsuhṛt prāṇayaśaḥ suhṛjjanaiḥ / (35.1)
Par.?
yathā taveyaṃ vasudhā vaśe bhavet tathaiva māṃ śādhi tavāsmi kiṃkaraḥ // (35.2)
Par.?
vimṛjya bāṣpaṃ parisāntvya cāsakṛt sa lakṣmaṇaṃ rāghavavaṃśavardhanaḥ / (36.1)
Par.?
uvāca pitrye vacane vyavasthitaṃ nibodha mām eṣa hi saumya satpathaḥ // (36.2)
Par.?
Duration=0.10286283493042 secs.