Texts

sūta uvāca / (1.1) Par.?

vastrapūtena toyena kāryaṃ caivopalepanam / (1.2) Par.?

śivakṣetre muniśreṣṭhā nānyathā siddhiriṣyate // (1.3) Par.?

āpaḥ pūtā bhavantyetā vastrapūtāḥ samuddhṛtāḥ / (2.1) Par.?

aphenā muniśārdūlā nādeyāś ca viśeṣataḥ // (2.2) Par.?

tasmādvai sarvakāryāṇi daivikāni dvijottamāḥ / (3.1) Par.?

adbhiḥ kāryāṇi pūtābhiḥ sarvakāryaprasiddhaye // (3.2) Par.?

jantubhir miśritā hyāpaḥ sūkṣmābhistānnihatya tu / (4.1) Par.?

yatpāpaṃ sakalaṃ cādbhir apūtābhiś ciraṃ labhet // (4.2) Par.?

saṃmārjane tathā nṝṇāṃ mārjane ca viśeṣataḥ / (5.1) Par.?

agnau kaṇḍanake caiva peṣaṇe toyasaṃgrahe // (5.2) Par.?

hiṃsā sadā gṛhasthānāṃ tasmāddhiṃsāṃ vivarjayet / (6.1) Par.?

ahiṃseyaṃ paro dharmaḥ sarveṣāṃ prāṇināṃ dvijāḥ // (6.2) Par.?

tasmātsarvaprayatnena vastrapūtaṃ samācaret / (7.1) Par.?

taddānamabhayaṃ puṇyaṃ sarvadānottamottamam // (7.2) Par.?

tasmāttu parihartavyā hiṃsā sarvatra sarvadā / (8.1) Par.?

manasā karmaṇā vācā sarvadāhiṃsakaṃ naram // (8.2) Par.?

rakṣanti jantavaḥ sarve hiṃsakaṃ bādhayanti ca / (9.1) Par.?

trailokyamakhilaṃ dattvā yatphalaṃ vedapārage // (9.2) Par.?

tatphalaṃ koṭiguṇitaṃ labhate 'hiṃsako naraḥ / (10.1) Par.?

manasā karmaṇā vācā sarvabhūtahite ratāḥ // (10.2) Par.?

dayādarśitapanthāno rudralokaṃ vrajanti ca / (11.1) Par.?

svāmivatparirakṣanti bahūni vividhāni ca // (11.2) Par.?

ye putrapautravatsnehādrudralokaṃ vrajanti te / (12.1) Par.?

tasmātsarvaprayatnena vastrapūtena vāriṇā // (12.2) Par.?

kāryamabhyukṣaṇaṃ nityaṃ snapanaṃ ca viśeṣataḥ / (13.1) Par.?

trailokyamakhilaṃ hatvā yatphalaṃ parikīrtyate // (13.2) Par.?

śivālaye nihatyaikamapi tatsakalaṃ labhet / (14.1) Par.?

śivārthaṃ sarvadā kāryā puṣpahiṃsā dvijottamāḥ // (14.2) Par.?

yajñārthaṃ paśuhiṃsā ca kṣatriyairduṣṭaśāsanam / (15.1) Par.?

vihitāvihitaṃ nāsti yogināṃ brahmavādinām // (15.2) Par.?

yatastasmānna hantavyā niṣiddhānāṃ niṣevaṇāt / (16.1) Par.?

sarvakarmāṇi vinyasya saṃnyastā brahmavādinaḥ // (16.2) Par.?

na hantavyāḥ sadā pūjyāḥ pāpakarmaratā api / (17.1) Par.?

pavitrāstu striyaḥ sarvā atreś ca kulasaṃbhavāḥ // (17.2) Par.?

brahmahatyāsamaṃ pāpamātreyīṃ vinihatya ca / (18.1) Par.?

striyaḥ sarvā na hantavyāḥ pāpakarmaratā api // (18.2) Par.?

na yajñārthaṃ striyo grāhyāḥ sarvaiḥ sarvatra sarvadā / (19.1) Par.?

sarvavarṇeṣu viprendrāḥ pāpakarmaratā api // (19.2) Par.?

malinā rūpavatyaś ca virūpā malināṃbarāḥ / (20.1) Par.?

na hantavyāḥ sadā martyaiḥ śivavacchaṅkayā tathā // (20.2) Par.?

vedabāhyavratācārāḥ śrautasmārtabahiṣkṛtāḥ / (21.1) Par.?

pāṣaṇḍina iti khyātā na saṃbhāṣyā dvijātibhiḥ // (21.2) Par.?

na spṛṣṭavyā na draṣṭavyā dṛṣṭvā bhānuṃ samīkṣate / (22.1) Par.?

tathāpi tena vadhyāś ca nṛpairanyaiś ca jantubhiḥ // (22.2) Par.?

prasaṃgādvāpi yo martyaḥ satāṃ sakṛdaho dvijāḥ / (23.1) Par.?

rudralokamavāpnoti samabhyarcya maheśvaram // (23.2) Par.?

bhavanti duḥkhitāḥ sarve nirdayā munisattamāḥ / (24.1) Par.?

bhaktihīnā narāḥ sarve bhave paramakāraṇe // (24.2) Par.?

ye bhaktā devadevasya śivasya parameṣṭhinaḥ / (25.1) Par.?

bhāgyavanto vimucyante bhuktvā bhogānihaiva te // (25.2) Par.?

putreṣu dāreṣu gṛheṣu nṝṇāṃ bhaktaṃ yathā cittamathādideve / (26.1) Par.?

sakṛtprasaṃgādyatitāpasānāṃ teṣāṃ na dūraḥ parameśalokaḥ // (26.2) Par.?

iti śrīliṅgamahāpurāṇe pūrvabhāge bhaktimahimavarṇanaṃ nāmāṣṭasaptatitamo 'dhyāyaḥ // (27.1) Par.?