Texts

Help

Select a text:
Bibliography
Select a chapter:
 (no revisions)
Associated topic(s): ahīna

Show parallels  Show headlines
Use dependency labeler
Chapter id: 12059
  • Click on a sentence to show its analysis
  • Keep the mouse pointer over a lemma to show its meanings.
athāto 'hīnasya yuktiś ca vimuktiś ca // (1) Par.?
vy antarikṣam atirad ity ahīnaṃ yuṅkta eved indram iti vimuñcati // (2) Par.?
āhaṃ sarasvatīvator nūnaṃ sā ta ity ahīnaṃ yuṅkte // (3) Par.?
te syāma deva varuṇa nū ṣṭuta iti vimuñcati // (4) Par.?
eṣa ha vā ahīnaṃ tantum arhati ya enaṃ yoktuṃ ca vimoktuṃ ca veda // (5) Par.?
tad yac caturviṃśe 'han yujyante sā yuktir atha yat purastād udayanīyasyātirātrasya vimucyante sa vimuktiḥ // (6) Par.?
tad yac caturviṃśe 'hann aikāhikābhiḥ paridadhyur atrāhaiva yajñaṃ saṃsthāpayeyur nāhīnakarma kuryur atha yad ahīnaparidhānīyābhiḥ paridadhyur yathā śrānto 'vimucyamāna utkṛtyetaivaṃ yajamānā utkṛtyerann ubhayībhiḥ paridadhyuḥ // (7) Par.?
tad yathā dīrghādhva upavimokaṃ yāyāt tādṛk tat // (8) Par.?
saṃtato haiṣāṃ yajño bhavatīṃ vy ū muñcante // (9) Par.?
ekāṃ dve na dvayoḥ savanayoḥ stomam atiśaṃset // (10) Par.?
dīrghāraṇyāni ha vai bhavanti yatra bahvībhiḥ stomo 'tiśasyate // (11) Par.?
aparimitābhiḥ tṛtīyasavane 'parimito vai svargo lokaḥ svargasya lokasyāptyai // (12) Par.?
saṃtato hāsyābhyārabdho 'visrasto 'hīno bhavati ya evaṃ vidvān ahīnaṃ tanute // (13) Par.?
Duration=0.049462080001831 secs.