Texts

athānyat sampravakṣyāmi jalastambhanam uttamam / (1.1) Par.?

kumbhīravelvadaṃṣṭrāni rudhiraṃ māṃsam eva ca // (1.2) Par.?

hṛdayaṃ kacchapasyaiva śiśumāraṃ punaḥ punaḥ / (2.1) Par.?

vibhītakasya tailena sarvān ekatra kārayet // (2.2) Par.?

nyāsakarma tataḥ kṛtvā jale tiṣṭhed yathāsukham / (3.1) Par.?

madrakasya rasaṃ grāhyaṃ lakṣaṇasya makarasya ca // (3.2) Par.?

ḍuṇḍubhasya śiro grāhyaṃ sarvān ekatra kārayet / (4.1) Par.?

vibhītakasya taile tu pacyamāne ca dāpayet // (4.2) Par.?

nyāsakarma prakurvīta saptāhaṃ tiṣṭhate jale / (5.1) Par.?

tat tailaṃ pācayet lauhe kṛṣṇāṣṭamyāṃ samāhitaḥ // (5.2) Par.?

caturmāsoṣito bhūtvā devam abhyarcya śaṃkaram / (6.1) Par.?

abhimantrya ca mantreṇa mṛttikāsnānadakṣiṇam // (6.2) Par.?

aṣṭādhikasahasraṃ tu japitvā homam ācaret / (7.1) Par.?

anena mantrayitvā tu tataḥ sidhyati nānyathā // (7.2) Par.?

uoṃ namo bhagavate uḍḍāmareśvarāya jalaṃ stambhaya stambhaya huṃ phaṭ svāhā / (8.1) Par.?

vakṣye 'tha lūtākaraṇaṃ taṃ śṛṇuṣva samāsataḥ / (8.2) Par.?

bhallātakarasaṃ guñjā viṣaṃ citrakam eva ca // (8.3) Par.?

kapikacchaparomāṇi cūrṇaṃ kṛtvā pradāpayet / (9.1) Par.?

etatsarvasamāyukto lūtākaraṇam uttamam // (9.2) Par.?

tasya rūpaṃ pravakṣyāmi jāyate yas tu lakṣaṇaiḥ / (10.1) Par.?

aṅgāni dhūmam āyānti mūrchayanti muhur muhuḥ // (10.2) Par.?

etad rūpaṃ bhavet tasya lūtāvikṛtalakṣaṇam / (11.1) Par.?

cikitsāṃ tasya vakṣyāmi yena sampadyate sukham // (11.2) Par.?

uśīraṃ candanaṃ caiva priyaṅgutagaraṃ tathā / (12.1) Par.?

raktacandanakuṣṭhaṃ ca lepo lūtāvināśanaḥ // (12.2) Par.?

uoṃ namo bhagavate uḍḍāmareśvarāya kuhalīkurvanī svāhā / (13.1) Par.?

mantrābhimantritaṃ kṛtvā tataḥ svastho bhaviṣyati / (13.2) Par.?

kṛṣṇasarpaśiro grāhyaṃ mukhe niḥkṣipya sarṣapān // (13.3) Par.?

bhallātakena saṃyuktaṃ kṛṣṇasūtreṇa veṣṭayet / (14.1) Par.?

valmīkasya mṛdaḥ kośe antardhūmena pācayet // (14.2) Par.?

kapikacchaparomāṇi saṃyuktaṃ ṣoḍaśāṃśakaiḥ / (15.1) Par.?

viṣasya cūrṇaṃ kṛtvā tu śatrūṇāṃ mūrdhni niḥkṣipet // (15.2) Par.?

śaradgrīṣmavasanteṣu lūtākaraṇam uttamam / (16.1) Par.?

prasvinne ca tato gātre lagnās tasmiṃs tu sarṣapāḥ // (16.2) Par.?

lūtāṃ ca saviṣāṃ kuryān nātra kāryā vicāraṇā / (17.1) Par.?

vedanājātamātreṇa mantrajāpaṃ tu pūrvavat // (17.2) Par.?

pūrvo vidhānena svastho bhavati pūrvavat / (18.1) Par.?

atha śasyavināśaṃ ca kathayāmi samāsataḥ // (18.2) Par.?

yenaiva kṛtamātreṇa vajraṃ kṛtvā vicakṣaṇaḥ / (19.1) Par.?

kṣetre sampātayed yasmiṃs tasmiñ śasyavināśanam // (19.2) Par.?

māhendreṇa kṣipet tatra prayogeṇa tu mantravit / (20.1) Par.?

atha mantraṃ punar vakṣye prayogeṣu prayojakam // (20.2) Par.?

aṣṭottaraśatenaiva mantreṇānena mantrayet / (21.1) Par.?

uoṃ namo bhagavate uḍḍāmareśvarāya vajraṃ vināśaya vajraṃ surapatir ājñāpaya huṃ phaṭ svāhā / (21.2) Par.?

imaṃ yogaṃ prayuñjāno vidhipūrveṇa karmaṇā / (21.3) Par.?

parṇānāṃ caiva yogena kṣipet parṇaṃ vinaśyati // (21.4) Par.?

punar uccāṭanaṃ vakṣye śṛṇu putra yathātathā / (22.1) Par.?

yenaiva kṛtamātreṇa grāmasyoccāṭanaṃ bhavet // (22.2) Par.?

grāme caturṇāṃ ca pathāṃ mṛdam ādāya buddhimān / (23.1) Par.?

gomayenākṛtiṃ kṛtvā grāmasya ca caturdiśaḥ // (23.2) Par.?

citākāṣṭhānalaṃ kṛtvā kokilākākapakṣakaiḥ / (24.1) Par.?

hutvā cāhutisāhasraṃ tato bhasma samāharet // (24.2) Par.?

abhedena samutsārya kṛtvā muṣṭiṃ sabhasmakam / (25.1) Par.?

śatavārābhijaptena anenaiva tu mantritaḥ // (25.2) Par.?

uoṃ namo bhagavate mahākālarudrāya tripuravināśanakāraṇāya daha daha dhama dhama paca paca matha matha mohaya mohaya unmādaya unmādaya ucchedaya ucchedaya śrīmahārudra ājñāpayati śabdakarī mohinī bhagavatī kheṃ kheṃ huṃ phaṭ svāhā / (26.1) Par.?

grāme vā nagare vāpi bhasmaprakṣepaṇena ca / (26.2) Par.?

ucchedanaṃ bhavaty eva ripūṇāṃ nātra saṃśayaḥ // (26.3) Par.?

dūrīkṛtaṃ punar bhasma nagare vasate punaḥ / (27.1) Par.?

kulvīkāraṃ pravakṣyāmi śṛṇu yogaṃ samāsataḥ // (27.2) Par.?

yena yojitamātreṇa punaḥ kulvo bhaviṣyati / (28.1) Par.?

pādapāṃśusamāyuktair antarā ghṛtagomayaiḥ // (28.2) Par.?

vṛṣabhasya punaḥ śatroḥ kṛtvā caivākṛtiṃ budhaḥ / (29.1) Par.?

ekaviṃśativāraṃ hi mantreṇānena mantritām // (29.2) Par.?

chedayet tīvraśastreṇa tataḥ kulvo bhaviṣyati / (30.1) Par.?

uoṃ namo bhagavate uḍḍāmareśvarāya kāmaprabhañjanāya amukaṃ cchaḥ cchaḥ svāhā / (30.2) Par.?

prasthitānāṃ ca karaṇe mantreṇānena mantravit // (30.3) Par.?

kṛtvā madhu ghṛtāktaṃ ca sthāne hy atra prayojayet / (31.1) Par.?

snātvā ca gavyadugdhena tataḥ svastho bhaviṣyati // (31.2) Par.?

atha unmattīkaraṇam / (32.1) Par.?

mūlaṃ kanakabījasya ghṛtacūrṇaṃ samantataḥ / (32.2) Par.?

gṛhacaṭakasya viṣṭhā ca tathā karañjabījakam // (32.3) Par.?

etad unmattakaraṃ cūrṇaṃ bhakṣaṇāt tatkaraṃ vrajet / (33.1) Par.?

ekaviṃśativāraṃ ca mantreṇānena mantritam // (33.2) Par.?

khāne pāne pradātavyam unmattaḥ syān na saṃśayaḥ / (34.1) Par.?

uoṃ namo bhagavate uḍḍāmareśvarāya amukam unmādaya unmādaya cchaḥ cchaḥ svāhā / (34.2) Par.?

ajakṣīreṇa śoṇitena pibet tu śatapuṣpikām // (34.3) Par.?

ghṛtena saha vā pītvā tataḥ sampadyate sukham / (35.1) Par.?

ity unmattīkaraṇam / (35.2) Par.?

ekaviṃśativāraṃ hi mantritaṃ lavaṇaṃ kharam // (35.3) Par.?

karavīrakakāṣṭhāgnau mantrair dhūmena pācayet / (36.1) Par.?

lavaṇaṃ taṃ tu saṃgṛhya cūrṇaṃ kṛtvā vicakṣaṇaḥ // (36.2) Par.?

khāne pāne pradātavyaṃ mantreṇānena mantritam / (37.1) Par.?

mantritaṃ śatavāraṃ ca śatror vā yasya kasyacit // (37.2) Par.?

bhakṣaṇāc ca bhaved andho nātra kāryā vicāraṇā / (38.1) Par.?

uoṃ nama uḍḍāmareśvarāya śarīram andhaṃ kuru ṭhaḥ ṭhaḥ svāhā / (38.2) Par.?

athānyat sampravakṣyāmi kuṣṭhīkaraṇam uttamam // (38.3) Par.?

yena sampītamātreṇa kuṣṭhī bhavati mānavaḥ / (39.1) Par.?

bhallātakarasaṃ guñjā tathā maṇḍalakārikā // (39.2) Par.?

gṛhagodhāsamāyuktā bhakṣe pāne pradāpayet / (40.1) Par.?

saptāhāj jāyate kuṣṭhaṃ tatpītaṃ ca samedhitam // (40.2) Par.?

etasya śamanaṃ kuryād yathā rudreṇa bhāṣitam / (41.1) Par.?

dhātrīkhadiranimbāni śarkarāsahitāni ca // (41.2) Par.?

vicūrṇya madhusarpirbhyāṃ jīrṇāni dāpayed bhiṣak / (42.1) Par.?

śālibhaktaṃ paṭolaṃ ca ghṛtayuktaṃ tu pāyasam // (42.2) Par.?

soṣṇaṃ vā mudgacūrṇaṃ tu śāliyuktam athāpi vā / (43.1) Par.?

etena dattamātreṇa naraḥ sampadyate sukham // (43.2) Par.?

jalajīvaṃ tu saṃgṛhya śoṣayed ātape naraḥ / (44.1) Par.?

tasya saṃdāpayed dhīmān yasya icchet tu jīvitam // (44.2) Par.?

aṅgadāhena tīvreṇa dhamet taṃ naṣṭacetasam / (45.1) Par.?

yadīcchej jīvitaṃ tasya aṅgaṃ prakṣālayed dhruvam // (45.2) Par.?

padamūlasya cūrṇaṃ tu kṣālayet kāñjikena tu / (46.1) Par.?

tailenodvartayel liṅgaṃ kṣālayet śītavāriṇā // (46.2) Par.?

anena kriyamāṇena naraḥ sampadyate sukham / (47.1) Par.?

athānyat sampravakṣyāmi vaśyādikaraṇaṃ param // (47.2) Par.?

yena vijñānamātreṇa loko bhavati kiṃkaraḥ / (48.1) Par.?

purāṇikasya hṛdayaṃ tathā kuṣṭhena bhāvitam // (48.2) Par.?

śivanirmālyaṃ saṃcūrṇaṃ yasya mūrdhni vinikṣipet / (49.1) Par.?

niyataṃ kiṃkaro bhūtvā yāvajjīvaṃ sa tiṣṭhati // (49.2) Par.?

saptavāraṃ mantrayitvā mantreṇānena mantravit / (50.1) Par.?

uoṃ namo bhagavate uḍḍāmareśvarāya svādhikāraṃ sādhaya sādhaya svāhā / (50.2) Par.?

candanaṃ tagaraṃ kuṣṭhaṃ priyaṅgunāgakesaram // (50.3) Par.?

kṛṣṇadhattūrapañcāṅgaṃ samabhāgaṃ tu kārayet / (51.1) Par.?

chāyāyāṃ vaṭikā kāryā pradeyā khānapānataḥ // (51.2) Par.?

puruṣaṃ cātha vā narīṃ yāvajjīvaṃ vaśaṃ nayet / (52.1) Par.?

saptāhaṃ mantritaṃ kṛtvā mantreṇānena mantravit // (52.2) Par.?

uoṃ namo bhagavate mohamāline ṭhaḥ ṭhaḥ svāhā / (53.1) Par.?

śaṅkhapuṣpī hy adhaḥpuṣpī tathā saṃkocapuṣpikā / (53.2) Par.?

śvetā ca girikarṇī ca samaṃ saptāhabhāvitāḥ // (53.3) Par.?

svaśukreṇa samāyuktā khāne pāne pradāpayet / (54.1) Par.?

taṃ vaśīkaraṇaṃ proktaṃ yāvajjīvaṃ na saṃśayaḥ // (54.2) Par.?

vajraṃ vāthābhayā lodhraṃ mañjiṣṭhā hiṅgupattrikā / (55.1) Par.?

divyaṃ vacā viśālākṣā kambugrīvā suśobhanā // (55.2) Par.?

kumārītvacāṅgalepena saptahastapramāṇataḥ / (56.1) Par.?

dadāti daśamīnā ca mantraḥ kaścit pragṛhyate // (56.2) Par.?

viṣasuptapatitvena nātra kāryā vicāraṇā / (57.1) Par.?

jalamadhye sahā cauraṃ kurute vartiko mama // (57.2) Par.?

dadhi madhu navanītaṃ pippalī śṛṅgaveraṃ maricam api tu dadyāt saptamaṃ saindhavena / (58.1) Par.?

yadi bhavati saroṣaṃ takṣakeṇāpi daṣṭaṃ gadam iha khalu pītvā nirviṣaṃ tatkṣaṇaṃ syāt // (58.2) Par.?

kuṣṭhāmṛtā cātiviṣā haridrāyā vilepanam / (59.1) Par.?

garuḍoktaṃ viṣaharam auṣadhaṃ prāṇijīvanam // (59.2) Par.?

ulūkasya jambukasya gṛdhrasya mahiṣasya ca / (60.1) Par.?

biḍālasya varāhasya kākabhekasya ca tvacaḥ // (60.2) Par.?

mūṣakasya tu netraṃ ca sūkṣmacūrṇāni kārayet / (61.1) Par.?

anenāñjitanetro hi rātrau paśyed yathā divā // (61.2) Par.?

eteṣāṃ yogamantro 'yaṃ manuhīno na sidhyati / (62.1) Par.?

uoṃ namo bhagavate rudrāya śivāya jyotiṣāṃ pataye dehi jyotīṃṣi mativīryakaraṇāya svāhā / (62.2) Par.?

ekarātroṣito bhūtvā kṛṣṇāṣṭamyāṃ samāhitaḥ // (62.3) Par.?

liṅgasampūjanaṃ kṛtvā jalaṃ caivābhimantrayet / (63.1) Par.?

dakṣiṇasyāṃ diśi sthitvā śatam aṣṭottaraṃ japet // (63.2) Par.?

tataḥ sidhyanti mantrāṇi cāñjanāni samantataḥ / (64.1) Par.?

uoṃ namo bhagavate uḍḍāmareśvarāya añjanamantrasiddhiṃ dehi me svāhā ityañjanādhikāraḥ / (64.2) Par.?

atha piśācīkaraṇam / (64.3) Par.?

kanakasya ca bījāni priyaṅgu guggulas tathā // (64.4) Par.?

ātmānaṃ dhūpayitvā tu yojayed rājasaṃsadi / (65.1) Par.?

yogam imaṃ samāghrāti sa vaśyo jāyate bhṛśam // (65.2) Par.?

kanakasya tu bījāni śvetārkacandrakesaram / (66.1) Par.?

kuṣṭhaṃ ca devadāruṃ ca sarvam ekīkṛtaṃ tathā // (66.2) Par.?

piṣṭvā tena liptagātro yogaśaktyā baliṣṭhayā / (67.1) Par.?

yatra yatra praviṣṭas tu tatra tatra jayī bhavet // (67.2) Par.?