UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4588
- Click on a sentence to show its analysis
- Keep the mouse pointer over a lemma to show its meanings.
sa tu jitvā daśagrīvo yamaṃ tridaśapuṃgavam / (1.1)
Par.?
rāvaṇastu jayaślāghī svasahāyān dadarśa ha // (1.2)
Par.?
jayena vardhayitvā ca mārīcapramukhāstataḥ / (2.1)
Par.?
puṣpakaṃ bhejire sarve sāntvitā rāvaṇena ha // (2.2)
Par.?
tato rasātalaṃ hṛṣṭaḥ praviṣṭaḥ payaso nidhim / (3.1)
Par.?
daityoragagaṇādhyuṣṭaṃ varuṇena surakṣitam // (3.2)
Par.?
sa tu bhogavatīṃ gatvā purīṃ vāsukipālitām / (4.1)
Par.?
sthāpya nāgān vaśe kṛtvā yayau maṇimatīṃ purīm // (4.2)
Par.?
nivātakavacāstatra daityā labdhavarā vasan / (5.1)
Par.?
rākṣasastān samāsādya yuddhena samupāhvayat // (5.2)
Par.?
te tu sarve suvikrāntā daiteyā balaśālinaḥ / (6.1)
Par.?
nānāpraharaṇāstatra prayuddhā yuddhadurmadāḥ // (6.2)
Par.?
teṣāṃ tu yudhyamānānāṃ sāgraḥ saṃvatsaro gataḥ / (7.1)
Par.?
na cānyatarayostatra vijayo vā kṣayo 'pi vā // (7.2)
Par.?
tataḥ pitāmahastatra trailokyagatir avyayaḥ / (8.1)
Par.?
ājagāma drutaṃ devo vimānavaram āsthitaḥ // (8.2)
Par.?
nivātakavacānāṃ tu nivārya raṇakarma tat / (9.1)
Par.?
vṛddhaḥ pitāmaho vākyam uvāca viditārthavat // (9.2)
Par.?
na hyayaṃ rāvaṇo yuddhe śakyo jetuṃ surāsuraiḥ / (10.1)
Par.?
na bhavantaḥ kṣayaṃ netuṃ śakyāḥ sendraiḥ surāsuraiḥ // (10.2)
Par.?
rākṣasasya sakhitvaṃ vai bhavadbhiḥ saha rocate / (11.1)
Par.?
avibhaktā hi sarvārthāḥ suhṛdāṃ nātra saṃśayaḥ // (11.2)
Par.?
tato 'gnisākṣikaṃ sakhyaṃ kṛtavāṃstatra rāvaṇaḥ / (12.1)
Par.?
nivātakavacaiḥ sārdhaṃ prītimān abhavat tadā // (12.2)
Par.?
arcitastair yathānyāyaṃ saṃvatsarasukhoṣitaḥ / (13.1)
Par.?
svapurānnirviśeṣaṃ ca pūjāṃ prāpto daśānanaḥ // (13.2)
Par.?
sa tūpadhārya māyānāṃ śatam ekonam ātmavān / (14.1)
Par.?
salilendrapurānveṣī sa babhrāma rasātalam // (14.2)
Par.?
tato 'śmanagaraṃ nāma kālakeyābhirakṣitam / (15.1)
Par.?
taṃ vijitya muhūrtena jaghne daityāṃścatuḥśatam // (15.2)
Par.?
tataḥ pāṇḍurameghābhaṃ kailāsam iva saṃsthitam / (16.1)
Par.?
varuṇasyālayaṃ divyam apaśyad rākṣasādhipaḥ // (16.2)
Par.?
kṣarantīṃ ca payo nityaṃ surabhiṃ gām avasthitām / (17.1)
Par.?
yasyāḥ payoviniṣyandāt kṣīrodo nāma sāgaraḥ // (17.2) Par.?
yasmāccandraḥ prabhavati śītaraśmiḥ prajāhitaḥ / (18.1)
Par.?
yaṃ samāsādya jīvanti phenapāḥ paramarṣayaḥ / (18.2)
Par.?
amṛtaṃ yatra cotpannaṃ surā cāpi surāśinām // (18.3)
Par.?
yāṃ bruvanti narā loke surabhiṃ nāma nāmataḥ / (19.1)
Par.?
pradakṣiṇaṃ tu tāṃ kṛtvā rāvaṇaḥ paramādbhutām / (19.2)
Par.?
praviveśa mahāghoraṃ guptaṃ bahuvidhair balaiḥ // (19.3)
Par.?
tato dhārāśatākīrṇaṃ śāradābhranibhaṃ tadā / (20.1)
Par.?
nityaprahṛṣṭaṃ dadṛśe varuṇasya gṛhottamam // (20.2)
Par.?
tato hatvā balādhyakṣān samare taiśca tāḍitaḥ / (21.1)
Par.?
abravīt kva gato yo vo rājā śīghraṃ nivedyatām // (21.2)
Par.?
yuddhārthī rāvaṇaḥ prāptastasya yuddhaṃ pradīyatām / (22.1)
Par.?
vada vā na bhayaṃ te 'sti nirjito 'smīti sāñjaliḥ // (22.2)
Par.?
etasminn antare kruddhā varuṇasya mahātmanaḥ / (23.1)
Par.?
putrāḥ pautrāśca niṣkrāman gauśca puṣkara eva ca // (23.2)
Par.?
te tu vīryaguṇopetā balaiḥ parivṛtāḥ svakaiḥ / (24.1)
Par.?
yuktvā rathān kāmagamān udyadbhāskaravarcasaḥ // (24.2)
Par.?
tato yuddhaṃ samabhavad dāruṇaṃ lomaharṣaṇam / (25.1)
Par.?
salilendrasya putrāṇāṃ rāvaṇasya ca rakṣasaḥ // (25.2)
Par.?
amātyaistu mahāvīryair daśagrīvasya rakṣasaḥ / (26.1)
Par.?
vāruṇaṃ tad balaṃ kṛtsnaṃ kṣaṇena vinipātitam // (26.2)
Par.?
samīkṣya svabalaṃ saṃkhye varuṇasya sutāstadā / (27.1)
Par.?
arditāḥ śarajālena nivṛttā raṇakarmaṇaḥ // (27.2)
Par.?
mahītalagatāste tu rāvaṇaṃ dṛśya puṣpake / (28.1)
Par.?
ākāśam āśu viviśuḥ syandanaiḥ śīghragāmibhiḥ // (28.2)
Par.?
mahad āsīt tatasteṣāṃ tulyaṃ sthānam avāpya tat / (29.1)
Par.?
ākāśayuddhaṃ tumulaṃ devadānavayor iva // (29.2)
Par.?
tataste rāvaṇaṃ yuddhe śaraiḥ pāvakasaṃnibhaiḥ / (30.1)
Par.?
vimukhīkṛtya saṃhṛṣṭā vinedur vividhān ravān // (30.2)
Par.?
tato mahodaraḥ kruddho rājānaṃ dṛśya dharṣitam / (31.1)
Par.?
tyaktvā mṛtyubhayaṃ vīro yuddhakāṅkṣī vyalokayat // (31.2)
Par.?
tena teṣāṃ hayā ye ca kāmagāḥ pavanopamāḥ / (32.1)
Par.?
mahodareṇa gadayā hatāste prayayuḥ kṣitim // (32.2)
Par.?
teṣāṃ varuṇasūnūnāṃ hatvā yodhān hayāṃśca tān / (33.1)
Par.?
mumocāśu mahānādaṃ virathān prekṣya tān sthitān // (33.2)
Par.?
te tu teṣāṃ rathāḥ sāśvāḥ saha sārathibhir varaiḥ / (34.1)
Par.?
mahodareṇa nihatāḥ patitāḥ pṛthivītale // (34.2)
Par.?
te tu tyaktvā rathān putrā varuṇasya mahātmanaḥ / (35.1)
Par.?
ākāśe viṣṭhitāḥ śūrāḥ svaprabhāvānna vivyathuḥ // (35.2)
Par.?
dhanūṃṣi kṛtvā sajyāni vinirbhidya mahodaram / (36.1)
Par.?
rāvaṇaṃ samare kruddhāḥ sahitāḥ samabhidravan // (36.2)
Par.?
tataḥ kruddho daśagrīvaḥ kālāgnir iva viṣṭhitaḥ / (37.1)
Par.?
śaravarṣaṃ mahāvegaṃ teṣāṃ marmasvapātayat // (37.2)
Par.?
musalāni vicitrāṇi tato bhallaśatāni ca / (38.1)
Par.?
paṭṭasāṃścaiva śaktīśca śataghnīstomarāṃstathā / (38.2)
Par.?
pātayāmāsa durdharṣasteṣām upari viṣṭhitaḥ // (38.3)
Par.?
atha viddhāstu te vīrā viniṣpetuḥ padātayaḥ // (39.1)
Par.?
tato rakṣo mahānādaṃ muktvā hanti sma vāruṇān / (40.1)
Par.?
nānāpraharaṇair ghorair dhārāpātair ivāmbudaḥ // (40.2)
Par.?
tataste vimukhāḥ sarve patitā dharaṇītale / (41.1)
Par.?
raṇāt svapuruṣaiḥ śīghraṃ gṛhāṇyeva praveśitāḥ // (41.2)
Par.?
tān abravīt tato rakṣo varuṇāya nivedyatām / (42.1)
Par.?
rāvaṇaṃ cābravīnmantrī prabhāso nāma vāruṇaḥ // (42.2)
Par.?
gataḥ khalu mahātejā brahmalokaṃ jaleśvaraḥ / (43.1)
Par.?
gāndharvaṃ varuṇaḥ śrotuṃ yaṃ tvam āhvayase yudhi // (43.2)
Par.?
tat kiṃ tava vṛthā vīra pariśrāmya gate nṛpe / (44.1)
Par.?
ye tu saṃnihitā vīrāḥ kumārāste parājitāḥ // (44.2)
Par.?
rākṣasendrastu tacchrutvā nāma viśrāvya cātmanaḥ / (45.1)
Par.?
harṣānnādaṃ vimuñcan vai niṣkrānto varuṇālayāt // (45.2)
Par.?
āgatastu pathā yena tenaiva vinivṛtya saḥ / (46.1)
Par.?
laṅkām abhimukho rakṣo nabhastalagato yayau // (46.2)
Par.?
Duration=0.19910407066345 secs.