Texts

Help

Select a text:
Bibliography
Select a chapter:
 (no revisions)
Associated topic(s): Kṛṣṇa kills Naraka

Show parallels  Show headlines
Use dependency labeler
Chapter id: 17454
  • Click on a sentence to show its analysis
  • Keep the mouse pointer over a lemma to show its meanings.
janamejaya uvāca / (1.1) Par.?
pratyetya dvārakāṃ viṣṇur hate rukmiṇi vīryavān / (1.2) Par.?
akarod yan mahābāhus tan me vada mahāmune // (1.3) Par.?
vaiśaṃpāyana uvāca / (2.1) Par.?
sa tair vṛtaḥ purīṃ gatvā sarvayādavanandanaḥ / (2.2) Par.?
dvārakāṃ bhagavān viṣṇuḥ pratyavaikṣata vīryavān // (2.3) Par.?
pratyapadyata ratnāni vividhāni vasūni ca / (3.1) Par.?
yathārhaṃ puṇḍarīkākṣo nairṛtān pratyapādayat // (3.2) Par.?
tatra vighnaṃ caranti sma daiteyāḥ saha dānavaiḥ / (4.1) Par.?
tāñ jaghāna mahābāhur varadattān mahāsurān // (4.2) Par.?
vighnaṃ tatrākarot tasya narako nāma dānavaḥ / (5.1) Par.?
trāsanaḥ surasaṃghānāṃ devarājaripur mahān // (5.2) Par.?
sa babhau mūrtiliṅgasthaḥ sarvadaivatabādhitā / (6.1) Par.?
ṛṣīṇāṃ mānuṣāṇāṃ ca pratīpam akarot tadā // (6.2) Par.?
tvaṣṭur duhitaraṃ bhaumaḥ kaśerum agamat tadā / (7.1) Par.?
gajarūpeṇa jagrāha rucirāṅgīṃ caturdaśīm // (7.2) Par.?
pramathya ca varārohāṃ narako vākyam abravīt / (8.1) Par.?
naṣṭaśokabhayo mohāt prāgjyotiṣapatis tadā // (8.2) Par.?
yāni devamanuṣyeṣu ratnāni vividhāni ca / (9.1) Par.?
bibharti ca mahī kṛtsnā sāgareṣu ca yad vasu // (9.2) Par.?
adya prabhṛti tānīha sahitāḥ sarvanairṛtāḥ / (10.1) Par.?
mamaivopahariṣyanti daityāś ca saha dānavaiḥ // (10.2) Par.?
evam uttamaratnāni vastrāṇi vividhāni ca / (11.1) Par.?
saṃjahāra tadā bhaumas tac ca nādhicacāra saḥ // (11.2) Par.?
gandharvāṇāṃ ca yāḥ kanyā jahāra narako balī / (12.1) Par.?
yāś ca devamanuṣyāṇāṃ sapta cāpsarasāṃ gaṇāḥ // (12.2) Par.?
caturdaśa sahasrāṇi ekaviṃśacchatāni ca / (13.1) Par.?
ekaveṇīdharāḥ sarvāḥ satāṃ mārgam anuvratāḥ // (13.2) Par.?
tāsāṃ puravaraṃ bhaumo 'kārayan maṇiparvatam / (14.1) Par.?
alakāyām adīnātmā murasya viṣayaṃ prati // (14.2) Par.?
tāś ca prāgjyotiṣapatir muroś caiva daśātmajāḥ / (15.1) Par.?
nairṛtāś ca yathāmukhyāḥ pālayanta upāsate // (15.2) Par.?
sa eṣa tamasaḥ pāre varadatto mahāsuraḥ / (16.1) Par.?
aditiṃ dharṣayāmāsa kuṇḍalārthe mahāsuraḥ // (16.2) Par.?
na cāsuragaṇaiḥ sarvaiḥ sahitaiḥ karma tat purā / (17.1) Par.?
kṛtapūrvaṃ tadā ghoraṃ yad akārṣīn mahāsuraḥ // (17.2) Par.?
yaṃ mahī suṣuve devī yasya prāgjyotiṣaṃ puram / (18.1) Par.?
tasyāntapālāś catvāras tasyāsan yuddhadurmadāḥ // (18.2) Par.?
hayagrīvo nisundaś ca vīraḥ pañcajanas tathā / (19.1) Par.?
muruḥ putrasahasraiś ca varadatto mahāsuraḥ // (19.2) Par.?
ādevayānam āvṛtya panthānaṃ samavasthitaḥ / (20.1) Par.?
vitrāsanaḥ sukṛtināṃ virūpai rākṣasaiḥ saha // (20.2) Par.?
tadvadhārthaṃ mahābāhuḥ śaṅkhacakragadāsibhṛt / (21.1) Par.?
jāto vṛṣṇiṣu devakyāṃ vasudevāj janārdanaḥ // (21.2) Par.?
tasyātha puruṣendrasya loke prathitatejasaḥ / (22.1) Par.?
nivāso dvārakā devair upāyād upapāditā // (22.2) Par.?
atīva hi purī ramyā dvārakā vāsavakṣayāt / (23.1) Par.?
mahārṇavaparikṣiptā pañcaparvataśobhitā // (23.2) Par.?
tasyāṃ devapurābhāyāṃ sabhā kāñcanatoraṇā / (24.1) Par.?
sudāśārhīti vikhyātā yojanāyutavistṛtā // (24.2) Par.?
tatra vṛṣṇyandhakāḥ sarve rāmakṛṣṇapurogamāḥ / (25.1) Par.?
lokayātrām imāṃ kṛtsnāṃ parirakṣanta āsate // (25.2) Par.?
tatrāsīneṣu sarveṣu kadācid bharatarṣabha / (26.1) Par.?
divyagandho vavau vāyuḥ puṣpavarṣaṃ papāta ha // (26.2) Par.?
tataḥ kilakilāśabdaḥ prabhājālābhisaṃvṛtaḥ / (27.1) Par.?
muhūrtam antarikṣe 'bhūt tato bhūmau pratiṣṭhitaḥ // (27.2) Par.?
madhye tu tejasas tasya pāṇḍuraṃ gajam āsthitaḥ / (28.1) Par.?
vṛto devagaṇaiḥ sarvair vāsavaḥ pratyadṛśyata // (28.2) Par.?
rāmakṛṣṇau ca rājā ca vṛṣṇyandhakagaṇaiḥ saha / (29.1) Par.?
pratyudyayur mahātmānaṃ pūjayantaḥ sureśvaram // (29.2) Par.?
so 'vatīrya gajāt tūrṇaṃ pariṣvajya janārdanam / (30.1) Par.?
sasvaje baladevaṃ ca taṃ ca rājānam āhukam / (30.2) Par.?
vṛṣṇīn anyān sasvaje ca yathāsthānaṃ yathāvayaḥ // (30.3) Par.?
pūjito rāmakṛṣṇābhyām āviveśa sabhāṃ śubhām / (31.1) Par.?
tatrāsanam alaṃkṛtya sabhām tāṃ sa sureśvaraḥ / (31.2) Par.?
arghyādisamudācāraṃ pratyagṛhṇād yathāvidhi // (31.3) Par.?
athovāca mahātejā vāsavo vāsavānujaṃ / (32.1) Par.?
sāntvapūrvaṃ kareṇāsya saṃspṛśan vadanaṃ śubham // (32.2) Par.?
devakīnandana vacaḥ śṛṇu me madhusūdana / (33.1) Par.?
yena tvābhigato 'smy adya kāryeṇāmitrakarśana // (33.2) Par.?
nairṛto narako nāma brahmaṇo varadarpitaḥ / (34.1) Par.?
adityāḥ kuṇḍale mohāj jahāra ditinandanaḥ // (34.2) Par.?
devānāṃ vipriye nityam ṛṣīṇāṃ ca sa vartate / (35.1) Par.?
tava caivāntaraprekṣī jahi taṃ pāpapūruṣam // (35.2) Par.?
ayaṃ tvāṃ garuḍas tatra prāpayiṣyati kāmagaḥ / (36.1) Par.?
kāmavīryo 'titejasvī vainateyo 'ntarikṣagaḥ // (36.2) Par.?
avadhyaḥ sarvabhūtānāṃ bhaumaḥ sa narako 'suraḥ / (37.1) Par.?
niṣūdayitvā taṃ pāpaṃ kṣipram āgantum arhasi // (37.2) Par.?
ity uktaḥ puṇḍarīkākṣo devarājena keśavaḥ / (38.1) Par.?
pratijajñe mahābāhur narakasya nibarhaṇam // (38.2) Par.?
tataḥ sahaiva śakreṇa śaṅkhacakragadāsibhṛt / (39.1) Par.?
pratasthe garuḍenātha satyabhāmāsahāyavān // (39.2) Par.?
krameṇa sapta skandhān sa marutāṃ sahavāsavaḥ / (40.1) Par.?
paśyatāṃ yadusiṃhānām ūrdhvam ācakrame balī // (40.2) Par.?
vāraṇendragataḥ śakro garuḍastho janārdanaḥ / (41.1) Par.?
vidūrasthau prakāśete sūryācandramasāv iva // (41.2) Par.?
athāntarikṣe gandharvair apsarobhiś ca mādhavaḥ / (42.1) Par.?
stūyamāno yathā śakraḥ krameṇāntaradhīyata // (42.2) Par.?
samādhāyetikartavyaṃ vāsavo vibudhādhipaḥ / (43.1) Par.?
svam eva bhavanaṃ prāyāt kṛṣṇaḥ prāgjyotiṣaṃ yayau // (43.2) Par.?
so 'gryān rakṣogaṇān hatvā narakasya mahābalān / (44.1) Par.?
kṣurāntān mauravān pāśān ṣaṭsahasrān dadarśa ha // (44.2) Par.?
saṃchidya pāśān sarvāṃs tān muraṃ hatvā sahānvayam / (45.1) Par.?
śilāsaṃghān atikramya nisundam avapothayat / (45.2) Par.?
yaḥ sahasrasamās tv ekaḥ sarvān devān apothayat // (45.3) Par.?
yathā devāsuraṃ yuddham abhavad bharatarṣabha / (46.1) Par.?
nānāpraharaṇākīrṇaṃ tathā ghoram avartata // (46.2) Par.?
tataḥ śārṅgavinirmuktair nānāvarṇair mahāśaraiḥ / (47.1) Par.?
garuḍastho mahābāhur nijaghāna mahāsurān // (47.2) Par.?
mahālāṅgalanirbhinnāḥ śarakhaḍganipātitāḥ / (48.1) Par.?
vineśur dānavās tatra samāsādya janārdanam // (48.2) Par.?
kecic cakrāgninirdagdhā dānavāḥ petur ambarāt / (49.1) Par.?
saṃnikarṣagatāḥ kecid gatāsuvikṛtānanāḥ // (49.2) Par.?
taṃ jaghāna mahāghoraṃ hayagrīvaṃ mahāsuram / (50.1) Par.?
apāratejā durdharṣaḥ sarvayādavanandanaḥ // (50.2) Par.?
madhye lohitagaṅgasya bhagavān devakīsutaḥ / (51.1) Par.?
alakāyāṃ virūpākṣaṃ pāpmānaṃ puruṣottamaḥ // (51.2) Par.?
aṣṭau śatasahasrāṇi dānavānāṃ paraṃtapaḥ / (52.1) Par.?
nihatya puruṣavyāghraḥ prāgjyotiṣam upādravat / (52.2) Par.?
taṃ ca pañcajanaṃ ghoraṃ narakasya mahāsuram // (52.3) Par.?
tataḥ prāgjyotiṣaṃ nāma dīpyamānam iva śriyā / (53.1) Par.?
puram āsādayāmāsa tatra yuddham abhūn mahat // (53.2) Par.?
tatrāsīn narakeṇāsya yuddhaṃ paramadāruṇam / (54.1) Par.?
yat samāsena vakṣyāmi tan me nigadataḥ śṛṇu // (54.2) Par.?
trāsanaḥ surasaṃghānāṃ narakaḥ puruṣottamam / (55.1) Par.?
yodhayāmāsa tejasvī madhuvanmadhusūdanam // (55.2) Par.?
muhūrtaṃ yodhayāmāsa narakaṃ madhusūdanaḥ / (56.1) Par.?
athogracakraś cakreṇa pradīptenākarod dvidhā // (56.2) Par.?
cakradvidhākṛtaṃ tasya śarīram apatad bhuvi / (57.1) Par.?
vibhaktaṃ krakaceneva gireḥ śṛṅgaṃ dvidhākṛtam // (57.2) Par.?
bhūmis tu patitaṃ putraṃ nirīkṣyādāya kuṇḍale / (58.1) Par.?
upātiṣṭhata govindaṃ vacanaṃ cedam abravīt // (58.2) Par.?
dattas tvayaiva govinda tvayaiva vinipātitaḥ / (59.1) Par.?
ime te kuṇḍale deva prajās tasyānupālaya // (59.2) Par.?
Duration=0.58984994888306 secs.