Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 5131

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

kiṃ tvaṃ nakula kurvāṇastatra tāta cariṣyasi / (1.2) Par.?

*karma tattvaṃ samācakṣva rāṣṭre tasya mahīpateḥ / (1.3) Par.?

*tvatsamo rūpasampanno na paśyāmi mahītale / (1.4) Par.?

*īdṛśīm āpadaṃ prāpya kathaṃ tatra nivatsyasi / (1.5) Par.?

*aduḥkhārhaśca bālaśca lālitaścāpi nityaśaḥ / (1.6) Par.?

*so 'yam ārtaśca śāntaśca kiṃ nu rocayitā tviha / (1.7) Par.?

*sa tvaṃ mṛduśca śūraśca kiṃ nu te rocate tviha / (1.8) Par.?

sukumāraśca śūraśca darśanīyaḥ sukhocitaḥ // (1.9) Par.?

nakula uvāca / (2.1) Par.?

aśvabandho bhaviṣyāmi virāṭanṛpater aham / (2.2) Par.?

*sarvathā jñānasampannaḥ kuśalaḥ parirakṣaṇe / (2.3) Par.?

granthiko nāma nāmnāhaṃ karmaitat supriyaṃ mama / (2.4) Par.?

*dāmagranthīti vikhyātaḥ kuśalo dāmakarmaṇi / (2.5) Par.?

*na mā paribhaviṣyanti janā jātu hi karhicit // (2.6) Par.?

kuśalo 'smyaśvaśikṣāyāṃ tathaivāśvacikitsite / (3.1) Par.?

priyāśca satataṃ me 'śvāḥ kururāja yathā tava / (3.2) Par.?

*naduṣṭāśca bhaviṣyanti kiśorā vaḍavā api / (3.3) Par.?

*naduṣṭāśca bhaviṣyanti pṛṣṭheṣu ca ratheṣu ca / (3.4) Par.?

*na māṃ paribhaviṣyanti kiśorā vaḍavāstathā / (3.5) Par.?

*naduṣṭāśca bhaviṣyanti pṛṣṭhe dhuri ca madgatāḥ // (3.6) Par.?

ye mām āmantrayiṣyanti virāṭanagare janāḥ / (4.1) Par.?

tebhya evaṃ pravakṣyāmi vihariṣyāmyahaṃ yathā / (4.2) Par.?

*purā yudhiṣṭhirasyāhaṃ hayaṅgo bharatarṣabha / (4.3) Par.?

*pāṇḍavānāṃ narendrāṇām aśvapālo 'tiśobhanaḥ / (4.4) Par.?

*pāṇḍavena purā tāta aśveṣvadhikṛtaḥ purā / (4.5) Par.?

*yudhiṣṭhirasyāśvabandho veda māṃ teṣu teṣvaham / (4.6) Par.?

*paribhramann ihāyātastava matsyapate puram / (4.7) Par.?

*virāṭanagare channaścariṣyāmi mahīpate // (4.8) Par.?

yudhiṣṭhira uvāca / (5.1) Par.?

*bṛhaspatisamo buddhyā naye cośanasā samaḥ / (5.2) Par.?

*mantrair nānāvidhair nītaḥ pathyaiḥ supariniṣṭhitaiḥ / (5.3) Par.?

*supraṇītaiḥ sumārgastho rājatantram apālayat / (5.4) Par.?

*na cāsya calitaṃ kiṃcid dadṛśustadvido janāḥ / (5.5) Par.?

*sunītanāyī śūraśca sarvamantraviśāradaḥ / (5.6) Par.?

*adhikaṃ mātur asmākaṃ kuntyāḥ priyataraḥ sadā / (5.7) Par.?

sahadeva kathaṃ tasya samīpe vihariṣyasi / (5.8) Par.?

*mādrīputra virāṭasya raṃsyase kena karmaṇā / (5.9) Par.?

kiṃ vā tvaṃ tāta kurvāṇaḥ pracchanno vicariṣyasi / (5.10) Par.?

*varṣaṃ virāṭanagare bahuvyālasamāvṛte // (5.11) Par.?

sahadeva uvāca / (6.1) Par.?

gosaṃkhyātā bhaviṣyāmi virāṭasya mahīpateḥ / (6.2) Par.?

pratiṣeddhā ca dogdhā ca saṃkhyāne kuśalo gavām // (6.3) Par.?

tantipāla iti khyāto nāmnā viditam astu te / (7.1) Par.?

*abhimānāt tu māṃ rājan pravadiṣyanti pāṇḍavāḥ / (7.2) Par.?

*arogā bahulā puṣṭāḥ kṣīravatyo bahuprajāḥ / (7.3) Par.?

*niṣpannasattvāḥ subhṛtā vyapetajvarakilbiṣāḥ / (7.4) Par.?

*naṣṭacorabhayā nityaṃ vyādhivyāghravivarjitāḥ / (7.5) Par.?

*gāvaḥ susukhitā rājannirudvignā nirāmayāḥ / (7.6) Par.?

*bhaviṣyanti mayā guptā virāṭapaśavo nṛpa / (7.7) Par.?

nipuṇaṃ ca cariṣyāmi vyetu te mānaso jvaraḥ / (7.8) Par.?

*na ca māṃ vetsyate kaścit toṣayiṣye ca taṃ nṛpam / (7.9) Par.?

*vairāṭe bhūpa saṃchanno vihariṣyāmyahaṃ yathā / (7.10) Par.?

*ahaṃ paricariṣyāmi virāṭaṃ rājasattamam / (7.11) Par.?

*ityetanmatpratijñātaṃ vihariṣyāmyahaṃ yathā / (7.12) Par.?

*nakulenaivam uktastu dharmarājo 'bravīd vacaḥ // (7.13) Par.?

ahaṃ hi bhavatā goṣu satataṃ prakṛtaḥ purā / (8.1) Par.?

tatra me kauśalaṃ karma avabuddhaṃ viśāṃ pate // (8.2) Par.?

lakṣaṇaṃ caritaṃ cāpi gavāṃ yaccāpi maṅgalam / (9.1) Par.?

tat sarvaṃ me suviditam anyaccāpi mahīpate // (9.2) Par.?

vṛṣabhān api jānāmi rājan pūjitalakṣaṇān / (10.1) Par.?

yeṣāṃ mūtram upāghrāya api vandhyā prasūyate // (10.2) Par.?

so 'ham evaṃ cariṣyāmi prītir atra hi me sadā / (11.1) Par.?

*virāṭanagare gūḍho raṃsye 'haṃ tena karmaṇā / (11.2) Par.?

*toṣayiṣye 'pi rājānaṃ mā bhūccintā tavānagha / (11.3) Par.?

na ca māṃ vetsyati parastat te rocatu pārthiva / (11.4) Par.?

*ityetad vaḥ pratijñātaṃ vicariṣyāmyahaṃ yathā // (11.5) Par.?

yudhiṣṭhira uvāca / (12.1) Par.?

iyaṃ tu naḥ priyā bhāryā prāṇebhyo 'pi garīyasī / (12.2) Par.?

*kiṃ kariṣyati pāñcālī rājasūyābhiṣecitā / (12.3) Par.?

māteva paripālyā ca pūjyā jyeṣṭheva ca svasā // (12.4) Par.?

kena sma karmaṇā kṛṣṇā draupadī vicariṣyati / (13.1) Par.?

na hi kiṃcid vijānāti karma kartuṃ yathā striyaḥ // (13.2) Par.?

sukumārī ca bālā ca rājaputrī yaśasvinī / (14.1) Par.?

pativratā mahābhāgā kathaṃ nu vicariṣyati / (14.2) Par.?

*ityevam uktvā bhrātṝṇāṃ pāñcālīṃ draupadīṃ prati / (14.3) Par.?

*athovāca tadā kṛṣṇā yudhiṣṭhiram idaṃ vacaḥ // (14.4) Par.?

mālyagandhān alaṃkārān vastrāṇi vividhāni ca / (15.1) Par.?

etānyevābhijānāti yato jātā hi bhāminī // (15.2) Par.?

draupadyuvāca / (16.1) Par.?

sairandhryo 'rakṣitā loke bhujiṣyāḥ santi bhārata / (16.2) Par.?

naivam anyāḥ striyo yānti iti lokasya niścayaḥ / (16.3) Par.?

*ahaṃ vatsyāmi rājendra nirvṛto bhava pārthiva / (16.4) Par.?

*yathā te matkṛte śoko na bhavennṛpa tacchṛṇu / (16.5) Par.?

*yathā tu māṃ na jānanti tat kariṣyāmyahaṃ vibho / (16.6) Par.?

*channā vatsyāmyahaṃ yanmāṃ na vijñāsyanti kecana / (16.7) Par.?

*vṛttaṃ tacca samākhyāsye śam āpnuhi viśāṃ pate / (16.8) Par.?

*sairandhrī jātisampannā nāmnāhaṃ vratacāriṇī / (16.9) Par.?

*bhaviṣyāmi mahārāja virāṭasyeti me matiḥ / (16.10) Par.?

*ekapatnīvratāścaitā iti lokasya niścayaḥ // (16.11) Par.?

sāhaṃ bruvāṇā sairandhrī kuśalā keśakarmaṇi / (17.1) Par.?

*yudhiṣṭhirasya gehe 'smi draupadyāḥ paricārikā / (17.2) Par.?

*uṣitāsmīti vakṣyāmi pṛṣṭā rājñā ca bhārata / (17.3) Par.?

*pramadāhārikā loke puruṣāṇāṃ pravāsinām / (17.4) Par.?

*nāhaṃ tatra bhaviṣyāmi durbharā rājaveśmani / (17.5) Par.?

*kṛtā caiva sadā rakṣā vratenaiva narādhipa / (17.6) Par.?

ātmaguptā cariṣyāmi yanmāṃ tvam anupṛcchasi // (17.7) Par.?

sudeṣṇāṃ pratyupasthāsye rājabhāryāṃ yaśasvinīm / (18.1) Par.?

sā rakṣiṣyati māṃ prāptāṃ mā te bhūd duḥkham īdṛśam / (18.2) Par.?

*ityevaṃ matpratijñātaṃ vihariṣyāmyahaṃ yathā // (18.3) Par.?

yudhiṣṭhira uvāca / (19.1) Par.?

kalyāṇaṃ bhāṣase kṛṣṇe kule jātā yathā vadet / (19.2) Par.?

na pāpam abhijānāsi sādhu sādhvīvrate sthitā / (19.3) Par.?

*yathā na durhṛdaḥ pāpā bhavanti sukhinaḥ punaḥ / (19.4) Par.?

*kuryāstathā tva kalyāṇi lakṣayeyur na te yathā / (19.5) Par.?

*iti nigaditavṛttāṃ dharmasūnur niśamya prathitaguṇagaṇaughālaṃkṛtāṃ rājaputrīm / (19.6) Par.?

*vyasanaśatanimagnā vikriyante na sādhvyo muditahṛdayavṛttir vākyam etajjagāda // (19.7) Par.?

Duration=0.21456980705261 secs.