Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 9709

Click on a sentence to show its analysis
Keep the mouse pointer over a lemma to show its meanings.

vapuṣāṃ parameṇa bhūdharāṇām atha saṃbhāvyaparākramaṃ vibhede / (1.1) Par.?

mṛgam āśu vilokayāṃcakāra sthiradaṃṣṭrogramukhaṃ mahendrasūnuḥ // (1.2) Par.?

sphuṭabaddhasaṭonnatiḥ sa dūrād abhidhāvann avadhīritānyakṛtyaḥ / (2.1) Par.?

jayam icchati tasya jātaśaṅke manasīmaṃ muhur ādade vitarkam // (2.2) Par.?

ghanapotravidīrṇaśālamūlo nibiḍaskandhanikāṣarugṇavapraḥ / (3.1) Par.?

ayam ekacaro 'bhivartate māṃ samarāyeva samājuhūṣamāṇaḥ // (3.2) Par.?

iha vītabhayās tapo'nubhāvājjahati vyālamṛgāḥ pareṣu vṛttim / (4.1) Par.?

mayi tāṃ sutarām ayaṃ vidhatte vikṛtiḥ kiṃ nu bhaved iyaṃ nu māyā // (4.2) Par.?

athavaiṣa kṛtajñayeva pūrvaṃ bhṛśam āsevitayā ruṣā na muktaḥ / (5.1) Par.?

avadhūya virodhinīḥ kim ārān mṛgajātīr abhiyāti māṃ javena // (5.2) Par.?

na mṛgaḥ khalu ko 'py ayaṃ jighāṃsuḥ skhalati hy atra tathā bhṛśaṃ mano me / (6.1) Par.?

vimalaṃ kaluṣībhavac ca cetaḥ kathayaty eva hitaiṣiṇaṃ ripuṃ vā // (6.2) Par.?

munir asmi nirāgasaḥ kuto me bhayam ity eṣa na bhūtaye 'bhimānaḥ / (7.1) Par.?

paravṛddhiṣu baddhamatsarāṇāṃ kim iva hy asti durātmanām alaṅghyam // (7.2) Par.?

danujaḥ svid ayaṃ kṣapācaro vā vanaje neti balaṃ bad asti sattve / (8.1) Par.?

abhibhūya tathā hi meghanīlaḥ sakalaṃ kampayatīva śailarājam // (8.2) Par.?

ayam eva mṛgavyasattrakāmaḥ prahariṣyan mayi māyayā śamasthe / (9.1) Par.?

pṛthubhir dhvajinīsravair akārṣīccakitodbhrāntamṛgāṇi kānanāni // (9.2) Par.?

bahuśaḥ kṛtasatkṛter vidhātuṃ priyam icchann athavā suyodhanasya / (10.1) Par.?

kṣubhitaṃ vanagocarābhiyogād gaṇam āśiśriyad ākulaṃ tiraścām // (10.2) Par.?

avalīḍhasanābhir aśvasenaḥ prasabhaṃ khāṇḍavajātavedasā vā / (11.1) Par.?

pratikartum upāgataḥ samanyuḥ kṛtamanyur yadi vā vṛkodareṇa // (11.2) Par.?

balaśālitayā yathā tathā vā dhiyam ucchedaparāmayaṃ dadhānaḥ / (12.1) Par.?

niyamena mayā nibarhaṇīyaḥ paramaṃ lābham arātibhaṅgam āhuḥ // (12.2) Par.?

kuru tāta tapāṃsy amārgadāyī vijayāyetyalam anvaśān munir mām / (13.1) Par.?

balinaś ca vadhād ṛte 'sya śakyaṃ vrasaṃrakṣaṇam anyathā na kartum // (13.2) Par.?

iti tena vicintya cāpanāma prathamaṃ pauruṣacihnam ālalambe / (14.1) Par.?

upalabdhaguṇaḥ parasya bhede sacivaḥ śuddha ivādade ca bāṇaḥ // (14.2) Par.?

anubhāvavatā guru sthiratvād avisaṃvādi dhanur dhanaṃjayena / (15.1) Par.?

svabalavyasane 'pi pīḍyamānaṃ guṇavan mitram ivānatiṃ prapede // (15.2) Par.?

pravikarṣaninādabhinnarandhraḥ padaviṣṭambhanipīḍitas tadānīm / (16.1) Par.?

adhirohati gāṇḍivaṃ maheṣau sakalaḥ saṃśayam āruroha śailaḥ // (16.2) Par.?

dadṛśe 'tha savismayaṃ śivena sthirapūrṇāyatacāpamaṇḍalasthaḥ / (17.1) Par.?

racitas tisṛṇāṃ purāṃ vidhātuṃ vadham ātmeva bhayānakaḥ pareṣām // (17.2) Par.?

vicakarṣa ca saṃhiteṣur uccaiś caraṇāskandananāmitācalendraḥ / (18.1) Par.?

dhanurāyatabhogavāsukijyāvadanagranthivimuktavahni śambhuḥ // (18.2) Par.?

sa bhavasya bhavakṣayaikahetoḥ sitasapteś ca vidhāsyatoḥ sahārtham / (19.1) Par.?

ripur āpa parābhavāya madhyaṃ prakṛtipratyayayor ivānubandhaḥ // (19.2) Par.?

atha dīpitavārivāhavartmā ravavitrāsitavāraṇād avāryaḥ / (20.1) Par.?

nipapāta javādiṣu pinākān mahato 'bhrād iva vaidyutaḥ kṛśānuḥ // (20.2) Par.?

vrajato 'sya bṛhatpatatrajanmā kṛtatārkṣyopanipātavegaśaṅkaḥ / (21.1) Par.?

pratinādamahān mahoragāṇāṃ hṛdayaśrotrabhid utpapāta nādaḥ // (21.2) Par.?

nayanād iva śūlinaḥ pravṛttair manaso 'py āśutaraṃ yataḥ piśaṅgaiḥ / (22.1) Par.?

vidadhe vilasattaḍillatābhaiḥ kiraṇair vyomani mārgaṇasya mārgaḥ // (22.2) Par.?

apayan dhanuṣaḥ śivāntikasthair vivaresadbhir abhikhyayā jihānaḥ / (23.1) Par.?

yugapad dadṛśe viśan varāhaṃ tadupoḍhaiś ca nabhaścaraiḥ pṛṣatkaḥ // (23.2) Par.?

sa tamālanibhe ripau surāṇāṃ ghananīhāra ivāviṣaktavegaḥ / (24.1) Par.?

bhayaviplutam īkṣito nabhaḥsthair jagatīṃ grāha ivāpagāṃ jagāhe // (24.2) Par.?

sapadi priyarūpaparvarekhaḥ sitalohāgranakhaḥ kham āsasāda / (25.1) Par.?

kupitāntakatarjanāṅguliśrīr vyathayan prāṇabhṛtaḥ kapidhvajeṣu // (25.2) Par.?

paramāstraparigrahorutejaḥ sphuradulkākṛti vikṣipan vaneṣu / (26.1) Par.?

sa javena patan paraḥśatānāṃ patatāṃ vrāta ivāravaṃ vitene // (26.2) Par.?

avibhāvitaniṣkramaprayāṇaḥ śamitāyāma ivātiraṃhasā saḥ / (27.1) Par.?

saha pūrvataraṃ nu cittavṛtter apatitvā nu cakāra lakṣyabhedam // (27.2) Par.?

sa vṛṣadhvajasāyakāvabhinnaṃ jayahetuḥ pratikāyam eṣaṇīyam / (28.1) Par.?

laghu sādhayituṃ śaraḥ prasehe vidhinevārtham udīritaṃ prayatnaḥ // (28.2) Par.?

avivekavṛthāśramāvivārthaṃ kṣayalobhāv iva saṃśritānurāgam / (29.1) Par.?

vijigīṣum ivānayapramādāv avasādaṃ viśikhau vininyatus tam // (29.2) Par.?

atha dīrghatamaṃ tamaḥ pravekṣyan sahasā rugṇarayaḥ sa sambhrameṇa / (30.1) Par.?

nipatantam ivoṣṇaraśmim urvyāṃ valayībhūtataruṃ dharāṃ ca mene // (30.2) Par.?

sa gataḥ kṣitim uṣṇaśoṇitārdraḥ khuradaṃṣṭrāgranipātadāritāśmā / (31.1) Par.?

asubhiḥ kṣaṇam īkṣitendrasūnur vihitāmarṣagurudhvanir nirāse // (31.2) Par.?

sphuṭapauruṣam āpapāta pārthas tam atha prājyaśaraḥ śaraṃ jighṛkṣuḥ / (32.1) Par.?

na tathā kṛtavedināṃ kariṣyan priyatām eti yathā kṛtāvadānaḥ // (32.2) Par.?

upakāra ivāsati prayuktaḥ sthitim aprāpya mṛge gataḥ praṇāśam / (33.1) Par.?

kṛtaśaktir avāṅmukho gurutvāj janitavrīḍa ivātmapauruṣeṇa // (33.2) Par.?

sa samuddharatā vicintya tena svarucaṃ kīrtim ivottamāṃ dadhānaḥ / (34.1) Par.?

anuyukta iva svavārtam uccaiḥ parirebhe nu bhṛśaṃ vilocanābhyām // (34.2) Par.?

tatra kārmukabhṛtaṃ mahābhujaḥ paśyati sma sahasā vanecaram / (35.1) Par.?

saṃnikāśayitum agrataḥ sthitaṃ śāsanaṃ kusumacāpavidviṣaḥ // (35.2) Par.?

sa prayujya tanaye mahīpater ātmajātisadṛśīṃ kilānatim / (36.1) Par.?

sāntvapūrvam abhinītihetukaṃ vaktum ittham upacakrame vacaḥ // (36.2) Par.?

śāntatā vinayayogi mānasaṃ bhūridhāma vimalaṃ tapaḥ śrutam / (37.1) Par.?

prāha te nu sadṛśī divaukasām anvavāyam avadātam ākṛtiḥ // (37.2) Par.?

dīpitas tvam anubhāvasampadā gauraveṇa laṅghayan mahībhṛtaḥ / (38.1) Par.?

rājase munir apīha kārayann ādhipatyam iva śātamanyavam // (38.2) Par.?

tāpaso 'pi vibhutām upeyivān āspadaṃ tvam asi sarvasampadām / (39.1) Par.?

dṛśyate hi bhavato vinā janair anvitasya sacivair iva dyutiḥ // (39.2) Par.?

vismayaḥ ka iva vā jayaśriyā naiva muktir api te davīyasī / (40.1) Par.?

īpsitasya na bhaved upāśrayaḥ kasya nirjitarajastamoguṇaḥ // (40.2) Par.?

hrepayann ahimatejasaṃ tviṣā sa tvam ittham upapannapauruṣaḥ / (41.1) Par.?

hartum arhasi varāhabhedinaṃ nainam asmadadhipasya sāyakam // (41.2) Par.?

smaryate tanubhṛtāṃ sanātanaṃ nyāyyam ācaritam uttamair nṛbhiḥ / (42.1) Par.?

dhvaṃsate yadi bhavādṛśas tataḥ kaḥ prayātu vada tena vartmanā // (42.2) Par.?

ākumāram upadeṣṭum icchavaḥ saṃnivṛttim apathān mahāpadaḥ / (43.1) Par.?

yogaśaktijitajanmamṛtyavaḥ śīlayanti yatayaḥ suśīlatām // (43.2) Par.?

tiṣṭhatāṃ tapasi puṇyam āsajan sampado 'nuguṇayan sukhaiṣiṇām / (44.1) Par.?

yogināṃ pariṇaman vimuktaye kena nāstu vinayaḥ satāṃ priyaḥ // (44.2) Par.?

nūnam atrabhavataḥ śarākṛtiṃ sarvathāyam anuyāti sāyakaḥ / (45.1) Par.?

so 'yam ity anupapannasaṃśayaḥ kāritas tvam apathe padaṃ yayā // (45.2) Par.?

anyadīyaviśikhe na kevalaṃ niḥspṛhasya bhavitavyam āhṛte / (46.1) Par.?

nighnataḥ paranibarhitaṃ mṛgaṃ vrīḍitavyam api te sacetasaḥ // (46.2) Par.?

saṃtataṃ niśamayanta utsukā yaiḥ prayānti mudam asya sūrayaḥ / (47.1) Par.?

kīrtitāni hasite 'pi tāni yaṃ vrīḍayanti caritāni māninam // (47.2) Par.?

anyadoṣam iva saḥ svakaṃ guṇaṃ khyāpayet katham adhṛṣṭatājaḍaḥ / (48.1) Par.?

ucyate sa khalu kāryavattayā dhig vibhinnabudhasetum arthitām // (48.2) Par.?

durvacaṃ tad atha mā sma bhūn mṛgas tvāv asau yad akariṣyad ojasā / (49.1) Par.?

nainam āśu yadi vāhinīpatiḥ pratyapatsyata śitena pattriṇā // (49.2) Par.?

ko nv imaṃ harituraṅgam āyudhastheyasīṃ dadhatam aṅgasaṃhatim / (50.1) Par.?

vegavattaramṛte camūpater hantum arhati śareṇa daṃṣṭriṇam // (50.2) Par.?

mitram iṣṭam upakāri saṃśaye medinīpatir ayaṃ tathā ca te / (51.1) Par.?

taṃ virodhya bhavatā nirāsi mā sajjanaikavasatiḥ kṛtajñatā // (51.2) Par.?

labhyam ekasukṛtena durlabhā rakṣitāram asurakṣyabhūtayaḥ / (52.1) Par.?

svantam antavirasā jigīṣatāṃ mitralābham anu lābhasampadaḥ // (52.2) Par.?

cañcalaṃ vasu nitāntam unnatā medinīm api haranty arātayaḥ / (53.1) Par.?

bhūdharasthiram upeyam āgataṃ māvamaṃsta suhṛdaṃ mahīpatim // (53.2) Par.?

jetum eva bhavatā tapasyate nāyudhāni dadhate mumukṣavaḥ / (54.1) Par.?

prāpsyate ca sakalaṃ mahībhṛtā saṃgatena tapasaḥ phalaṃ tvayā // (54.2) Par.?

vājibhūmir ibharājakānanaṃ santi ratnanicayāś ca bhūriśaḥ / (55.1) Par.?

kāñcanena kim ivāsya pattriṇā kevalaṃ na sahate vilaṅghanam // (55.2) Par.?

sāvalepam upalipsate parair abhyupaiti vikṛtiṃ rajasy api / (56.1) Par.?

arthitas tu na mahān samīhate jīvitaṃ kimu dhanaṃ dhanāyitum // (56.2) Par.?

tat tadīyaviśikhātisarjanād astu vāṃ guru yadṛcchayāgatam / (57.1) Par.?

rāghavaplavagarājayor iva prema yuktam itaretarāśrayam // (57.2) Par.?

nābhiyoktum anṛtaṃ tvam iṣyate kastapasviviśikheṣu cādaraḥ / (58.1) Par.?

santi bhūbhṛti śarā hi naḥ pare ye parākramavasūni vajriṇaḥ // (58.2) Par.?

mārgaṇair atha tava prayojanaṃ nāthase kimu patiṃ na bhūbhṛtaḥ / (59.1) Par.?

tvadvidhaṃ suhṛdam etya sa arthinaṃ kiṃ na yacchati vijitya medinīm // (59.2) Par.?

tena sūrir upakāritādhanaḥ kartum icchati na yācitaṃ vṛthā / (60.1) Par.?

sīdatām anubhavann ivārthināṃ veda yat praṇayabhaṅgavedanām // (60.2) Par.?

śaktir arthapatiṣu svayaṃgrahaṃ prema kārayati vā niratyayam / (61.1) Par.?

kāraṇadvayam idaṃ nirasyataḥ prārthanādhikabale vipatphalā // (61.2) Par.?

astravedam adhigamya tattvataḥ kasya ceha bhujavīryaśālinaḥ / (62.1) Par.?

jāmadagnyam apahāya gīyate tāpaseṣu caritārtham āyudham // (62.2) Par.?

abhyaghāni municāpalāt tvayā yan mṛgaḥ kṣitipateḥ parigrahaḥ / (63.1) Par.?

akṣamiṣṭa tad ayaṃ pramādyatāṃ saṃvṛṇoti khalu doṣam ajñatā // (63.2) Par.?

janmaveṣatapasāṃ virodhinīṃ mā kṛthāḥ punar amūm apakriyām / (64.1) Par.?

āpad ety ubhayalokadūṣaṇī vartamānam apathe hi durmatim // (64.2) Par.?

yaṣṭum icchasi pitṝn na sāmprataṃ saṃvṛto 'rcicayiṣur divaukasaḥ / (65.1) Par.?

dātum eva padavīm api kṣamaḥ kiṃ mṛge 'ṅga viśikhaṃ nyavīviśaḥ // (65.2) Par.?

sajjano 'si vijahīhi cāpalaṃ sarvadā ka iva vā sahiṣyate / (66.1) Par.?

vāridhīn iva yugāntavāyavaḥ kṣobhayanty anibhṛtā gurūn api // (66.2) Par.?

astravedavid ayaṃ mahīpatiḥ parvatīya iti māvajīgaṇaḥ / (67.1) Par.?

gopituṃ bhuvam imāṃ marutvatā śailavāsam anunīya lambhitaḥ // (67.2) Par.?

tat titikṣitam idaṃ mayā muner ity avocata vacaś camūpatiḥ / (68.1) Par.?

bāṇam atrabhavate nijaṃ diśann āpnuhi tvam api sarvasampadaḥ // (68.2) Par.?

ātmanīnam upatiṣṭhate guṇāḥ sambhavanti viramanti cāpadaḥ / (69.1) Par.?

ity anekaphalabhāji mā sma bhūd arthitā katham ivāryasaṃgame // (69.2) Par.?

dṛśyatām ayam anokahāntare tigmahetipṛtanābhir anvitaḥ / (70.1) Par.?

sāhivīcir iva sindhur uddhato bhūpatiḥ samayasetuvāritaḥ // (70.2) Par.?

sajyaṃ dhanur vahati yo 'hipatisthavīyaḥ stheyāñ jayan harituraṅgamaketulakṣmīm / (71.1) Par.?

asyānukūlaya matiṃ matimann anena sakhyā sukhaṃ samabhiyāsyasi cintitāni // (71.2) Par.?

Duration=0.25420904159546 secs.