Texts

Help

Select a text:
Bibliography

Select a chapter:
(no revisions)

Associated topic(s): Pṛthu and the Earth, Vena

Show parallels Show headlines
Use dependency labeler

Chapter id: 16132

Click on a sentence to show its analysis
Keep the mouse pointer over a lemma to show its meanings.

vaiśampāyana uvāca / (1.1) Par.?

āsīd dharmasya saṃgoptā pūrvam atrisamaḥ prabhuḥ / (1.2) Par.?

atrivaṃśasamutpannas tv aṅgo nāma prajāpatiḥ // (1.3) Par.?

tasya putro 'bhavad veno nātyarthaṃ dhārmiko 'bhavat / (2.1) Par.?

jāto mṛtyusutāyāṃ vai sunīthāyāṃ prajāpatiḥ // (2.2) Par.?

sa mātāmahadoṣeṇa venaḥ kālātmajātmajaḥ / (3.1) Par.?

svadharmaṃ pṛṣṭhataḥ kṛtvā kāmāl lokeṣv avartata // (3.2) Par.?

maryādāṃ sthāpayāmāsa dharmāpetāṃ sa pārthivaḥ / (4.1) Par.?

vedadharmān atikramya so 'dharmanirato 'bhavat // (4.2) Par.?

niḥsvādhyāyavaṣaṭkārāḥ prajās tasmin prajāpatau / (5.1) Par.?

prāvartan na papuḥ somaṃ hutaṃ yajñeṣu devatāḥ // (5.2) Par.?

na yaṣṭavyaṃ na hotavyam iti tasya prajāpateḥ / (6.1) Par.?

āsīt pratijñā krūreyaṃ vināśe pratyupasthite // (6.2) Par.?

aham ījyaś ca yaṣṭā ca yajñaś ceti kurūdvaha / (7.1) Par.?

mayi yajño vidhātavyo mayi hotavyam ity api // (7.2) Par.?

tam atikrāntamaryādam ādadānam asāṃpratam / (8.1) Par.?

ūcur maharṣayaḥ sarve marīcipramukhās tadā // (8.2) Par.?

vayaṃ dīkṣāṃ pravekṣyāmaḥ saṃvatsaragaṇān bahūn / (9.1) Par.?

adharmaṃ kuru mā vena naiṣa dharmaḥ satāṃ mataḥ // (9.2) Par.?

nidhane hi prasūtas tvaṃ prajāpatir asaṃśayam / (10.1) Par.?

prajāś ca pālayiṣye 'ham iti te samayaḥ kṛtaḥ // (10.2) Par.?

tāṃs tathā bruvataḥ sarvān maharṣīn abravīt tadā / (11.1) Par.?

venaḥ prahasya durbuddhir imam artham anarthavat // (11.2) Par.?

sraṣṭā dharmasya kaścānyaḥ śrotavyaṃ kasya vā mayā / (12.1) Par.?

saṃmūḍhā na vidur nūnaṃ bhavanto māṃ viśeṣataḥ // (12.2) Par.?

icchan daheyaṃ pṛthivīṃ plāvayeyaṃ tathā jalaiḥ / (13.1) Par.?

dyāṃ vai bhuvaṃ ca rundheyaṃ nātra kāryā vicāraṇā // (13.2) Par.?

yadā na śakyate mānād avalepāc ca pārthivaḥ / (14.1) Par.?

anunetuṃ tadā venaṃ tataḥ kruddhā maharṣayaḥ // (14.2) Par.?

nigṛhya taṃ mahātmāno visphurantaṃ mahābalam / (15.1) Par.?

tato 'sya savyam ūruṃ te mamanthur jātamanyavaḥ // (15.2) Par.?

tasmiṃs tu mathyamāne vai rājña ūrau prajajñivān / (16.1) Par.?

hrasvo 'timātraḥ puruṣaḥ kṛṣṇaś cāpi babhūva ha // (16.2) Par.?

sa bhītaḥ prāñjalir bhūtvā sthitavāñ janamejaya / (17.1) Par.?

tam atrir vihvalaṃ dṛṣṭvā niṣīdety abravīt tadā // (17.2) Par.?

niṣādavaṃśakartā sa babhūva vadatāṃ vara / (18.1) Par.?

dhīvarān asṛjac cāpi venakalmaṣasaṃbhavān // (18.2) Par.?

ye cānye vindhyanilayās tumurās tumburās tathā / (19.1) Par.?

adharmarucayas tāta viddhi tān venakalmaṣān // (19.2) Par.?

tataḥ punar mahātmānaḥ pāṇiṃ venasya dakṣiṇam / (20.1) Par.?

araṇīm iva saṃrabdhā mamanthus te maharṣayaḥ // (20.2) Par.?

pṛthus tasmāt samuttasthau karāj jvalanasaṃnibhaḥ / (21.1) Par.?

dīpyamānaḥ svavapuṣā sākṣād agnir iva jvalan // (21.2) Par.?

ādyam ājagavaṃ nāma dhanur gṛhya mahāravam / (22.1) Par.?

śarāṃś ca divyān rakṣārthaṃ kavacaṃ ca mahāprabham // (22.2) Par.?

tasmiñ jāte 'tha bhūtāni samprahṛṣṭāni sarvaśaḥ / (23.1) Par.?

samāpetur mahārāja venaś ca tridivaṃ yayau // (23.2) Par.?

samutpannena kauravya satputreṇa mahātmanā / (24.1) Par.?

trātaḥ sa puruṣavyāghra punnāmno narakāt tadā // (24.2) Par.?

taṃ samudrāś ca nadyaś ca ratnāny ādāya sarvaśaḥ / (25.1) Par.?

toyāni cābhiṣekārthaṃ sarva evopatasthire // (25.2) Par.?

pitāmahaś ca bhagavān devair āṅgirasaiḥ saha / (26.1) Par.?

sthāvarāṇi ca bhūtāni jaṃgamāni ca sarvaśaḥ // (26.2) Par.?

samāgamya tadā vainyam abhyaṣiñcan narādhipam / (27.1) Par.?

mahatā rājarājyena prajāpālaṃ mahādyutim // (27.2) Par.?

so 'bhiṣikto mahātejā vidhivad dharmakovidaiḥ / (28.1) Par.?

ādhirājye tadā rājā pṛthur vainyaḥ pratāpavān // (28.2) Par.?

pitrāparañjitās tasya prajās tenānurañjitāḥ / (29.1) Par.?

anurāgāt tatas tasya nāma rājety ajāyata // (29.2) Par.?

āpas tastambhire tasya samudram abhiyāsyataḥ / (30.1) Par.?

parvatāś ca dadur mārgaṃ dhvajasaṅgaś ca nābhavat // (30.2) Par.?

akṛṣṭapacyā pṛthivī sidhyanty annāni cintayā / (31.1) Par.?

sarvakāmadughā gāvaḥ puṭake puṭake madhu // (31.2) Par.?

etasminn eva kāle tu yajñe paitāmahe śubhe / (32.1) Par.?

sūtaḥ sūtyāṃ samutpannaḥ sautye 'hani mahāmatiḥ // (32.2) Par.?

tasminn eva mahāyajñe jajñe prājño 'tha māgadhaḥ / (33.1) Par.?

pṛthoḥ stavārthaṃ tau tatra samāhūtau maharṣibhiḥ // (33.2) Par.?

tāv ūcur ṛṣayaḥ sarve stūyatām eṣa pārthivaḥ / (34.1) Par.?

karmaitad anurūpaṃ vāṃ pātraṃ cāyaṃ narādhipaḥ // (34.2) Par.?

tāv ūcatus tadā sarvāṃs tān ṛṣīn sūtamāgadhau / (35.1) Par.?

āvāṃ devān ṛṣīṃś caiva prīṇayāvaḥ svakarmabhiḥ // (35.2) Par.?

na cāsya vidvo vai karma na tathā lakṣaṇaṃ yaśaḥ / (36.1) Par.?

stotraṃ yenāsya kuryāva rājñas tejasvino dvijāḥ // (36.2) Par.?

ṛṣibhis tau niyuktau tu bhaviṣyaiḥ stūyatām iti / (37.1) Par.?

yāni karmāṇi kṛtavān pṛthuḥ paścān mahābalaḥ // (37.2) Par.?

tadāprabhṛti trailokye staveṣu janamejaya / (38.1) Par.?

āśīrvādāḥ prayujyante sūtamāgadhabandibhiḥ // (38.2) Par.?

tayoḥ stavānte suprītaḥ pṛthuḥ prādāt prajeśvaraḥ / (39.1) Par.?

anūpadeśaṃ sūtāya magadhaṃ māgadhāya ca // (39.2) Par.?

taṃ dṛṣṭvā paramaprītāḥ prajāḥ prāhur maharṣayaḥ / (40.1) Par.?

vṛttīnām eṣa vo dātā bhaviṣyati janeśvaraḥ // (40.2) Par.?

tato vainyaṃ mahārāja prajāḥ samabhidudruvuḥ / (41.1) Par.?

tvaṃ no vṛttiṃ vidhatsveti maharṣivacanāt tadā // (41.2) Par.?

so 'bhidrutaḥ prajābhis tu prajāhitacikīrṣayā / (42.1) Par.?

dhanur gṛhya pṛṣatkāṃś ca pṛthivīm ārdayad balī // (42.2) Par.?

tato vainyabhayatrastā gaur bhūtvā prādravan mahī / (43.1) Par.?

tāṃ pṛthur dhanur ādāya dravantīm anvadhāvata // (43.2) Par.?

sā lokān brahmalokādīn gatvā vainyabhayāt tadā / (44.1) Par.?

pradadarśāgrato vainyaṃ pragṛhītaśarāsanam // (44.2) Par.?

jvaladbhir niśitair bāṇair dīptatejasam acyutam / (45.1) Par.?

mahāyogaṃ mahātmānaṃ durdharṣam amarair api // (45.2) Par.?

alabhantī tu sā trāṇaṃ vainyam evānvapadyata / (46.1) Par.?

kṛtāñjalipuṭā bhūtvā pūjyā lokais tribhiḥ sadā // (46.2) Par.?

uvāca vainyaṃ nādharmaṃ strīvadhe paripaśyasi / (47.1) Par.?

kathaṃ dhārayitā cāsi prajā rājan vinā mayā // (47.2) Par.?

mayi lokāḥ sthitā rājan mayedaṃ dhāryate jagat / (48.1) Par.?

matkṛte na vinaśyeyuḥ prajāḥ pārthiva viddhi tat // (48.2) Par.?

na mām arhasi hantuṃ vai śreyaś cet tvaṃ cikīrṣasi / (49.1) Par.?

prajānāṃ pṛthivīpāla śṛṇu cedaṃ vaco mama // (49.2) Par.?

upāyataḥ samārabdhāḥ sarve sidhyanty upakramāḥ / (50.1) Par.?

upāyaṃ paśya yena tvaṃ dhārayethāḥ prajā nṛpa // (50.2) Par.?

hatvāpi māṃ na śaktas tvaṃ prajānāṃ poṣaṇe nṛpa / (51.1) Par.?

annabhūtā bhaviṣyāmi yaccha kopaṃ mahādyute // (51.2) Par.?

avadhyāś ca striyaḥ prāhus tiryagyonigateṣv api / (52.1) Par.?

sattveṣu pṛthivīpāla na dharmaṃ tyaktum arhasi // (52.2) Par.?

evaṃ bahuvidhaṃ vākyaṃ śrutvā rājā mahāmanāḥ / (53.1) Par.?

kopaṃ nigṛhya dharmātmā vasudhām idam abravīt // (53.2) Par.?

Duration=0.1894679069519 secs.